Qatar

[Jassim.mohad]

السلام عليكم ورحمة الله وبركاته

اليوم بتكلم عن موضوع الوطنية ... انا جاسم مواليد قطر بس ماعندي جواز) ... كنا قاعدين في مجلس ... كان مجلس واحد قطري ... وكنا نتكلم عن حب قطر ... انا إنسان والله شاهد علي ( حبي وولائي ووفائي لقطر ) ... عاد كنت انا اعبر عن حبي لقطر ... فجأة نقز فلان بن فلان يقولي ؛ انت شدخلك في قطر ... طبعاً انا إنسان هادي بطبعي ... مب من النوع العصبي

بس انا بتكلم بصراحه [ قطر موطني الأول والأخير ... مب محتاج جواز عشان يثبت حبي لقطر ... انا تربيت وشربت وكلت وتعلمت على هالارض ... ومحد يشكك حبي لقطر


كيف لا احب بلداً ولدت فيه مسلمًا ، وعشت به موحداً !

[مخطط قطري]

ونعم فيك اخوي جاسم بس هل تشوف اي موضوع يتم مناقشته في بيت ولا مجلس نجي ونصدره في منتدى عام ! اختزالك للوطنيه نابع من احساس فطري ونقدر ولاءك لقطر بس لاتنسى اللي مافيه خير لموطنه الاصلي ماراح يكون فيه خير في بلد يقيم فيه ودمت بود

[Abdulla Al.F]

ونعم فيك اخوي جاسم بس هل تشوف اي موضوع يتم مناقشته في بيت ولا مجلس نجي ونصدره في منتدى عام ! اختزالك للوطنيه نابع من احساس فطري ونقدر ولاءك لقطر بس لاتنسى اللي مافيه خير لموطنه الاصلي ماراح يكون فيه خير في بلد يقيم فيه ودمت بود

:nice::nice:

[المليونير الفقير]

كلنا مسلمين وكل بقاع الارض موطننا

[الكواري 1972]

ونعم فيك اخوي جاسم بس هل تشوف اي موضوع يتم مناقشته في بيت ولا مجلس نجي ونصدره في منتدى عام ! اختزالك للوطنيه نابع من احساس فطري ونقدر ولاءك لقطر بس لاتنسى اللي مافيه خير لموطنه الاصلي ماراح يكون فيه خير في بلد يقيم فيه ودمت بود


ردك عجيب

ولكن راجع حساباتك

[عصير بو نص]

يقول لك هو مواليد وعايش كل عمره هني تبي يكون حبه وولاءه لبلد كل اللي يربطه فيه جواز السفر
ومب لازم كل من قال احب قطر قلتو له ايش تبي منها والا لازم تحبها لانك عايش عيشه ماتحصلها في بلادك احسنو الظن في مشاعر الاخرين
واتمنى اغلاق الموضوع لانه راح يكون له اتجاهات ثانيه

[بـن عدوان]

يقول لك هو مواليد وعايش كل عمره هني تبي يكون حبه وولاءه لبلد كل اللي يربطه فيه جواز السفر
ومب لازم كل من قال احب قطر قلتو له ايش تبي منها والا لازم تحبها لانك عايش عيشه ماتحصلها في بلادك احسنو الظن في مشاعر الاخرين
واتمنى اغلاق الموضوع لانه راح يكون له اتجاهات ثانيه



:nice::nice::nice:

[وحيد-الشوق]

بتجيك ردود من البعض تحس ان الجواز او موضوع التجنيس بيده هو بس!!!

[الوليد1]

يقول لك هو مواليد وعايش كل عمره هني تبي يكون حبه وولاءه لبلد كل اللي يربطه فيه جواز السفر
ومب لازم كل من قال احب قطر قلتو له ايش تبي منها والا لازم تحبها لانك عايش عيشه ماتحصلها في بلادك احسنو الظن في مشاعر الاخرين
واتمنى اغلاق الموضوع لانه راح يكون له اتجاهات ثانيه

أحييك والله

[طير حوران]

نتشرف ياجاسم بك انت وكل من يشعر بشعورك الفطري النبيل من مواليد قطر تجاه هذا البلد المعطاء بأن تكونوا منا


فوالله لوكان الامر بيدي فاءنني لن أتأخر في منحكم الجنسيه القطريه ودون تردد مازال واسمائكم تحتوي خير الاسماء وهى ماحمد وعبد فأنت وبكل تأكيد أحسن ممن منحو الجنسيه وهم يحملون اسماء على أوزا ن بعيده عند الاسلام


كما ارجو أن لاتؤاخذ اخوك الذي خانه التعبير فقد لايكون قاصدا او مازحا او زلة لسان غير متعمده وياكثر ماتحصل بيننا

لك كل التحيه والتقدير

[Jassim.mohad]

بببللل بلل شفيكم .... ترى مب كل الناس تفكر مثلكم .... بالعكس موضوعي هاي نقاشي ماقصد فيه والا شي والله ... ياخي انت تفكر فيني جي هاي تفكيرك انت .... بس تتهمني ان انا مقصدي جي .... ان بعض الظن إثم


انا خير قطر معيشني احسن عيشه والحمدلله وألف من يتمنى يعيش مكاني مب محتاج جواز او اي شي ثاني ... الحمدالله عازتني ورازتني هالدوله اللي هي بالأساس دولتي الأم ... وشكراً ع اراكم المبدعة صراحه

[Jassim.mohad]

نتشرف ياجاسم بك انت وكل من يشعر بشعورك الفطري النبيل من مواليد قطر تجاه هذا البلد المعطاء بأن تكونوا منا


فوالله لوكان الامر بيدي فاءنني لن أتأخر في منحكم الجنسيه القطريه ودون تردد مازال واسمائكم تحتوي خير الاسماء وهى ماحمد وعبد فأنت وبكل تأكيد أحسن ممن منحو الجنسيه وهم يحملون اسماء على أوزا ن بعيده عند الاسلام


كما ارجو أن لاتؤاخذ اخوك الذي خانه التعبير فقد لايكون قاصدا او مازحا او زلة لسان غير متعمده وياكثر ماتحصل بيننا

لك كل التحيه والتقدير





ع راسي والله

[عضوو]

كل الديرة مقدرة المقيم فما بالك بالمواليد والدوله معطة مواليد قطر أهتمام خاص والدليل أولوية توظيفهم في الأماكن العسكريه كالحرس ولخويا والجيش وماعتقد أن فيه تمييز ضد
أي حد في قطر واذا كان فيه فأنه بيكون حالات فرديه نسبتها قليله ونصيحتي لك ركز على الجوانب الأيجابيه تجاهكم من قبل الناس والدوله ولاتكون حساس وفي أعتقادي لو الدوله
غير مهتمه ماسمحت بالكثير من مواليد قطر بالمشاركه في الدورات والمهمات الخارجيه
في أكثر من جهه في البلد

[Jassim.mohad]

كل الديرة مقدرة المقيم فما بالك بالمواليد والدوله معطة مواليد قطر أهتمام خاص والدليل أولوية توظيفهم في الأماكن العسكريه كالحرس ولخويا والجيش وماعتقد أن فيه تمييز ضد
أي حد في قطر واذا كان فيه فأنه بيكون حالات فرديه نسبتها قليله ونصيحتي لك ركز على الجوانب الأيجابيه تجاهكم من قبل الناس والدوله ولاتكون حساس وفي أعتقادي لو الدوله
غير مهتمه ماسمحت بالكثير من مواليد قطر بالمشاركه في الدورات والمهمات الخارجيه
في أكثر من جهه في البلد




اخوووووووي شفيييك الله يهديك وانا شقلت ترى ... شفيكم يا جماعة الخير تفهمون غلط ... تقرون بالمقلوب والا شسالفه ... انا والله شاهد علي ماقصد شي ... بس كل اللي اقصده ان مب بس اللي حامل جواز هالدوله يكن لها الحب والاحترام والتقدير ... الجواز مجرد ورق لا غير ... الحب فالقلوب ياشيخ هذا اللي اقصده ... فقط لا غير

[بن مشهور]

يارجال أترك عنك هالكلام
كل المسلمين أمه واحده
وكل الدول الإسلامية دولة واحدة
فكر بمستقبلك أفضل
إشغل وقتك بتجارة وعلم


بالنسبة لي وطني هو جيبي

[عضوو]

اخوووووووي شفيييك الله يهديك وانا شقلت ترى ... شفيكم يا جماعة الخير تفهمون غلط ... تقرون بالمقلوب والا شسالفه ... انا والله شاهد علي ماقصد شي ... بس كل اللي اقصده ان مب بس اللي حامل جواز هالدوله يكن لها الحب والاحترام والتقدير ... الجواز مجرد ورق لا غير ... الحب فالقلوب ياشيخ هذا اللي اقصده ... فقط لا غير

ياجاسم خف حساسيتك كلامي كله لصالحك ومافيه شي يضايق أنا قاعد

أبين لك مكانتكم عند الناس وعند الدوله وشتبي أفضل من الكلام *

[Qaatar]

ياخوي والنعم بكل واحد انولد بقطر وعأش فيها في. ناس اهلم صار لهم 50 سنه بقطر
ويمكن ماشافوا موطنهم الاصلي
ترى والله مهي بالجواز انما افعال تكون
ياما ناس عندهم الجواز ويسون مشاكل بالبلاد وملعوزين الي حولهم وقضايا عليهم
اقسم بالله اهم شيء الصحه والعافيه
والي قالك انت ايش دخلك قوله خير هالبلد الي دخلني ومولدي بهاي البلد الي دخلني
ومحد جنسيته ولا موطنه هو الي مختاره بيده وانما هي من رب العالمين كاتبه لهل الشخص

[khalid525]

يارجال أترك عنك هالكلام
كل المسلمين أمه واحده
وكل الدول الإسلامية دولة واحدة
فكر بمستقبلك أفضل
إشغل وقتك بتجارة وعلم


بالنسبة لي وطني هو جيبي

كم مساحة جيبك ؟ وكم عدد سكانه ؟ :)

[عقار]

مرحبا بك يا جاسم ،، ان شاء الله ان وطنيتك نابعه من قلبك ،، واللي قال لك اش دخلك هذا لا ترد عليه ، مجال تفكيره محدود جدا ، والظاهر انه في صوب والسنع بصوووب
واستغرب من بعض الردود كأن الجوازات يصرفها من جيبه هذا يستاهل وهذا ما يستاهل

[ولد شرق]

الله ييسرامورك جاسم

[hasss1969]

احساس طيب ونبيل...والحقيقة حب الوطن شيء فطري وليس له دخل بجواز او غيره...الله ييسر امرك وتنال الجنسية قريبا لانني سمعت انه مواليد قطر سيتم تجنيسهم..سمعت فقط من بعض الشباب يتناقلونه بينهم وليس من مصدر رسمي ...

[أم نواري1]

الله يجزاك خير
هذي الفطرة السليمة
وماعليك من بعض المعوقين فكريا
سواء اللي بالمجلس أو هنا بالمنتدى
الله يشفيهم ولا يبلانا

[MAZEN37]

الي يده بالنار مب مثل الي يده بالماي
الله يعطي كل شخص على قد نيته

[تهامي باشا]

والنعم فيك بس انت تاخذ الردود بحساسية عالية !

نقطة أود الإشارة إليها وهي مفهوم حب الوطن والولاء والانتماء إليه..
في ناس تعبر عن هذي المشاعر بواسطة الكلام من مدح وثناء وأشعار و إبراز للعواطف الجياشة، وفي ناس تعبر بواسطة الرقص والاستيكرات والاستعراض في المسيرات الوطنية، وكلاهما وسائل خاطئة في التعبير عن حب الوطن

الوسيلة المثلى للتعبير عن الولاء تكون بالتفاني والاجتهاد والاخلاص في العمل، احترام القوانين العامة (من مرور وبيئة ونظافة وضرائب وغير ذلك)، والتحلي بأخلاق عالية في معاملة الناس
وهذا الكلام موجه للقطريين والمقيمين ومواليد قطر على حد سواء ..
ودمتم ..

[الأصيلة]

مب انت اشدخلك ياجاسم...
إلا اشدخل ناس للأسف عندهم الجواز لكن الوطنية مالها طاري في قلوبهم...
حقد وحسد وكره ..والله يستر على قطر منهم..
والله يسامح من أعطاهم الجنسية بغير حق..!!!

[كازانوفا]

كم مساحة جيبك ؟ وكم عدد سكانه ؟ :)



مساحته كمساحة عقلك الفارغ وسكانه مثل خلاياه الميته فيه بسبب حقدك الدفين على اهل السنه
حسبي الله عليك وين ما كنت وايش ما كنت :)

[sweet qatar]

مب انت اشدخلك ياجاسم...
إلا اشدخل ناس للأسف عندهم الجواز لكن الوطنية مالها طاري في قلوبهم...
حقد وحسد وكره ..والله يستر على قطر منهم..
والله يسامح من أعطاهم الجنسية بغير حق..!!!

أبدعتي يالأصيلة :nice:




استغربت بعض الردود وقريت الموضوع اكثر من مرة قلت يمكن في شي فاتني



البعض عندهم حساسية في هالموضوع
الظاهر متعودين محد يمدح الا لمصلحة او هدف


الله يحفظك ويسعدك اخوي جاسم

ويديم على قطر الأمن والأمان

[blackjacket]

ونعم فيك اخوي جاسم بس هل تشوف اي موضوع يتم مناقشته في بيت ولا مجلس نجي ونصدره في منتدى عام ! اختزالك للوطنيه نابع من احساس فطري ونقدر ولاءك لقطر بس لاتنسى اللي مافيه خير لموطنه الاصلي ماراح يكون فيه خير في بلد يقيم فيه ودمت بود

لو شفتوه يشجع منتخب بلاده تقولون عايش في قطر و ياكل من خيرها و تعليم و صحى بالمجان واخرتها يشجع بلاده !صج مافيه خير..
واذا سوا نفس جاسم قلتو الي مافيه خير حق بلاده مافيه خير حق البلد المقيم فيه !!!!

اهنيك ياخوي جاسم وادري انه شعورك نفس شعور كثير من المقيمين سواء مواليد او غير و المواليد اكثر بحكم الولاده
وماتزعل من كلام البعض تراه مايمثل الا نفسه
وقطر احضانها مفتوحة للكل والكل سعيد بوجوده هنا

[سهم عتيج]

احب اقول لكاتب الموض ع ان الوطنية لاتقاس بجواز او انتماء لقبيلة او قبائل معينة في هذه الدولة او تلك ،، فلو كان الامر كذلك لكانت امريكا اليوم حالها افقر من بعض دول العالم الثالث لان سكانها الاصليون من الهنود الحمر الذين لايزالون يعيشون حياة بدائية ،، وفي نفس الوقت الشعب الياباني ضرب افضل الامثلة للشعب الاصلي الذي بنى نفسه بنفسه من الصفر واصبح في طليعة شعوب العالم اقتصاديا وثقافيا وصناعيا..

على العموم اسمح لي لاغلاق الموضوع حتى لايستغله ضعاف النفوس لاثبات وطنيتهم حسب قياساتهم القبلية والاثنية ..