أزمة البلد المزمنة ( هيئة أشغال )

[طلعة الروح]

مرحبا وعساكم على القوة

مشكلة كبيرة بالبلد اسمها (أشغال) لايوجد شارع من شوارع الدوحة لا يخلو من الحفريات بس الشوارع الرئيسية تهون لأن أشغال يخافون من الشكاوي والمنظر العام فيضطرون يخلصونها بأسرع وقت طبعا مع وجود الاخطاء في الانجاز، لكن اذا امسكوا شوارع الفريج تبتدي المصيبه فمثلا بتكلم عن فريجنا ما خلوا شارع بمنطقة الثمامة ما تم حفره وتدميره وتحويل المرور والمشكله اللي أكبر منها عدم انجاز المشاريع في مواعيدها ف مثلا يوعدونك بالانجاز بعد مدة 20 يوم أو شهر وبقدرة قادر تستمر الاعمال والتصكيرات اكثر من سنة بدون شغل واذا اتصلت عليهم على البدالة واشتكيت على 4495000 يقطون بلاويهم على البلدية والبلدية بدورها ترفض تسوي شي وتقولك مب شغلنا..كذا شكوى على اكثر من مشكلة رفعناها ولا حياة لمن تنادي

أتمنى أشوف شوارع نظيفة بالفرجان خصوصا ان الواحد يضطر يلف ويدور في متاهات قبل ما يوصل بيته:( .. أتمنى حد من مسؤولين اشغال يطلع فاهم شغله ويتحرك في تنظيم مشكلة الحفريات والاغلاقات ماتكون كلها في وقت واحد مع المصداقية في الانجاز وسرعة الانجاز قبل نهاية شهر رمضان ...

[شموخ دائم]

,

,


مرحبا


كلامك صحيح المشاريع تتاخر

الان حطوا لكم خبراء امريكان واوربيين لدراسه كل مشروع
ان شاء الله يتصلح الوضع للاحسن

شي طيب التوسع وعمل المشاريع والخدمات نشكر الدوله عليه

المشكله ان الخدمات تجي متاخره بعد البيوت ما تستوي والشوارع
وهنا تحصل المصيبه الحفريات والدوشه
ياريتها تكون قبل بناء البيوت

انا بس حبيت اصلح معلومه
بالنسبه للشوارع الحمدالله كلها نظيفه في الدوحه
هذا شي الكل ملاحظه حتى ضيوف قطر يتكلمون عن نظافه المدينه بشكل عام
والحمدالله


دمت بطيب


,

,


اخوك


شموخ دائم

[طلعة الروح]

,

,


مرحبا


كلامك صحيح المشاريع تتاخر

الان حطوا لكم خبراء امريكان واوربيين لدراسه كل مشروع
ان شاء الله يتصلح الوضع للاحسن

شي طيب التوسع وعمل المشاريع والخدمات نشكر الدوله عليه

المشكله ان الخدمات تجي متاخره بعد البيوت ما تستوي والشوارع
وهنا تحصل المصيبه الحفريات والدوشه
ياريتها تكون قبل بناء البيوت

انا بس حبيت اصلح معلومه
بالنسبه للشوارع الحمدالله كلها نظيفه في الدوحه
هذا شي الكل ملاحظه حتى ضيوف قطر يتكلمون عن نظافه المدينه بشكل عام
والحمدالله


دمت بطيب


,

,


اخوك


شموخ دائم

عزيزي شموخ دائم ، جنسيات القائمين على هالمشاريع ماتهم المواطنين ولا هي اللي بتقدم وتأخر يهمنا فقط تنفيذها وانجازها في الوقت الموعود، أنا كذا مرة مكلمة مهندسين اشغال منهم اجانب ومنهم قطريين وللاسف بس ....كله كلام....ولا أحد يعطيك اجابه دقيقه..بل بالعكس بعضهم يستغفلون المواطنين ووصلت درجة الاستغفال انه كلمني قطري ماعرف شنو وظيفته هناك وقالي : (أحنا ناطرين الاسفلت يوصل)

اكبر مشكلة هي غياب التنسيق بين جهات الدولة المختلفة نفس ماتفضلت لكن مانعذرهم على التحويلات اللي تتم في وقت واحد على كذا طريق..
بالنسبة للشوارع الخارجية طبعا مش كلها نظيفه ومش كلها انجازها كان مضبوط والا شتفسر لي البواليع اللي تنبني في نص الشارع وتركيبة الاسفلت الغلط ،لكن نقدر نقول شوارع الطرق المعروفه يفترض ان تكون نظيفة

تقدر تفسر لي النظافة والاهتمام في شوارع الصناعية الخارجية لأن شوارعها الداخليه معروف حالها للجميع لكن خل نتكلم عن الخارجية ومدى اهتمام المسؤولين بها؟

[طلعة الروح]

تحديث : تم التواصل مع عضوة المجلس البلدي السيدة/ شيخة الجفيري التابعه للمنطقة، ووعدت أنها ستقوم بالاجتماع قريبا مع أشغال لمناقشة الموضوع ووضع حلول جدية.

نتمنى أن يكون هناك اهتمام أكبر والتعاون من كل مسؤول في منصب يخص القضية المذكورة.

[قايد]

الا شرايكم في شوارع وجسور دبي

ترى الخير وايد بس قاعدين يلهطون الفلوس لهااط

[al-obaidly]

يا سلام شلون عيل يطلعون المصاري

[طلعة الروح]

مرحبا اخواني،،

تم التواصل مع مهندس المشروع الخاص بموضوعنا وهو واحد من ضمن مهندسين اخرين، ووعدنا خيرا انه سوف يتم فتح التحويلات ورصف الحفريات قريبا .. نتمنى فعلا سرعة الاستجابة ووفاء الوعود من قبل أشغال

وان شاء الله لنا عودة في حالة حصول تطور وتطبيق فعلي،

تقبلوا مروري

[kitmat]

والله الواحد ايش يقول ويتكلم عن اشغال حتى الشارع اللي خلص تمشي علية والامرة وحدة تلقى فيه خفقة وكأنك في ملاهي فوق وتحت والله عند مدرستنا تم رصف معظم الشوارع وفرحنا وفجأة بعد اسبوع بالضبط تم تحويل الشوارع الي دمار شامل عيل ليش رصفتو الشوارع مب حرام مب بفلوس الدولة وترجعون بعد اسبوع تكسرونها ليش وماإستمرت فرحتا سوى اسبوع ورجعنا نسوق بسياراتنا على الحصى وطبعا مكان الحفر يتم حصى بدون رصف يعني بالعربي الفصيح لايتم ارجاعة كم كان انزين شل حل سياراتنا تكسرت والله السيارات اليديدة وخصوصا الصالون ماتعيش اكثر من اربع سنوات

[ابوالحارث]

المعادلة هي :

أشغال + التخطيط العمراني = أهمال + التخبيط العمراني

[معماري قطري]

عزيزي شموخ دائم ، جنسيات القائمين على هالمشاريع ماتهم المواطنين ولا هي اللي بتقدم وتأخر يهمنا فقط تنفيذها وانجازها في الوقت الموعود، أنا كذا مرة مكلمة مهندسين اشغال منهم اجانب ومنهم قطريين وللاسف بس ....كله كلام....ولا أحد يعطيك اجابه دقيقه..بل بالعكس بعضهم يستغفلون المواطنين ووصلت درجة الاستغفال انه كلمني قطري ماعرف شنو وظيفته هناك وقالي : (أحنا ناطرين الاسفلت يوصل)

اكبر مشكلة هي غياب التنسيق بين جهات الدولة المختلفة نفس ماتفضلت لكن مانعذرهم على التحويلات اللي تتم في وقت واحد على كذا طريق..
بالنسبة للشوارع الخارجية طبعا مش كلها نظيفه ومش كلها انجازها كان مضبوط والا شتفسر لي البواليع اللي تنبني في نص الشارع وتركيبة الاسفلت الغلط ،لكن نقدر نقول شوارع الطرق المعروفه يفترض ان تكون نظيفة

تقدر تفسر لي النظافة والاهتمام في شوارع الصناعية الخارجية لأن شوارعها الداخليه معروف حالها للجميع لكن خل نتكلم عن الخارجية ومدى اهتمام المسؤولين بها؟


أشغال للحين عايشين في عصر التجربة والخطأ ومحاولة التعلم من الخطأ .. وكل شارع له تصميم غير وحماية وسلامة غير وتطلع فيه مشاكل غير .. ناس ما يشوفون جدام أبعد من 10 أمتار رؤيتهم ضبابية.

هذا موضوع لبعض مساوئ الطرق عندنا في قطر وفيه صور.

http://www.qatarshares.com/vb/showthread.php?t=511242&highlight=%E3%DA%E3%C7%D1%ED+%DE%D8%D1%ED

[معماري قطري]

للحفر فيه سيارات خاصة تصلح الحفرة في دقايق ,, ولإزالة طبقة الإسفلت المتهالكة شوفوا هذا التجهيز البسيط للغريدر.

الموقع يو تيوب يعني بدال النجوم يوتيوب دوت كوم


http://www.************/watch?v=Rv-WjT9ytmk

ومثال على إصلاح الحفر في دقيقة ونص.


http://www.************/watch?v=EhL1s7cKwAo

العالم يا اخوان يتطور دقيقة بدقيقة واحنا للحين نرجي من أشغال خير ويخلصون تجاربهم العقيمة.

[طلعة الروح]

والله الواحد ايش يقول ويتكلم عن اشغال حتى الشارع اللي خلص تمشي علية والامرة وحدة تلقى فيه خفقة وكأنك في ملاهي فوق وتحت والله عند مدرستنا تم رصف معظم الشوارع وفرحنا وفجأة بعد اسبوع بالضبط تم تحويل الشوارع الي دمار شامل عيل ليش رصفتو الشوارع مب حرام مب بفلوس الدولة وترجعون بعد اسبوع تكسرونها ليش وماإستمرت فرحتا سوى اسبوع ورجعنا نسوق بسياراتنا على الحصى وطبعا مكان الحفر يتم حصى بدون رصف يعني بالعربي الفصيح لايتم ارجاعة كم كان انزين شل حل سياراتنا تكسرت والله السيارات اليديدة وخصوصا الصالون ماتعيش اكثر من اربع سنوات


انا شايفة أن شوارعنا قبل 10 سنين أحسن من المصيبة اللي صايره الحين على الاقل من ناحية تركيبة الاسفلت ، اشغال تحفر وترجع ترصف ماقلنا شي، لكن نفس ماتفضلتي تركيبات غلط واكثر حد يحس فيها اللي سياراتهم نظام عجلات رياضيه وهاي شي لاحظناه بالمرور مره بسياره عادية ومره بسياره رياضية على منطقة تمت اعادة رصفها من قبل الهيئة والسبب شغل عشوائي وعدم انتظام التركيبة.

أتكلم هني عن موضوع صار وفعلا اتصلت ورفعت القضيه عند مركز اتصالاتهم وراحوا عدلوا على التركيبه تعديل لايذكر (أي كلام) وللاسف انه شارع رئيسي مثل شارع المطار وتمت اغلاق الشكوى من قبلهم واللي بيسلك الخط اليمين بعد مايعدي اشارات الباراشوت بيستوعب الخلل الحاصل ، مجرد مثال تمت ملاحظته

[طلعة الروح]

أشغال للحين عايشين في عصر التجربة والخطأ ومحاولة التعلم من الخطأ .. وكل شارع له تصميم غير وحماية وسلامة غير وتطلع فيه مشاكل غير .. ناس ما يشوفون جدام أبعد من 10 أمتار رؤيتهم ضبابية.

هذا موضوع لبعض مساوئ الطرق عندنا في قطر وفيه صور.

http://www.qatarshares.com/vb/showthread.php?t=511242&highlight=%e3%da%e3%c7%d1%ed+%de%d8%d1%ed



اطلعت على موضوعك اخوي سابقا وشد انتباهي حرصك على ملاحظة الاخطاء اللي ذكرتها في شوارعنا ومتأكدة انها ليست الا غيض من فيض لأن المشاريع كل مالها في تزايد.

ولكن تقدر نقول ( فذكر إنما الذكرى تنفع المؤمنين )

بالاضافة الى اهمية أن يرفع كل من يهمه أمر هذه البلد الطيبة قضايا ملموسة للتحرك واخذ اجراء على أرض الواقع.

[طلعة الروح]

المعادلة هي :

أشغال + التخطيط العمراني = أهمال + التخبيط العمراني

كلامك سليم وهذي هي الحقيقة

[طلعة الروح]

من تاريخ 22 -7 ولحد الحين مافي أي تغيير
غير انهم فتحوا اللفه بس وخلوا الحفريات على حالها
جاري التفاهم مع المسؤولين

[بطل الفريج]

الا شرايكم في شوارع وجسور دبي

ترى الخير وايد بس قاعدين يلهطون الفلوس لهااط

والله يا الطيب دار الحي عندهم مشاكل اكثر من اي دولة خليجية
خلك من ديرة منطقة قديمة والتطوير فيها صعب شوي بس روح شوي بعد ام سقيم التخطيط أحسن شوي يعني الزحمة موجودة في كل مكان . الجماعة يشتغلون بس حركة المرور حتي في البرشاء زحمة مرور وشارع الشيخ زايد مخنوق بس بعد ما تعدي جميرة
تخف الزحمة. نفس المشكلة الي كانت في التخطيط القديم ( 50%حركة المرور سببها الهنود ) . بخصوص القطار... صار للهنود والفلبن .

[معماري قطري]

الحكومة يوم أنشأت أشغال كان الغرض الأساسي إنها تسيطر على مواضيع الطرق والبنية التحتية كاملة .. وما يتعذرون بالبلدية وغيرها بس هم خبراء في خلق الأعذار ووضع العراقيل اللي تعطل المشروع مب ازالة هذي العراقيل.

نجي لما قاله الأخ شموخ من إن شوارعنا زينة بشهادة ناس كثيرين وهذا صح إذا بنقارن العام بالسنة، لكن من يضمن بعد كم يوم تصير مشكلة خط صرف صحي أو مياه تحت شارع ويتم اصلاح الشارع شهور... من يضمن صمود شوارعنا وأنفاقنا جدام أمطار قوية ليومين أو 3 ايام وهي معمولة بتصريف بدائي وتخزين للمياه أسفل الأنفاق... شفنا من أيام هبوط الأسفلت في تقاطع المول مكان الدوار اللي رقعوه بسرعه.

شفنا جسور جديدة فيها مطبات مثل الشمال والعسيري .. وشفنا تشققات وشفت انا تهالك حاجز حماية وتكسره بسرعة من حادث بسيط والسبب الصدأ اللي يغطي الحديد ويسوي فراغ بينه وبين الحديد ويخلي الخرسانة ما تتماسك من أقل دعمه تتنتف .. غير الحائط الساند للأنفاق بدأ يضعف وينزاح قليل في نفق العسيري وتسبب في شق طولي في الأسفلت.

معروف إن سطح قطر شبه منبسط وبدال ما يرفعون الشوارع شوي ويكون تصريف المياه جانبي لا الشارع نازل وتصريف المياه في حفر تحت الشارع .. نقطة أُخرى الخبراء اللي يجون من دولهم دولهم منظمه وفيها أنفاق للخدمات للتصليح وللإضافة بكل سهولة .. وعندنا كله دفان وتحت الطريق .. متى بيسون هذي الطريقة في قطر؟

[مشـــــاعر]

أشغال

كل شارع مقصوص ومحفور وفي هنديين ثنين يطقطقون فيه
والشارع الثاني في ثلاث هنود بس
والشارع الثالث في واحد متوهق في عمره شيحط وشيخلي

وهذي حالتهم والله لو يتم الشارع خمسين سنة مب مخلص

أفففففففففففف الله يصبرنا على هالأشغال اللي ملوعة جبدنا وحارمتنا من الطلعة بسبب هالزحمة وهالشوارع المكسررة

[قطــ86ــر]

عقليات "قديمة" تبني "المستقبل"


الله المستعان

[معماري قطري]

أشغال

كل شارع مقصوص ومحفور وفي هنديين ثنين يطقطقون فيه
والشارع الثاني في ثلاث هنود بس
والشارع الثالث في واحد متوهق في عمره شيحط وشيخلي

وهذي حالتهم والله لو يتم الشارع خمسين سنة مب مخلص

أفففففففففففف الله يصبرنا على هالأشغال اللي ملوعة جبدنا وحارمتنا من الطلعة بسبب هالزحمة وهالشوارع المكسررة

ايه والله ووين ننتظر المشروع يخلص

المشروع يتطلب عدد عمال ومهندسين متمرسين وفاهمين شغلهم وعدة اليات متخصصة في كل جزئية في الشغل وينتهي بخطوات 1 2 3 4 ما يبقى يتحرك من 0 لين .1 لين يوصل لين 1 يكون مر بكم مرحلة واستراحة .. وتكون فيه مشاكل وثغرات في العقد ويكون المقاول اللي موقع العقد وراه قوه تحميه وضامن حقه تأخر سنة ولا 10 سنين ... لازم بنشوف مشاريع أي كلام.

[طلعة الروح]

يا جماعة القضية متفرعه ومتشعبه وفيه فساد إداري كبير سهلة ملاحظته.

أول نقطة فاسدة وسبب لكل مشاكل شوارع الفرجان بالذات هي نقطة عدم التنسيق بين أشغال والجهات الثانية وهم بنفسهم اعترفوا وقالوا لايوجد تنسيق وهاي بحد ذاته يعطل صيانة أي شارع يخلصون اشغال ويتركون الشارع او يعيدون رصفه زين ليش ما تبلغون باقي الجهات بدال ما كل يوم واحد منهم مدرعم وحافر الشارع، اذا ماعندك جدول زمني وخطة عمل لا تشتغل من الاساس!!

أشغال حاطين لنا خط ساخن والموظف السوداني يرد على 44950000 وانت يامواطن اقعد وسع خاطرك بالشكاوي وعيد وزيد وهات يا وعود وبعدين ، شفايدة الخط الساخن مادام طاقم قسم صيانة الطرق كلهم طالعين إجازه ، قسم حيوي مثل هذا يأجزون هالطول ليش المفروض 3 أيام بالكثير وواجب المهندسين يكونون متواجدين في الميادين وعلى رؤوس المشاريع لكن اللي حاصل حتى في ويكندات الايام العادية مايداومون.

الشغلة الثانية : بعد ما غسلت يدي من مهندس اشغال ومماطلاته ، قمت ببث الشكوى لجرايدنا المحلية وجاءوا مشكورين وأخذوا الصور ووعدوا ان ينشر تحقيق بالموضوع لعل وعسى تندمل جراح شوارع المنطقة على يدهم، ننطر ونشوف.

[R 7 A L]

حتى الموظفين العاملين بها غير راضين

نتمنى ان تتحول إلى إدارة ويتم دمجها مع وزارة البلدية
بلا مخاسير بلا بطيخ

[طلعة الروح]

تم وضع الشكوى على جريدة الراية وتحقيق مع نائبة المجلس البلدي التي بدورها ابدت استيائها من بطء اشغال وممطالاتهم

على موقع الجريده من خلال الرابط :
http://www.raya.com/news/pages/4c8c6778-a2f4-4fdb-a207-11172bfdd7f1

اتمنى فعلا الانتهاء من هذه المشكلة المؤرقة للجميع والآن هناك بوادر للانجاز حيث تم ازالة ماتبقى من الاسفلت القديم من قبل الشركة المنفذة للمشروع في شارع الانطلاق استعدادا للرصف الجديد.
وبعد ما يخلصون رصف الشارع بيصكرون اللفه الامامية ويشتغلون فيها وممكن يطولون فيها لأن على كلام المهندس فيه مشاكل بالارض، لكن وعد بانجاز الشارع الخلفي بالأول كي يكون جاهز للاستخدام الآدمي.

وان شاء الله يخلصون ولا يتعطل المشروع لأن فعلا تعقدنا من اشغال وحركاتهم.