اهل المعرفه والرأي والمشورة يجووووون

[hamadqatar]

السلام عليكم ورحمه الله وبركاته


اخواني انا عندي مشكلة وابي اقتراحاتكم وحلولكم

واللي يعرف طريقة او معلومه ممكن تفيدني اتمنى ما يبخل علي


انا موظف راتبي 22000

وعندي قرض في احد البنوك بقيمة 1050000 مليون وخمسين الف ريال
القسط الشهري 9000 تقريبا لمدة 15 سنه

وعندي قرض في بنك ثاني 500000 خمسمائة الف ريال
والقسط 9700 لمدة 6 سنوات

وعندي قرض بنك التنمية قسطة تقريبا 3400 لمدة 33 سنة

غير ذالك سلفة سياره وزواج قسطها 2000 ريال

ابي طريقة تمكنني من جدولة الاقساط علمان بان القروض كلها اسلامية
والبنوك ايضا اسلامية
وواحد من البنوك انا ما اسدد حاليا لن عندي بيت والتزامات ثانيه ورافعين علي قضية


اتمنى اي حد يقدر يفيدني لا يبخل علي بالراي والمشوره
على العام او الخاص اهم شي ابي حل

مشكورين كلكم
ملاحظه ( انا مابي اي مساعدة مادية من اي احد انا ابي رأي ومشورة او حل )

[Aaziz]

كيف البنك عطاك هذي القيمه العاليه مع القروض وراتبك مايستحمل ، الي اعرفه ياخذون ٧٥٪ من الراتب كحد اقصى لقيمه القصد
الله يوسع عليك ،، بصراحه ما اقدر اساعد لقله معلوماتي
يمكن القاضي يقدر الوصع و يامر بسحب اقساط تتناسب مع راتبك ولكن في هذي الحاله اتوقع البنك بيزيد المده و راح يزيد ايضا قيمه المرابحة. يعني قرضك بيتعدى مليون و خمسين.
حاول تدمج القرضين مع بعض. هل يصير ؟
.

[ذكي جدااا]

اولا كان الله بعونك. بالنسبة لأعادة الجدوله فمعناته زيادة الفوائد عليك مع زيادة مده الإقساط اذا تقدر خلك على ماانت عليه

[JN000N]

صادني فضول قاتل اعرف غير بنك التنميه وسلفه السياره قروض بمليون وشي ليش؟ على شنو!

[ذكي جدااا]

صادني فضول قاتل اعرف غير بنك التنميه وسلفه السياره قروض بمليون وشي ليش؟ على شنو!

يمكن شرا ارض او زاد في البنيان محد يدري بظروف غيره

[عيون الدوحة]

الله يكون في عونك

[JN000N]

يمكن شرا ارض او زاد في البنيان محد يدري بظروف غيره

مليون وخمسميه وخمسين الف غير التنميه والسياره:omen2:
يعني حط مليون وزود ثانيه:rolleyes2:
الله يعينك بصراحه يا صاحب الموضوع

[ذكي جدااا]

اذا اسعار الاراضي بثلاث واربع ملايين داخل الدوحه ًاكيد اللي يبي يسكن داخل الدوحه بيكون مديون وبمبلغ كبيير

[بريق الحق]

اتمنى عدم التدخل في امور الرجال
قل خيرا او اصمت
الله يعينك اخووي

[JN000N]

اذا اسعار الاراضي بثلاث واربع ملايين داخل الدوحه ًاكيد اللي يبي يسكن داخل الدوحه بيكون مديون وبمبلغ كبيير

الارض تعطيه الدوله
لكن خل نتكلم بواقعيه اكثر وانقول ان كان من البدايه في سوء تدبير بشكل كبير ف صرف الراتب واخذ قروض بالهبل مما ادت الا ارتفاع الديون :omen2:

بالنسبه لرايي يا صاحب الموضوع
الدين الي بسرعه بتخلصه ركز عليه اكثر
والي مشتكين عليك بعد اهتم ف موضوعهم
والباقي لعقب ماتخف من الضغط الي عليك

[JN000N]

اتمنى عدم التدخل في امور الرجال
قل خيرا او اصمت
الله يعينك اخووي

محد تدخل
هذي غلطه ممكن غيره يطيح فيها وغيره وغيره
الحين هو ف حالته بدون مايحس قاعد ينبه غيره ان يحسن تدبير صرف راتبه من البدايه ولا يراكم الديون عليه
والرجال حط الموضوع يبي النصيحه ومافيها شي لو استفسرنا اذا كانت اسباب مالها داعي للقروض مثلا عشان يعرف ان هالشي غلط ومايكرره
لان مب هو الوحيد ف هالحاله وايد في مثله وحالتهم اصعب والله يعينهم كلهم

[ذكي جدااا]

الارض تعطيه الدوله
لكن خل نتكلم بواقعيه اكثر وانقول ان كان من البدايه في سوء تدبير بشكل كبير ف صرف الراتب واخذ قروض بالهبل مما ادت الا ارتفاع الديون :omen2:

بالنسبه لرايي يا صاحب الموضوع
الدين الي بسرعه بتخلصه ركز عليه اكثر
والي مشتكين عليك بعد اهتم ف موضوعهم
والباقي لعقب ماتخف من الضغط الي عليك
انا أعطيت مثال فقط للأرض. الناس لها ظروفها محد يدري فما في داعي للسؤال ليش اخذت قرض

[hamadqatar]

كيف البنك عطاك هذي القيمه العاليه مع القروض وراتبك مايستحمل ، الي اعرفه ياخذون ٧٥٪ من الراتب كحد اقصى لقيمه القصد
الله يوسع عليك ،، بصراحه ما اقدر اساعد لقله معلوماتي
يمكن القاضي يقدر الوصع و يامر بسحب اقساط تتناسب مع راتبك ولكن في هذي الحاله اتوقع البنك بيزيد المده و راح يزيد ايضا قيمه المرابحة. يعني قرضك بيتعدى مليون و خمسين.
حاول تدمج القرضين مع بعض. هل يصير ؟
.

مرحبا اخوي

انا خذت قرض من البنك الاول وبعدها فنشت من الدوام
ولما توظفت في وظيفه ثانيه حولت راتبي للبنك الجديد
وعادي كنت مسوي استقطاع للبنك القديم

وبالنبة لدمج القرضين ياليييت هذا اللي اتمناه وابي اعرف الطريقه

[hamadqatar]

اولا كان الله بعونك. بالنسبة لأعادة الجدوله فمعناته زيادة الفوائد عليك مع زيادة مده الإقساط اذا تقدر خلك على ماانت عليه

والمحكمه ؟

[hamadqatar]

صادني فضول قاتل اعرف غير بنك التنميه وسلفه السياره قروض بمليون وشي ليش؟ على شنو!

القرض الاولي كان تسديد لديون اخرى قديمه
والقرض الثاني لما تعثر البناء

وبس

[hamadqatar]

الارض تعطيه الدوله
لكن خل نتكلم بواقعيه اكثر وانقول ان كان من البدايه في سوء تدبير بشكل كبير ف صرف الراتب واخذ قروض بالهبل مما ادت الا ارتفاع الديون :omen2:

بالنسبه لرايي يا صاحب الموضوع
الدين الي بسرعه بتخلصه ركز عليه اكثر
والي مشتكين عليك بعد اهتم ف موضوعهم
والباقي لعقب ماتخف من الضغط الي عليك



هذا اللي صاير حاليا لكن البنك القديم يبي حقة وموضوعي فالمحكم اخاف يصدر حكم والا شي

[Aaziz]

مرحبا اخوي

انا خذت قرض من البنك الاول وبعدها فنشت من الدوام
ولما توظفت في وظيفه ثانيه حولت راتبي للبنك الجديد
وعادي كنت مسوي استقطاع للبنك القديم

وبالنبة لدمج القرضين ياليييت هذا اللي اتمناه وابي اعرف الطريقه

يعني عندك قرضين في بنكين مختلفين ؟
بهالطريقه ممكن بنكك الحالي يشتري مديونيتك في بنكك القديم ،، ولكن راتبك يمكن مايساعد بانهم يدمجون القرضين ... طبعا لاتاخذ بكلامي ،، اسئل البنك بعد ماتاخذ شهاده مديونيه من البنك القديم و توديها لبنكك الحالي .. قول لهم ابيكم تشترون مديونيتي و تضمونها مع قرضي الي عندكم و تعيدون جدوله الارباح و الاقساط .

[hamadqatar]

يعني عندك قرضين في بنكين مختلفين ؟
بهالطريقه ممكن بنكك الحالي يشتري مديونيتك في بنكك القديم ،، ولكن راتبك يمكن مايساعد بانهم يدمجون القرضين ... طبعا لاتاخذ بكلامي ،، اسئل البنك بعد ماتاخذ شهاده مديونيه من البنك القديم و توديها لبنكك الحالي .. قول لهم ابيكم تشترون مديونيتي و تضمونها مع قرضي الي عندكم و تعيدون جدوله الارباح و الاقساط .

سويتها اخوي لكن البنك الجديد قال لي قرضك اسلامي
وما يقدر يجدوله يعني لو ربوي عادي وقال لي راتبك ما يتحمل
لان اقصى مدة سبع سنوات وصعب تسدد هذا المبلغ في هذي الفتره

[الصغيره]

الله يفرج همك يارب ويفك ضيقك يارب

اتمنى لو اقدر افيدك لكن ما عندي خبره بالامر

[حكآية آحسآس]

الله يفرجها عليك ياارب ..


ياليت احد من هل رجال الاعمال الي عندهم رؤوس اموله كبيره يسااعده ويفك دينه بالشهر الفضيل ..



نفس ماسوى هندي رجل اعمال كبير بدبي فك اسر ممجموعه من المديونين والمساجين وحجز لهم تذاكر وخلهم يرمضون مع اهاليهم ..


وياليت حد يساعد هالمسكين ولد بلادنا .. الاقربون اولى بالمعروف ..

الله يكون بعونك ياارب ..وفقك الله

[بصمة قطرية]

الله يفرج همك بهالشهر الفضيل
و هم كل مهموم ياااااارب ،،

[عنيــــد]

الله يفرجها عليك ياخوي بهالشهر الكريم ،،

حاول تشوف طريقه في الديوان و اشرح ظروفك و الله يفك كربتك

[khalid525]

شوف موضوعك مع المصرف المركزي يمكن عندهم طريقة لشطب جزء من الدين ،
او اطلب من المحكمة تصدر قرار بجدولة ديونك بناء على قرار المصرف المركزي الاخير بحيث ما تتجاوز الاقساط اكثر من 50٪ من راتبك، وحاول ترتب امورك الاستهلاكية ولو تقدر اجر البيت وادفع هالديون وافتك.

الله يفك كربتك اخوي

[Qaatar]

حلك عندي لا تدمج ولا تعوور راسك ولا شيء
صارت مع ناس خل البنك يرفع محكمه وقضايا ولا تروح ولاتعني نفسك
اخرتهها بيطرشولك امر حضور بالحكم الرئيسي عند القاضي
بيسالك كم تقدر تدفع لبنك كل شهر عادي تقوله 500 ريال. بس. لانه عندك التزامات ثانيه
بيوافق بنفس الوقت القاضي والسلام عليكم
ترى سالفه بنك مافيها سجن وحجز اموال دام عندك التزامات ثانيه 90 بالميه الي نفسك مسوين كذا
لانه سلف البنوك عادي تصير بهذا الطريقه اما الشيكات الشخصيه مافي تنسجن سيده لين ماتدفع ماعندك على طول حجر اموال

[hamadqatar]

حلك عندي لا تدمج ولا تعوور راسك ولا شيء
صارت مع ناس خل البنك يرفع محكمه وقضايا ولا تروح ولاتعني نفسك
اخرتهها بيطرشولك امر حضور بالحكم الرئيسي عند القاضي
بيسالك كم تقدر تدفع لبنك كل شهر عادي تقوله 500 ريال. بس. لانه عندك التزامات ثانيه
بيوافق بنفس الوقت القاضي والسلام عليكم
ترى سالفه بنك مافيها سجن وحجز اموال دام عندك التزامات ثانيه 90 بالميه الي نفسك مسوين كذا
لانه سلف البنوك عادي تصير بهذا الطريقه اما الشيكات الشخصيه مافي تنسجن سيده لين ماتدفع ماعندك على طول حجر اموال

يالييت كذا انا قالو لي النيابه راح تطالب بسجني لمدة ست شهور بعدها نرجع للقاضي بخصوص كم اقدر ادفع
وياليت حد قانوني يفيدنا فالموضوع

[OutLaw]

يالييت كذا انا قالو لي النيابه راح تطالب بسجني لمدة ست شهور بعدها نرجع للقاضي بخصوص كم اقدر ادفع
وياليت حد قانوني يفيدنا فالموضوع

الافضل تستشير محامي ، ومب من مصلحة البنك أنك تنسجن لانك وانت على راس عملك يمكن ادبر تدفع لهم ولو جزء بسيط من المبلغ . تقدر تقول هذا الكلام للقاضي وارجع واقولك استشير محامي .

[الســـهم]

حلك عندي لا تدمج ولا تعوور راسك ولا شيء
صارت مع ناس خل البنك يرفع محكمه وقضايا ولا تروح ولاتعني نفسك
اخرتهها بيطرشولك امر حضور بالحكم الرئيسي عند القاضي
بيسالك كم تقدر تدفع لبنك كل شهر عادي تقوله 500 ريال. بس. لانه عندك التزامات ثانيه
بيوافق بنفس الوقت القاضي والسلام عليكم
ترى سالفه بنك مافيها سجن وحجز اموال دام عندك التزامات ثانيه 90 بالميه الي نفسك مسوين كذا
لانه سلف البنوك عادي تصير بهذا الطريقه اما الشيكات الشخصيه مافي تنسجن سيده لين ماتدفع ماعندك على طول حجر اموال


أنا مع هذا الرأي بناءا على اللي نسمعه ..

عدم التزامك بتسديد الأقساط تعني إنك شخص متعثر , ومش من صالح البنك إن يطلب توقيفك لأنه ماراح يحصل شي من وراك بعد تنفيذ الحكم ، وراح تتحول ديونك في البنك إلى ديون معدومة , في مثل هالحالات وعادة البنوك تسقط عنك الفوائد او المرابحة وتحاول كثر ماتقدر انها تحصل منك اصل القرض (مبلغ القرض الاساسي) , حتى لو كان التسديد بمبلغ بسيط جدا وهذا ممكن تحدده مع القاضي بعد خصم الالتزامات اللي تسددها حاليا , يعني ممكن البنك يرضى بأي مبلغ منك مقابل عدم خسارته لأصوله والمتمثلة في القرض , وسمعنا عن كثير من المتعثرين اللي رضى البنك بتحصيل مبالغ بسيطة جدا جدا في سبيل عدم تحويلها لديون معدومة لأنها تشكل عبئ عليه.

[نوفة قطر]

واضح انك ماخذ القروض على النظام القديم ايام ماكانوا يعطون مبالغ وايد كبيره وعلى سنوات وايد طويله

والحين صار القانون اقصى مده 7 سنوات واقصى مبلغ للاستقطااع مايتجاوز حد معين من الراتب الاساسي والعلاوه الاجتماعيه

وفي ظل هالشروط يصير صعب وااايد انك تدمج قروضك او انك تسوي اعادة جدوله ع النظام الجديد لان الراتب مايسمح وقيمة الالتزام وايد عاليه

الحل الوحيد ان انت تطلب من البنك او حتى المحكمه اذا الموضوع وصل للشكاوي ... ان يتم تحويلك على التحصيل

التحصيل في البنك بيسوي لك اعادة جدوله تناسب راتبك ويخلون الاستقطاع الشهري حسب امكانياتك

والله يعينك ويساعدك

حاول تدخر كل شهر حتى لو مبلغ واايد بسيط لو ان شاء الله خرده عسى ان شاء الله تقدر تسدد جزء من ديونك ... اطلب بدل تذكره وهالأمور من دوامك عشان تجمع شوي ... ولو قدرت تغير شغلك وادور مكان راتبه اعلى لا تتردد عشان تحسن وضعك ودخلك

ولا تنسى الصدقه لو قليله

والشهر الفضيل جاي عساها تتيسر ان شاء الله

[رجل الجزيرة]

يالييت كذا انا قالو لي النيابه راح تطالب بسجني لمدة ست شهور بعدها نرجع للقاضي بخصوص كم اقدر ادفع
وياليت حد قانوني يفيدنا فالموضوع

يمكنه نوع من التخويف فخلك على ما أنت عليه وقولهم ما عندي إلا الموجود وأسأل الله العلي العظيم رب العرش الكريم في هذا الشهر الفضيل أن يفرج كربتك.

[حسن]

راتبك 22000 واقصادك 24100 وش بقى واي جدوله بعد
مافي الا انك تبيع ماتملك ولو جزء بسيط علشان تسدد
انت لماجيت تستلم مافكرت ياخوي بهل الحسبه كلها

الله يعين

[Just Smile]

الله يفك عوقك أخوي و عوق كل مديون

افضل حل انك تتابع مع المحكمه مثل ما اقترحوا الاخوان لأن فعلا مو من مصلحة البنك تنحبس عشانك عاجز عن التسديد، و حلول أخرى قد تساعد تقدر تأجر بيتك او تبيع وحدة من السيارات اذا كان عندك اكثر من سيارة أو انك تغير وظيفتك لوظيفة راتبها اعلى

[alsoq]

شوف طال عمرك انا كنت في الموسسه ايام 94 وصادني نفس مشكلت تقاعدت وبقت اقصاد لا استطيع تسديدها هذا بنك قطر الوطني ايامها في قسم اسمه الاحصاء عندهم حولوني عليه شرحت لهم الوضع نزلو لي في القسط وبعد ما تسيرت اموري نقلت من عندهم للمصرف انا ما ادري هل باقي البنوك عندها نفس الطريقه او لا

انت حسبها اذا تعدا 75% من الالتزامات صعبه عليك واذا رجع عليك شيكات يصير اصعب اكثر لان ولا بنك يستقبلك

[Locale]

كان الله في عونك

[hamadqatar]

شوف طال عمرك انا كنت في الموسسه ايام 94 وصادني نفس مشكلت تقاعدت وبقت اقصاد لا استطيع تسديدها هذا بنك قطر الوطني ايامها في قسم اسمه الاحصاء عندهم حولوني عليه شرحت لهم الوضع نزلو لي في القسط وبعد ما تسيرت اموري نقلت من عندهم للمصرف انا ما ادري هل باقي البنوك عندها نفس الطريقه او لا

انت حسبها اذا تعدا 75% من الالتزامات صعبه عليك واذا رجع عليك شيكات يصير اصعب اكثر لان ولا بنك يستقبلك

انا حاولت اسوي نفس الكلام اللي تقوله بس المشكلة قروضي كلها اسلاميه حتى البنك قال لي لو القرض مش اسلامي كان سوو لي اعادة جدوله وخفضو القسط وزادو المدة

[hamadqatar]

انا اشكر الجميع بدون استثناء على الاراء والمشوره وانا بحذف الموضوع بعد استشرتكم وانشا الله بتسهل كل الامور

[بوعامر]

جعل ربي يفرج همك

[storm..]

كان الله في عونك طال عمرك

[bos3eed]

البنك الثاني اللي قسطه 9700 معطيك 500000 بنسبة 6.6% ارباح !!؟؟

شوف اخوي , ان شاء الله مشكلتك مب صعبه, الحل انك بطريقة او باخرى تشيل المديونيه اللي قسطها 9700, راجع فيها الديوان ولا جمعية خيريه. او اذا كان عندك اسهم او تجاره بيعها وبيع موترك اذا كان غالي وخذ لك سياره بسيطه اهم شي تسد المديونيه لان المبلغ مب كبير وايد والقسط كبير. و ان شاء الله البنك يتنازل عن ارباحه وياخذ راس ماله وتفتك لان الارباح على ال500 الف حول ال200 الف

[بو خليفه 123]

اتوقع في وضعك هذا تم دمج قرضك في القانون القديم على 15 سنه مع القانون الجديد 6 سنوات و الآن الناتج هو تمويلك ب 110% على راتبك .

اقصاها ان قسم التحصيل في هذا البنك المترافع قانونياً عليك ان يحط عليك منع سفر .

اقترح عليك بعمل تسويه مع بنك واحد فقط على ان يشتري جميع مديونياتك على ان لا يتعدى القسط 15000رق لمدة 15 سنه و ان تدفع مبلغ اضافي كل 6 اشهر تدبرها من الاقرباء او الاهل . البنك في هذه الحاله بيرضح للأمر الواقع و من مصلحته عمل التسويه بدلاً من المحاكم لأن اذا طلع حكم معناته فلوسك ماراح ترجع و بتدفع لهم قسط 1000 ريال بالشهر على ان تسقط جميع الفوائد .

شد حيلك و ركز في عملك او ابحث عن فرصه وظيفيه اخرى براتب اعلى و دخلك ان شاء الله بيتحسن شريطة عدم العوده للديون .


ملاحظة : البنوك الاسلاميه لديها القدره بعمل تسويه و من يقول عكس ذلك فهو فقط يريد اخافتك و اقسام التحصيل يستخدمون اساليب اللف والدوران لتجميع المال (اسمه قسم تحصيل فما بالك) و في حال عدم موافقتهم ابلغهم شفهياً بأنك سوف تقوم بتعيين محامي لبحث شؤون التسويه عبر المحكمه . و اضمن لك شخصياً بأن البنك سوف يقوم بعمل تسويه معاك على اقتراحي الأول اعلاه .


الله يفك عوقك ان شاء الله

[hamadqatar]

يالربع احد يفيدني عن طريقة حذف الموضوع
انا ارسلت للادارة يحذفونه وللحين ما انحذف
الحمد لله ما قصرتو برايكم ومشورتكم والحين ابي احذفه

[وحش قطر]

يالربع احد يفيدني عن طريقة حذف الموضوع
انا ارسلت للادارة يحذفونه وللحين ما انحذف
الحمد لله ما قصرتو برايكم ومشورتكم والحين ابي احذفه

ياخوي ليش تحذف الموضوع

خله عبره حق غيرك

وخله باب للدعاء لك

عسى الله يستجيب لدعوه ويفكك من الديون

[برشلوني قطر]

ياخوي ليش تحذف الموضوع

خله عبره حق غيرك

وخله باب للدعاء لك

عسى الله يستجيب لدعوه ويفكك من الديون


وهذي دعوه فالثلث الاخير من الليل

الله يفك دينك. والله يرزقك الرزق الحلال ويبعد

عنك الحرام

[hamadqatar]

ياخوي ليش تحذف الموضوع

خله عبره حق غيرك

وخله باب للدعاء لك

عسى الله يستجيب لدعوه ويفكك من الديون



اللي تشوفه :)

[أخت الكل]

الله يفرج همك أخوي

الدين هم لو كان ريال واحد

مالك إلا تدور على وظيفه براتب أعلى

[اجرام]

الله يفرج كربتك اخوي حاول انك تشتغل في المساء فوق شغلك اذا كانت طبيعة عملك تساعد بالنوادي او المراكز الشبابيه او الثقافيه او الاوقاف

اعتقد بيكون دخل ثاني بيفيدك حيل على ماظن رواتبهم حول ٨ الاف

[اجرام]

الله يفرج كربتك اخوي حاول انك تشتغل في المساء فوق شغلك اذا كانت طبيعة عملك تساعد بالنوادي او المراكز الشبابيه او الثقافيه او الاوقاف

اعتقد بيكون دخل ثاني بيفيدك حيل على ماظن رواتبهم حول 8 الاف

[مرحوم قطر]

الارض تعطيه الدوله
لكن خل نتكلم بواقعيه اكثر وانقول ان كان من البدايه في سوء تدبير بشكل كبير ف صرف الراتب واخذ قروض بالهبل مما ادت الا ارتفاع الديون :omen2:

بالنسبه لرايي يا صاحب الموضوع
الدين الي بسرعه بتخلصه ركز عليه اكثر
والي مشتكين عليك بعد اهتم ف موضوعهم
والباقي لعقب ماتخف من الضغط الي عليك


اخوي القطريين صارو فئات و في قطرين واااااااااااااااااايد مايستحقون ارض

على اساس انهم نص قطريين ,,, و لحد يقول مافي و لا يروح الديوان

اعرف ناس ماعطوهم و راحو الديوان و ماحصلو شي و حاليا يدورون ارض يشترونها


و على فكره اغلبهم ضباط و مرشحين من مرشح لين عميد

و بينهم محاميين و دكتور و رتب اخرى

[مرحوم قطر]

الشيخ الله يفك كربتك ان شاء الله


تبي رايي

طنشلهم و خلهم يرفعون عليك قضيه صدقني بيتمرمطون في المحكمه

ترى جد اكلمك كل ما يطلبونك المحكمه طنش لهم و بتم القضيه ماشيه

و كل شهرين او 3 شهور بيرسلون لك دعوا روح الثالثه

و اطلب تاجيل او اطلب الرد على مذكرت البنك

و نفس الشي طنش ثالث دعوا روح و هذا هو

و لين يقولون لك تعال عشان الحكم النهائي روح

و قول حق القاضي انك متعسر و ماعندك فلوس تدفعها

و كلمه كنك تقوله سو الي تسويه

و بيقولك كم تقدر تدفع في الشهر قوله 500 ريال بيقولك اوكي

ترى ناس وايد سووها و ماجاهم شي

و اذا تبي محامي راسلني على الخاص بطرشلك رقم واحد امبلتع


انا رافع دعوا على واحد راتبه فوق 50 الف و شغلته مدير قسم

و عنده تجاره و خير و المبلغ الي اطالبه فيه 19000 ريال يعني ولا شي

بس الناس اجناس و الدين و الشرف و الاخلاق يلعبون دور

الحين القضيه صارلها سنتين في المحكمه

يطلبونه 3 مرات الرابعه يروح مره يطلب تاجيل و يعطونه دعوا مره ثانيه

و يطنش ثلاث مرات و الرابعه يروح يطلب الرد على المحامي و يطنش

و اشوي الا اجازة القضاة و تروح 3 او 4 شهور و هذا هو و لين يومك و مافي اي خبر

و الله كريم

[hamadqatar]

الشيخ الله يفك كربتك ان شاء الله


تبي رايي

طنشلهم و خلهم يرفعون عليك قضيه صدقني بيتمرمطون في المحكمه

ترى جد اكلمك كل ما يطلبونك المحكمه طنش لهم و بتم القضيه ماشيه

و كل شهرين او 3 شهور بيرسلون لك دعوا روح الثالثه

و اطلب تاجيل او اطلب الرد على مذكرت البنك

و نفس الشي طنش ثالث دعوا روح و هذا هو

و لين يقولون لك تعال عشان الحكم النهائي روح

و قول حق القاضي انك متعسر و ماعندك فلوس تدفعها

و كلمه كنك تقوله سو الي تسويه

و بيقولك كم تقدر تدفع في الشهر قوله 500 ريال بيقولك اوكي

ترى ناس وايد سووها و ماجاهم شي

و اذا تبي محامي راسلني على الخاص بطرشلك رقم واحد امبلتع


انا رافع دعوا على واحد راتبه فوق 50 الف و شغلته مدير قسم

و عنده تجاره و خير و المبلغ الي اطالبه فيه 19000 ريال يعني ولا شي

بس الناس اجناس و الدين و الشرف و الاخلاق يلعبون دور

الحين القضيه صارلها سنتين في المحكمه

يطلبونه 3 مرات الرابعه يروح مره يطلب تاجيل و يعطونه دعوا مره ثانيه

و يطنش ثلاث مرات و الرابعه يروح يطلب الرد على المحامي و يطنش

و اشوي الا اجازة القضاة و تروح 3 او 4 شهور و هذا هو و لين يومك و مافي اي خبر

و الله كريم



شيك الخاص لاهنت