تعميم الدوام برمضان من (9 - 2)......@@@@@

[سعودالدوسري]

السلام عليكم جميعا
صدر تعميم عن الدوام برمضان من التاسعه صباحا الي الثانية ظهرا...؟
الا ترون ان القرار غير موفق وخاصه في الحر الشديد حيث تكون درجة الحراره مرتفعه والموظفين صيام....!!
اليس من الافضل تغير موعد الدوام بحيث يكون اكثر وقت العمل يكون الوقت الذي تكون درجة الحراره اقل نوعا ما .
مثلا يكون من السابعه صباحا الي الثانيه عشر وخاصه اذا علمنا ان اكثر الناس يتغير عندهم موعد النوم في رمضان واكثر الناس يستيقظ وقت السحور وبعدها يصلي الفجر وبأمكانه العمل الساعه السادسه صباحا وفي الصباح الباكر يكون الجو لطيف بحيث لا يشعر باالتعب الشديد من الصيام

الخلاصه وشرايكم في الاوقات التالي
6 - 11
12-7
اليست افضل من 9 -2
نبي رأيكم....................

[AL-ANSARI]

واحنا دوامنا من 8 الى 2 ونص

[ذكي جدااا]

اشوفه افضل شي من تسع الى ثنتين

[JN000N]

رمضان من صجك تبي الدوام من ٧ او ٦
من بيقوم؟ كل العالم متاخرين خخخ
اولريدي في سهر وسحور واشيا وايد يعني ومعروف يكون في رمضان جهد اكبر ف اجوف زين الوقت من ٩ لين ٢ عشان الناس تاخذ كفايتها من النوم
اما عن مساله الحر شدعوه بتداوم فالشارع؟

[سعودالدوسري]

الله يعينكم اخوي الانصاري
لكن نحن نتكلم عن الوزارات اما باالنسبه لبعض الجهات صعب تغير مواعيد العمل لديهم
مثال المرور والمستشفيات وغيرها

[سعودالدوسري]

رمضان من صجك تبي الدوام من 7 او 6
من بيقوم؟ كل العالم متاخرين خخخ
اولريدي في سهر وسحور واشيا وايد يعني ومعروف يكون في رمضان جهد اكبر ف اجوف زين الوقت من 9 لين 2 عشان الناس تاخذ كفايتها من النوم
اما عن مساله الحر شدعوه بتداوم فالشارع؟


احترم رأيك ونشوف رأي الأغلبيه وكلامي مجرد رأي شخصي

[qatari 111]

رمضان من صجك تبي الدوام من 7 او 6
من بيقوم؟ كل العالم متاخرين خخخ
اولريدي في سهر وسحور واشيا وايد يعني ومعروف يكون في رمضان جهد اكبر ف اجوف زين الوقت من 9 لين 2 عشان الناس تاخذ كفايتها من النوم
اما عن مساله الحر شدعوه بتداوم فالشارع؟


انا دوامي ميداني يعني فالشارع فالله يعينا .:weeping::rolleyes2:شكلي بفطر
واتمنى يكون دوامنا من 6 او 7 لين قبل صلاة الظهر .
قرارات يسوونها من غير اخذ راي الموظفين فيها

[غاردينيا]

بالعكس تأخير الدوام لصالح الموظف
لان رمضان وسهر وعباده والاغلبيه يصلون الفجر وينامون

المناسب من ٨ لين ١

[JN000N]

انا دوامي ميداني يعني فالشارع فالله يعينا .:weeping::rolleyes2:شكلي بفطر
واتمنى يكون دوامنا من 6 او 7 لين قبل صلاة الظهر .
قرارات يسوونها من غير اخذ راي الموظفين فيها

بوووه الله يعينكم الصراحه وياجركم

[راعي ال VXR]

كان خلو الدوامات بعد الفطور لين السحووور
التغير زين

[كاروهات]

انا موظفة ومش من صالحي هالوقت يعني ارد بيتي متى مثلا الساعة ثلاث العصر متى ادخل المطبخ !!!!!!!!!!!!!!!!!!!!!!!!!!!!!!

[عطر فرنسي]

احنا شغل بنوك من تسع الا ربع لين ثنتين ونص وقت ممتاز حتى الدوائر الحكوميه توقيت مناسب

[ضوى]

بالعكس تأخير الدوام لصالح الموظف
لان رمضان وسهر وعباده والاغلبيه يصلون الفجر وينامون

المناسب من ٨ لين ١

السؤال ليش الااغلبية يصلون الفجر وينامون ؟؟

اللي اعرفه انه التهجد هو القيام من النوم والدخول في صلاة الليل يعني اترك لذة النوم للصلاة

رمضان سهر صح ، بس الاغلبية تسهر على مسلسلات وخرابيط ماتنتهي

صار لي كم سنة مريحة راسي الحمد لله انام بدري واقعد قبل السحور بنص والا ساعة الا ربع نصلي ونتهجد ونجهز السحور ونصلي الفجر ونرد ننام والحمد لله نصحى للدوام بدون تعب او جهد لذلك ايا كان الدوام فهو خفيف في رمضان لانه هالشهر ولا نحس فيه يمر بسرعة .

لبدنك عليك حق اذا الواحد بيتم سهران لين الفجر اصلا من يجي وقت الشروق الا هو مقفل ما يقدر يقرا قران ولا يصلي صلاة الشروق ولا اي شي ، الارهاق الجسدي يخلي الواحد خامل

الله يبلغنا رمضان ويعينا عالصيام والقيام يااارب

[شيخ الديرة]

انا موظفة ومش من صالحي هالوقت يعني ارد بيتي متى مثلا الساعة ثلاث العصر متى ادخل المطبخ !!!!!!!!!!!!!!!!!!!!!!!!!!!!!!

ما هو الوقت المناسب لك برأيك؟

[الزعفراني]

انا موظفة ومش من صالحي هالوقت يعني ارد بيتي متى مثلا الساعة ثلاث العصر متى ادخل المطبخ !!!!!!!!!!!!!!!!!!!!!!!!!!!!!!

فترة السماح للموظفات بالانصراف مبكرا هو الساعه 1 ظهرا ..

المفروض الموظفات يطلعون بدري يعني الساعه 12 اشوف مناسب لهم .. خصوصا ان الشغل في رمضان يكون أخف شيء وهالشي متعارف عليه .

[كازانوفا]

بالنسبه لي كان من 9ونص ل 2 ونص وهالسنه من 9 الى 2 يعني كويس قضى عن قضى ارحم
وخليه بهالوقت لانه شهر عباده بهالسنه ..

يعني يا دوب اوصل البيت بعد عنااااء وانام شوي عشان ابدا اجهز وحرام يضيع الوقت كله بالمطبخ وبالصباح شغل متى هنفضى للتعبد ؟؟؟
الله المستعان

[نوفة قطر]

انا عادي مايفرق عندي الوقت

بس المشكله فالحر استغفر الله .. من المواقف للمبنى الواحد تخلص طاقته

الله المستعان

[7llo]

احنا من8 لين 1

[رجل الجزيرة]

ودومنا نفس العام من 8:00 لين 1:00 والحمد لله والشوارع فاضية سواء رايحين للدوام أو راجعين من الدوام والحمدلله.

:)

[meeemz]

مناسب جداً
وفيه وقت للمطبخ وانشالله فيه وقت للعباده
يعني في المطبخ كم ساعه يبيلكم ؟! خططوا قبلها بيوم مب ماخذ منكم ساعه او ساعتين الا اذا بتسون خروف

[بونووف]

7 لين 1

[S_Alkuwari]

السلام عليكم

ليش مايُعطى الاختيار للموظف أما بالحضور من 8 إلى 1 أو من 9 إلى 2
المهم انه في النهاية يكون مجموع ساعات الدوام هي خمس ساعات!
وين المشكله في هالشي؟

[دااانة قطر]

السؤال ليش الااغلبية يصلون الفجر وينامون ؟؟

اللي اعرفه انه التهجد هو القيام من النوم والدخول في صلاة الليل يعني اترك لذة النوم للصلاة

رمضان سهر صح ، بس الاغلبية تسهر على مسلسلات وخرابيط ماتنتهي

صار لي كم سنة مريحة راسي الحمد لله انام بدري واقعد قبل السحور بنص والا ساعة الا ربع نصلي ونتهجد ونجهز السحور ونصلي الفجر ونرد ننام والحمد لله نصحى للدوام بدون تعب او جهد لذلك ايا كان الدوام فهو خفيف في رمضان لانه هالشهر ولا نحس فيه يمر بسرعة .

لبدنك عليك حق اذا الواحد بيتم سهران لين الفجر اصلا من يجي وقت الشروق الا هو مقفل ما يقدر يقرا قران ولا يصلي صلاة الشروق ولا اي شي ، الارهاق الجسدي يخلي الواحد خامل

الله يبلغنا رمضان ويعينا عالصيام والقيام يااارب



وهذا الصح باارك الله فيج

[بطل الفريج]

قطر للبترول من 8.30 لين 1.30 مناسب

[مشاكل]

كنت اتمنى ان يستمر التوقيت السابق من 8 الى 1
لأني كنت أول ماارجع من الدوام انام لين اذان العصر وعقبها اصلي العصر واقرى القران لين اذان المغرب
اما الحين صعب النوم قبل صلاة العصر ومافي وقت
والنوم من بعد صلاة العصر بالنسبة لي نوم الشيطان
الله يكتب اللي فيه الخير