فزعة فزعة فزعة

[أسد قطري]

مرحبا يالربع مبارك عليكم الشهر

عندي سؤال مستعجل

بسافر الكويت 15 يوم وابغي احط سيارتي بالمطار لان محد بيوصلني وابي ارجع فيها فهل بيسمحون لي ؟؟؟؟؟

وكم تكلفة 15 يوم بالضبط


بيض الله وجيهكم

[أسد قطري]

الي يعرف يقولي
لان سفرتي بكرا

[عيون الدوحة]

اطلب لك لوموزين احسن لك وارخص

[أسد قطري]

ليشكم بتكلف ال١٥ يوم

[عيون الدوحة]

انا رحت دبي ويك اند ويوم رجعت ٤٠٠ وشي اكيد بتكلفك لان التسعيرة بالساعات مش باليومية

[أسد قطري]

افا ليش هالسعر
غالي

[فريج النجادة]

اتصل على كروة واحجز من اليوم لبكرة وخل سيارتك في البيت

وارجع مع كروة

[monatee]

الساعه ب 10

ومطار المغادرون بعيد عن القادمون

يعني لين تركتها ماتقدر تروح لها مشي لازم بسيارة

[سلامي للكل]

السلام عليكم ورحمة الله وبركاته

اخوي لحد الحين في سنة 2013 أنا مسافر 4 مرات

وفي كل مرة اترك موتري برع المطار وفي الرجعة أخذ لي تكسي لين المغادرون

المواقف كثيرة حاولين المطار وبالعادة تكون مليانة

عندك مواقف المسجد /مقابل الفندق ومواقف الجوازات والفندق الي من وراء

وفي مواقف تحصلها من وراء حولينها شبك ولها مدخل ومفتوح وهذا أنا صفيت فيه اخر مره

اتمنى لك سفرة سالمة وموفقة

وفالك طيب

[أسد قطري]

مشكورين يالربع بيض الله وجيهكم

[بوNasser]

السلام عليكم ورحمة الله

على فكرة محد عطاك اجابة شافية (ولا حتى انا عندي اجابة شافية)

بس مواقف المطار قسمين:

١ - مواقف قصيرة الامد (المواقف القريبة من المغادرين) وهذي تقريبا الساعة بخمس ريالات تقريبا أو حواليها، واليوم الكامل تقريبا بين ١٥٠ أو ٢٠٠ ريال.

٢ - مواقف طويلة الامد (بين المسجد ومبنى الجوازات) وهذي ارخص بس بعد ما راح تكون بلاش، بس حتى لو كانت رخيصة، ولو افترضنا مثلا ان المواقف تكلف ٥٠ ريال في اليوم؟؟ في حالتك حق ١٥ يوم بتوصل ٧٥٠ ريال.

ان كنت معزم مر عليهم وشوف اليوم يكلف كم

تقبل الله منا ومنك ومن الجميع صالح الأعمال.

[khaldoon]

اخوي اطلب تاكسي احسنلك ....ترى يعرفون كم ساعة بتم حتى لو ضيعت الكرت