**** مسابقة القرآن الكريم للاطفال **** [الأرشيف] - منتديات شبكة الأسهم القطرية

ام السعف

10-07-2013, 02:54 PM

جزاك الله خير
وزادك الله من فضله ونفع بك العباد

ويجزيك كل خير يا اخوي
وشوف حواليك اطفال اذا ودهم يشاركون او لا ،

الله يعطيج العافيه ياام السعف

ويعافيج Locale
شدوا الهمة وطرحوا المسابقة على العيال حولكم :shy:

واو .. الفكرة روعة .. جزاكم الله خير .. يصير أسجل انا وياهم ؟:shy:

يصير ليش لا :secret:

خلينا ننتظر ان ما لقينا اطفال حولناها مسابقة للكبار:telephone:

الله يجزاكم كل خير

ويجزيك كل خير يا سداوي

العلم

10-07-2013, 02:58 PM

جزاج الله خير أمنا .. :shy:

انزين أنا بسجل ولد أختي .. بس شلون اسجل له مقطع وانزله فالمنتدى.. ماعرف صراحه ..:secret:

ام السعف

10-07-2013, 03:00 PM

الله يعطيكم العافيه

كان ودي ولدي يشارك..لاكن للاسف مافي مجال

اذا في حق الكبار نحاول نشارك:nice:

هلا برشلوني
ما ادري اذا هو انت نفسه اللي كان في قطرفتبول من كم سنة
يوم كحيلان او خطاب سووا مسابقة للشباب وشاركوا ما شاءالله عليهم
مجموعة من شبابنا القطريين ,, حتى اخبر اني خليت بنتي تسجل وتشارك يوم
كانت صغيرة كتشجيع للمتسابقين ،،

فانت شجع ولدك او شوف اطفال حولك وخلهم يشاركون
فحاول مع ولدك في وقت في اليوم يحفظ 5 ايات شغله على مسامعه بشكل مستمر
واختار له مقرئ مخارج حروفه واحكامه واضحة وبتشوف العجب العجاب من ولدك :shy:

ام السعف

10-07-2013, 03:02 PM

جزاج الله خير ام السعف
وعساج هالقوه
بشوف اختي الصغيره اذا بتشارك

شوفيها وشوفي كل طفل حولج وحثيهم وشجعيهم على المشاركة

عززيهم وقول لي لهم لو شاركتوا لكم جذيه او حفظتوا لكم جذيه
وان شاءالله ربنا ينفعهم باللي حفظوه

ام السعف

10-07-2013, 03:05 PM

جزاج الله خير أمنا .. :shy:

انزين أنا بسجل ولد أختي .. بس شلون اسجل له مقطع وانزله فالمنتدى.. ماعرف صراحه ..:secret:

ويجزيك يا وليدنا العلم ،،

سؤال ما كان على البال :secret:

طرق التسجيل كثيرة من خلال الكمبيوتر او الجوال او غيره
وترفع الملف على موقع للرفع واتطرش لنا الرابط ،،

بحاول ابحث بشكل اكبر على اسهل الطرق وافضلها
( انتظرونا لا تروحون بعيد )

وان شاءالله راح انزل كل الملفات في المنتدى اذا ما كان عند اولياء امور
المشاركين او من ينوب عن الولي مانع في عرض المشاركات ،،

ام السعف

10-07-2013, 03:08 PM

خوسيه ولدي الصغير بيشارك ان شاءالله

وان شاءالله اليوم بعرض الموضوع على الاطفال من حولي وبشجعهم
ويمكن اهاوشهم بعد :secret: بغية المشاركة :telephone:

ابومبارك

10-07-2013, 05:13 PM

جزاك الله خير

ROSE

10-07-2013, 05:18 PM

الله يعطيج العافيه يارب ويجزيج ربي كل خير

بشوف عيال اخوي لو بيشاركون ان شاء الله

بخصوص طريقة التسجيل ممكن عن طريق الجوال بعدها تنزيله للكمبيوتر

وبشوف لكم موقع تحملون منه بكلم قطري ان شاء الله

برشلوني قطر

10-07-2013, 08:58 PM

هلا برشلوني
ما ادري اذا هو انت نفسه اللي كان في قطرفتبول من كم سنة
يوم كحيلان او خطاب سووا مسابقة للشباب وشاركوا ما شاءالله عليهم
مجموعة من شبابنا القطريين ,, حتى اخبر اني خليت بنتي تسجل وتشارك يوم
كانت صغيرة كتشجيع للمتسابقين ،،

فانت شجع ولدك او شوف اطفال حولك وخلهم يشاركون
فحاول مع ولدك في وقت في اليوم يحفظ 5 ايات شغله على مسامعه بشكل مستمر
واختار له مقرئ مخارج حروفه واحكامه واضحة وبتشوف العجب العجاب من ولدك :shy:

انا مسجل ف قطر فوتبول بس ماذكر سجلت فيه

بمسابقة قرآن << الله يرزقنا.

ودي والله اخلي ولدي يسجل وهو قبل سجل

ف مسابقة حفظ القرآن وماشاءالله طلع من

المتميزين. بس المشكله انا مسافر + ابتعد عن الحفظ :(

بسوي تسويق عند الشله

عاشق الشهادة

11-07-2013, 12:28 AM

مبارك عليج شهر رمضان المبارك اختي :)
والله يعطيج العافيه على هذه المسابقه الطيبه وكفايه فيها ذكر للقرآن الكريم

ام السعف

11-07-2013, 12:56 AM

مبارك عليج شهر رمضان المبارك اختي :)
والله يعطيج العافيه على هذه المسابقه الطيبه وكفايه فيها ذكر للقرآن الكريم

ويبارك فيك يا عاشق الشهادة

ما عندك حد بيشارك ترى عندنا جوائز :shy:

ام السعف

11-07-2013, 12:58 AM

جزاك الله خير

ويجزيك كل خير يارب

الله يعطيج العافيه يارب ويجزيج ربي كل خير

بشوف عيال اخوي لو بيشاركون ان شاء الله

بخصوص طريقة التسجيل ممكن عن طريق الجوال بعدها تنزيله للكمبيوتر

وبشوف لكم موقع تحملون منه بكلم قطري ان شاء الله
ويعافيج ياختي:shy:

ايه دبرينا يا امنا الحنون ترى حياتنا من غيرج سلطة
( امنا الحنون )
:(

انا مسجل ف قطر فوتبول بس ماذكر سجلت فيه

بمسابقة قرآن << الله يرزقنا.

ودي والله اخلي ولدي يسجل وهو قبل سجل

ف مسابقة حفظ القرآن وماشاءالله طلع من

المتميزين. بس المشكله انا مسافر + ابتعد عن الحفظ :(

بسوي تسويق عند الشله

اعجبتني كلمة تسويق حسستني اني في شركة اعلانات ،،

همتك يا بطل نبي مشاركين ومنافسين :fight:

عاشق الشهادة

11-07-2013, 01:17 AM

ويبارك فيك يا عاشق الشهادة

ما عندك حد بيشارك ترى عندنا جوائز :shy:

صالح وصار رجال :)
بس مايمنع اشوف اعيال اختي وان شاء الله يوافقون :nice:

ام السعف

11-07-2013, 01:18 AM

صالح وصار رجال :)
بس مايمنع اشوف اعيال اختي وان شاء الله يوافقون :nice:

لازم يوافقون عيل اشلون انت خالهم وما يمعون كلامك :p

قول لهم لو فازوا بنحط صورهم في النت :shy:

والله يخلي لك الصالح يارب ويرزقك بره

عاشق الشهادة

11-07-2013, 01:28 AM

لازم يوافقون عيل اشلون انت خالهم وما يمعون كلامك :p

قول لهم لو فازوا بنحط صورهم في النت :shy:

والله يخلي لك الصالح يارب ويرزقك بره

ان شاء الله يوافقون على المشاركه :victory:
اللهم امين والله يجزيج كل خير اختي .

حمد 2002

11-07-2013, 10:58 AM

ايصير الكبار ايشاركون ؟

ام السعف

11-07-2013, 06:05 PM

ايصير الكبار ايشاركون ؟

بندرس الموضوع اذا عدد الاطفال مب كافي :telephone:

pink pearl

11-07-2013, 08:53 PM

الله يوفقكم ، ولدي توه 4 سنوات الله يحفظه يادوبه سورة الإخلاص والفلق بس

khaldoon

11-07-2013, 09:41 PM

مبارك عليكي الشهر يا سيتي أم السعف و مسابقة مميزه جداً جداً منك و هالشي مب غريب عليكي و مبروك اللقب الجديد و منها للإشراف أن شاء الله

ROSE

11-07-2013, 11:33 PM

ولد اخوي بيشارك وفديته من قلته على طول ياب القرأن وبدى يحفظ الله يحفظه

وامه شغلت له الشريط علشان يسمع ويقرى ويتلو نفس القارئ

يالله همتكم

ام السعف

11-07-2013, 11:52 PM

الله يوفقكم ، ولدي توه 4 سنوات الله يحفظه يادوبه سورة الإخلاص والفلق بس

الله يخليه لج ،، لو كانت قيمة الجوائز اكبر لو قسمنا
المسابقة لفئتين ما دون الثمان وما فوق الثمان

بس ان شاءالله في السنوات الياية ربنا يبارك فيه ويشارك

مبارك عليكي الشهر يا سيتي أم السعف و مسابقة مميزه جداً جداً منك و هالشي مب غريب عليكي و مبروك اللقب الجديد و منها للإشراف أن شاء الله

علينا وعليك ستو خلدون وربنا يعوده عليك وانت بخير وسهالة ،،

شكرا على المباركة على اللقب المميز :shy:

ولد اخوي بيشارك وفديته من قلته على طول ياب القرأن وبدى يحفظ الله يحفظه

وامه شغلت له الشريط علشان يسمع ويقرى ويتلو نفس القارئ

يالله همتكم

مثلج اليوم اشجع اليهال اقول لهم اللي يبي يشارك يرفع يده ويشد حيله
اختي شجعت ولدها وقالت له لو شاركت لك 300 ريال
وعيال اخوي قلت لهم لو شاركتوا بنحط صوركم في النت :secret:

فللحين لقيت رغبة مبدئية منهم بالمشاركة

يالله شدوا الهمة ترى المنافسة كبيرة ولد اخوا روز بيشارك :telephone:

khaldoon

12-07-2013, 12:00 AM

علينا وعليك ستو خلدون وربنا يعوده عليك وانت بخير وسهالة ،،

شكرا على المباركة على اللقب المميز :shy:

:omg::omg::omg: ايش صار.....انا متأكد انه كان لقبك غير :secret:

ام السعف

12-07-2013, 12:20 AM

:omg::omg::omg: ايش صار.....انا متأكد انه كان لقبك غير :secret:

خلدون الناس يصومون في النهار مب في الليل ،،

المهم مب مشارك عيالك في المسابقة ؟

بنحط صورهم في النت :secret:

khaldoon

12-07-2013, 12:27 AM

خلدون الناس يصومون في النهار مب في الليل ،،

المهم مب مشارك عيالك في المسابقة ؟

بنحط صورهم في النت :secret:

عيالي سافروا اليوم و انا بروحي الحين:(

عاد ما تنسونا بالطبيخ و الهريس :omen2::weeping:

ام السعف

12-07-2013, 12:32 AM

عيالي سافروا اليوم و انا بروحي الحين:(

عاد ما تنسونا بالطبيخ و الهريس :omen2::weeping:

الله يحفظهم في حلهم وترحالهم ..

ولا يهمك بدور لك صورهريس وثريد وفالك الخير يا ستو :shy:

khaldoon

12-07-2013, 03:36 AM

الله يحفظهم في حلهم وترحالهم ..

ولا يهمك بدور لك صورهريس وثريد وفالك الخير يا ستو :shy:

يا سلام عليكي يا سيتي ام السعف....فعلا هذا الشي اللي كان ناقصني و انا قاعد بدون طبيخ و لا اكل في رمضان لحالي......صور الهريس و الثريد.....ما شاء الله على ذوقك و طيبتك و دعمك اللامتناهي ....شوفي كيف تأثرت بمساعدتك المميزه

بانتظار الصور....بس لا تكثري علشان ما نغلبك

http://im34.gulfup.com/s9h8e.jpg (http://www.gulfup.com/?CCOa8O)

رجل تعليم

13-07-2013, 05:41 AM

ladybird

13-07-2013, 05:44 AM

مسابقة جميله الله يعطيكم العافيه وفي ميزان حسناتكم انشاءالله

بحاول اشرك بنت اخوي عمرها 8 سنوات

ام السعف

14-07-2013, 03:33 AM

غدا بحول الله سأعود لقاعة الدرس رغم اننا في اجازة وهذه المرة سأكون مع صغيري أنس عمره 11 سنة...سيشارك بحول الله ، التجربة ببحد ذاتها رائعة جدا ...ابني سيشارك في مسابقة تدار من قطر.... يا للروعة.
قريبا بحول الله ستسمعين صوته .شكرا لك

حياه وبيها وبينزرنا يا اخوي رجل تعليم
ومراحب بأنس ،،

مسابقة جميله الله يعطيكم العافيه وفي ميزان حسناتكم انشاءالله

بحاول اشرك بنت اخوي عمرها 8 سنوات

ياليت نبي البنات يغلبون الصبيان :telephone:

ام السعف

14-07-2013, 03:34 AM

يا سلام عليكي يا سيتي ام السعف....فعلا هذا الشي اللي كان ناقصني و انا قاعد بدون طبيخ و لا اكل في رمضان لحالي......صور الهريس و الثريد.....ما شاء الله على ذوقك و طيبتك و دعمك اللامتناهي ....شوفي كيف تأثرت بمساعدتك المميزه

بانتظار الصور....بس لا تكثري علشان ما نغلبك

http://im34.gulfup.com/s9h8e.jpg (http://www.gulfup.com/?CCOa8O)

:shy:

غايه الطواش

14-07-2013, 09:11 AM

جزاج الله خير اختي ا السعف

بس بغيت اتاكد الجايزه الاولى 1000 ريال او 100 ريال؟

ام السعف

14-07-2013, 04:34 PM

جزاج الله خير اختي ا السعف

بس بغيت اتاكد الجايزه الاولى 1000 ريال او 100 ريال؟

لو كانت 100 بزيدها 900 وبخليها 1000
بس هم خلوها من البداية 1000 ،،

هااا بتشاركون ؟

شدوا الهمة وشجعوا العيال تراها جوائز حلوة

العلم

14-07-2013, 10:24 PM

انا ابي اشارك بولد وبنت اختي بس المشكلة شلون اسجل وانزلهم هني .. انا اعرف انزل صور بس :secret:

ROSE

15-07-2013, 07:43 AM

انا ابي اشارك بولد وبنت اختي بس المشكلة شلون اسجل وانزلهم هني .. انا اعرف انزل صور بس :secret:

بنزل لكم الطريقة بالشرح ان شاء الله قريب بس خلاص

سجلي يا ام السعف ولد وبنت اخت العلم من ضمن المشاركين

ام السعف

16-07-2013, 12:54 AM

انا ابي اشارك بولد وبنت اختي بس المشكلة شلون اسجل وانزلهم هني .. انا اعرف انزل صور بس :secret:

انت سجلهم بس لا تنزلهم الا بعد عشرين من رمضان ان شاءالله
على الخاص نسختين وحدة لي ووحدة حق روز

واحنا ان شاءالله بنرتب تنزيلهم كلهم دفعة وحدة ،،

وسجلنا متسابقين جدد الله يبارك في كل المشاركين ،،

ام السعف

16-07-2013, 12:55 AM

بنزل لكم الطريقة بالشرح ان شاء الله قريب بس خلاص

سجلي يا ام السعف ولد وبنت اخت العلم من ضمن المشاركين

:victory:

ROSE

16-07-2013, 05:31 PM

:victory:

اليوم اليوم يالسه اشتغل على الشرح :shy:

واشتركت في موقع ميغا ابلود

وكل اللي بيشارك بعطيه الباسوورد واليوزر نيم علشان يحمل ملفه عن طريق الموقع

ام السعف

16-07-2013, 05:35 PM

اليوم اليوم يالسه اشتغل على الشرح :shy:

واشتركت في موقع ميغا ابلود

وكل اللي بيشارك بعطيه الباسوورد واليوزر نيم علشان يحمل ملفه عن طريق الموقع

مشكورة وجزيت كل خير يا اختاه

مع ان هناك مواقع مجانية متروسة في النت

ينزلون عليها الملفات ويطرشون لنا الروابط ،،

الاهم ان الجميع في منتدى الجميع تسهل عليه المشاركة ،،

بروح اعد واشوف كم مشارك في المسابقة عندنا للحين ؟ :telephone:

ROSE

17-07-2013, 07:13 PM

لمستخدمي الويندوز انزال هذا البرنامج

http://audacity.sourceforge.net/

لتسجيل الصوت

لمستخدمي الماك

http://www.mactip.net/how-to-record-sound-on-a-mac/

ولمستخدمي الاي باد

يكتب في الاب ستور

voice recorder

وبيحصل مجموعه من البرامج المجانيه لتسجيل الصوت

khaldoon

17-07-2013, 07:26 PM

متابع من بعيد لبعيد ...الله يوفق الجميع....ما ينفع اشارك نيابة عن اولادي المسافرين و الا المسافرين ما لهم مكان ولا نصيب :weeping:

ام هشام

18-07-2013, 04:55 AM

المسابقة للحفظ او تلاوة ؟

ROSE

18-07-2013, 12:22 PM

http://www.qatarshares.com/vb/showthread.php?t=556676

ام السعف

19-07-2013, 01:07 AM

متابع من بعيد لبعيد ...الله يوفق الجميع....ما ينفع اشارك نيابة عن اولادي المسافرين و الا المسافرين ما لهم مكان ولا نصيب :weeping:

إيه ممكن تشارك وتسجل صوتك ونعرضه في الموضوع كتشجيع كبير منك للجميع
:nice:

المسابقة للحفظ او تلاوة ؟

يفضل يكون حافظ ،، لو الطفل حفظ الآيات فضل الحفظ كبير

بس بعد مهم وايد المشارك يتلو تلاوة تليق بالمسابقة
ويركز على الاحكام ومخارج الحروف
لأن شيخ بيقرر الفايزين ان شاءالله ،،

ام السعف

19-07-2013, 01:11 AM

http://www.qatarshares.com/vb/showthread.php?t=556676

شكرا لكل من ساهم في الموضوع المطروح في الرابط

،،

اخواني واخواتي وعيالي واحفادي الكرام

للحين عندنا

من صوب العلم مشاركين اثنين
ومن صوب روز مشارك واحد
ومن صوب ام السعف مشارك واحد ،،

وعندنا عرض من خلدون بالمشاركة بدل عياله تعزيز للاطفال
( وهقت الريال :( )

فهل هناك تأكيدات بالمشاركة علشان نسجل اساميهم ونعتمدهم ؟

ام السعف

19-07-2013, 01:15 AM

http://www.qatarshares.com/vb/showthread.php?t=556676

طريقة تسجيل الصوت من جهازي الايفون والايباد

للي حاب يسجل للمشاركة في المسابقة ،،

ام هشام

19-07-2013, 05:36 AM

تسجيل مشاركتين

رفيف عمرها 12 سنة

هشام عمره 10 سنوات

ROSE

19-07-2013, 08:38 AM

ضيفي العلم بعد يا ام السعف

toomi9

19-07-2013, 07:51 PM

السلام عليكم

عندي 3 بنات بيشاركون ان شاء الله

بالتوفيق للجميع

toomi9

19-07-2013, 09:02 PM

ان شاء الله ستشارك

ساره وريما هيا
الاعمار :١١ ، ٧، ٦

وسيشارك
خليفه وعمره ١٢

ام السعف

20-07-2013, 03:46 AM

سارة وخليفة وريما وهيا

4 مشاركين جدد بالاضافة الى
رفيف وهشام

صاروا 6

حياكم الله جميعا منورين المسابقة ،،

ام السعف

20-07-2013, 03:46 AM

ضيفي العلم بعد يا ام السعف

العلم بيشارك بتسجل تشجيعي للأطفال ؟

:telephone:

رجل تعليم

20-07-2013, 05:50 AM

أنس 11 سنة إن شاء الله

ام السعف

20-07-2013, 04:28 PM

أنس 11 سنة إن شاء الله

حياه الله انس مسجلين اسمه من اول مرة ،،

باب التسجيل مفتوح للراغبين ،،

حـ ن ـيـ ن

23-07-2013, 02:46 AM

متى آخر يوم ؟

ام السعف

23-07-2013, 03:56 AM

متى آخر يوم ؟

احنا مقررين 20 رمضان كحد اقصى ،،
لكن لو في مشاركين جدد ممكن نخليه 25 رمضان ان شاءالله
اخر يوم لاستلام الملفات الصوتية،،

((ام خالد))

24-07-2013, 05:45 AM

بيشارك حامد عمره 10 سنوات و أحمد عمره 6 سنوات
بارك الله فيكم ام السعف + روز

ام السعف

24-07-2013, 07:23 AM

بيشارك حامد عمره 10 سنوات و أحمد عمره 6 سنوات
بارك الله فيكم ام السعف + روز

ويبارك فيج يا ام خالد :nice:

ام السعف

28-07-2013, 01:52 AM

جزاج الله خير ام السعف
وعساج هالقوه
بشوف اختي الصغيره اذا بتشارك

جنون شفتي اختج ولا لا ؟ :telephone:

ام السعف

28-07-2013, 02:04 AM

الأطفال المسجلين للمشاركة الى اليوم

1- ولد اخو روز ....> مجهول الإسم

2- أنس عن طريق العضو رجل تعليم

3- بنت اخو العضو العلم

4- ولد اخو العضو العلم
( ممكن تعطينا اساميهم يالعالم او القاب معرفية لهم ؟ )

5- رفيف عمرها 12 سنة عن طريق العضوو ام هشام

6- هشام عمره 10 سنوات عن طريق العضوو ام هشام

7- سارة عمرها 11 سنة عن طريق العضوة تومي

8- ريما عمرها 7 سنوات عن طريق العضوة تومي

9- هيا عمرها 6 سنوات عن طريق العضوة تومي

11- خليفة 12 سنة عن طريق العضوة تومي

12- حامد عمره 10 سنوات عن طريق العضوة ((ام خالد))

13- احمد عمره 6 سنوات عن طريق العضوة ((ام خالد))

14- يوسف عمره 10 سنوات عن طريق العضوة ام السعف

ROSE

28-07-2013, 01:16 PM

ام السعف ولد اخوي كان بيشارك من باب التشجيع فشيلي اسمه من ضمن المتسابقين

JN000N

28-07-2013, 01:24 PM

جنون شفتي اختج ولا لا ؟ :telephone:

هلا امي
اييي اليوم ان شاء الله ويمكن معاها تتشجع بنت عمي
ف بسجل صوتها وبرسله لكم :victory:

ام السعف

28-07-2013, 03:17 PM

ام السعف ولد اخوي كان بيشارك من باب التشجيع فشيلي اسمه من ضمن المتسابقين

اوكي بشله بس مب الحين لأني صايمة لفطرت ان شاءالله باشل اسمه
:secret:

هلا امي
اييي اليوم ان شاء الله ويمكن معاها تتشجع بنت عمي
ف بسجل صوتها وبرسله لكم :victory:

هلا بنيتي

يعني اعتمد اسمها في المسابقة ؟

عطيني اسم لها او نك نيم او رمز احطها فيه

وندااااء لكل المشاركين

25 رمضان بيكون ان شاءالله اخر موعد لاستلام الملفات الصوتية

Aaziz

29-07-2013, 11:37 AM

اقتراح : اتمنى نشر صفحة المسابقه عبر قروبات البلاك بيري و الوتس اب .
ليكون عليها اقبال اكثر ،، وهو من التنافس على فعل الخير .

تكتب نبذه مختصرة عن المسابقة و يضف تحتها رابط الموضوع .

مجرد اقتراح و بالتوفيق

ROSE

29-07-2013, 12:51 PM

اقتراح جميل عبدالعزيز ان عن نفسي سويتها بس اللي عندي بالبلاك بيري عددهم ١٣ واغلبهم هلي هههههه فمانفع معاي

Aaziz

29-07-2013, 12:59 PM

هههههه ١٣ ماخذتلهم بلاك بيري بعد ، ماتدقين سلف نبي بو ٣٠٠ و فوق
حد يتبرع يا شباب

Aaziz

29-07-2013, 01:09 PM

يالله يا شباب حد من هل البلاك بيري ينسخ الكلام و ينشرة
في ميزان حسناتكم ان شاءالله

Aaziz

29-07-2013, 01:10 PM

مسابقة القرآن للاطفال ،، فرصة ليتنافس اطفالك في الخير
الشروط:
للاطفال من الجنسين ممن هم دون سن 13
ان تتلى الايات باحكام التجويد و مخارج الحروف
الجوائز : 1000 / 800/ 700
للتعرف على كيفية الاشتراك عليك بزيارة الرابط الخاص بالمسابقة
http://qatarshares.com/vb/showthread.php?t=555633

ROSE

29-07-2013, 06:52 PM

تنبيه ،، الجائزة الاولى 1000 ريال

الجائزة الثانية 800
الجائزة الثالثة 700

JN000N

29-07-2013, 08:10 PM

اوكي بشله بس مب الحين لأني صايمة لفطرت ان شاءالله باشل اسمه
:secret:

هلا بنيتي

يعني اعتمد اسمها في المسابقة ؟

عطيني اسم لها او نك نيم او رمز احطها فيه

وندااااء لكل المشاركين

25 رمضان بيكون ان شاءالله اخر موعد لاستلام الملفات الصوتية

ان شاء الله
سميها مريم

pink pearl

29-07-2013, 09:03 PM

بالتوفيق لكل المشاركين
يعطيج العافية أم السعف

رجل تعليم

30-07-2013, 04:27 AM

ممتاز تاريخ الخامس والعشرون . سمعت النداء وسنلبي النداء

ام السعف

30-07-2013, 04:12 PM

ممتاز تاريخ الخامس والعشرون . سمعت النداء وسنلبي النداء

:nice:

ان شاء الله
سميها مريم

وسميناها مريم
:nice:

ام السعف

30-07-2013, 04:14 PM

الأطفال المسجلين للمشاركة الى اليوم مع التنبيه بأن 25 رمضان بيكون اخر يوم
لاستقبال الملفات الصوتية الخاصة بالمشتركين ونعتذر عن قبول اي مشاركة
بعد هذا التاريخ ،، وبالتوفيق للجميع :nice:

1- مريم عن طريق العضوة جنون

2- أنس عن طريق العضو رجل تعليم

3- بنت اخو العضو العلم

4- ولد اخو العضو العلم
( ممكن تعطينا اساميهم يالعلم او القاب معرفية لهم ؟ )

5- رفيف عمرها 12 سنة عن طريق العضوو ام هشام

6- هشام عمره 10 سنوات عن طريق العضوو ام هشام

7- سارة عمرها 11 سنة عن طريق العضوة تومي

8- ريما عمرها 7 سنوات عن طريق العضوة تومي

9- هيا عمرها 6 سنوات عن طريق العضوة تومي

11- خليفة 12 سنة عن طريق العضوة تومي

12- حامد عمره 10 سنوات عن طريق العضوة ((ام خالد))

13- احمد عمره 6 سنوات عن طريق العضوة ((ام خالد))

14- يوسف عمره 10 سنوات عن طريق العضوة ام السعف

ام السعف

30-07-2013, 04:15 PM

بالتوفيق لكل المشاركين
يعطيج العافية أم السعف

ويعافيج يا بينك بيرل :shy:

ام السعف

31-07-2013, 04:44 PM

يوم الخامس والعشرون من رمضان هو اخر موعد لاستلام الملفات الصوتية

وتم ارسال رسائل خاصة لكل المسجلين في المسابقة

فالرجاء ارسال الملفات الصوتية على الرسائل الخاصة لكل من
Rose وام السعف

وبالتوفيق للجميع

ROSE

01-08-2013, 11:38 PM

لم يتبقى شئ ،، مستعدين لتسليم الملفات الصوتيه

JN000N

01-08-2013, 11:46 PM

باقي انا اختي ماطرشته
شويات وارسله

ام السعف

02-08-2013, 03:26 AM

لم يتبقى شئ ،، مستعدين لتسليم الملفات الصوتيه

طفشني خوسيه ان شاءالله نخلص منه اليوم

JN000N

02-08-2013, 05:08 AM

طفشتني مريوم خخخ
الصوت طلع طويل يصير اطرشه مقطعين؟ يوم ييت بطرشه قالي قصيه

ام السعف

02-08-2013, 04:10 PM

طفشتني مريوم خخخ
الصوت طلع طويل يصير اطرشه مقطعين؟ يوم ييت بطرشه قالي قصيه

:eek5:

وليش على مقطعين ؟

انتي وين حاولتي اتطرشين الملف ؟

حمد 2002

02-08-2013, 04:15 PM

متابع فقط ،،

ام السعف

02-08-2013, 04:41 PM

متابع فقط ،،

يعني ما لقيت ياهل حولكم ممكن يحفظ له او حافظ 30 اية من سورة الرحمن
يدخل المسابقة معانا ؟

ام السعف

02-08-2013, 04:43 PM

الى جميع المشاركين

اليوم 24 رمضان ....> صح :shy:

للحين وصلني ملفين صوتيين بما فيهم ولدي خوسيه

فاللي ناسي يشد الهمة لأن باجر اخر يوم لقبول الملفات ،،

والحاضر يعلم الغايب ،،

حمد 2002

02-08-2013, 04:49 PM

يعني ما لقيت ياهل حولكم ممكن يحفظ له او حافظ 30 اية من سورة الرحمن
يدخل المسابقة معانا ؟

قت لج ايصير الكبار ايشاركون قلتي لا :(

JN000N

02-08-2013, 04:53 PM

:eek5:

وليش على مقطعين ؟

انتي وين حاولتي اتطرشين الملف ؟

عالايميل
نفس الطريقه اللي حطها عزيز بالضبط

ام السعف

02-08-2013, 05:17 PM

عالايميل
نفس الطريقه اللي حطها عزيز بالضبط

غريبة ما صار

كم حجم الملف وكم دقيقة بالضبط ؟

ام السعف

02-08-2013, 05:18 PM

قت لج ايصير الكبار ايشاركون قلتي لا :(

اممم

عدل كلامك قلنا الكبار لا :(

العلم

02-08-2013, 05:29 PM

ام السعف انا مسافر لي اسبوع وهذا سبب التأخر ..:secret:

ام السعف

02-08-2013, 05:35 PM

ام السعف انا مسافر لي اسبوع وهذا سبب التأخر ..:secret:
سلامة الاسفار

زين على جذيه متى ممكن تسلمنا الملفات يالعلم ؟

العلم

02-08-2013, 05:39 PM

مادري .. بس انا مب راجع الا بعد 3 ايام ..

السؤال : ليش ماتخلون اخر موعد ليلة العيد .. والا انتوا تبون تعلنون النتائج قبل العيد؟

JN000N

02-08-2013, 05:44 PM

غريبة ما صار

كم حجم الملف وكم دقيقة بالضبط ؟

دقيقه و47 ثانيه اظن 0.90 mb شي جي

ام السعف

02-08-2013, 05:44 PM

مادري .. بس انا مب راجع الا بعد 3 ايام ..

السؤال : ليش ماتخلون اخر موعد ليلة العيد .. والا انتوا تبون تعلنون النتائج قبل العيد؟

مممم

مب موضوع نعلن النتائج قبل العيد

بس لأن المسابقة لها شروطها ولازم نتقيد بالشروط والوقت
بكن
خلني اناقش روز في الموضوع وان المناقشات والمداولات كانت
نتيجتها انأجل ان شاءالله بنأجل لين اخر رمضان ،،

عني ما عندي مانع ،، انتظر راي الادارة :telephone:

ام السعف

02-08-2013, 05:45 PM

دقيقه و47 ثانيه اظن 0.90 mb شي جي

معقولة ما صار ؟

بحاول اجرب ملف خوسيه واشوف شنهي السالفة بالضبط

JN000N

02-08-2013, 05:48 PM

معقولة ما صار ؟

بحاول اجرب ملف خوسيه واشوف شنهي السالفة بالضبط

http://i1205.photobucket.com/albums/bb436/JN000N/null-199.png

http://i1205.photobucket.com/albums/bb436/JN000N/null-200.png

:( هكا

ام السعف

02-08-2013, 05:49 PM

http://i1205.photobucket.com/albums/bb436/jn000n/null-199.png

http://i1205.photobucket.com/albums/bb436/jn000n/null-200.png

:( هكا

وليش فيديو ؟

خليه ملف صوتي

العلم

02-08-2013, 05:51 PM

على راحتكم وشوفي الأغلبية .. لاتغيرون المسابقة عشاني بعدين يسوون لي سالفة هههههههه

JN000N

02-08-2013, 05:53 PM

وليش فيديو ؟

خليه ملف صوتي

سويت الخطوات جي حفظته صبري بروح اتعبث ف البرنامج
مابغيت اسجلها وبعد تخربط :eek3:

ام السعف

02-08-2013, 05:56 PM

على راحتكم وشوفي الأغلبية .. لاتغيرون المسابقة عشاني بعدين يسوون لي سالفة هههههههه

محدن بيسوي لك سالفة ان شاءالله

الهدف من المسابقة مشاركة اكبر عدد من الاطفال

وربنا يسهل ويقدم اللي فيه الخير ان شاءالله

ام السعف

02-08-2013, 05:57 PM

سويت الخطوات جي حفظته صبري بروح اتعبث ف البرنامج
مابغيت اسجلها وبعد تخربط :eek3:

الله يعينج

المهم خليه ملف صوت مب فيديو :shy:

JN000N

02-08-2013, 06:11 PM

الله يعينج

المهم خليه ملف صوت مب فيديو :shy:

حليت المشكله
بدون ما احفظ الفيديو .. على طول اسوي له send by email ويعطيني خيارين يا فيديو يا صوت واطرش صوت وينحط فالايميل:victory:

ROSE

02-08-2013, 08:25 PM

تم استلام ملفين فقط إلى الآن

JN000N

02-08-2013, 08:28 PM

تم استلام ملفين فقط إلى الآن

ملفي وصل ؟ :telephone:

ROSE

02-08-2013, 10:13 PM

ملفي وصل ؟ :telephone:

وصل في ايدي امينه ههههههههههه مين امينه دي :omen2:

JN000N

02-08-2013, 10:16 PM

وصل في ايدي امينه ههههههههههه مين امينه دي :omen2:

اشووه
سلمي على امينه سلامن كثير :shy:

ROSE

02-08-2013, 10:20 PM

ياريت كل اللي يرسل الملف يذكر اسم العضويه بالمنتدى علشان نعرف

ام السعف

03-08-2013, 02:09 AM

ياريت كل اللي يرسل الملف يذكر اسم العضويه بالمنتدى علشان نعرف

باطرش لج دايركت على الجوال ..........> على الله مسجلة ام السعف :(

ام السعف

03-08-2013, 02:13 AM

بسم الله الرحمن الرحيم

الاخوان الكرام المشاركين في المسابقة

لظروف اخونا العلم تم تمديد فترة القبول لملفات الاطفال المشاركين الى
اخر يوم في رمضان ان شاءالله،،

ويرجى الانتباه بأن في هذه الفترة الباب مفتوح لأي مشترك يود الانضمام
للاطفال المشاركين على شرط يكون من اعضاء المنتدى وليس خارج المنتدى

لأن المسابقة كما افادت الجهات المعنية :shy: مخصصة لاعضاء المنتدى ،،

فبناء عليه اي شخص بيرسل ملفه من خلال الايميل الموجود عند روز
( دققوا عند روز .. يعني تعرف كل داخل وخارج من المنتدى )
انه يذكر اسمه او نداءه في المنتدى ،،

نتمنى لكم التوفيق جميعا

ROSE

03-08-2013, 03:37 AM

ام السعف

03-08-2013, 03:52 AM

ام السعف انتي بعدين بشكرج هههههههه لين خذنا كل التسجيلات ان شاء الله

بس حبيت اقول جزاج الله خير على مسك المسابقة واشكر اخوي عزيز على وضع شرح طريقة التسجيل

بارك الله فيكم وجزاكم الله كل خير

ويجزيج كل خير يا روز:shy:..............> يا حليلني

وياليت تقولين لنا كم ملف صوتي للحين وصل لج
ومن هم الاعضاء اللي سلموا الملف ،،

العلم

03-08-2013, 02:09 PM

شكرا ام السعف .. أول ما ارجع الدوحة برتب المقاطع على طول ..

ام السعف

03-08-2013, 04:52 PM

شكرا ام السعف .. أول ما ارجع الدوحة برتب المقاطع على طول ..

العفو يالعلم

والشكر للإدارة على الموافقة واتاحة الفرصة للجميع بالمشاركة

:nice:

ROSE

04-08-2013, 12:32 AM

الى الان تم استلام الملفات الصوتية

لحامد

احمد

مريم

ابوزكريا ( ياريت يرسل لنا ابو زكريا عن معرفه في المنتدى )

ام السعف

04-08-2013, 01:46 AM

الى الان تم استلام الملفات الصوتية

لحامد

احمد

مريم

ابوزكريا ( ياريت يرسل لنا ابو زكريا عن معرفه في المنتدى )

يعني اللي باللون الأحمر هم اللي مسلمين للحين

1- مريم عن طريق العضوة جنون

2- أنس عن طريق العضو رجل تعليم

3- بنت اخو العضو العلم

4- ولد اخو العضو العلم
( ممكن تعطينا اساميهم يالعلم او القاب معرفية لهم ؟ )

5- رفيف عمرها 12 سنة عن طريق العضوو ام هشام

6- هشام عمره 10 سنوات عن طريق العضوو ام هشام

7- سارة عمرها 11 سنة عن طريق العضوة تومي

8- ريما عمرها 7 سنوات عن طريق العضوة تومي

9- هيا عمرها 6 سنوات عن طريق العضوة تومي

11- خليفة 12 سنة عن طريق العضوة تومي

12- حامد عمره 10 سنوات عن طريق العضوة ((ام خالد))

13- احمد عمره 6 سنوات عن طريق العضوة ((ام خالد))

14- يوسف عمره 10 سنوات عن طريق العضوة ام السعف

ام السعف

04-08-2013, 01:47 AM

تم انسحاب كل من خليفة وهيا .....

وعليه المتبقين الى الان وفي انتظار استلام ملفاتهم هم

1- أنس عن طريق العضو رجل تعليم

2- بنت اخو العضو العلم

3- ولد اخو العضو العلم
( ممكن تعطينا اساميهم يالعلم او القاب معرفية لهم ؟ )

4- رفيف عمرها 12 سنة عن طريق العضوو ام هشام

5- هشام عمره 10 سنوات عن طريق العضوو ام هشام

6- سارة عمرها 11 سنة عن طريق العضوة تومي

7- ريما عمرها 7 سنوات عن طريق العضوة تومي

8- يوسف عمره 10 سنوات عن طريق العضوة ام السعف

العلم

04-08-2013, 02:07 PM

سالم وميثا ..

ام السعف

04-08-2013, 03:26 PM

سالم وميثا ..

:nice:

المتبقين الى الان وفي انتظار استلام ملفاتهم هم

1- أنس عن طريق العضو رجل تعليم

2- ميثة بنت اخو العضو العلم

3- سالم ولد اخو العضو العلم

4- رفيف عمرها 12 سنة عن طريق العضوو ام هشام

5- هشام عمره 10 سنوات عن طريق العضوو ام هشام

6- سارة عمرها 11 سنة عن طريق العضوة تومي

7- ريما عمرها 7 سنوات عن طريق العضوة تومي

8- يوسف عمره 10 سنوات عن طريق العضوة ام السعف

ام السعف

04-08-2013, 03:45 PM

اخواني واخواتي وعيالي واحفادي المشاركين في المسابقة

ان شاءالله ناويين ننشر الملفات الصوتية في المنتدى
بعد استلام كل الملفات من جميع المشاركين في الموعدد
المحدد لآخر يوم لاستلامها ،،

فاللي عندهم اعتراض على نشر صوت الطفل اللي مشارك
في المسابقة يعطيناخبر علشان ما ننشر صوته ،،

كذلك ان شاءالله راح نخصص نبذة عن كل طفل مشارك
بحيث النبذة تتكلم عن

اسمه
عمره
هواياته
وين يحب يروح في قطر
من هم القراء اللي يحب يسمع لهم
افضل المواقع اللي يزورها في النت
شنهي الاجهزة الالكترونية اللي يستخدمها ويفضلها
اشيبي يصير في المستقبل

واذا حابين تضيفيون شي ما عندنا مانع

فاللي حاب نرفق نبذة عن الطفل يرجى ارسال
هالنبذة قبل نشر الأصوات ،،

الى الآن حصلنا على ثلاث موافقات لنشر الأصوات
ريما وسارة ويوسف

فاي موافقة او رفض يرجى ارسالها على الرسايل الخاصة
للعضوة ام السعف :shy:

ام السعف

05-08-2013, 04:50 PM

Rose

كم صوت للحين وصلج ؟

وكم صوت بقى للحين ما تم ارساله من غير اصوات العلم

العلم

06-08-2013, 03:59 AM

ههههههه أم السعف توني منتبه إن المطلوب 30 آية من الرحمن .. طول الوقت مفكر إنه اسجل مقطع صوتي من آيات متفرقة ...

يله الحين بسجل له مقطع .. بس بيطلع طويل عادي ؟

ام السعف

06-08-2013, 04:02 AM

Rose

كم صوت للحين وصلج ؟

وكم صوت بقى للحين ما تم ارساله من غير اصوات العلم

ما ادري وين راحت روز ؟ :telephone:

المهم للحين عندنا موافقة التالية اسماؤهم لنشر الأصوات

مريم من قبل جنون

احمد وحامد من قبل ام خالد

ريما وسارة من قبل تومي

ويوسف من قبل ام السعف

7 مشتركين ان شاءالله الى الآن حصلنا على موافقتهم لعرض اصواتهم

في انتظار الحصول على باقي الأصوات

يوم الخميس ان شاءالله بيكون اخر يوم سواء كان اخر ايام رمضان
او اول ايام عيد الفطر السعيد ،،

ام السعف

06-08-2013, 04:03 AM

ههههههه أم السعف توني منتبه إن المطلوب 30 آية من الرحمن .. طول الوقت مفكر إنه اسجل مقطع صوتي من آيات متفرقة ...

يله الحين بسجل له مقطع .. بس بيطلع طويل عادي ؟

ما يطلع طويل كلها بالكثير بالكثير اقل من 3 دقايق

بس سكر المكيف وانت تسجل واقعد في مكان هادي

وبالتوفيق

JN000N

06-08-2013, 04:06 AM

ههههههههههههههههههههههههههههه
صج ضربتي الحديد حامي

ام السعف

06-08-2013, 04:07 AM

ههههههههههههههههههههههههههههه
صج ضربتي الحديد حامي

:shy::shy::shy:

العلم

06-08-2013, 06:46 AM

أرسلت مادري وصل وإلا لا؟:secret:

طلع لي كلام بالإنجليزي بعد ماسويت ارسال وضغطت اوكي:nice:

ROSE

06-08-2013, 08:16 AM

تم استقبال ملف كل من :

يوسف ام السعف

ريما تومي

سارة تومي

سالم العلم

ام السعف

06-08-2013, 02:38 PM

أرسلت مادري وصل وإلا لا؟:secret:

طلع لي كلام بالإنجليزي بعد ماسويت ارسال وضغطت اوكي:nice:

شوف مشاركة روز التالية تفيد انه وصل

تم استقبال ملف كل من :

يوسف ام السعف

ريما تومي

سارة تومي

سالم العلم

مريم من قبل جنون

احمد وحامد من قبل ام خالد

ريما وسارة من قبل تومي

سالم من قبل العلم ...> وميثة وينهي ؟

ويوسف من قبل ام السعف

وفي انتظار ام هشام و رجل تعليم

ROSE

07-08-2013, 09:23 AM

تم استلام ملف انس ابن العضو رجل تعليم

ميثا من قبل العضو العلم

ام السعف

08-08-2013, 02:22 AM

تم استقبال ملف كل من :

مريم من قبل جنون

احمد وحامد من قبل ام خالد

ريما وسارة من قبل تومي

أنس من قبل رجل تعليم

سالم من قبل العلم .. وانسحاب ميثا لظروف خارجة عن ارداتها :shy:

يوسف من قبل ام السعف

واليوم الخميس ان شاءالله راح يكون اخر يوم ونغلق باب قبول اي ملف
آخر ،،
ونحيطك علم بأن النتيجة قد تتأخر بسبب تأخر وصول الملفات من ناحية
ومن ناحية أخرى لظروف العيد ،،

فكل عام وانتوا بخير وخلوكم على تواصل يمكن انسى فذكروني :secret:

ام هشام

08-08-2013, 07:38 PM

رفيف ارسلت ملفها امس في الليل مادري اذا وصل ولالا

ROSE

09-08-2013, 01:40 AM

ملف رفيف وصل اختي ام هشام

ام السعف

10-08-2013, 03:06 PM

مراحب جميعا

هل بالامكان لمن يرغب بكتابة نبذة عن الطفل المشارك في المسابقة
ارسال هذه النبذة حتى يتسنى لنا طرح الاصوات في موضوع مستقل ؟

العلم

12-08-2013, 08:21 AM

تمت الموافقة على النبذة وذلك من خلال موافقة الولد نفسه ..
نكفل الحريات لجميع سكان المنزل بمايتوافق مع شرع الله :shy:

ام السعف

12-08-2013, 03:59 PM

تمت الموافقة على النبذة وذلك من خلال موافقة الولد نفسه ..
نكفل الحريات لجميع سكان المنزل بمايتوافق مع شرع الله :shy:

:p

زين وينهي النبذة ما وصلني شي ؟
.....

JN000N

12-08-2013, 10:11 PM

شويات واخلص النبذه واطرشها

ام السعف

13-08-2013, 12:13 PM

شويات واخلص النبذه واطرشها

ماشاءالله عليكم حساباتكم غيرعن حساباتنا

احنا شويات يعني كلها كم دقيقة واذا بالغنا ساعة بالكثير

اما انتوا كوكبكم غيرعن كوكبنا

من امس وللحين كله شويات وللحين ما وصلني شي ،،

لا منج ،،

ولا من صاحب مقولة
"نكفل الحريات لجميع سكان المنزل بمايتوافق مع شرع الله"

شاسوي فيكم يعني
تراني بتعاقب من الإدارة وبحصل باند بسبتكم ؟ :telephone: