شربتوا شاي

[أسد الجزيرة]

البعض متعود انه ما يصحصح الا عقب ما يشرب له قلاص شاي او كرك او يتقهوة و البعض يفك ريئه على قولة اللبنانيين بسيجارة و الله يصلح الحال

فلذلك الي نسى الله يعينه بيحس بصداع الحين و الحل انك تشرب لك شاي او قهوة مع السحور و رمضان فرصة للامتناع عن التدخين و قربى الى الله

مبارك عليكم الشهر و تقبل الله طاعتكم

[ضوى]

الحمد لله مب متعودة على اي شي ، والله يسهل الصيام علينا وعليكم يااارب

[khaldoon]

الصراحة الشاي ما احبه من يوم زادوا كمية الكلور بالماي و صار لونه اسود

[دااانة قطر]

الحمدلله قبل الأذاان بنص سااعه شربت كرك
وبعدها بعشر دقاايق كلت تمر

[حسن]

الصراحة الشاي ما احبه من يوم زادوا كمية الكلور بالماي و صار لونه اسود

اسود

:omg:

هذا بترول ياخلدون مبروك عليك الشهر والبترول
انت محظوظ
:victory:

[نور الحور]

هههههههههه .. الله يعين (المدمنين والمدمنات) ! :secret:

انا مو معودة نفسي على شي الحمدلله ..

كل عام وانتوا بخير :nice:

[khaldoon]

اسود

:omg:

هذا بترول ياخلدون مبروك عليك الشهر والبترول
انت محظوظ
:victory:

بتروووووول؟؟؟!!!!! و أنا أقول ليش ريحته غريبه. لا بجد ما عاد له طعم بسبب الكلور اللي بسبب سواد للشاي. مبارك عليك الشهر يا الغالي

[درع الوطن]

الله يجزاك خير ويسامحك ...

يعني لازم تذكرنا بالكرك والشاي والصداع بعد .... :anger1:

ياخي هذي أسمها سلة أوجاعي ... :weeping:

[حسن]

بتروووووول؟؟؟!!!!! و أنا أقول ليش ريحته غريبه. لا بجد ما عاد له طعم بسبب الكلور اللي بسبب سواد للشاي. مبارك عليك الشهر يا الغالي

يسبب سواد الشاي
:rolleyes2:
ليش وهو في شاي ابيض

:eek5:

غير الدله والغوري وامورك زي الفل

:victory:

[الكنترول]

الحمدالله لا قهوة ولا شاي

[نوار قطر]

مبارك عليك الشهر اخوي..
انا متعووده اشرب تركش كوفي من الصبح ممم وللحين متسندره بس ان شالله يفكني الصداع:rolleyes2:

[العلم]

لا ما اتوقع فالسحور بيعوض الصداع بعدين .. لأنك ترقد ولازم وتشحن المخ عقب الرقده .. :rolleyes2:

[قطريه ماركه]

مدمن الشاي و الكرك يبي له يومين ثلاث صداع و بعدين بيكون الموضوع طبيعي

مدمن السيجارة الله يفكه منها يارب

[أم نواري1]

كثرة الكافيين مب زينه خاصة في رمضان
خففوا من المنبهات والمشروبات الغازية

[حسن]

مبارك عليك الشهر اخوي..
انا متعووده اشرب تركش كوفي من الصبح ممم وللحين متسندره بس ان شالله يفكني الصداع:rolleyes2:

الصراحه انا ماعرف شلون تشربون هل التركش كوفي

احس انها ايل مكينه زرع بلاك ستون صوب الغشاميه صار لها سنه محد غير زيتها

مافي احلى من قهوتنا وخصوصا اذا راعيها منصوري

:victory:

[نوار قطر]

الصراحه انا ماعرف شلون تشربون هل التركش كوفي

احس انها ايل مكينه زرع بلاك ستون صوب الغشاميه صار لها سنه محد غير زيتها

مافي احلى من قهوتنا وخصوصا اذا راعيها منصوري

:victory:

هههههه تشيبه عجيييب مممم انا اشرب كوب واحد بس طول اليوم وهالكوب اول ما اوصل الشغل وحلااتها تكون ثقيله عشان تقند راسي :( وطبعا قهوتنا ما استغنى عنها :victory:

[العلم]

الصراحه انا ماعرف شلون تشربون هل التركش كوفي

احس انها ايل مكينه زرع بلاك ستون صوب الغشاميه صار لها سنه محد غير زيتها

مافي احلى من قهوتنا وخصوصا اذا راعيها منصوري

:victory:


ابوووك يالوصف .. :nop:


http://i.imgur.com/use6E0w.jpg

[نوار قطر]

لا ما اتوقع فالسحور بيعوض الصداع بعدين .. لأنك ترقد ولازم وتشحن المخ عقب الرقده .. :rolleyes2:

العلم صغر توقيعك شوي الله يخليك:shy:

[حمد 2002]

البعض متعود انه ما يصحصح الا عقب ما يشرب له قلاص شاي او كرك او يتقهوة و البعض يفك ريئه على قولة اللبنانيين بسيجارة و الله يصلح الحال

فلذلك الي نسى الله يعينه بيحس بصداع الحين و الحل انك تشرب لك شاي او قهوة مع السحور و رمضان فرصة للامتناع عن التدخين و قربى الى الله

مبارك عليكم الشهر و تقبل الله طاعتكم

مناك ومنك ان شاء الله :nice:

[بوخالد911]

هلا

اي لازم أكررررررررك

وكل سنة وانتم بخير

[العلم]

العلم صغر توقيعك شوي الله يخليك:shy:



ليش مخرب الصفحة :rolleyes2:

مالي بارض الحين .. بعد الفطور :nice:

[نوار قطر]

ليش مخرب الصفحة :rolleyes2:

مالي بارض الحين .. بعد الفطور :nice:

لالا ابدن مب مخربها الا محليها:nice:

ههههه صج مالك بارض زين كيفك عقب الفطور .. عقب الفطور :secret:

[حسن]

هههههه تشيبه عجيييب مممم انا اشرب كوب واحد بس طول اليوم وهالكوب اول ما اوصل الشغل وحلااتها تكون ثقيله عشان تقند راسي :( وطبعا قهوتنا ما استغنى عنها :victory:


زاد اشوف الكثير من البنات تقولك صداع قوي ولا مصدعه ولا الم في الراس
مره المدام قالت باسويلك قهوه فرنسيه وشربها

يوم شربتها العاده انام الساعه عشر ذاك اليوم مانمت الى الساعه 3 الفجر قعدت ادعي على المره لين نمت
:omg:






ابوووك يالوصف .. :nop:


http://i.imgur.com/use6E0w.jpg


اي هذه المكينيه اللي تبرد القلب يازين صوت طقه السير

تحسسك انك في زرع
:)

[نور الحور]

زاد اشوف الكثير من البنات تقولك صداع قوي ولا مصدعه ولا الم في الراس
مره المدام قالت باسويلك قهوه فرنسيه وشربها

يوم شربتها العاده انام الساعه عشر ذاك اليوم مانمت الى الساعه 3 الفجر قعدت ادعي على المره لين نمت
:omg:





اي هذه المكينيه اللي تبرد القلب يازين صوت طقه السير

تحسسك انك في زرع
:)


وعليه على زوجتك حسن .. كسرت خاطري.. ترزها وتقول عنها المدام يوم بغت تعطيك من يدها قهوة فرنسية، ويوم سهرتك قلت عنها (المره) ؟ لا وتدعي عليها بعد ؟

:weeping::weeping: الله ياجرنا خير احنا المدامات بس :weeping:

[حسن]

وعليه على زوجتك حسن .. كسرت خاطري.. ترزها وتقول عنها المدام يوم بغت تعطيك من يدها قهوة فرنسية، ويوم سهرتك قلت عنها (المره) ؟ لا وتدعي عليها بعد ؟

:weeping::weeping: الله ياجرنا خير احنا المدامات بس :weeping:

الصراحه ذي مهب قهوه تجيبلك الارق والاكتائب واذا سلممت من السايكوباس زين بعد
يحي قهوتنا مسلمه ماتسهرك هذيك اعةذ بالله تقول فيها شي يامخدر مامورفين ياكوكايين لا لا مش طبيعيه

:)

[نور الحور]

الصراحه ذي مهب قهوه تجيبلك الارق والاكتائب واذا سلممت من السايكوباس زين بعد
يحي قهوتنا مسلمه ماتسهرك هذيك اعةذ بالله تقول فيها شي يامخدر مامورفين ياكوكايين لا لا مش طبيعيه

:)


هههههههه .. عذر أقبح من ذنب :omen2:

خلك على قهوتنا العربية إذا ما كان لك قدرة عقلية عالية على تحمل الفرنسية والتركش .. ههههه

أنا مستحيل أشرب تركش ..طعمها .. أووووف ولا بلاش أحسن .. لا تذكرني استغفر الله :(

[بو خليفه 123]

عاد أنا امس معطيها درزن كباب من شجاع و احس نفسي الآن في صحراء قاحلة . :(

كرك ماشرب لكن افقتد الحمر مع عنقودة نعناع الصبح

[بنت مريخ]

مفتقده الكبتشينو احس راسي خالي
هلايام مدمنه لبن اكتيفيا قليل الدسم

[نور الحور]

عاد أنا امس معطيها درزن كباب من شجاع و احس نفسي الآن في صحراء قاحلة . :(

كرك ماشرب لكن افقتد الحمر مع عنقودة نعناع الصبح

ههههههه .. الله يعين .. تو النهار توووووه :tease:

[حسن]

انا مفتقد شاي الزعتر

[نوار قطر]

زاد اشوف الكثير من البنات تقولك صداع قوي ولا مصدعه ولا الم في الراس
مره المدام قالت باسويلك قهوه فرنسيه وشربها

يوم شربتها العاده انام الساعه عشر ذاك اليوم مانمت الى الساعه 3 الفجر قعدت ادعي على المره لين نمت
:omg:





:)

شدعوه حسن هالقهوه تسهرك هههههه انا اشربها عادي وانخمد وجنه العيد مره بس الي سهرتني وكانت الاكسبريسووو ...اي قهوه غيرها سهالات ماتأثر فيني..

وعليه مرتك حصلت دعاوي ذيك الليله مايسوى عليها :secret:

[حسن]

شدعوه حسن هالقهوه تسهرك هههههه انا اشربها عادي وانخمد وجنه العيد مره بس الي سهرتني وكانت الاكسبريسووو ...اي قهوه غيرها سهالات ماتأثر فيني..

وعليه مرتك حصلت دعاوي ذيك الليله مايسوى عليها :secret:

الصراحه انا ماحبها تحسن في قاعه الكوب
كانه القطران مال الزقاير ماده سوده تقولين ازفلت

وبعدين انا ماني بكيف لا شاي ولا قهوه
يعني حت في الدوام ماشرب الا نادر
حتى اليوم ماطلبت شي كلش
:secret:

انا احب اشرب كوكا كولا غرشه

وتكون بارده

:victory:

[عيون الدوحة]

الصراحة الشاي ما احبه من يوم زادوا كمية الكلور بالماي و صار لونه اسود

طيب استخدم ماي صحة

[دااانة قطر]

الحمدلله الوضع مستتب لحد الآن

[طيب]

من قبل ثلاث سنوات كل ما أشرب شاي كنت احس بصداع وآلام في جميع جسمي وعظامي لما زادت علي الحاله ولما عرفت ان السبب من الشاي والقهوه قطعتم والحمد الله .. قبل كنت مدمن شاي كرك وكنت اتأخر عن مواعيدي بسبب أني كنت أقعد أشرب شاي أو أدور عن محل يبيع شاي والحين صرت لما اشوف مدمنين الشاي عند محلات الشاي أشفق عليهم وعلى حالهم أحسهم أسرى للشاي .

[مضارب دوسري]

انا لازم سحوري قبل الاذان
روتي وجبن مع كرك (الوالده او ام العيال )
بشكل يووومي

[ذكي جدااا]

:anger1: انا مفتقد الجمعية بكبرها

[ROSE]

انا احب القهوه بانواعها ولازم يوميا اشرب

ومن رحت تركيا قمت اشرب الشاي بعد


بس عمري ما عودت نفسي ادمن على شي معين او انه يسبب لي الم او مرضولله الحمد

في الاخير كلها قناعات وكيف تسير عقلك الباطن بانه يتكيف على اي وضع انت تبيه


الحمدلله للحين مب مشتاقه لشي الا لشرب الماي

[Locale]

بتروووووول؟؟؟!!!!! و أنا أقول ليش ريحته غريبه. لا بجد ما عاد له طعم بسبب الكلور اللي بسبب سواد للشاي. مبارك عليك الشهر يا الغالي

صحيح يصير اسود
احنا نسوي الجاي بماي الصحه يطلع لونه زين

[النهار]

الصراحة الشاي ما احبه من يوم زادوا كمية الكلور بالماي و صار لونه اسود

خلدون لويصير ايل مش اسودوبس بينشرب يعني بنشرب :nice:

[حياة]

انا مفتقده الكرك امس ذبحني راسي وان في لندن والصيام طوييييييل

[أم نوني]

الله يستر ..