ماهو إنطباعكم عن توقيت الدوام الرمضاني الجديد ؟

[مشاكل]

السلام عليكم ورحمة الله وبركاته

مبارك عليكم الشهر والله يتقبل صيامكم وقيامكم وصالح اعمالكم

اليوم كان اول تجربة لنا في دومانا بالتوقيت الجديد من 9 الى 2

ماهو انطباعكم عن التوقيت الجديد

هل كان مناسباً بالنسبة لكم أم لا ؟ مع ذكر الاسباب

[مضارب دوسري]

انا اشوفه فاشل جدا ويجب تغييره

لان دوامي من 6 الى 6 ماتغير هههه

[khalid525]

مناسب الواحد يمديه يرقد كم ساعة عقب الفجر

[تغلبية]

مأساة ..

مايصلح للمرأة العاملة ..

مايمدينا نطبخ .. بيكون علينا حمل اضافي من التعب والاجهاد وخاصة ان النهار طويل

[لاجل QT]

غايبة اليوم وبكرة باذن الله

هذي نتيجة القرارات الى ماتحسب ولاتعذر ظروف المراءة العامله

[عاشق العديد]

الوقت سببب زحمه مش. طبيعيه

[GENIUS]

الكورنيش وبالذات مدخل ميناء الدوحة والاعمال الجارية للإشارات الضوئية الجديدة زحمة مش طبيعية صباحا وظهرا .

[لاجل QT]

نتمنى يتعدل القرار لصالح الجميع وتفاديا للزحمة اللى صارت

من 9 الى 2 للرجال

ومن 8 الى 12 للحريم

منبطة جبدي قاهرنى هالقرار الغير مدروس صح

[رحال]

من أروع مايمكن

[لاجل QT]

من أروع مايمكن

هههههه كلنا قلنا محد بيستانس من هالقرار الا الرجاجيل:nice:

صح يارجال:nice:

[بصمة قطرية]

الله يعينكم ..
أشوف الكل يتشكى إن الوقت غير مناسب
يطالبون بتغيير الوقت لين 8 - 1

[R 7 A L]

ممتاز


مافيه بيت فية موظفة الا وعندها بدال الخدامة
خدامتين او ثلاث للي يتحججون بالطباخ والمطبخ



و افضل ميزة لهذا التوقيت للدوامات
ان جميع اوقات الصلوات الواحد يكون صاحي ومستيقظ


وكل عام وانتم بخير

وبارك الله في من اختار هذا الوقت الممتاز

[إينشتاين]

نتمنى يتعدل القرار لصالح الجميع وتفاديا للزحمة اللى صارت

من 9 الى 2 للرجال

ومن 8 الى 12 للحريم

منبطة جبدي قاهرنى هالقرار الغير مدروس صح

5 ساعات للرجال و 4 ساعات للحريم ؟؟؟

[MAZEN37]

يعني الحين لو كان الدوام 7 او ثمان احد بيداوم
كل سنه الموظفين على مكاتبهم بعد ال 9 ورقاد على الطاوله بعد

[شيخ الديرة]

توقيت جيد، كل من يشتكي يتمنى أن يكون كل شهر رمضان عطلة لكي يرضى

[aziz4z]

في ناس اللي سهرانة طول الليل طبعا تبي الدوام متأخر .
بس مب كل الناس عندها خدامة ,أو في ناس ماتحب تاكل من يد الخدامة , خاصة الامهات , تحتاج راحة بعدما تروح البيت و تجهز الافطار
و أصلا الصبح وقت مبارك , بورك لأمتي في بكورها , مب واحد ياخذها ركاد .
أنا دوامي زين , من 7 لــ 12 , مستحيل أفوت نوم القيلولة , أهم شيء عندي في الحياة :p ههه , أكره الدوامات المتأخرة , شكله الانسان غير , عليه كسل و نعس في عينيه

[بنت شرق]

توقيت زفت ، الحرارة والوهية دخلت فينا ولازم تسبح ومافي وقت للنوم والاستراحة قبل الفطور

[عليه العوض]

أنا أشوفه مناسب وخاصة للمصلين الفجر جماعه تنتهي صلاة الفجر على الرابعة ويمدي الواحد ينام تقريبا اربع ساعات شي رائع جزاء الله خير من وضع هذه الفكره

[غايه الطواش]

الحين بيجي واحد بقول محد قال للحريم يشتغلون
وكانهم يدرون بظروف الناس ...
المهم انا ماينطبق علي القرار بس اشوف الي حولي متضررين

[حسن]

توقيت ممتاز انا اشوفه واليوم من الساعه 8 في الدوام متبرع بساعه
زياده حق الدوله ادور الاجر

[fooz55]

الحمد الله الذي لا يحمد سواه

تم تعديل وقت العمل بقرار داخلي .. بتصويت الموظفين

من الساعه 8 صباحا وحتى الساعه 1 ظهر

وجزاه الله خير من قام بهذا الراى السديد

والكل مرتاح لهذا الوقت

والحمدالله على كل حال
:)

[moonبنتnight]

احساس مدير عام هههههه
السنة كل موظف سار مدير بسبب الدوام 00

[موظف بالبورصه]

الحمد الله الذي لا يحمد سواه

تم تعديل وقت العمل بقرار داخلي .. بتصويت الموظفين

من الساعه 8 صباحا وحتى الساعه 1 ظهر

وجزاه الله خير من قام بهذا الراى السديد

والكل مرتاح لهذا الوقت

والحمدالله على كل حال
:)

واحنا نفس الشي .. عدلنا الوقت بتصويت داخلي ..

من الساعه 8.30 الى 1,30

[Riku3]

الحمد لله الرئيس التنفيذي من طلع القرار قالنا دوامنا نفس كل سنة .. 8 لين 1 .

الله يجزاه خير .

[meeemz]

وانا امراه و سعيده بالقرار
دخلت المطبخ 4 ونص وخلصت 5 ونص والحمدلله احلى رمضان عندي
احس رايحه الدوام مرتاحه عكس رمضان اللي طاف
والبنات اللي معاي بعد عاجبهم ..

[ام محمد2012]

انطباعي انه توقيت ينفع الرجال بس احنا الحريم سبب لنا مشاكل يا مشاكل اذا باطلع 2 من الدوام وبوصل البيت 3 الاربع بس انتظر صلاة العصر اصلي وعلى طول المطبخ عندي خدامات بس انا اطبخ بنفسي مااحب الخدامات يطبخون يعني لما فكروا يغيرون توقيت الدوام كان شافوا الدول الي حوالينا مثل الكويت من 8:30 الى الساعة 1 بيكون توقيت مناسب جدا.

[meeemz]

قبل كنا نداوم 8 ونطلع 12 ونص والسنه اللي قبلها لي 1 يعني ماكان يفرق معانا وايد

[بن مفتاح]

الله يعلم أن مواعيد الدوام السابق أفضل ..

فكنا نصل الظهر الى البيت فنام القيلولة ونقوم ونحن مرتاحين .. ونقدر نقوم لصلاة العصر وبعد الصلاة يقدر الواحد يؤدي اعماله او يسوي رياضة او الاهم يستطيع أن يجلس ليقرأ القران في بيته أو في المسجد .. وهذا ما افتقدناه هذه السنة بتطبيق التوقيت الجديد .. فبعد صلاة العصر أحدنا ينام ليرتاح قليلاً وللاسف يذهب وقت العصر سُدى ..

واكيد بالنسبة لأخواتنا امور الافطار هامة وعلى أقل تقدير الأشراف على الخدم في المطبخ ..

الله يتقبل من الجميع طاعاتهم ..

[ابو عبد الرحمن]

بصراحة، جزاه الله خير من وضع هذا القرار، فعلا قرار يعين على طاعة الله من ناحيتين:

أولا: أنك ما تخاف اذا قمت الليل وتأخرت في النوم
ثانيا: تروح الدوام مصحصح وتؤدي عملك بتركيز بما أن العمل عبادة

وسلامتكم

[أم نواري1]

توقيت ممتاز
واللي تطبخ يميدها بـ 3 ساعات تسوي طبقين
مب لازم نترس السفرة من وإلى
أحس هالدوام بيخلي الأهل ينسقون مع بعض أكثر ويفطرون عند بعض
وتسوي من فالليل طبق سويت مع الشغلات اللي يحبونها اليهال من مهلبية وكريم كراميل وخلصنا = )

[بوخالد911]

مناسب جدا

[حمد 2002]

نتمنى يتعدل القرار لصالح الجميع وتفاديا للزحمة اللى صارت

من 9 الى 2 للرجال

ومن 8 الى 12 للحريم

منبطة جبدي قاهرنى هالقرار الغير مدروس صح


تبون بكل شيء مساواه مابين الرجل والمراه بكل شيء ، ويوم جات على ساعه ولا ساعتين ماتبون هالشيء ، لااااااااااااااااا والف لااااااااااااااا ومليار لااااااااااااااااااا استحملوا ، السن بالسن والعين باللعين والبادي اظلم :anger1:

[نوفة قطر]

هو الوقت حلو بس العيب في ان كلنا قاعدين نطلع في نفس الوقت والزحممممه يا الله ... مادري لو كانت المدارس للحين موجوده شكنا بنسوي

هذا غير ان نزل قبل رمضان تعميم فالجريده ان الشاحنات ممنوع تطلع الصبح الا عقب ال 10 والعصر عقب ال 3 اعتقد

وانا اشوف ملييييون شاحنه

كافي زحمه وبعد الشاحنات يمشون ع مهلهم

وبالنسبه حق تقاطع رمادا ... فتحوا الجسر اللي يجيب الناس من الصناعيه حسب علمي وصار يصير وااايد زحمه واحنا اللي نطلع من بو هامور ع الجسر يالله يالله نحصل لنا حد يخلينا نطوف عشان ناخذ يسار ونركب الجسر

مادري لين يسوون مشاريع المفروض تقلل الزحمه مايفكرون

[حمد 2002]

الوقت بالنسبه لي جدا مناسب ومريح ،،،

((((( العمل عباده ))))

[دااانة قطر]

الحمدلله دوامنا ثابت من 8 الى 1
وانا لأني داومت متأخره امس 9الا ربع طلعت 2الا ربع والشواارع كاانت فااضيه
رحت البيت نمت ساعه لاذان العصر وبعدها قريت جزأ ودخلت المطبخ 3ونص وطلعت 5
كلها شوربة وثريد ومحلبية العيش وخليت الخفايف لبنااتي الله يحفظهم وهم اللي جهزوا السفره
وبصراحة ماقدرت اتسحر اخر شي شربته كرك مع الخفايف على 10 وقمت شربت ماااي وكلت تمر السااعه3الا ربع
ولين الحين احس اني مغثوثه

[منابر خالده]

ام الافتلال
ام الفللله
احسن من هالتعبيرين مابتلقون هههه

[نوار قطر]

انا الساعه 1 اشيل شلايلي واطلع :shy: باعتبار ان مافيه شغل بس لو صادف وكان عندنا شغل وضغط باضطر اني اقعد...

[وطن]

مو عاجبني لسبب ان الكل صار على نفس الوقت
والزحمة في الشوارع لا تطاق !!!

10 كيلو اقطعها في ساعة ليش ليش ليش crazy







5 ساعات للرجال و 4 ساعات للحريم ؟؟؟

ايه هذي فرقية الراتب
:tease:


تبون بكل شيء مساواه مابين الرجل والمراه بكل شيء ، ويوم جات على ساعه ولا ساعتين ماتبون هالشيء ، لااااااااااااااااا والف لااااااااااااااا ومليار لااااااااااااااااااا استحملوا ، السن بالسن والعين باللعين والبادي اظلم :anger1:

ترى للعلم الدولة ما ساوتنا فيكم
وما نبي مساواة
:tease:

رواتبنا تفرق عنكم من حيث العلاوات

[حمد 2002]

انا الساعه 1 اشيل شلايلي واطلع :shy: باعتبار ان مافيه شغل بس لو صادف وكان عندنا شغل وضغط باضطر اني اقعد...

والبصمه والحضور والانصراف ماعندكم ؟ :rolleyes2:

[NINA RICCI]

الـقرار ممــتـاز ..

[نور الحور]

ما حبيته كلش :(

[نوار قطر]

والبصمه والحضور والانصراف ماعندكم ؟ :rolleyes2:

هذي الي بيصكني بعين في ثاني يوم من رمضان :anger1:

لا انا ماابصم بس اوقع وساعات انسى اوقع والبنات يذكروني:shy:

[احلى دنياااا]

مب مناسب كلش صج الواحد يمديه ينام عقب السحور شوي لين الدوام بس الطلعة متاخرة وماتناسب اللي يدش المطبخ
احنا بالدوام نداوم من 8 لين 12
المفروض لين 1 بس تساهلوا وخلونا لين 12
بصراحة خوش دوام صج القومة صعبه بس اضطر انام ع الساعه 12
واقوم للسحور والصلاة وارد ارقد بس يتم احسن من دوام الساعه 9 لان اتوقع حزة الساعه 9 زحمة وايد ع الاقل 8 الشوارع خالية
ومبروك عليكم الشهر

[هارودز]

ممتاز

[pink pearl]

الحمدلله ماينطبق علي القانون دوامي من 7 ونص لين 12 ونص

لكن أحس بالأمهات العاملات اللي حولي جداً متضايقين من أوقات الدوام، وأنا أشوفهم ما راعوا الموظفة العاملة ، متى يمديها تلحق على الأطفال والفطور والصلاة وقراءة القرآن ؟؟!!!

وأنا مع المشاركة اللي تقول يخلون دوام الرجال من 9 لين 2ونص
والموظفات من 8 لين 12
ياريت يراعونا في أبسط حقوقنا

[برشلوني قطر]

مع اني ماجربته...بس اشوفه مناااسب

[أخت الكل]

توقيت سيئ جدا

سبب زحمه غير طبيعية بمنطقة الابراج

[راعي القالات]

ممتاز بقوة

[حمد 2002]

هذي الي بيصكني بعين في ثاني يوم من رمضان :anger1:

لا انا ماابصم بس اوقع وساعات انسى اوقع والبنات يذكروني:shy:

احسن شيء التوقيع ياليت ايطبقونه عندنا احسن من البصمه ، يعني عادي تحضرين الدوام الساعه 11 وتحطين وقت التوقيع الساعه 7 ونص :omen2:

[نوار قطر]

احسن شيء التوقيع ياليت ايطبقونه عندنا احسن من البصمه ، يعني عادي تحضرين الدوام الساعه 11 وتحطين وقت التوقيع الساعه 7 ونص :omen2:

لا حشى علي والله ولا مره سويتها ... شدعوه بحط في ذمتي ..
يابو عين مب عين عليك والله توهم الموارد مطرشين كتاب يقولون ليش هالموظفين التاليه اسمائهم مايبصمون :omg: ومن ضمنهم اسمي:rolleyes2: سلوم بو تيله:anger1:

[حمد 2002]

لا حشى علي والله ولا مره سويتها ... شدعوه بحط في ذمتي ..
يابو عين مب عين عليك والله توهم الموارد مطرشين كتاب يقولون ليش هالموظفين التاليه اسمائهم مايبصمون :omg: ومن ضمنهم اسمي:rolleyes2: سلوم بو تيله:anger1:

:shy: بصير احسن منج وب راد عليج اللهم اني صائم هه

[مسمس12]

صكنا حمد بعين ههههههههههههههه

http://i.imgur.com/ifPKmvL.jpg

[نوار قطر]

:shy: بصير احسن منج وب راد عليج اللهم اني صائم هه

هههههه اصلا عقب ماصكيتني بعين المفروض تشرد من المنتدى ... تغير نكك تسوي لك سالفه... بس بعد مب باصمه :tease:

[وطن]

لا حشى علي والله ولا مره سويتها ... شدعوه بحط في ذمتي ..
يابو عين مب عين عليك والله توهم الموارد مطرشين كتاب يقولون ليش هالموظفين التاليه اسمائهم مايبصمون :omg: ومن ضمنهم اسمي:rolleyes2: سلوم بو تيله:anger1:

لا اله الا الله

تسبب عليج
:secret:

حمد اذكر الله ع البنات

[نوار قطر]

صكنا حمد بعين ههههههههههههههه

http://i.imgur.com/ifPKmvL.jpg

اي صح انضافت الصفحه في سستم الموظف الله وكيلج صفحتي حمره:shy: كله غياااب...

[تحداني]

توقيت ممتاز .. واموري عال العال
واحس نفسي فوق السحاب


اللهم لك الحمد

[مسمس12]

اي صح انضافت الصفحه في سستم الموظف الله وكيلج صفحتي حمره:shy: كله غياااب...


انا اشطر منج ههههههههههههههههههههه

[وليف قطر]

-






صصصراحه .. شششششي :nice:
بالنسبه للحريم يكسرون الخاطر احس مافيه وقت حق مقيال كللش
بس عادي عادي :victory:

[khalid Qtr]

دوامي من 9:00 إلى 1:30 بصراحة النظام الجديد سبب زحمة في الشوارع .

[بنت امي]

ممتاز

اذان الفجر 3:23 يمدي ترقد 6 ساعات

اذان المغرب 6:30 يمدي تقيل ساعتين على الاقل

[abdo222]

رمضان الي طاف كنت اقول ياريت الدوام يبدأ من 9 ,,وكانت الشوارع فاضيه

من الغرافه للابراج ما ياخذ مني 10 دقايق

اليوم
اقول ياريت يرد للدوام القديم !! مب طبيعيه الزحمه ! من الساعه 8:15 لل 9:30 وانا في الطريق !
بالاضافه لوقت الانصراف ساعه 2:00 منطقه الابراج مب طبيعيه !

[pure]

أنا ماعندي اي مشكله الا مع الزحمه ,,

فبعدد التحريض رحت للاتج ار طلبت اني اداوم من 8 لين 1

الجواب كان :


مشي بوزج :(


وكل عام وانتو بخييير :nice:

[حكآية آحسآس]

انا اششوفه منآآسسب وآجد


مششكورين على هذا القرار

[فريج النجادة]

التوقيت ممتاز

[دانة الطواش]

التوقيت جداً مناسبة في الفترة الصباحية بداية الدوام أما نهايته فهي ظلم وقع على ربات البيوت واقصد الي يدخلون ويطبخون بس لانها بترد هلكانه وهذا الي صار لي امس الساعة 2 طلعنا لكن على ما وصلت وطبعا ينطرني لصغير عند الباب وكنت موصيه الشغالة تجهز كل شئ حتى اطبخ بس ما قدرت من الم الرأس قلت لها انت سوي كل شئ وطبعا مافي نوم بس مجابل اليهال وعند الفطور يسألون يمه ماطبختي ( احرجوني ) اليوم أن شالله اطبخ لهم واعوضهم عن امس

[باراكودا]

هذا القرار يذكرني بقرار تغيير موعد العطلة الأسبوعية من يومي الخميس والجمعة إلى يومي الجمعة والسبت .

[جينير]

قرار ممتاز جدا:nice:
ياليت يكون كذا على مدار العام

[بنت شرق]

اعيد وازيد هالقرار غبي

[الجنوبي]

جداً رائع

[hamad almohd]

توقيت تعبان ماينفع حلاته من 8 افضل من 9

[عيون الدوحة]

خلوها من ٧ لين ١٢

[ســـعـــد]

الدوام يبداء عندنا من الساعة 10 الى 3 ومقبول لكن لو يكون من 11 الى 4 افضل خل نشبع نوم :nice:

[حسن]

هني طلق الفرق بين المراءه الموظفه والغير موظفه

صج ينقالهم الداد

[مشاكل]

بالنسبة لي التوقيت السابق من 8 الى 1 افضل
كنت ارجع البيت انام لين اذان العصر اصلي العصر واقراء قرآن
والوقت اللي يتم قبل المغرب اشتري فيه سمبوسه

اما الحين مافي وقت للنوم قبل صلاة العصر ومستحيل انام بعد صلاة العصر ولذلك مااقدر اشتري سمبوسه :shy:

[أسد الجزيرة]

دوامنا من ٧ الى ١٢ خوش دوام الشوارع فاضية من الدحيل لين امسيعيد ٤٠ دقيقة

[راعي الدتسن]

ممتاز


مافيه بيت فية موظفة الا وعندها بدال الخدامة
خدامتين او ثلاث للي يتحججون بالطباخ والمطبخ



و افضل ميزة لهذا التوقيت للدوامات
ان جميع اوقات الصلوات الواحد يكون صاحي ومستيقظ


وكل عام وانتم بخير

وبارك الله في من اختار هذا الوقت الممتاز

معاااااك في كل كلمة وخاصة مناسبة هالوقت للصلوات

[Mohammed2]

المشكله الكل دوامهم نفس الوقت
الزحمه مب طبيعيه الصبح والظهر

[سنافي قطر]

انا عمري ماداومت صبح في رمضان من ١٠ سنين وماعرف شعور الي يداومون صبح،،

دوامي في رمضان من الاحد للاربعاء
من الساعه٩ مساءا وحتى الواحده صباحا
ولله الحمد

لكن عيبه اني ماقدر اصلي التراويح الا ٤ركعات فقط
واهم مافي السالفه اكون فاطر فالدوام والشوارع فاضيه

وعندي اخوي دوامه من ٥ الصبح لين ١٠
احلى مافي الدوام انه يكون سهران وعقب صلاه الفجر يتحرك ،،ويمديه يشتغل وفيه طاقه لين يرجع،،،لكن عيبه اذا رجع ينام للمغرب وقومته ثقيله في كل صلاه

[مخطط قطري]

بالعكس ممتاز جدا واشكرهم عليه

[مراد2015]

الدوام من الساعة (9) الي الساعة (2) يصلح في الشهور الباردة اذا صادف رمضان


اما الدوام في عز الصيف من (9) الي (2) شكلة متعب شوي

مجرد راي

[تحداني]

بالنسبة لي التوقيت السابق من 8 الى 1 افضل
كنت ارجع البيت انام لين اذان العصر اصلي العصر واقراء قرآن
والوقت اللي يتم قبل المغرب اشتري فيه سمبوسه

اما الحين مافي وقت للنوم قبل صلاة العصر ومستحيل انام بعد صلاة العصر ولذلك مااقدر اشتري سمبوسه :shy:





:) .. الله يسعدك يارب

الي عندي في البيت من ملايين المستحيلات يسون اي عمليه شراء بعد اذان العصر
وصارت السمبوسه الباكستانيه والهنديه حلم حياتي :(
الله يحنن قلبهم ويجيبون لي هالسمبوستين
لاني اعشق هالاختراع .. بس ما اعشق شغل البيت فيه لانهم ما ايعرفون يجيبونها
مثل اصحابها

:(


جملك الله برضاه

[w.qatar]

انا في البدايه استانست ع الخبر بس صراحه مع هالزحمه اللي تصير الساعه 2 كرهت الدوام
وصرت اطلع الصبح الساعه 8 عشان اتحاشى زحمة الساعه 8:30

+

نرجع البيت نبي نرقد و ما نقوم الا الساعه 5 يعني حتى هالنومة تكنسلت عشان ندش المطبخ ونساهم بكم طبق عالفطور

[captin]

من أعد قرار ساعات الدوام في رمضان
أعده ليتناسب مع ظروفه الخاصة

الأمثل في رمضان من وجهة نظري من الساعة 7 الى 12 ظهرا .
ومن تاريخ 20 رمضان إجازة رسمية للجهات الحكومية

[غايه الطواش]

من أعد قرار ساعات الدوام في رمضان
أعده ليتناسب مع ظروفه الخاصة

الأمثل في رمضان من وجهة نظري من الساعة 7 الى 12 ظهرا .
ومن تاريخ 20 رمضان إجازة رسمية للجهات الحكومية

والقطاع الخاص ؟؟

[ضوى]

عادي ماشفت فرق عن السنة اللي قبلها

[مضارب دوسري]

عادي ماشفت فرق عن السنة اللي قبلها

نحن شعب متذمر وما يعجبنا العجب :)

انا دوامي 12 ساعه والحمدلله مريحينا في شفت الصباح وحاكينا في شفت الليل :tease:
يومين صباح ويومين ليل

واربع ايام اجازه
ولما اطلع من اخر يوم لازم اطرش برودكاست واحلى 96 ساعه اجازه :tease:

[لاميزون]

من اروع الاوقات ولو يكون من10 الى 3 بيكون احسن واحسن

[طلعة الروح]

وايد ناس يشتكون من زحمة السير ، خصوصا اللي دواماتهم تمس شارع الكورنيش
لكن من ناحية المبدأ الأفضل تقليل الساعات بحيث يكون من 9 لين 1 للقطاعين

[Al-Kuwari]

الحمدلله اجازة ولا ادري عن دوامكم :tease:

[الوثيقة]

والله انا اشوف الوقت عادي .. ومناسب للجميع

لان دوامي شفتات اصلاا

[مشاكل]

:) .. الله يسعدك يارب

الي عندي في البيت من ملايين المستحيلات يسون اي عمليه شراء بعد اذان العصر
وصارت السمبوسه الباكستانيه والهنديه حلم حياتي :(
الله يحنن قلبهم ويجيبون لي هالسمبوستين
لاني اعشق هالاختراع .. بس ما اعشق شغل البيت فيه لانهم ما ايعرفون يجيبونها
مثل اصحابها

:(


جملك الله برضاه
ويسعدك ربي وينور دربك
السمبوسمة من معالم رمضان وصعب استغني عنها بالرغم من المعاناة اللي اواجهها من الزحمة الرهيبة في محل السمبوسة تقولين كنهم يوزعون زكاة :rolleyes2:
لكن تبقى السمبوسة الهندية ظرورة وخصوصاً مثل ماتفضلتي مايظبطونها فالبيت ابداً بالرغم من المحاولات المستمرة سنين سنين دون جدوى:weeping: