تاهو ولا يوكن !؟

[Erhaby]

السلام عليكم ..

شباب بغيت اخذ موتر حق البيت
فبغيت اعرف شترشحون اليوكن ولا التاهو
شنو افضل في الاستعمال
وشنو افضل حق الصيانه
( الشفر ولا الجمس)

؟

[الـخـور]

عليكم السلام ورحمة الله وبركاته


انا اصوت للشفر بحكم ان اسي ديلكو موجود فروع له في كل مكان ويفتح لين الساعة ١١ فليل
وهالميزة وايد مهمه ..تخليك ماتتعطل والصيانة تقدر تخلصها في نفس اليوم

الجمس مشكلتهم في الصيانة يسكرون بدري ..ومالهم فروع كثيرة

[اللوز]

اليوكون
في الصيانة شغلهم محترم
ويجون لك البيت
وبيعه اليوكون اقوى
وانتظر سنة 2015 بينزل الشكل الجديد

[ام روز]

التاهو مشكلته فالصيانه يطول لما تدخله

[Erhaby]

يعطيكم العافيه شباب
:
.

والله هم مسووين عروض حلوه
وانا طلع علي اليوكن
151,000
فقلت بتوكل على الله
لكن الحين اجوف مواضيع انه شكله بيتغير السنه الجايه !؟
حد عنده خبر !؟

[فيصل الشمري]

توكل على الله وخذ يوكن
حتى تقدر تسوي له صيانة في آي سي ديلكو
بس لا تاخذ اقل من موديل 2010

[إعلامي قطر]

..

بعد بحث سابق أنصحك بالتاهو سعره أرخص
من اليوكن بحوالي 20 ألف وعليهم عروض جامده..

وهذا رقم مدير مبيعات بالشفر أسمه خالد عصفور:
55648808
كان شغال بالجمس وراح للشفر وممكن يفيدك ويسوي
لك مقارنه بينهم ولو عندك أي إستفسار ممكن يفيدك
وبصراحه من خيرة الناس إللي تعاملت معاهم..

وعلى حد علمي إن الشفر بأمريكا هو سيارة الشعب ولو
تلاحظ بالأفلام حتى تلاقي سياييرهم شفر بشكل مبالغ فيه
وهالشي فعلاً حاصل، والجمس يعتبر لفئة العمال بأمريكا وهذا
مب تقليل منه طبعاً لكن المقصد رغم إن خط إنتاجهم واحد إلا إن الشفر
يعتبرونه فخر الصناعه الأمريكيه وهالشي سمعته من كذا واحد أمريكي !

والجمس لأنه دخل سوق قطر من بدري وانكتبت فيه الأشعار
وتولعوا فيه شيابنا فصار موضوع ثقافه عندنا إن الجمس أفضل !

يعني تقدر تقول مثل ثقافة التويوتا إللي مافي بيت
قطري يخلو منها وسالفة إنه شيك بمخباك وإلخ !

بس لا تنسى إن السنه الجايه أشكال اليوكن
والتاهو بتتغير وخل هالنقطه في بالك..

بالتوفيق إن شاء الله..

..

[ابومبارك]

مافيه مقارنه بحكم اني استعملت التاهو واليوكن

اليوكن افضل بكثييييير

وانصحك لاتشتري الان لان في شهر 10 بينزل الشكل الجديد اذا كنت بتشتري جديد

[المبرمج]

وعليكم السلام ورحمة الله وبركاتة

أخوي الموترين نفس الشي لحد يزيد بالكلام .. كلهم جنرال موتورز والمكينة وحدة .

اللهم المواصفات تفرق !!

اليوكون بالمواصفات والتاهو بالسعر عند الشراء سواء جديد ولا مستعمل ..

عند البيع اليوكون ارغب في السوق ..

نصيحتي لك دام الموتر للأهل خذ لك تاهو فرق السعر يلعب دور ..

[GENIUS]

عيب اليوكون الوحيد الإضاءة العالية ليست بالمستوى المطلوب وأقصد الفول خاصة إذا كنت تستخدم الخطوط الخارجية كالسفر مثلا

[الـخـور]

انا مانصح بالدنالي او ال تي زد لان الرنقات الكبيرة وسيتات الجلد تعطي شوي قساوة للموتر
الرنقات العادية وايد اريف في المسافات الطويلة