خبرااء أسباانيا .. لوسمحتوا

[دااانة قطر]

السلام عليكم ورحمة الله وبركاته


ممكن تفيدوني لسفرة أسباانيا بعد العيدي وهل الوقت مناسب أولا ؟؟

[بو خليفه 123]

وين في اسبانيا ؟ :)

[دااانة قطر]

عندي جدول عن طريق السفريااات
BarcelonaوGranadaوSevilleوBarcelonaوMadrid

بس لانها اول مرة ابي معلومااات من اللي عندهم خبره

[بو خليفه 123]

جدول رائع اذا كنتي مهتمه بالتاريخ فـ اشبيليا و برشلونه و غرناطه اغنياء بالتاريخ .. الاماكن التاريخيه .. قلعات و الخ .

مدريد للسوق


في شهر سبتمبر غير بارده لكن بالليل ممكن يكون الجو رائع يحتاج الى جاكيت خفيف



بخصوص برشلونه :

زيارة ستاد كامب نو (ملعب برشلونه المشهور) رغم اني مدريدي

شراء منتجات نادي برشلونه .. الغداء في حديقة الملعب هناك مطاعم و محلات آيس كريم للاستراحه بعد الجوله .

زيارة وسط المدينه " شارع لو رامبلا" المشهور بكل شي .. فنادق .. متاحف .. قهاوي .. مطاعم .. فنانين رسم .. فنانين كوميديين .. مشابه لشارع الشانز في باريس او شاره بيكاديلي في لندن .


ساحة كاتالونيا .. ساحه تاريخيه و هي تقع وسط برشلونه ممتعه و مفيده .. أنا مره دخلت في مظاهرات معهم و غيرت جو :nice: و من خلف الساحه و على يمينها و يسارها مطاعم و اسواق تجاريه .

سوق ماريقنام

من أهم الأمور الي لازم تسوينها هو ركوب الباص السياحي في برشلونه (لونه أحمر)
الباص ياخذك في جوله للمعالم السياحيه والتاريخيه و يمكنك النزول عند كل محطه لأخذ جوله في القلعه او احد المعالم السياحيه الي ترغبين في زيارتها .

pueblo espaniol بويبلو ايسبانيول هي احد المعالم الاسبانيه المعروفه بتجمع جميع ثقافات اسبانيا المختلفه وهي قريه شعبيه

المتحف الوطني لبرشلونه (منظر بانوراما من اعلى المتحف يطل على مدينة برشلونه كامله)

ملاهي فينتورا .. مدينه ترفيهيه كامله للكبار والصغار (لازم تركبين قطار الموت الي ينزل في الماي) :nice:

سوق الفواكه والخضروات (أنا اسميه سوق الخميس والجمعه الاسبني) تتذوقين الفواكه طازجه من عندهم و لها طعم خيالي عمري ماتذوقته في أي بلد .. منتوجاتهم فريش و حلوه .



ان شاء الله برجع لك بمشاركه ثانيه بخصوص اشبيليا و مدريد و غرناطه .. لكن برشلونه هي المدينه الاقرب الى قلبي :)

[برشلوني قطر]

اهم شي صور الكامب نو

ومثل ماقال اخوي بوخليفه من مدريدي صار برشلوني بسبة الكامب نو:victory:

[دااانة قطر]

جدول رائع اذا كنتي مهتمه بالتاريخ فـ اشبيليا و برشلونه و غرناطه اغنياء بالتاريخ .. الاماكن التاريخيه .. قلعات و الخ .

مدريد للسوق


في شهر سبتمبر غير بارده لكن بالليل ممكن يكون الجو رائع يحتاج الى جاكيت خفيف



بخصوص برشلونه :

زيارة ستاد كامب نو (ملعب برشلونه المشهور) رغم اني مدريدي

شراء منتجات نادي برشلونه .. الغداء في حديقة الملعب هناك مطاعم و محلات آيس كريم للاستراحه بعد الجوله .

زيارة وسط المدينه " شارع لو رامبلا" المشهور بكل شي .. فنادق .. متاحف .. قهاوي .. مطاعم .. فنانين رسم .. فنانين كوميديين .. مشابه لشارع الشانز في باريس او شاره بيكاديلي في لندن .


ساحة كاتالونيا .. ساحه تاريخيه و هي تقع وسط برشلونه ممتعه و مفيده .. أنا مره دخلت في مظاهرات معهم و غيرت جو :nice: و من خلف الساحه و على يمينها و يسارها مطاعم و اسواق تجاريه .

سوق ماريقنام

من أهم الأمور الي لازم تسوينها هو ركوب الباص السياحي في برشلونه (لونه أحمر)
الباص ياخذك في جوله للمعالم السياحيه والتاريخيه و يمكنك النزول عند كل محطه لأخذ جوله في القلعه او احد المعالم السياحيه الي ترغبين في زيارتها .

Pueblo espaniol بويبلو ايسبانيول هي احد المعالم الاسبانيه المعروفه بتجمع جميع ثقافات اسبانيا المختلفه وهي قريه شعبيه

المتحف الوطني لبرشلونه (منظر بانوراما من اعلى المتحف يطل على مدينة برشلونه كامله)

ملاهي فينتورا .. مدينه ترفيهيه كامله للكبار والصغار (لازم تركبين قطار الموت الي ينزل في الماي) :nice:

سوق الفواكه والخضروات (أنا اسميه سوق الخميس والجمعه الاسبني) تتذوقين الفواكه طازجه من عندهم و لها طعم خيالي عمري ماتذوقته في أي بلد .. منتوجاتهم فريش و حلوه .



ان شاء الله برجع لك بمشاركه ثانيه بخصوص اشبيليا و مدريد و غرناطه .. لكن برشلونه هي المدينه الاقرب الى قلبي :)

تم طبااعة نسخة
ألف شكر
وفي انتظاار المشااركه الثاانيه





استفساار كم يوم يبي لها؟؟

[دااانة قطر]

اهم شي صور الكامب نو

ومثل ماقال اخوي بوخليفه من مدريدي صار برشلوني بسبة الكامب نو:victory:



ان شااء الله
الف شكر لمرورك

[بو خليفه 123]

اضافةً الى مشاركتي اعلاه

هناك معلومه مهمه نسيت اذكرها عن برشلونه :

عدم لبس المجوهرات
عدم وضع الجوال على الطاوله
الحرص على المحفظه لأن برشلونه و خصوصاً شارع لو رمبلا معروفه بالحراميه (لكن غير مؤذيين) ولا يتعرضون لك لأن في كل زنقه .. في كل شبر تلقين شرطي واقف .

نسيت ايضاً اذكر لك كورنيش برشلونه يقع مابين فندق دبليو و فندق هوتيل آرتز التابع للريتز كارلتون مكان رائع للتمشايه و وجد به مطاعم رائعه . انصح بتجربة المطعم المغربي المطل على الشاطىء .

[بو خليفه 123]

اعلاه خلصنا من برشلونه و اذا تذكرت شي برجع اضيفه


نبتدي في مدريد و للأمانه لا اذكر الكثير لأني قضيت فيها 3 ليالي فقط لاستكشافها و مشاهدة مباراة الكلاسيكو بين مدريد و برشلونه .. اما برشلونه اقعد فيها بالاسبوع و رحتها 6 مرات خلال ال 4 سنوات الاخيره فلذلك السموحه اذا قصرت بأفادتك في مدريد مسبقاً ..


زيارة ملعب سنتياقيو بيرنابيو (المتحف و خذوا مرشد سياحي يعطيكم نبذه عن تاريخ الملعب) انصح برشلوني قطر بزيارته :tease:


القصر الملكي .. المتحف الحربي .. ساحة بلازا ماير .. شارع القران .. سوق الراستو ..

[بو خليفه 123]

مطاعمي المفضله في اسبانيا (بالنسبه لي من اهم الاشياء هو تجربة المطاعم الفريده + المشهوره من خلال سفري


برشلونه :

طبعاً اذا ماجربتي طبق الباييلا ماتنحسب انك رحتي برشلونه :)

مطعم ارولا في الطابق الاثني في الريتز كارلتون

المطعم المغربي في الكورنيش بصراحه نسيت اسمه لكن مطل على الشاطى وهو اشهر مطعم هناك ممكن تسألين الكونسياج في فندقك

ساحة التاريخ خلف شارع لو رمبلا هي عباره عن مربع كبير محاط بالمطاعم و توجد به جميع انواع المطاعم . المهم تأكدي ان الاكل حلال


مدريد :

مطعم الباشا
فرح بغداد (يسوي خوش صالونه) :nice:
سايات نوفا
التابيو
جربي الافتر نون تي _شاي الضحى) في قران فيا
فندق فيلا ريل (جربي المطعم الي فوق السطح بلكونته مطله على السنترال ستي و انتي تحتسين القهوه او العصير :victory:




نصيحه : برشلونه مانفع لها كشخه و مجوهرات نفس بعض الفتيات الله يهديهن . يبيلها جوتي رياضه و خارطة برشلونه في يد كل واحد منكم .

بدون مبالغه كنت امشي اكثر من 8 ساعات باليوم الواحد ولا اشعر بالتعب

[دااانة قطر]

نصيحه : برشلونه مانفع لها كشخه و مجوهرات نفس بعض الفتيات الله يهديهن . يبيلها جوتي رياضه و خارطة برشلونه في يد كل واحد منكم .





جزااك الله خير اخوي بوخليفة
بس جد ضحكت على اللي تلبس ذهب في السفر؟؟
اتخيل اشكاالهم


الف شكر لك

[برشلوني قطر]

والله حمستني بوصفك لا سبانيا

بعد اذن اختي صاحبة الموضوع

سؤال...هل ينفع تأجير سياره ف اسبانيا ؟؟ والتنقل من مدينه الى مدينه...والا ماتنصح ....؟

[العلم]

أنا اللي عاجبني في الموضوع بس إن بو خليفة مدريدي .. تحياتي يالوحش:nice:

[دااانة قطر]

والله حمستني بوصفك لا سبانيا

بعد اذن اختي صاحبة الموضوع

سؤال...هل ينفع تأجير سياره ف اسبانيا ؟؟ والتنقل من مدينه الى مدينه...والا ماتنصح ....؟



اتوقع اذا في مرشد بيكون النقل عليه؟؟ّّ

[monatee]

توني جايه من أسبانيا

قعدنا 3 ليالي في برشلونه

وليلتين في ماربيا جنوب اسبانيا

و 3 ليالي في مدريد

واحلى شي كانت برشلونه وماربيا

اما مدريد ماعجبتني وايد

وترى شمسهم وايد حاره ونادر ماتكون الدنيا غيوم

وتنقلاتنا من برشلونه لين ماربيا بالطياره ومن ماربيا لين مدريد بقطار

[آنــه]

عن نفسي انا رحت برشلونه للعلاج وقعدت فيها حول ال 45يوم
و في هالمده رحت لاكثر من منطقه لكن اللي حبيتهم هم قرطبه وغرناطه مناطق صج جميله وخصوصا لما تشوفون تاريخ الفتوحات الاسلاميه وكيف وصل المسلمين لهالاماكن .. و برشلونه اللي يميزها انها هاديه ومافيها صخب الاماكن الثانيه

برشلونه [ الاماكن السياحيه فيها .. المتاحف اللي منتشره في جميع ارجاءها و المباني القديمه اللي تمرون عليها وانتوا في الباص السياحي ملاهي تبيدابو على الجبل و التلفريك و ممكن تشوفين جداول السفن وتسافرون مناطق مختلفه عبر البحر و الرامبلا والتمشيه فيه و القصر اللي فيه النوافير الراقصه الكنيسه القديمه اللي لين الحين ما كملوا بناءها من 1800 وحطبه سقراذا فميليا و في سيارات تاجرونهم حق شخصين بس لما تأجرونها لازم الليسن والبطاقه او الجواز يكونون معاكم حلوين للتمشيه ووو والله وايد اشياء بس ما ادري اللي اتذكره اكتبه ]

قرطبه [ لا تفوتون زيارة مسجد قرطبه الكبير وقنطرة قرطبة العظيمه و البيت الاندلسي و قصور الامراء المسلمين و مبنى المسلمين هذا على القنطره تلقونه وفي منطقه قريبه من قربه نسيت اسمها تجنن و في بعد قصر عبدالرحمن الناصر .. لا تفوتون زيارة هالمنطقه ]

غرناطه [ كانت زيارتنا لها سريعه زرنا قصر الحمراء و جنة العريف و القصر الصيفي وشفنا كثير اشياء حلوه فيها .. ورحنا سوق القيصريه في غرناطه شي عجيب ههههه و زرنا اماكن التعريف بالاسلام وبعض المساجد ]

هذي بعض الاشياء اللي اذكرها من رحلتي

[نجم سهيل]

السلام عليكم

بالنسبة لمدريد اللي اعرفه أشهر شارع عندهم هو الغران فيا gran via
وعجبني مطعم ايطالي فيه اسمه De Bocca

بالنسبة للجنوب الاندلسي أنصح باستئجار سيارة لان مافي زحمة أبد والسواقة عادية والخطوط حلوة هناك

قرطبة مثل ماقالوا .. مسجد قرطبة وحي المسلمين واليهود في نفس المكان شي حلو

غرناطة ماعندي فكرة الا عن قصر الحمرة ومكان يستحق الزيارة اذا ماكان الجو حار لانها كبييييرة وبتمشون فيها وايد والمكان يستاهل

واذا كنتوا من اللي يحبون الااثار الاسلامية شوفي حلقة ناشيونال جيوغرافيك في اليوتيوب عنها .. حلوة وبتروحون هناك وانتوا عندكم فكرة عن المكان
واذا عندكم مجال تروحون ماربيا بعد في مكان انصحكم فيه بشدة وأحلى من البورتو بانوس اسمه

Casco antiguo

بإمكانكم البحث عن الصور في غوغل

عبارة عن قلعة اسلامية قديمة بس يوم تدخلينها فيها فرجان ومحلات ومطاعم وكنيسة دخلناها وبسطنا معاهم كان عندهم عرس .. مكان عائلي بحت يعني .

بين قرطبة وماربيا حول ساعتين الا ربع بالسيارة .. بسالطريج حلو .. جبار خضرة بس خضار جبال عسير مب جبال اوروبا

واذا أجرتوا سيارة عندكم فالطريج من ملقا إلى ماربيا قرية فوق الجبل اسمها ميخاس Mijas
حلوة اذا معاكم يهال .. قرية صغيرة فيها مدينة ملاهي بسيطة ومحلات فيها تذكارات وحلويات صناعة اهل القرية .. وجني لمحت واحد يسووي شاورما

موفقين ان شالله

[دااانة قطر]

توني جايه من أسبانيا

قعدنا 3 ليالي في برشلونه

وليلتين في ماربيا جنوب اسبانيا

و 3 ليالي في مدريد

واحلى شي كانت برشلونه وماربيا

اما مدريد ماعجبتني وايد

وترى شمسهم وايد حاره ونادر ماتكون الدنيا غيوم

وتنقلاتنا من برشلونه لين ماربيا بالطياره ومن ماربيا لين مدريد بقطار



الحمدلله عالسلااامه
ايه قالوا لي شمسهم حااره
الف شكر

[دااانة قطر]

عن نفسي انا رحت برشلونه للعلاج وقعدت فيها حول ال 45يوم
و في هالمده رحت لاكثر من منطقه لكن اللي حبيتهم هم قرطبه وغرناطه مناطق صج جميله وخصوصا لما تشوفون تاريخ الفتوحات الاسلاميه وكيف وصل المسلمين لهالاماكن .. و برشلونه اللي يميزها انها هاديه ومافيها صخب الاماكن الثانيه

برشلونه [ الاماكن السياحيه فيها .. المتاحف اللي منتشره في جميع ارجاءها و المباني القديمه اللي تمرون عليها وانتوا في الباص السياحي ملاهي تبيدابو على الجبل و التلفريك و ممكن تشوفين جداول السفن وتسافرون مناطق مختلفه عبر البحر و الرامبلا والتمشيه فيه و القصر اللي فيه النوافير الراقصه الكنيسه القديمه اللي لين الحين ما كملوا بناءها من 1800 وحطبه سقراذا فميليا و في سيارات تاجرونهم حق شخصين بس لما تأجرونها لازم الليسن والبطاقه او الجواز يكونون معاكم حلوين للتمشيه ووو والله وايد اشياء بس ما ادري اللي اتذكره اكتبه ]

قرطبه [ لا تفوتون زيارة مسجد قرطبه الكبير وقنطرة قرطبة العظيمه و البيت الاندلسي و قصور الامراء المسلمين و مبنى المسلمين هذا على القنطره تلقونه وفي منطقه قريبه من قربه نسيت اسمها تجنن و في بعد قصر عبدالرحمن الناصر .. لا تفوتون زيارة هالمنطقه ]

غرناطه [ كانت زيارتنا لها سريعه زرنا قصر الحمراء و جنة العريف و القصر الصيفي وشفنا كثير اشياء حلوه فيها .. ورحنا سوق القيصريه في غرناطه شي عجيب ههههه و زرنا اماكن التعريف بالاسلام وبعض المساجد ]

هذي بعض الاشياء اللي اذكرها من رحلتي



ماشااء الله
ألف شكر
تمت الاضاافه

[دااانة قطر]

السلام عليكم

بالنسبة لمدريد اللي اعرفه أشهر شارع عندهم هو الغران فيا gran via
وعجبني مطعم ايطالي فيه اسمه de bocca

بالنسبة للجنوب الاندلسي أنصح باستئجار سيارة لان مافي زحمة أبد والسواقة عادية والخطوط حلوة هناك

قرطبة مثل ماقالوا .. مسجد قرطبة وحي المسلمين واليهود في نفس المكان شي حلو

غرناطة ماعندي فكرة الا عن قصر الحمرة ومكان يستحق الزيارة اذا ماكان الجو حار لانها كبييييرة وبتمشون فيها وايد والمكان يستاهل

واذا كنتوا من اللي يحبون الااثار الاسلامية شوفي حلقة ناشيونال جيوغرافيك في اليوتيوب عنها .. حلوة وبتروحون هناك وانتوا عندكم فكرة عن المكان
واذا عندكم مجال تروحون ماربيا بعد في مكان انصحكم فيه بشدة وأحلى من البورتو بانوس اسمه

casco antiguo

بإمكانكم البحث عن الصور في غوغل

عبارة عن قلعة اسلامية قديمة بس يوم تدخلينها فيها فرجان ومحلات ومطاعم وكنيسة دخلناها وبسطنا معاهم كان عندهم عرس .. مكان عائلي بحت يعني .

بين قرطبة وماربيا حول ساعتين الا ربع بالسيارة .. بسالطريج حلو .. جبار خضرة بس خضار جبال عسير مب جبال اوروبا

واذا أجرتوا سيارة عندكم فالطريج من ملقا إلى ماربيا قرية فوق الجبل اسمها ميخاس mijas
حلوة اذا معاكم يهال .. قرية صغيرة فيها مدينة ملاهي بسيطة ومحلات فيها تذكارات وحلويات صناعة اهل القرية .. وجني لمحت واحد يسووي شاورما

موفقين ان شالله


باارك الله فيك
تمت الاضاافه على ماسبق
الف شكر

[حسن]

انا زرت برشلونه للعلاج مستشفى العيون اعجبتني بلد حلوه وشعبها طيب
وعندك شارع الرمله شرح كان الجو بارد لكن اللي اعرفه ان في الصيف تكون حاره وبعدين عندهم بحر جميل البلاد حلوه

وبالتوفيق

[بو خليفه 123]

والله حمستني بوصفك لا سبانيا

بعد اذن اختي صاحبة الموضوع

سؤال...هل ينفع تأجير سياره ف اسبانيا ؟؟ والتنقل من مدينه الى مدينه...والا ماتنصح ....؟



في برشلونه اعتمد على المشي او التكاسي والباصات لأنه شوارعها ضيقه و سواقينهم على عجله .. يوترونك .

اما ممكن تستأجر في الجنوب والشمال ..

على سبيل المثال : طرت من برشلونه على ملقا و من هناك استأجرت سياره من ايفس العالميه و اتجهت الى ماربيا و من ماربيا تنطلق على المدن المجاوره مثل سان بيدرو اليكانترا .. جبال ميخاس الرائعه .. سييرا بلانكا و الخ الخ ..

والجميل في الموضوع ماتحس انك تسوق .. كل 10 دقايق تضطر انك تصف على اليمين تصور مع الخلفيات الرائعه والمناظر الطبيعيه .. يكون البحر من غربيك والجبال من شرق

سبحان الخالق .

[ابوحشر]

السلام عليكم ورحمة الله وبركاته


ممكن تفيدوني لسفرة أسباانيا بعد العيدي وهل الوقت مناسب أولا ؟؟

انصحج اسكني في المريديان في شارع رامبلا

عجيب وقريب من كل شي