قاطعو الخطوط الجوية القطرية

[كلاسيك قطر]

شكر موصول له طيران الامارات حجزت ع السياحيه اب 470 ريال قطري ويوم جيت المطار عند البوابه يقولي انت في درجه الاولى شي والله

وانا استفسرت ع القطريه قالي 600 ريال ومن بعد الساعه 12 في الليل قالي 800 ريال شنو هاي النصب

وحجزت ع الامارتيه شوفو اشلون لا وع الدرجه الاولى حاطيني بعد اشكر طيران الامارات والله

https://pbs.twimg.com/media/BO6e3N4CQAACSgu.jpg:large

اكبر باكر شوف الموضوع وله كنسل القطريه

[khaldoon]

أنا من زمان كنسلت الحجز على القطرية لغلاء سعرها

[كلاسيك قطر]

اي والله

ع فكره الكرسي الي حاطيني فيه رقم 6

وانا الان متواجد في المطار

[New Vision]

القطريه لغير القطرين

[آخر الفرسان]

من زمان مقاطعهم بصراحة
بس للاسف مرات نظطر ركوب الصعاب .. لضيق الوقت

[كلاسيك قطر]

والله حرام الي يسوي فينه جذي والله

[كلاسيك قطر]

من زمان مقاطعهم بصراحة
بس للاسف مرات نظطر ركوب الصعاب .. لضيق الوقت


باقولك الصراحه انا مقاطعهم من زمان اذا اروح الخليج اب سياره اما اذا باروج برع الخليج لازم القطريه

بس القطريه انشوف هاي السعر ويحطونك سياحيه مب شي قلت الامارتيه احسن اب واااااايد

[كلاسيك قطر]

القطريه لغير القطرين


وانا اعتقد بعد لغير الغطرييين يعطونهم ارخص من السعر

[كلاسيك قطر]

يالله فمان الله الحين اركب الطياره وارتاح فيها

قاطعو القطريه

[مشاكل]

مستحيل اسافر على غير القطرية
أحسها مثل بيتي

[بـن عدوان]

الموضوع فيه لبس

كل ماصار شي قطيتوا عالقطرية !!؟ بدون لاتعرفون السبب!!

الارجح يكون الموضوع كالاتي:

المكتب اللي اتصلت فيه هو ريجنسي وهو ياخذ العمولة 200 بعد الساعه 12 وهالنصب علا قولتك عمولة ريجنسي مب القطرية

الشي الثاني:

انت رايح دبي وشي طبيعي بالاماراتيه ارخص لانه الطيارة رايحة بلادها فتكون التذكرة ارخص او يمكن كان عرض وهالشي وارد في كل الخطوط في اي وقت..

الشي الثالث ترا الشركة الاماراتية ساعات تتوهق بخصوص الكراسي فتضطر تحول بعض المسافرين علا الدرجات الاعلى دام مافيها ناس..

للعلم انا مب موظف في القطرية بس قلت اقول اللي عندي وفي بعض الناس ماتعرف بأمور الطيران

[برشلوني قطر]

مافهمت...ليش حاطينك درجه اولى ؟؟

[كلاسيك قطر]

مافهمت...ليش حاطينك درجه اولى ؟؟

المشكله اخوي انا يوم دخلت المطار في كونترين السياحيه والاولى

وشفت السياحيه زحمه قلت اروح الاولى وبس وحطوني في درجه الاولى

ورقم الكرسي 6

بس مادري شو السبب

[مرحوم قطر]

صراحه و عن نفسي اقول انا القطريه احسن

اول شي معروف اذا بنروح اي مكان ترانزيت يكون السعر اقل من الدايركت


بس الميزات الي انا اشوفها ان اركب القطريه و ادفع زياده احسن لي

لان اول شي بركب طياره انظف و ثاني شي الامان اكثر و الخدمه احسن



و ابصراحه انا جربت كذا طيران منها الاتحاد و العربيه و الطيران التيلندي و المصريه

و الخليج و الطيران السعودي

ترى ما يصفون يم القطريه من ناحية الخدمه و النظافه و الراحه



بعدين لما نتكلم عن الاسعار ليه تروحون تحجزون من مكاتب و هلمكاتب تاخذ عموله

اذا بتحجز عن طريق مكتب حط في بالك ما بتلاقي سعر زين الا اذا اتعرف راعي المكتب

اما اذا ماتعرف احد بيعطونك السعر العادي

احجز عن طريق النت احسن و ارخص


و اذا بنسوي مقارنه بخصوص الاسعار انا اشوف ان في طيارات اغلى من القطريه في بعض الاوقات

فعلا سبيل المثال كنت في مصر و كنت ابي ارجع قطر و تذكرتي كانت ون واي يعني ذهاب بدون عوده

المراد اني فتحت النت و قعدت اسوي مقارنه بين الاسعار و فعلاً كان ارخص سعرين عندي

القطريه و المصريه و الفرق بينهم ميتين ريال

قلت ادفع الميتين و لا اني اتبهدل مع المصريه

و غير كذا يا اخوان في فرق بخصوص الترانزيت اي طياره بتركبها غير القطريه

بتنزل ترانزيت في بلد الطيارن فا انا ليه العوز نفسي ادفع 100 و لا 200 اكثر و اشتري راحتي


و غير كذا نظافة الطياره تلعب دور يعني لو تكلمنا من ناحية نظافة الطياره ترى ما نقدر انقارن مع القطريه

الا طيارات الامارات و الاماراتيه ما بتكون نظيفه الا الطياره الكبيره ام الطيارات الصغار تعبانه


فا انا اشوف ان القطريه احسن بوايد حتى لو كانت اغلى ابشي بسيط و انا اركز على شي بسيط

لان في الاغلب الزياده ما تتعدى 300 ريال ادفعها عشان راحتي احسن من ابهدل عمري

[qatara]

كان بعضنا يحاول ان يبتز ويفقر بعضنا الاخر

[ذكي جدااا]

انا استخدم الشركتين دائماً اذا رحلتي شرق اخذت الاماراتيه واذا رحلتي غرب صوب اوروبا اخذت القطريه. والسبب اني مااحب أضيع وقت كثير اذا اروح اوروبا مثلا اطلع الي دبي صوب الشرق وبعدين اتجه غرب لاوروبا غير وقت الترانزيت والحمد لله مستفيد من بطاقة الأميال القطريه والإماراتيه معا.

[vip8]

حاجز على السياحية وعطوك أولى صارت معاي طلع حجزي اب قريد لما دخلت متأخر من البوابة طلعوني درجه أولى وكانت وجهتي للقاهرة هالكلام من 20 يوم

[£عبدالعزيز£]

اول شي مبارك عليك الشهر


اما بخصوص الموضوع .. لان طيران الامارات عطوك ابقريد احنا ليش نقاطع القطرية ؟


وللعلم حركة الابقريد معروف ان القصد منها توفير مقاعد اضافية فالدرجة السياحية لو كان في ناس حجزهم عالويتينج


والقطرية دايما يسوون هالحركة وانا شخصيا صارتلي مرتين !!

[abu ali1]

القطرية اسعارها غاليه الصراحة ...

[bohilal191]

وانا اعتقد بعد لغير الغطرييين يعطونهم ارخص من السعر

اعتقادك خاطئ وعن تجربه

[العربية نت]

عليك سوالف عجيبه يا كلاسيك قطر :eek5: يعني حاطينك بالدرجة الاولى وما تدري عن السبب ههههههههههههه :shy::rolleyes2: ترجع بالسلامه الشيخ :)

[ام محمد2012]

انا اتفق معاك القطريه ماستفدنا منها في اي شي باقول لكم الي صار معانا نبغي نسافر دبي كلمنا القطريه قالوا اي في مقاعد بالكيومايلز بس لازم تدفعون عن كل تذكره 680 ريال ضريبه يعني الضريبه تفرق شوي بس عن سعر تذكره دبي على الاماراتيه رحنا وحجزنا على الاماراتيه وطلع مجموع مبلغ التذاكر اقل من مجموع مبلغ الضرايب على تذاكر الكيومايلز لنفس الوجهه وهي دبي

[&بوشهد&]

القطرية مش لك يامواطن
القطرية اكثر شي تستفيد منه الترانسيت
انا ماسافر على القطرية الا اذا بغيت اروح مباشر من بلاد لين بلاد معني اكرههم والله

[العربية نت]

بس ملاحظ على القطرية ارتفاع السعر مع تواضع الخدمه المقدمة حتى اكلهم مدري من وين يجيبونه عادي جدا :eek5: في احد الرحلات الي ركبتها حتى جريدة ماعندهم :secret:

[بوخالد911]

هكذا كسب الزباين

[مخطط قطري]

ماعندنا غير التحندي والكلام ف المنتديات وفي الاخير نسافر عليها !
وجهه نظري ابتدي بنفسك وشوف قاطعها وروح للشركات الافضل والاحسن منها وطبعا الاماراتيه سابقتها باشواط وارخص منها وعندكم طيران الاتحاد ذو 7 نجوم وخلوهم هم بالخمس نجمات ولا يعقل دوحه واشنطن دوحه اولى وصلت 50 الف للتذكره الوحده ترانزيت لندن !!!!! اروح على الاماراتيه تذكرتين ودايركت من دبي ماوصلت 50

[بوخالد911]

واللي الاحظه فرق سعر الكرسي ع البزنس او الايكونومي
يعني سعر الكرسي بالليل غير عن الفجر وغير عن الصبح

[أم نوني]

يشترون طيارات بفلوس القطريين

[مهره]

من زمان أنطير علي الإمارات وننتظر الحصول علي العضويه الذهبية فيها

[ام ناصر1]

انا ارتاح مع القطرية ...اعتبرها بيتي الثاني ....بص صج اكلهم لك عليه

[مستر راشد]

مستحيل اسافر على غير القطرية
أحسها مثل بيتي

فعلا انا مثلك احس باطمئنان بعد ماسمعت عن اجراءات السلامه الي يتخذونها
والصيانه على احدث مستوى

بصراحه هذي اهم نقطه بنسبه لي
ياروح مابعدج روح ولا الفلوس تروح وتجي ههه :nice:

[qatarat]

كل شركة طيران ولها مميزاتها .. انا عربية من مواليد الدوحه جيت مره اسافر على الاماراتيه حجزت من الاماراتيه على القاهرة في سنة 2011 وبعد ما حجزت وجهزت نفسي واولادي للسفر في المطار ما رضو يطلعونا على الطياره بحجة بدون تأشيرة مع العلم اتصلت بالسفارة المصرية في قطر وقالولي مو محتاجه تأشيرة .. طبعاً التذاكر كانوا يبون يخصومون علينا بس الله سخرنا ابن الحلال اللي قال لنا مو خطأكم خطأ القطريه لانكم ما تحتاجون تأشيرة ..
بعدين رحت حجزت على القطرية بدون تأشيرة بدون اي شي طلعت والرحله سلسله وراحة زيادة فلوس صح بس راحه ولا الواحد يتبهدل في نص المطار ..
هذا ما حصل معي شخصياً .. وسافرت والحمد لله فدايماً نقول هين قرشك ولا تهين نفسك ..

[رياني للأبد]

اخر من يتكلم عن المقاطعات القطريين ..

وشكراً

[وحيد-الشوق]

اخر من يتكلم عن المقاطعات القطريين ..

وشكراً

هههههههههههههههههههههه اي والله

[bohilal191]

القطرية فقط للرحلات الطويلة اما القصيرة ماتنفع

[قايد]

هي صدق لغير القطريين بس احيانا نضطر نحجز عليها

اولاً طيران مباشر الى اوربا واختصار الوقت!