إنخفاض متوقع في اسعار السيارات اليابانية الجديدة يصل الى 30% [الأرشيف]

مشاهدة النسخة كاملة : إنخفاض متوقع في اسعار السيارات اليابانية الجديدة يصل الى 30%

Aaziz

12-07-2013, 12:00 PM

السلام عليكم ورحمة الله

وجدت هذا الموضوع في احد المواقع فاحببت ان انقله لكم .

تاريخ كتابة الموضوع في 08/02/2013

الي ناوي يشتري سياره لايستعجل نصيحه اخويه عبر نفسك كم شهر لين تشوف النزول القوي

لان سعر صرف الين مقابل الريال (الدولار )انخفض اكثر من 27% تقريبا
لان الين في شهر سبعه ميلادي الماضي كان سعر الصرف للين مقابل كل دولار 76
واليوم سعر الصرف للين مقابل الدولار94 ين لكل دولار والانخفاض قوي جدا جدا وسوف يؤثر على اسعار السيارت بشكل قوي و الزلازل الي رفعت الياباني زالت الان
وانا ملاحض الوكاله جالسه تسوي عروض قويه تبي تصرف السيارات الي ماليه المستودعات
حتى على العروض لحد يستعجل نصيحه لان فيه انخافاض قادم لجميع اسعار السيارات
لايضحكون عليكم الوكلاء ويصرفون
وخلال كم شهر قادم بتشوفون اسعار ما توقعتوها ابدا

وهاذا تقرير من مجله لندن

انخفاض الين مقابل الدولار مقتربا من أقل مستوى في ثلاثة أعوام
[06/فبراير/2013] لندن- سبأنت:
> انخفض الين الياباني مقترباً من أقل مستوى في 33 شهرا مقابل الدولار وأقل مستوى في 34 شهرا مقابل اليورو اليوم الأربعاء بفضل توقعات لقرب تعيين رئيس جديد لبنك اليابان المركزي للإسراع بوتيرة التيسير النقدي. وفي أحدث تعاملات ارتفعت العملة الأمريكية 0.2 في المائة إلى 93.77 ين.
وارتفع اليورو مقابل الين الياباني ليسجل 127.71 ين.
ونزل اليورو مقابل الدولار 0.3 في المائة قبل قرار البنك المركزي الأوروبي يوم غد الخميس إلى 1.3537 دولار مبتعدا من أعلى مستوى في 14 أسبوعا الذي سجله الأسبوع الماضي عند 1.3711 دولار.
وزاد اليورو 2.5 في المائة مقابل الدولار منذ بداية العام ويسعى بعض المتعاملين في السوق لجني الأرباح إثر المكاسب القوية.
ونزل الدولار الأسترالي إلى أقل مستوى في شهرين ونصف الشهر عند 1.0312 دولار أمريكي اثر بيانات ضعيفة لمبيعات التجزئة في أستراليا مما يصب في اتجاه خفض أسعار الفائدة هذا العام.

وهذا الرد بتاريخ اليوم من صاحب الموضوع يؤكد ان الاسعار فعلا نزلت

ابشرككم تحقق كلامي والنزول تونا في بدايته الان الجي اكس ار عند الهملاني 2013 فل كامل دفعه اخيره 211 بعد ما كان وقت كتابه االموضوع 231 وياقي تونا في بدايه النزول وسوف ترونه ب 155 قريبا الان الين 102 مقابل الدولار يعني باقي تونا ببدايه النزول نصيحه لاحد يشتري الان وانصحو اقرباكم

هل لاحظتو اي تغيير في اسعار السيارات اليابانية الجديدة ؟

R 7 A L

12-07-2013, 12:19 PM

الله يبشرك انت وصاحب الخبر بالخير

وعقبال مانشوف نزول للبنزين وقطع الغيار

مضارب دوسري

12-07-2013, 12:23 PM

للبنزين اخوي رحال ؟
ليش تشوف البنزين غالي عندنا !
بالعكس البنزين عندنا بسعر رمزززززززي لا اكثر

R 7 A L

12-07-2013, 12:29 PM

صحيح انه عندنا ارخص من بعض البلدان
وليس بذلك الغلاء
ولكن نخاف انه يرتفع
كما هو الحال في بريطانيا السيارات رخيصة والديزل مرتفع

رجل الجزيرة

12-07-2013, 12:33 PM

أتحداكم إذا شركات تويوتا مجلس التعاون تخفض أسعارها إلا عمان والإمارات، والباقي فوق فوق.

qatari 111

12-07-2013, 12:34 PM

اي نعم في نزول في اسعار السيارات فالوكالة والمستعمل وبشكل ملحوظ .
طبعا الوكالات عندنا التويوتا نزل تقريبا من 5 الاف الى 15 الف
النيسان نزل من 5 الاف الى 25 الف تقريبا .. طبعا على حسب نوع وسعر السياره .

لكن لو تجون فالدول المجاوره عندهم نزول اكثر من وكالاتنا ولكن للاسف في سيارات ممنوع بيعها للخليجي بحكم ان عندنا وكيل .. وغير يشوفك قطري يرفع السعر بنفس اسعار المعارض اللي عندنا .

حسن

12-07-2013, 12:48 PM

الله يزيد ويبارك خل هل الين ينزل الى القاع ان شاء الله خاطري اشتري لكزس ب150 الف موديل 14

الدوحة 2010

12-07-2013, 01:04 PM

يعني جي اكس ار موديل 2013

8 سلندر كم سعره الان في وكالة تويوتا عبدالغني

Aaziz

12-07-2013, 01:07 PM

وكاله عبدالغني اذا على خبري كل رمضان يسوون تنزيلات رمضانيه (هذا شي اخر) لكن حسب الردود الي قريتها في الموضوع انهم يقولون في قطر نزلت الاسعار .. و النزول تو في اوله .
بالعاده الشركات (اذا كان الوكيل عنده ضمير حي) يبيع الدفعات الي عنده بحسب السعر الي شرا فيه .. يعني اذا فيه نزول بيكون في الدفعات الجديده الي اشتراها بعد نزول سعر الين . اما الدفعات الي في المخزن يبيعونها بالسعر العادي .

وحيد-الشوق

12-07-2013, 01:08 PM

الاسعار نزلت شيء بسيط ومب ذاك الفرق اتكلم عن الدوحة

كمثال النيسان باترول اسعارة نازله حاليا لكن ايش السبب موديل 2014 بيتغير فيس لفت عشان جذي مطيحين الاسعار

شوفوا موديلات 2014 وصدقوني بتنصدمون من الاسعار

طالما في احتكار عندنا انسى اسعار السيارات تطيح مثل باقي الدول

المجروح81

12-07-2013, 01:31 PM

لاتفائلون بتنزل وايد اذ بتنزل بالكثييييير ٥٠٠٠ ريال

الجنوبي

12-07-2013, 01:51 PM

الله يزيد ويبارك خل هل الين ينزل الى القاع ان شاء الله خاطري اشتري لكزس ب150 الف موديل 14
لكزس ب150 الف وبعد 14 ههههه
صدقني لو وصلت هالسعر باشتري ثنتين وحده لي والثانية هدية حق المسابقة الرمضانية مالت المنتدى :victory:

المجروح81

12-07-2013, 02:02 PM

لكزس ب150 الف وبعد 14 ههههه
صدقني لو وصلت هالسعر باشتري ثنتين وحده لي والثانية هدية حق المسابقة الرمضانية مالت المنتدى :victory:

الاحلام ببلاش طال عمرك

برشلوني قطر

12-07-2013, 10:51 PM

طلعة الروح

12-07-2013, 11:08 PM

سيارة مثل gxr حرام فيها الـ 211 الف مع احترامي لمحبين البراند

qatari 111

12-07-2013, 11:53 PM

الي اعرفه انهم كل سنه وتقريبا معظم الشركات ينزلون من الاسعار..ويابلفيت

عرض لرمضان..وهي فالاساس ان الموديل الجديد بينزل فينزلون السعر..

مايعرفون الين ولا الدولار....يعرفون الريال

اخوي نزول الاسعار بدت من شهر 3 مب في رمضان . وعروض رمضان معروفه تامين وتسجيل مجان هذا هو عروضهم في رمضان .

باراكودا

13-07-2013, 12:33 AM

في أنخفاض في سعر الرينو في صالة عرض النيسان

النهار

13-07-2013, 12:37 AM

الله يزيد ويبارك خل هل الين ينزل الى القاع ان شاء الله خاطري اشتري لكزس ب150 الف موديل 14

ههههههههههههههههههه
تحلم :nice:
الله العالم لومازادو في الاسعار :(

حسن تبيها كاش ولا اقصاد

قناص قطر

13-07-2013, 01:11 AM

السلام عليكم

النيسان طاح سعره

والعرض من كم شهر على النيسان بترول

كل فتره عرض مع ضمان و صيانه مجانيه

بالتوفيق للياباني

MAZEN37

13-07-2013, 01:38 AM

يمكن نزول الذهب له علاقه

حسن

13-07-2013, 01:43 AM

لكزس ب150 الف وبعد 14 ههههه
صدقني لو وصلت هالسعر باشتري ثنتين وحده لي والثانية هدية حق المسابقة الرمضانية مالت المنتدى :victory:

ههههههههههههههههههه
تحلم :nice:
الله العالم لومازادو في الاسعار :(

حسن تبيها كاش ولا اقصاد

لا باخذه على البنك احسن وباخلي الكاش

الصراحه انا من جربت النيسان طاح من عيني الكروزر الا الاستاندر تحس انه موتر جنقلي حق بر وبحر
ان شاء الله باخذ النيسان 2014 بس عسى مايزيدون في سعره

:victory:

ام ناصر1

13-07-2013, 09:22 AM

ما ادري يمكن بكل الدول تنزل الاسعار الا عندنا ...ما حسينا إنه السعر نزل ولا شي ...

Aaziz

13-07-2013, 09:45 AM

ام ناصر1

13-07-2013, 09:49 AM

يعني لو فرضنا حد بيشتري سيارة جديدة تنصحه يؤجل الشراء لأي شهر ...

Aaziz

13-07-2013, 10:02 AM

والله يا ام ناصر مابي افتي ،، ولكن اذا ماكان الشخص مظطر خل ينطر احسن .

fhd4

13-07-2013, 10:21 AM

حتى لو فعليا نزلت الاسعار بنسبة 30% …

الوكلاء عندنا ماراح ينزلون الأسعار … واذا نزلوها أكيد بنسبة أقل …

بما إنه :
ماعندك جهة رقابية عليهم
وماعندك منافسين
واحنا نستانس على5000 ريال خصم …
يعني في النهاية هم الربحانين …

برشلوني قطر

13-07-2013, 10:26 AM

Qaatar

13-07-2013, 10:32 AM

بينزل بكل العالم الاعبد الغني بينزله كم الف والعالم بتسوي طق عنده

Qaatar

13-07-2013, 10:38 AM

السلام عليكم

نترقب مثلكم يا سادة ،، و اتمنى يوافونا الاعضاء بالاسعار متى ماتوفرت معلومات جديدة .

ام ناصر ،،، تونا في بداية النزول

عن نفسي مقتنع اقتناع كامل ان الاسعار بتزل و جشع التجار سيؤثر فقط على التاخير في وقت نزول الاسعار .
والعلم عند الله

ياخوي من صجك قبل 3 سنوات نزل الين بشكل كبير لكن ين عبد العني نزل 5 او 6 الاف بالكثير
تحصل بالعالم التيوتا بو 250 صارت 220 وعندنا 250 صارت 245
هههههههههههههههه ولا خل هالسالفه بصوب ومر الحين برمضان صوب التضامن ولا التيوتا
العالم زحمه عندهم خلاص بمعتقدهم انه عروض لرمضان واحسن وانها فرصه يشتري

Aaziz

13-07-2013, 11:05 AM

ياخوي من صجك قبل 3 سنوات نزل الين بشكل كبير لكن ين عبد العني نزل 5 او 6 الاف بالكثير
تحصل بالعالم التيوتا بو 250 صارت 220 وعندنا 250 صارت 245
هههههههههههههههه ولا خل هالسالفه بصوب ومر الحين برمضان صوب التضامن ولا التيوتا
العالم زحمه عندهم خلاص بمعتقدهم انه عروض لرمضان واحسن وانها فرصه يشتري

تصدق في الموضوع الي نقلت منه ،، كلهم يتكلمون نفس كلامك عن وكيل تيوتا في بلدهم ،،، و واحد منهم ضارب مثل في قطر انه نزلت الاسعار و ان التجار عندهم جشعين .

قبل 3 سنين تختلف الاوضاع كثير عن الحين ،، صار المستهلك اكثر وعي و حمايه المستهلك تحركو شوي ولكن ننتظر منهم المزيد من الضغط على التجار.
تفائل بالخير :) .

ابوعلي

13-07-2013, 11:12 AM

نتمنى ان الاسعار تنزل مع اني اشك في هالشي لأن الجشع عندنا ضارب حده

ويارب تنزل لاني ابي اخذ موتر

رآعي موآجيب

13-07-2013, 11:15 AM

الكل يذكر الارتفاع الكبير للين الياباني سنة 1997 ،وطارت اسعار السيارات حتى وصل البعض منها 30% . وسنة 1998 و 1999كان الين في تراجع حتى وصل لقيمته الحقيقية ولكن هل تراجعت اسعار السيارات في ( قطر )!!!
دام الاحتكار موجود فنحن تحت رحمة الوكلاء ، والدليل نزول الاسعار في شركة النيسان خصوصا على البترول بالاضافة للعروض الممتازه لم يأتي من فراغ ، بل بسبب وجود كميات ضخمة من الباترول دفعة 2012 و 2013 ونحن نقترب من نزول الموديل الجديد . وسبب تكدس هذي الكميات في الشركه المبالغه في السعر لدى الوكيل وقيام اغلب تجار السيارات بتوريد كميات هائلة من الخارج بأسعار منافسه مع فرض شمولية الضمان على هذه السيارات من موزع الشرق الاوسط في دبي . والان من سيحسبها صح سيجد ان عرض الوكيل افضل من الاسعار الخارجية . والسبب في ذلك هو كسر التجار ﻷحتكار الوكيل وإن كان محدود ، ونفس هالقصه صارت في السيارات الأمريكية قبل كم سنه حتى أجبروا الوكلاء لتخفيض الأسعار وتحسين الخدمات
وعقبال باقي الشركات وأولهم التويوتا

Aaziz

13-07-2013, 11:23 AM

نتمنى ان الاسعار تنزل مع اني اشك في هالشي لأن الجشع عندنا ضارب حده
ويارب تنزل لاني ابي اخذ موتر

هو المشكله في وكيل التيوتا حاس بثقه كبيره و معتمد على ان المواطنين مايقدرون يستغنون عن سيارات تيوتا .

حاليا سيارتي فورد و اذا رديت الدوحه عندي سياره فورويل عمرها متوسط للرحلات و البر .
و باخذ فورد صالون بمستوى اللكسز و قيمتها في الوكاله للفل اوبشن 125 جلد و فتحه .
و سياره استخدمتها لاشهر ماعليها كلام .

الكل يذكر الارتفاع الكبير للين الياباني سنة 1997 ،وطارت اسعار السيارات حتى وصل البعض منها 30% . وسنة 1998 و 1999كان الين في تراجع حتى وصل لقيمته الحقيقية ولكن هل تراجعت اسعار السيارات في ( قطر )!!!
دام الاحتكار موجود فنحن تحت رحمة الوكلاء ، والدليل نزول الاسعار في شركة النيسان خصوصا على البترول بالاضافة للعروض الممتازه لم يأتي من فراغ ، بل بسبب وجود كميات ضخمة من الباترول دفعة 2012 و 2013 ونحن نقترب من نزول الموديل الجديد . وسبب تكدس هذي الكميات في الشركه المبالغه في السعر لدى الوكيل وقيام اغلب تجار السيارات بتوريد كميات هائلة من الخارج بأسعار منافسه مع فرض شمولية الضمان على هذه السيارات من موزع الشرق الاوسط في دبي . والان من سيحسبها صح سيجد ان عرض الوكيل افضل من الاسعار الخارجية . والسبب في ذلك هو كسر التجار ﻷحتكار الوكيل وإن كان محدود ، ونفس هالقصه صارت في السيارات الأمريكية قبل كم سنه حتى أجبروا الوكلاء لتخفيض الأسعار وتحسين الخدمات
وعقبال باقي الشركات وأولهم التويوتا

كلامك فيه من الصحه الشيء الكثير .. اخبر في سنه 96 كان اعلى سعر وصل له الفي اكس ار و في 97 انخفض السعر و بعدها تغير الشكل

w.qatar

14-07-2013, 09:19 AM

الجي اكس ار 8 سلندر 2013 فل اوبشن نزل سعره في الوكاله من 243 الى 226
انا اشوف سعره زين و خذيتها نخاف ننطر و ينزل الموديل الجديد و يرفعون الاسعار ع الفاضي

Aaziz

14-07-2013, 11:08 AM

الجي اكس ار 8 سلندر 2013 فل اوبشن نزل سعره في الوكاله من 243 الى 226
انا اشوف سعره زين و خذيتها نخاف ننطر و ينزل الموديل الجديد و يرفعون الاسعار ع الفاضي

اووه شي طيب
اخوي متى كان سعره 243 ؟
و متى لقيته ب 226

المجروح81

14-07-2013, 11:25 AM

اووه شي طيب
اخوي متى كان سعره 243 ؟
و متى لقيته ب 226

من قال 243 محد شراه اصلا بهالسعر
انا شاري موتري دفعه اولى 2012 ب229

أنا

14-07-2013, 11:46 AM

أنا شاري جي اكس ار 8 سلندر فل ابشن موديل 2012 شهر 11 اللي فات ب 224
مستحيل ينزل سعر كروزرات اكثر من 5 الاف :rolleyes2:
والحين مسوين عروض رمضان عشان الدفعه الجديده قربت

asasasss

14-07-2013, 12:22 PM

لو انخفاض 100% ما في امل ينزلون بس يرفعون و يقولون لك اصلا مربوطين بالدولار

faisalqatar

14-07-2013, 01:29 PM

الجي اكس ار 8 سلندر 2013 فل اوبشن نزل سعره في الوكاله من 243 الى 226
انا اشوف سعره زين و خذيتها نخاف ننطر و ينزل الموديل الجديد و يرفعون الاسعار ع الفاضي

شكله المصري اللي في الوكالة عطاك من الزين ههههه

داااايم السيف

14-07-2013, 01:42 PM

فعلا فيه هبوط ملحوظ في اسعار السيارات بسبب انخفاض حاد في الين مقابل الدولار

http://www3.0zz0.com/2013/07/14/10/714495932.png (http://www.0zz0.com)

ام ناصر1

14-07-2013, 02:46 PM

والسؤال المطروح ...هل وكلاء وكالات السيارات اليابانية بقطر بيخفضون الاسعار ..