الماء حاااااااااار

[هدوء العاصفة]

السلام عليكم ورحمة الله ومبارك عليكم الشهر الفضيل ..

ماهي افضل الحلول مع الماء الحار .. لا نقدر نتسبح ولا نقدر نغسل يدنا وموضوع السباحة هو الاهم لان هذا الموضوع يومي ودائم ..

ممكن اعرف تجاربكم في هذا المجال لنستفيد من خبراتكم ..

[الجنوبي]

انا بعد نفس مشكلتك اعاني منها
الحل في جهاز التبريد مال شركة تدمر وهذا النوع انا ماأبيه لأنه يحتاج فالسطح واير كهربه من ٤ الى ٦ ملي يعني نفس مال المكيف والثلاجات وهذا انا مب متوفر عندي فالسطح
في نوع ثاني سمعت عنه عبارة عن مروحة يركبونها مكان غطا الدرام ومايحتاج كهربه قوية لأن مافيه كمبريسر مجرد مروحة بس والله مادري وين يسوونه او وين يبيعونه واتمنى الاخوان الاعضاء يفيدونا مشكورين

[فانفير]

وعليكم السلام ورحمة الله وبركاته

روح لمحل تدمر واشتر لك جهاز تبريد الماي عجيب تلاقي اعلانهم في الوسيط

[هدوء العاصفة]

مشكورين يا شباب الله يعطيكم العافية .. بكم سعره اللي في تدمر وهل هو عملي وما يخترب ؟

[قلبي الطيب]

مبرد الماء هو الحل كنت معارضه شراءه لانه ب5000 بس غيرت رايي بعد الاستعمال لان من غيره مافي شاور إلا من السطل

[حسن]

مافي الا المبرد وهناك نوعين في السوق عند الطيب وفي شركات ثانيه
عليك بالجهاز 1ونص كافي اكثر من عشر سنوات وانا استخدم التبريد ولا بدونه ما لك الا الطشت الازرق ولا الكلك الاحمر

[اللوز]

هناك شركات كثيرة
ويسمى الجهاز باكوا تشل او الجلر
ولكن الله يعينك على الصيانة
من ضمن الشركات
شركة البحرية
شركة تدمر
شركة عربي قطر
شركة الريس
وشركات أخرى
واخذ لك طنين الكمبيرسور

اما بخصوص النوع التي تركب فيه المروحة من فوق التانكي لا انصح فيه وذلك بسبب الغبار وتبريده ليس ببروده الكمبييرسور
ولا تنسى تركب مع الجهاز الايزوليتور منظم الكهرباء

[صفقه]

اخوي .. سكر الصخان وتسبح بالماي الحار

[شيخ الديرة]

كنت ناوي اصعد فوق وأقيس درجة حرارة الماي بالتانكي وأقارنها بماء الحنفية، عندي شك كبير ان المشكلة في البيبات حيث انها تسخن الماء عند المرور بها. سأوافيكم بالبيانات لاحقاً.

[العربية نت]

اي والله الي ضو الله يرحمنا برحمته :(

حد جرب الطبيلة على التانكي هل هي تنفع او تفي بالغرض نرجو اذا حد جربها يقول لنا تجربته :eek5:

[&بوشهد&]

سبحان الله انا فاتح الاب توب ادور على نفس الموضوع
لاني ابي اركب المبرد اللي يجي على الغطا هذا يمدحونه

[شيخ الديرة]

كنت مخطئاً، درجة حرارة الماء في التانكي 44 وفي الحنفية 38 وعليه فإن البيبات بريئة من التهمة
الموجهة لها سابقاً. استخدمت المحرار الموضح بالصورة مع بالونة لمنع دخول الماء الى الحساس.

http://img.dxcdn.com/productimages/sku_15553_1.jpg

[دوحة الجميع]

الحل في جهاز التبريد مال شركة تدمر وهذا النوع هو الأفضل في قطر

[معماري قطري]

كنت مخطئاً، درجة حرارة الماء في التانكي 44 وفي الحنفية 38 وعليه فإن البيبات بريئة من التهمة
الموجهة لها سابقاً. استخدمت المحرار الموضح بالصورة مع بالونة لمنع دخول الماء الى الحساس.

http://img.dxcdn.com/productimages/sku_15553_1.jpg

هذا شيء مؤكد يا اخوي

الماي يجي بعد تبخيره على درجة 100 ومحاولة تبريده بسرعة ما تكفي لنزول الدرجة لدرجة مريحة ويساهم فيها الجو الحار، وعدم عزل البايبات الحكومية ودفنها على ارتفاع بسيط بحيث يكون محيطها جو حار، وتوصل للبيوت وتتخزن في خزانات فايبر أو بلاستيك معزولة وما تسمح بتسرب الحرارة .. مثل دلة الشاي، فيبقى الماي حار على عكس قبل الدرامات الحديد اللي تبرد في الليل.

[أم وضاحي]

عن تجربه شخصيه
جهاز التبريد من تدمر ( أكوا تشيل )
ولا أروع
و النوع الجديد يركبون لك جهاز ريموت في المطبخ أو أي مكان تبي عشان تتحكم في درجة برودة الماي بدال ما تصعد للسطح
و الصيانه عندهم ممتازه و على الموعد
انا اتعامل معاهم صار لي 5 سنوات
و الحين مركبه المركزي في بيتي الجديد

[Algargoor]

هناك شركات كثيرة
ويسمى الجهاز باكوا تشل او الجلر
ولكن الله يعينك على الصيانة
من ضمن الشركات
شركة البحرية
شركة تدمر
شركة عربي قطر
شركة الريس
وشركات أخرى
واخذ لك طنين الكمبيرسور

اما بخصوص النوع التي تركب فيه المروحة من فوق التانكي لا انصح فيه وذلك بسبب الغبار وتبريده ليس ببروده الكمبييرسور
ولا تنسى تركب مع الجهاز الايزوليتور منظم الكهرباء

سمعت عن شركة قطرية تستورد منتج يابانى جديد
عن طريق تكنولوجيا النانو و هو عبارة عن دهان يقلل من درجة الحرارة
من 15:20 درجة مئوية أسمه "anz" و يستعملونه على زجاج
السيارات و الواجهات الزجاجية فى المبانى و على تانكات المياه و الخزانات ،
و بدون تكييف أو وجع رأس . هحاول أعرف العنوان و أخبركم ان شاء الله

[+abc]

انا بالنسبة لي مسكر السطح كامل ومخليه مكيف ومسوي جزء منه بجانب بيت الدرج لخزان الماي والدينمات والحمد لله الماي دافئ وأوقات نشغل السخان

وفي حل ثاني تكبر السخان اذا كان في الحمام او فوق السطح تخليه أكبر حجم ممكن وتصكره عشان يبرد لك الماي وحتى لو خلص الماي البارد فيه بيكون الماي عن طريقه أبرد من الهوز الأزرق