السيراميك والبورسلان ،،، والافضل والفرق بينهم

[نسيم الغربي]

السلام عليكم ورحمة الله





شباب حبيت اخذ رايكم في البورسلان و السيراميك

وماهو افضل واماكن استخداماته

واسعاره للصالات والمجالس وغرف الطعام

ووين محل جودت عالية واسعارة معقولة

[ولد المنصور]

اخوي العزيز ...
ابعد عن السراميك مايتحمل ابدااا ,, عليك بالبورسلان اقوى ويتحمل ,, والمحلات وايد منها نابينا عنده اشكال والوان متنوعه واحجام كبيره ,, واذا حق صلات ومجالس مفتوحه ركب 80 *80 اما الغرف 60*60 ,,
واذا ركبت الكبير يفضل عمل صبيه ...

[khaldoon]

اللي اعرفه انه السيراميك اقوى من البورسلان خاصة لما يكون البورسلان قشره بس و ما ينكسر بسهوله بعكس البورسلان و لكن البورسلان يتحمل اكثر من حيث المشي عليه و ما يبين انه مستهلك مثل السيراميك

ابعد عن كافود لانهم باعوني سيراميك على انه بورسلان لاني ما شفت خلفيته في المعرض و اخذت كلامهم ثقه و غشوني

[لبيبة]

اللي اعرفه انه السيراميك اقوى من البورسلان خاصة لما يكون البورسلان قشره بس و ما ينكسر بسهوله بعكس البورسلان و لكن البورسلان يتحمل اكثر من حيث المشي عليه و ما يبين انه مستهلك مثل السيراميك

ابعد عن كافود لانهم باعوني سيراميك على انه بورسلان لاني ما شفت خلفيته في المعرض و اخذت كلامهم ثقه و غشوني
حيرتنا يا باشمهندس

السيراميك اقوى

البورسلان يتحمل اكثر

الحين اي واحد فيهم الافضل بلا منازع؟

[مضارب دوسري]

الافضل هو البورسلان اخوي
لان السيراميك يتقشر ويطلع اللون الاحمر اذا طاح عليه شي
اما البورسلان لا يتقشر بسهوله ولو تقشر يكون نفس لون البلاطه الخارجيه

[مضارب دوسري]

هذي صور للارضيات عندي
قلت للفورمن اللي عندي وهو ثقه ومجربه قبل قالي بيتك ما يحتاج صبيه لان الدفان 8 سم والافضل التركيب عالمونه لان البلاط 80في 80 قلت له ركز انه زيرو جوينت ومسافة 1سم من الحوايط فقالي ولا يهمك هذا شي اكيد اصلا خفت انه يخربط فالشغل لان قالي مايحتاج للزق ولكن بعد ما شفت الشغل ارتحت من شغله واستلم بيتي من اسبوع والحين قرب يخلص
ف ان شاء الله يخلص على خير

تم مسح الصور بسبب الحجم الكبير جداً ، ارجو استخدام مقاس 800 * 600 مستقبلاً وشكراً

[مضارب دوسري]

السموحه لحجم الصور :( منزلها عن طريق برنامج عالايفون pic up

[نسيم الغربي]

سوري عالسؤال ،،، بس كيف تميز البورسلان عن السيراميك ... وماهو الافضل ... واي حجم افضل انا سمعت ٦٠/٦٠ افضل حجم بحيث انة مايضغط عالبلاطة مثل الكبير وايد وتكون معرضة للشلوخ

[معماري قطري]

اللي اعرفه انه السيراميك اقوى من البورسلان خاصة لما يكون البورسلان قشره بس و ما ينكسر بسهوله بعكس البورسلان و لكن البورسلان يتحمل اكثر من حيث المشي عليه و ما يبين انه مستهلك مثل السيراميك

ابعد عن كافود لانهم باعوني سيراميك على انه بورسلان لاني ما شفت خلفيته في المعرض و اخذت كلامهم ثقه و غشوني

حي الله مهندسنا الطيب خلدون

مبارك عليك الشهر الكريم وعلى الجميع .. انا مستمتع بالأجواء الرمضانية في الأُردن بلادك على ما اعتقد .. لكن الدراسة لك عليها وإحتمال اجي راسب ما تعودت احفظ الكتاب لا والمشكلة فوق 30 كتاب في 4 شهور.

نرجع للموضوع المهم اللي هو البورسلان والسيراميك .. نعرف إن هذي منتجات صناعية والبورسلان متطور أكثر عموماً وصناعة حديثة وجديدة على صناعة الأرضيات .. صحيح فيه سيراميك جودة عالية وقوة مناسبة ومتانة وحتى سعره أغلى من بعض البورسلان الرديء .. وصحيح فيه بورسلان أي كلام وغش لكن بعد فيه بورسلان يعطيك قوة ومتانة وثبات في الشكل ومقاومة للأحماض ومواد التنظيف طول العمر، ومقاومة للكحت لأغلب المواد، وفيه بورسلان تعلم عليه تواير الكراسي ولا يتنظف بسرعة... لكن على العموم البورسلان أصلب وأقوى من السيراميك .. السيراميك عجينته في الغالب طينية خفيفة بنية وعليه قشرة طلاء سيراميكي والبورسلان منه اللي يجي قطعة متجانسة من عجينة البورسلان المصنعة بضغط عالي وحرارة تجعل كثافتها أعلى بكثير من السيراميك.

[معماري قطري]

هذي صور للارضيات عندي
قلت للفورمن اللي عندي وهو ثقه ومجربه قبل قالي بيتك ما يحتاج صبيه لان الدفان 8 سم والافضل التركيب عالمونه لان البلاط 80في 80 قلت له ركز انه زيرو جوينت ومسافة 1سم من الحوايط فقالي ولا يهمك هذا شي اكيد اصلا خفت انه يخربط فالشغل لان قالي مايحتاج للزق ولكن بعد ما شفت الشغل ارتحت من شغله واستلم بيتي من اسبوع والحين قرب يخلص
ف ان شاء الله يخلص على خير

تم مسح الصور بسبب الحجم الكبير جداً ، ارجو استخدام مقاس 800 * 600 مستقبلاً وشكراً

غامرت يا اخوي مغامرة كبيرة وأكيد العامل عربي وهمه راحته وعدم خسارته .. المشكلة الأرضية الترابية تحت البورسلان أو البلاط ممكن تنتفخ من أي رطوبه .. صج البداية شكل حلو وثابت لكن بعد فترة الله يستر .. وممكن ما يصير شيء بس الإحتياط واجب والحماية وأُصول الصنعة لازم تتبعها.. شيء ثاني مهم أي آفات في التربة ممكن تتسرب بين البلاط مثل الأرضة والنمل العادي ووقت الغسيل الماي يتسرب حتى لو كمية بسيطة وينفخ التربة وتحصل البورسلان ارتفع كنه فقع تحته.

إحتياط خل الفنان اللي ركب لك يصب روبة سائلة شفافة بين البلاطات هذا اذا يعرف هذي النوعية من الروبة.

[مضارب دوسري]

غامرت يا اخوي مغامرة كبيرة وأكيد العامل عربي وهمه راحته وعدم خسارته .. المشكلة الأرضية الترابية تحت البورسلان أو البلاط ممكن تنتفخ من أي رطوبه .. صج البداية شكل حلو وثابت لكن بعد فترة الله يستر .. وممكن ما يصير شيء بس الإحتياط واجب والحماية وأُصول الصنعة لازم تتبعها.. شيء ثاني مهم أي آفات في التربة ممكن تتسرب بين البلاط مثل الأرضة والنمل العادي ووقت الغسيل الماي يتسرب حتى لو كمية بسيطة وينفخ التربة وتحصل البورسلان ارتفع كنه فقع تحته.

إحتياط خل الفنان اللي ركب لك يصب روبة سائلة شفافة بين البلاطات هذا اذا يعرف هذي النوعية من الروبة.
لا يا اخوي تم عمل الاحتياطات من كل اللي ذكرته
تم وضع كاز وديزل
للنمل الابيض
وبالعكس الحين تم تركيب جزء كبير من البيت
وكل شي ماشي تمام
والعامل هذا نعرفه من زمان اشتغل في بيوت اخواني ونفس الشي سواه ف بيوتهم وبيوت اخواني في منهم اللي من 3 سنوات واللي 4 سنوات ولا واحد فيهم اشتكى من اي شي من ارضه ونمل وتنفخ
وانا اللي متكفل بالمواد كامله حتى الماء وهو فقط شغل يد
طريقته يحط كنكري فوق التراب من غير اسمنت وفوق الكنكري يركب 2 او 3 سم اسمنت وفي نفس الوقت يركب البلاطه
انا حطيت الصور بس الحجم كان كبير :telephone:

[معماري قطري]

لا يا اخوي تم عمل الاحتياطات من كل اللي ذكرته
تم وضع كاز وديزل
للنمل الابيض
وبالعكس الحين تم تركيب جزء كبير من البيت
وكل شي ماشي تمام
والعامل هذا نعرفه من زمان اشتغل في بيوت اخواني ونفس الشي سواه ف بيوتهم وبيوت اخواني في منهم اللي من 3 سنوات واللي 4 سنوات ولا واحد فيهم اشتكى من اي شي من ارضه ونمل وتنفخ
وانا اللي متكفل بالمواد كامله حتى الماء وهو فقط شغل يد
طريقته يحط كنكري فوق التراب من غير اسمنت وفوق الكنكري يركب 2 او 3 سم اسمنت وفي نفس الوقت يركب البلاطه
انا حطيت الصور بس الحجم كان كبير :telephone:

الله يوفقك وهذا ما اتمناه وشكل ما قلت لك أوقات ما يصير شيء بس احتياط .. انا شفت على الطبيعة بورسلان بنفس الطريقة اللي قلتها مركب قامت أجزاء منه وارتفعت وتفككت واحتد راعي البيت يعدل وبصعوبة وخساير كبيرة .. وإن شاء الله الوضع عندك يختلف ويكون زين .. بس يهمني أوضح الطريقة الصح لإستفادة الكل.

[مضارب دوسري]

هذا لا يختلف هليه اثنين تحوي معماري
فانت شخص ماقصرت ابد مع الكل وجزاك الله عنا خير الجزاء
سؤال
وين القى الروبع الشفافه ؟
هل عادي اخذها من اي مكان ولا هناك نوعيه اقضل تنباع عند احد الشركات !

[معماري قطري]

هذا لا يختلف هليه اثنين تحوي معماري
فانت شخص ماقصرت ابد مع الكل وجزاك الله عنا خير الجزاء
سؤال
وين القى الروبع الشفافه ؟
هل عادي اخذها من اي مكان ولا هناك نوعيه اقضل تنباع عند احد الشركات !

والله يا اخوي انا سمعت وقريت عنها بس للأسف ما جربتها .. فيه روبة عادية بس وايد ناعمة وقوية .. وفيه نوع مثل الصمغ تنخلط بمادة خاصة وبخلاط كهربائي مثل خلاط عمل الكيك تقريباً وهذي شبه سائله مره خذتها من العمودي .. إسمها ايبوكس قراوت بس مشكلتها لو بقت شوي على البلاط تلصق ولا تتنظف لازم تتنظف أول بأول ولا تخرب البلاط .. والشفافه لازم موجودة عند تدمر أو العمودي وأكثر شيء العمودي مختص بهذي المواد وغير المتحدة وغيرهم من محلات البورسلان.

مشكور يا اخوي على الكلام الطيب وربي يوفقك إن شاء الله.

[مضارب دوسري]

رحت تدمر من شوي قال ما عندهم

[معماري قطري]

رحت تدمر من شوي قال ما عندهم

جرب العمودي اللي صوب برج المالكي وشوف أحمد المصري هناك هو فاهم .. ولا ما لك الا اللي عند المتحده هذا ناعم وتجي منه ألوان .. ليش مهم تاخذ ناعم وحباته صغيرة مثل البودره مب مثل الرمل علشان الناعم يدخل فين الفجوات البسيطة اللي ما تبين بين البلاط ذاك يتعلق برا ومع الغسيل يقوم ويدخل الماي بين البلاط شوي شوي ويسبب رطوبة ما تأثر بسرعة وتأثر مع مرور الوقت... ناس كثيرين يوثقون في العمال والفورمنيه وذيلا يستخدمون حتى اسمنت أبيض كيس واحد يكفي للبيت كله وخلطه وصبه بسيط .. الأنواع الثانية غالية عشرات أضعاف الاسمنت الأبيض وتحتاج شغل وتعب أكثر.. المقاول دوم يدور الشيء السهل والرخيص له.

[مضارب دوسري]

المقاول اللي عندي بس شغل يد المواد كلها علي وان شاء الله بمر عالمتحده والعمودي

[راعي 2006]

فيدونا اكثرر عن تركيب البورسلان 80 في 80 واذا حد عنده عامل عن تجربه يركب 0 جوينت

[ولد المنصور]

انا عن نفسي ماحب الزيرو جوينت احسه خطر ع الاطفال لانه لازم فيه بلاطه اعلى من الثانيه ,, والفاصل احسن حق التمدد ,, وانصحك ياخوي اذا بتركب 80*80 خله يحط صبيه وعقب يركب عشان ماينكسر من كثر الدوس ..

[KSK Logistic]

البورسلان افضل وااجود

[dream~qa]

طيب أنا عندي العامل يركب البورسلان 120 * 60 بدون صبية وبدون كنكري يحط مونة ويحط فوقها البلاطة حبة حبة علشان يضمن التساوي بين البلاطات .. شرايكم ؟؟

وفي نقطة ثانية لاحظت أن بعض حبات البورسلان تتكسر أطرفها عند التركيب ويقولي بيعدلها بالمعجون في النهاية مع أن البورسلان أسباني من عند جلفار .. المشكلة في البورسلان الامبرادور البني لأن لما تتكسر أطرافه تبين الطبقة البيضا تحت القشرة .. أفيدوني في هذا الموضوع جزاكم الله خير وعذرا من صاحب الموضوع .