تقييم المدارس المستقلة

[qtr123]

السلام عليكم

لو سمحتوا أبي حد يفيدني بخصوص التقييم في المدارس المستقلة أنا اشتغل مساعده وكنت حامل و غبت من نص الشهر الثامن لين ولدت يعني شهر ونص + شهرين إجازة الوضع والحين ما عطوني تقييم يقولون مالج تقييم. لإنج غيابج وإيد وللعلم غيابي مرضي . ومصدق من المجلس الإعلى.. وشكرا

[qtr123]

آفيدوني يا. موظفين المدارس.
هل هذا من قانون الموارد البشريه. ؤلا لا

[h2004]

آفيدوني يا. موظفين المدارس.
هل هذا من قانون الموارد البشريه. ؤلا لا

الاجازات المرضية لاتحسب( لاتؤثر على تقييم الموظف ) حسب تعميم الموارد البشرية واذا لم يتم تقييمك الموارد البشرية ستقوم بتقييمك تقريبي بعد مراجعتهم ولكن ستحسب على المدرسة وممكن تحاسب عليها ..
ولكن من رأيي مراجعة ادارة المدرسة بالتي هي احسن وتذكيرهم بتعميم الموارد البشرية والصادر بشأن تقييم الموظفين ومن ضمنها ان الاجازات المرضية لاتحسب على الموظف ..

[منسق قطري]

هلا اختي اتصلي على المجلس الأعلى قسم شؤون الموظفين وبيقولون لش الخبر الأكيد ولاتعتمدي على كلام المدرسه تأكدي بنفسك أحسن .

[qtr123]

شكرا على الرد
واذا كان لي حق راح أخذه
حسبي الله ونعم الوكيل على كل ظالم

[vip-30003]

السلام عليكم ،،،،،،

اذا اول سنه تشتغلين فا ماعليك تقييم

واذا ثاني سنه تاخذين نفس تقييم العام

وترجع لادارة المدرسة ممكن يعطونج تقييم بس حالياً الوقت الضايع

قبل شهر 7 التقييم للقطريين واعتقد التظلم مدته اسبوعين

العام جانا تعميم مفصل بخصوص التقييمات بحاول اشوفه لج

حتى البيان اعتقد بيكون ناقص او انتم الحريم يمكن وضعكم ثاني

[qtr123]

لا هذي ثالث سنه ، أشلون يكون البيان ناقص. ما عندي. إجازه بلا راتب .
المديره مأخره تسليم التقييم أصلا;

[kitmat]

اختي تقريبا كم يوم غبتي مرضي غير اجازة الامومة وانا اقولج اجازة الامومة مايحاسبون عليها وانا ماحاسبت مدرسة عندي ولدت بس ماكان عندها غياب مرضي وايد

[ود الديرة]

هلا اختي اتصلي او قومي بزيارة المجلس الأعلى للتعليم بالدفنة، قسم شؤون الموظفين للتأكد بنفسك.