شاب متقاعد يبحث عن مشروع تجاري !!؟

[بوحارب]

السلام عليكم

تحياتي لكل رواد قسم المشاريع التجارية

واحد من الأخوان حصل على تقاعد مبكر من العمل بسبب ظروف خاصه

ولحد الآن لم يبلغ ال 30 سنه

وطبعا معروف راتب المتقاعد يكون مقصوص من. بعض العلاوات
والآن يبحث عن تجاره مناسبة وراس مالها ما يزيد عن 300،000


والرجال فكر في كذا مشروع مثل ان يشتري تريلا أو سطحه ويأجرها

وفكر في مشروع محل ملابس أطفال أو حلاق أطفال

وكذلك محل ملابس نسائيه
أو طراد ويشغل عليه عمال كمدخول يومي

يعني أكثر من مشروع يفكر فيه

والحين الرجال محتار وش يسوي وتوه صغير ووده يدخل التجاره ويشغل وقت فراغه

أرجوا ان لاتبخلوا علينا بالرد يا أهل الخبره

[teef3beer]

هلا اخوي طلبك موجود مجموعه من الافكار ودراسات الجدوى وان شاء الله انفيدكم

[بوحارب]

وين الأفكار زين

[المليونير الفقير]

اتمنى طرح الافكار على العام لتعم الفائدة وكل عام وانتم بخير

[بوحارب]

نتمنئ ذلك :)

[برشلوني قطر]

ودي افيد رفيجك يابوحارب...بس اخاف اوديه فالتهلكه


الله يرزقه بواحد يفيده افاده يستفيد منها ويرزقه الرزق الحلال

[رذاذ]

هلا بوحارب ودي اساعدك بس للاسف الحين الافكار كلها بزنس

وتاكد نفس ما قالك دام في دراسة جدوى بتكون 100% في المضون انت ..


هلا اخوي طلبك موجود مجموعه من الافكار ودراسات الجدوى وان شاء الله انفيدكم




اما لو عشوائي لا سنه سنتين ثلاث بكالكثير وبتصكر محلك لانك مب مقتنع بالربح او شركتكك ..

انا اقوول لك مشروع بس يبي له بس يبي قلب قوي ومتابعه .. ومن الصوبين مستفيد منه

[أسد قطري]

الاسهم او مغسلة ثياب

[حمد 2002]

خله ايتاجر ب 100 الف بس ،،،، والباقي بالبنك ،،، والتجاره مب بشرط بمبلغ معين ،، يمكن ب 10 الاف اتصير تاجر ويمكن بمليون اتصير تاجر ويمكن اتاجر بدون فلوسسسسس ،، التجاره شطاره والتوفيق من الله ،،،،،

تحياتي لك ،،،

[زقرتي ومزاجي]

هذي مجموعه من دراسات الجدوى قدمها لنا الاخ محمد

http://www.qatarshares.com/vb/showthread.php?t=521629

[storm..]

السلام عليكم

تحياتي لكل رواد قسم المشاريع التجارية

واحد من الأخوان حصل على تقاعد مبكر من العمل بسبب ظروف خاصه

ولحد الآن لم يبلغ ال 30 سنه

وطبعا معروف راتب المتقاعد يكون مقصوص من. بعض العلاوات
والآن يبحث عن تجاره مناسبة وراس مالها ما يزيد عن 300،000


والرجال فكر في كذا مشروع مثل ان يشتري تريلا أو سطحه ويأجرها

وفكر في مشروع محل ملابس أطفال أو حلاق أطفال

وكذلك محل ملابس نسائيه
أو طراد ويشغل عليه عمال كمدخول يومي

يعني أكثر من مشروع يفكر فيه

والحين الرجال محتار وش يسوي وتوه صغير ووده يدخل التجاره ويشغل وقت فراغه

أرجوا ان لاتبخلوا علينا بالرد يا أهل الخبره


خل يبتعد عنهم لان بيخسر فيهم الا اذا كان بيفتح في مجمع تجاري

[بوحارب]

مشكورين جميعاً

واللي عنده أي فكره جديدة يفيدنا

[adel777]

يشتري طراد

[بوحارب]

يشتري طراد

في باله هالمشروع بس الواحد ما يعرف من وين يبدأ

[كاشف الغطاء]

خله ياخذ اسهم المشكلة التجارة مخاطرة ومحتاجة واحد مخه نظيف

واذا هو عنده 300000 كراس مال ومب مستعد يحط زيادة ويصبر لا يفكر

[مرحوم قطر]

بو حارب اذا في باله طراد

ترى مشروع بيدخله ذهب

بس بينحك حك و بيتعب وايد

اول شي يشتريله طراد لا يشتري صغير خله يشتري كبير يعني 33 قدم زين

و يروح الامارات يشتريله غزول و 4 سنانير لفاح و خيوط و عدة صيد و اذا بيروح تايلند

احسن و احسن و بيلاقيهم ابرخص التراب و بيوفر وايد وايد يعني حوالي نص المبلغ


و يشوفله هنديين زينين و ترى سهل يلاقي مب صعب يروح البندر و يخلي الهنود الي اهناك

ييبون له احد بي شرط يدور ناس عدلين مب اي احد و اعتقد على طراد 33 قدم يعطونه 3 فيز اذا ماخاب ظني


و الحين المهم يطلع مع شباب اهل بحر و ياخذ منهم احداثيات الاحداثيات و الصمله هي اهم شي في الموضوع

اما باقي الاشياء مقدور عليها دام راسم ماله 300 الف بتكفي و توفي و تزيد


خله يروح البحرين ياخذله طراد من الذاعن 33 قدم ايي معاه حمام و مكينتين ميركوري فور ستروك بيرتاح

و البلاد الي بياخذ منه العده يشتري منها النفقيتر و الرادار يعني الاجهزه كامله عشان ما يتغربل



ترى مشروع بيدخله ذهب بس مثل ماقلت لك يبيله صمله

اول شي الهنود مايقدرون يدخلون بروحهم ثاني شي فيها شغل وايد يعني بيتعب

بس ترى اعرف شباب كانو مديونين قد شعر راسهم سددو ديونهم و قدموا استقالاتهم و تفرغو حق البحر

[سوق جالس]

السلام عليكم

في مشروع قاعدين نشتغل عليه و محتاجين اشخاص متفرغين .. الفلوس مب مهمه لانه متوفره عندنا المهم عندنا الجهد و الشغل اللي بيقدمه .. يليت التواصل على الخاص لعرض التفاصيل

اخوك

سوق جالس

[معماري قطري]

هذي مجموعه من دراسات الجدوى قدمها لنا الاخ محمد

http://www.qatarshares.com/vb/showthread.php?t=521629

يا طويل العمر هذي أمثلة لتسمية مشاريع دراسات الجدوى تختلف إختلاف كامل .. مثلاً إسم المشروع وراسماله بناءً على الدولة والموقع والأيدي العاملة .. وفيه تفاصيل كثيرة عن كل صغيرة وكبيرة .. يعني يبي لك ملف كامل لأبسط مشروع.

[زقرتي ومزاجي]

يا طويل العمر هذي أمثلة لتسمية مشاريع دراسات الجدوى تختلف إختلاف كامل .. مثلاً إسم المشروع وراسماله بناءً على الدولة والموقع والأيدي العاملة .. وفيه تفاصيل كثيرة عن كل صغيرة وكبيرة .. يعني يبي لك ملف كامل لأبسط مشروع.


لا يالغالي الله يطول عمرك .. ممكن تضغط على اسم المشروع وتطلع لك دراسة الجدوى الاقتصادية

[شموخ دائم]

,


,



مرحبا


اخوي الكريم

احسن حل ما دام انه توه بعز الشباب

يشوف له وظيفه في احد الشركات الخاصه ترى يدورون قطريين

بيكون له راتب زين بالاظافه الى راتب التقاعد بيخلي وضعه المادي من اروع ما يكون

:)

وبيكسب خبره كبيره من هذا العمل

هذا اضمن واحسن له من المشاريع الي ممكن تضيع فلوسه

حط راس المال في حساب منفصل او توفير


وراتبك الجديد خل نصه يروح ( تحويل ) الى حساب التوفير


ان شاء الله خلال كم سنه بيكون عنده راس مال كبير

يجيب له عقار


,

,


اخوك


شموخ دائم

[بوحارب]

مشكورين عالردود الطيبة جميعاً

أخوي شموخ عندك شركة معينة ترشحها لنا ولاهنت يالخبير

[مستر بن]

اخاف اعطيكك اشياءء واروح فيها هههههههه
ربي يوفقهه ويعطيكك الف عافيةة اخوو راعي الكركك :shy:

[بوحارب]

هات مافي جعبتك يا مستر بن @@

[.: بو علي :.]

http://qatarshares.com/vb/showthread.php?p=9074155#post9074155

اذا له خاطر في محل ملابس البضاعة موجوده باذن الله
و الله يوفقه في أي مشروع يفتحه

[مستر بن]

هات مافي جعبتك يا مستر بن @@


بسس من يتحمل المسسؤوليةة ههههه:shy:

[Bin Hood]

بوحارب اشرايك في مشروع أجار سيارات فخمه ؟

عاد راس المال شوف له حل

[عاشق العديد]

والله البحر فيه خيـر ..

[عاشق العديد]

يعني تخيل طراد 30 قدم مكينتين .. لو نقول بياخذ مستعمل .. بس زين ..

على كم 27 30 الف ,, وكم عامل يجيبهم ويشتغلون على الطراد .. يعني مثلا يقول حق العامل عطني 7000 شهريا والباقي لككك .. تخيل 7000 شهريا ولا مثلا يقدر يخلي الطراد حق رحلات يعني مثلا رحلات صيد الطراد الواحد فالكرنيش على الساعه ياخذ 800 على 900 الا طراريد الجيده تاخذ 1400 بـ8 ساعات ..
يعني في ترتيبات حلـوه .. يعني غير فلوس الصيد يقدر يطلع من الطراد بالتاجير .. وشكـرا وعندك فكره ثانيه الي هي سيارات لتاجير يعني سياره مع سايق للعوايل يعني تجيب وحـده تخليها توصل .. وشوف العقود الشهريه كم بتيب .. على البيت واحد بتاخذ تقريبا حول 1200 وتخيل البيوت الثانيه يعني فاليوم عندي 4 ولا خمس حريم توصلهم بيطلع لك مبلغ حلـو لكن لو زدت السيارات هنيه راح يكون الدخل حلو جـدا وشكرا صلاة العصر ..

[بوحارب]

بن هوود انت تلعب على كبير وين تبي الواحد يشتري موتر بمبلغ وقدره وفي الأخير تاجرة هههه

عاشق العديد أشكرك ع الأفكار الحلوة اليوم كنت صوب الفرضة مع الرجال نشوف الطراريد

وللحين نتشاور

[عاشق العديد]

بن هوود انت تلعب على كبير وين تبي الواحد يشتري موتر بمبلغ وقدره وفي الأخير تاجرة هههه

عاشق العديد أشكرك ع الأفكار الحلوة اليوم كنت صوب الفرضة مع الرجال نشوف الطراريد

وللحين نتشاور

والله جوف ياخوي بو حارب ..

البحر فيه خير مشاء الله ..
شوف حتى لو صدت وماياب لك سعر روح اعرضهم فالمزاد .. وبتيب لك سعر حلـو ..
يعني الامور تمشـي ..

[حمد 2002]

والله جوف ياخوي بو حارب ..

البحر فيه خير مشاء الله ..
شوف حتى لو صدت وماياب لك سعر روح اعرضهم فالمزاد .. وبتيب لك سعر حلـو ..
يعني الامور تمشـي ..

بس في نقطه اخوي عاشق ،، بالقانون الجديد لازم القطري يطلع مع الهنود بالبحر = النوخذه لازم ايكون قطري ، وانا اجوف هالنظام ظالم يعني من يقدر يترك شغله وايجابل البحر 8 ساعات ولا اكثر باليوم ؟ :anger1: ،،،

تحياتي لك ،،

[STAR2012]

الله يرزقك المشروع اللي ببالك
انا فالسعودية واي استفسار عن مشاريع النقل وتأجير التريلات وصهاريج الوقود والباصات وتأجير وتشغيل المعدات ابشر افيدك اما اذا تبغى مشروع عملاق ومالك منافس فالخليج دخله الشهري مايقل عن 3 مليون وزبائنك ( ارامكو وادنوك وقطر للبترول شف لك حل مع راس المال انت او غيرك ويكون جاد فيبشر