أعجبني هذا القرار لفئه ممنوع دخولها لمبنى الجوازات

[اجرام]

بسم الله الرحمن الرحيم

بتكلم عن موضوع حدث قدامي اليوم بمبنى الجوازات أثناء ذهابي لتخليص معامله كلنا نعرف أن مبنى الجوازات فيه بوابه دخول وخروج المراجعين وعلى هذي البوابه شرطي نظام وأنا داش لفت نظري أن الشرطي منع دخول سيده أجنبيه لابسه تنوره قصيره وكان رده عليها أنها تروح تلبس طويل

وبعد ما خلصت معاملتي وأنا خارج مع هذي البوابه بعد حصلته موقف شاب لابس برمودا قصير يبي يدش

يعطيه العافيه الي حط هالقانون فما رايكم بهذا وهل هذا فقط في رمضان ولا دائما

[عيون الدوحة]

انا جاني مراجع دكتور أسنان في الوزارة
الظاهر طالع من الجم وجاي الوزارة كان لابس شورت فوق الركبة
شكله يلوع الجبد وما عرفت اخلص معاملته

تشكر وزارة الداخلية على قراراتها

[عندليب قطر]

اتمنى تطبيق هذا القرار على مستوى الدولة بكافة دوائرها

[Azizuk]

متجر هارودز الشهير في لندن وبعض الأماكن في أوروبا والمطاعم ممنوع تدخل بشورت او قميص نص كم او تي شيرت وهذا محل كيف وزارات ومراجعات حكوميه والله ودك حتى الوزار يمنع من الهنود والبنغال في المساجد والشوارع

[اجرام]

ياليت هالشي يصير بجميع الدوائر الحكوميه

[قوي العزايم]

شي طيب

وجزاه الله خير الي طلع هالقرار

[بوحارب]

يا لبئ قلبه راعي القرار

انشهد انه كفو ورجال ابن رجال:)

[*^*محمد*^*]

السلام عليكم ومبارك عليكم الشهر

أخواني القرارات هذي موجوده فالقانون بس الأخوان اللي عالكاونترات او في خدمة الجمهور او استقبال المعاملات يمكن يجهلون هذا الشي ..

لانه من حق الموظف أذا صاحب المعامله او المراجع لابس لبس فاضح أوغير محترم عدم استقبال معاملته او يرده وينببه المراجع

[khalid525]

قرار جيد وياليت يعممون على السفارات تبلغ مواطنيها المقيمين في قطر بجميع شروط الملبس والعادات عندنا

[اجرام]

او ان تضع لافته على مدخل المبنى فيها هالقرارت

[al-obaidly]

من زمان وحتى الي ماعنده سبب مقنع يمنعونه من الدخول

[مع الله]

قرار ارجو ان يعمم

[سعادة الوزير]

متجر هارودز الشهير في لندن وبعض الأماكن في أوروبا والمطاعم ممنوع تدخل بشورت او قميص نص كم او تي شيرت وهذا محل كيف وزارات ومراجعات حكوميه والله ودك حتى الوزار يمنع من الهنود والبنغال في المساجد والشوارع

يا رجال والله اني احترم وزار الهنود اكثر من لبس بعض العرب ، شورتات تجيب الغثيان ، قصيرة وحالتها حاله ، على الاقل الوزار هو لبس تقليدي عندهم ومايكشف العورات ، اما بعض العرب الله يهديهم مالهم عذر في اللبس الخايس ، اليوم واحد مصلي قدامي في التراويح والله العظيم ان لبسه استحي اني البسه قدام هلي ، شلون يجيه قلب يدخل فيه بيت الله مب فاهم!!

[teef3beer]

شي طيب وان شاء الله تعمم ع جميع انحاء الدولة

[صدى الرعد]

خطوه ايجابيه وننتظر الباقي

[أخت الكل]

السلام عليكم ومبارك عليكم الشهر

أخواني القرارات هذي موجوده فالقانون بس الأخوان اللي عالكاونترات او في خدمة الجمهور او استقبال المعاملات يمكن يجهلون هذا الشي ..

لانه من حق الموظف أذا صاحب المعامله او المراجع لابس لبس فاضح أوغير محترم عدم استقبال معاملته او يرده وينببه المراجع

جدا مهم الكلام اللي قلته

ماعليك امر أخوي وين الاقي نص القانون هذا

نحتاجه علشان نحاجج فيه هالعالم اللي نشوفها كل يوم بحياتنا

وصراحه وزارة الداخلية بكل إداراتها مميزة

[*^*محمد*^*]

جدا مهم الكلام اللي قلته

ماعليك امر أخوي وين الاقي نص القانون هذا

نحتاجه علشان نحاجج فيه هالعالم اللي نشوفها كل يوم بحياتنا

وصراحه وزارة الداخلية بكل إداراتها مميزة

مررحبا أختي

اسمحيلي مايحضرني النص أو القرار حالياً
بس من واقع دوامي اذكر صارة مواقف من نفس الموضوع الحالي

يعني في يوم جاتنا مراجعه من جنسيه عرربيه وكان لبسها فاضح ورفض الموظف أستقبال المعامله وصارة مشاده فالكلام وأستدعو الأمن وطلعوها
ولما سألت مدير الأداره قالي انه من حق اي موظف يررفظ أستقبال المعامله ومن حق الموظف أو المراجع للدوائر او الوزارات او الأماكن العامه انه اذا شاف لبس غير محترم او فعل غير محترم يحق له طلب الأمن

[الصغيره]

ياليت يمنعون فئات الغير محتشمات وفئات الجنوس من المولات ومن الوزارات الصراحه بلاند مارك وبالتحديد مارك سبنسر شباب يشاركون السيدات بشراء المبلابس النسائيه الداخليه ويتكلمون بصوت عالي مع البائعه عن مقاساتهم وبكل وقحاحه وايضا هناك اجنبات غير متحشمات وايضا بالقمسون الطبي طلعت سيده عربيه بملابس غير محتشمه ياليت نشوف بوسترات تمنع دخلول هالفئات المشوهه

[blackjacket]

الحل مافي اسهل منه
مع اخليص اجراءات الاقامه يتم اعطائهم ملصق فيه بشرح هالقوانين
او يلصق علي الجواز عشان يقراه بالغصب

[JN000N]

لو كل مكان يسوون جذي
بتخف واااايد الاشكال الي قامت تتفقس

[hxamad]

يعطيه العافية صاحب القرار وإنشاله عقبال المولات ويكون بوجود الشرطة فى المولات

[تمحيص]

خبر طيّب وشيء مشرّف ومهيب

جزا الله خير اللي ورا هالقرار

[طير]

عقبال المولات وممشى كورنيش الدوحة

[بونووف]

واستغربت مره كنا رايحين نشهد فالمحكمه واخوي كان طالع من الجم ورفضوا يدخلونه عالقاضي وقالوا لازم ثوب لانك قطري .. ومع انه لبسه لبس رياضه مب شورت ولا كت .. وقال فيها نيابه مادري يبالغ الرجال ولا صج

[BoFahed]

احييهم الداخلية الصراحة السالفة امسخت فيه اشكال ما تحترم اي حد ولا المكان اللي هم فيه اذكر مره في الجوازات اول ما بدووا يطبقون الصورة الاكترونية جووا شباب سبورت ببرمودا وزنوبه سبورت وشعورهم الجانغلية ويبوون تجديد جواز ولا بطاقة

اشووي ولا مسكهم ضابط (الله يوفقه )علا جنب واستلمهم واشوف قاعد يصلبهم وياشر علا شعورهم ولبسهم وشلون ياخذ لهم صورة جواز وهم بهذا المنظر

[راشد محمد]

خبر طيّب

[بوخالد911]

شيء طيب والله

وأهم شيء الاستمرار بتطبيقه

[الفا برافو]

ياليت يمنعون فئات الغير محتشمات وفئات الجنوس من المولات ومن الوزارات الصراحه بلاند مارك وبالتحديد مارك سبنسر شباب يشاركون السيدات بشراء المبلابس النسائيه الداخليه ويتكلمون بصوت عالي مع البائعه عن مقاساتهم وبكل وقحاحه وايضا هناك اجنبات غير متحشمات وايضا بالقمسون الطبي طلعت سيده عربيه بملابس غير محتشمه ياليت نشوف بوسترات تمنع دخلول هالفئات المشوهه

:omg::omg::omg:

اللهم لا تؤاخذنا بما فعل السفهاء منا...

الله يذكر ايامك بالخير يا عبدالله بن خالد ....

[دااانة قطر]

اتمنى تطبيق هذا القرار على مستوى الدولة بكافة دوائرها



أتمنى

وبااارك الله في جهودهم

[مخطط قطري]

وزاره الداخليه رجال وفقهم الله كفو عليهم

[حبر وقرطاس]

اخوي هذا القرار سبقتنا له سلطنه عمان بسنوات طويله
حيث يمنع الاجانب من دخول الوزارات الحكوميه

كما يمنع كل عماني غير مرتدي الزي الرسمي الوطني من دخول اي مبنى حكومي لديهم

وقد اصبح لزاما على الجميع التقيد به

هو قرار صائب وفيه تنفيذ لسياده واحترام الدوله

[ولد شرق]

قرار صائب جدا
لكن ياليت يطبقونه في المجمعات التجارية ايضا
شي طيب انه تطبّق في الداخلية لكن المجمعات التجارية اولى لانه هناك عوايل واطفال ونساء

يشاهدون هذة المناظر الخادشة بالحياء العام

وجزاه الله خير معالي رئيس مجلس الوزراء فعلا الرجل المناسب في المكان المناسب

والله يكتب فيه الخير للوطن الغالي...

[مشتاقة لقطر]

بالفعل شي يبرد الخاطر

[نور الحور]

جزاهم الله خير.. قواهم الله .. إن شاء الله يمتد القرار للمولات والأماكن السياحية والعامة .. :victory:

[سيف QTR]

عساهم عل قوه وزارة الداخلية كل مالهم ويكبرون فعيوننا :nice:

[شبح الصمت]

كفو عليه من طبق هالقرار وان شاء الله يتطبق في الدولة بكبرها

ويتبطق على الي مسفره في نفسها من فوق لي تحت ويحطون العين على الي تفتن النظر وتجذبه لاجل تحس انها غير مرغوب فيها

ولكل داء دواء
ولكل فعل ردت فعل

[MAZEN37]

صراحه انا اشكر الشرطي نفسه لانه هو في الوجه وعمل بالقانون

[سيف قطر]

كفو:nice:

[جرس الإغلاق]

وهل هذا فقط في رمضان ولا دائما

قرار في محله ونتمنى يتطبق طول السنه وفي كل الوزارات والمؤسسات ... الخ

[Qaatar]

على فكره هالقانون موجود من زمان بس نادر من يعرفه ترى اي وزاره شرط برموده شيء قصير المفروض مايدخل
المرور الشباب مب مقصرين كذا مره قدامي يدخلون ناس بشرطات يطرده الموظف من عند الباب اجنبي او قطري

[عرٍيب الساس]

بسم الله الرحمن الرحيم

بتكلم عن موضوع حدث قدامي اليوم بمبنى الجوازات أثناء ذهابي لتخليص معامله كلنا نعرف أن مبنى الجوازات فيه بوابه دخول وخروج المراجعين وعلى هذي البوابه شرطي نظام وأنا داش لفت نظري أن الشرطي منع دخول سيده أجنبيه لابسه تنوره قصيره وكان رده عليها أنها تروح تلبس طويل

وبعد ما خلصت معاملتي وأنا خارج مع هذي البوابه بعد حصلته موقف شاب لابس برمودا قصير يبي يدش

يعطيه العافيه الي حط هالقانون فما رايكم بهذا وهل هذا فقط في رمضان ولا دائما


اعتقد واظن الي لابس برمودا ,, انـإآ هههههههههه

طويل العمــر صح جزاه الله خير ماقصـر ,,

لكن جاتني فتره ماقدرت البس الثوب او لبس طويل ومسكر من كل صوب نظرآً لحالتي الطبيه ,,

فـ كل مره كان يستوقفني الشرطي عند البآب ,,


ومره كنت طالع من الدوام ودوامي اجباآري علي ان البس بدله ( جنز او بنطلون ,, الـــخ ,,

فـ طلعت من الدوام من بدري اخلص لي شغله فالمرور ورآجع ؟

فـ اظطريت ادخل عند ............ من غير تخصيص


فـ قآل لي كلآم ماينخطر ع البآل وبطريقة غير رسميه ( بس مفهومه ) وبإسلوب زفــر واستحقآر ,,,

طيب انا جآي اخذ رآيك فاللبس ؟ ولا اخلص مراجعتي ؟

طيب يالاخو ماتقدر تفهمني شالمشكله ؟ او ماتقدر تعرف ليش جيت بهـآللبس ,؟


لكــن نظرآً لانه شخصيه هــإآمه ,, ماكان لي الا اني اقول حسبي الله ونعم الوكيل عليهـ ,,

فـــ النـإآس تتهجم بدون ماتعرف السبب او المآنع .
فـ حبة حبــة وادري تقصد بعض النـ،ـإآس يمكن مخربهـآ زيآدة ,,

لكن انا بقولها لك دخلت الجوازات اكثر من 13 مره
واغلبها برمودا ,,

وماكان من بعض النـإآس الا الاستحقآر ,
وبعض النـإآس شحلآتــه مبتسم



نبـه وانصح وبعدين لك الــحق ,,

تقبل مروري ومشكور على طرحك المفيد