اذا شوكوت بحماية المستهلك متى يجيك الانصاف او الرد ؟

[الصغيره]

قدمت شكوى بحماية المستهلك متى يجيك الرد يعني بعد كم يوم ؟

ياليت اللي له خبره يرد وكم وقت تاخذ وهل يجيك رساله تخبرك بالتطورات او اتصال ؟

بنتظار شكوى لها كم يوم ماجاني خبر فيها :(


الله يجيب خير

[الكواري 1972]

اذا محترين او كرهين او واحد فيهم زعلان عليهم
بتحصل جواب يا من اول يوم او ثاني يوم

واذا العكس انتظر لين يجي دورك

وسلامتك

[قطر العطاء]

عن تجربة شخصية ما منهم فايدة اطلاقا ...

[الصغيره]

بيض الله وجيهم تجاوبوا معي وحلوا مشكلتي باسرع وقت .... صح خذا لهم وقت بس حتى يتاكدون ويبحثون بالامر لكن لله الحمد تم حل المشكله عن طريقهم والله يقويهم ويجعلهم على الحق دائما ...

[هدوء العاصفة]

طيب اذا خدمة زباين وصيانة ما يردون على الزباين ممكن يسوون شي ؟ ولا ما منهم فايدة

[عبدالعزيز 101]

من تجربة شخصية أرسلت لهم شكوة ثاني يوم الصبح اتصل لي واحد منهم يقول انا فالمكان الفلاني ممكن توصفلي المحل !! وعجبني تجاوبهم السريع !!


بعد ما حطوا الرقم الساخن وبرنامجهم عالهواتف النقالة صارت الشكاوى فاليوم أكثر من الشكاوى الي تجيهم فالشهر قبل !!


ما يقصرون وبيض الله وجيههم !!

[أم علي 2010]

من تجربة شخصية أرسلت لهم شكوة ثاني يوم الصبح اتصل لي واحد منهم يقول انا فالمكان الفلاني ممكن توصفلي المحل !! وعجبني تجاوبهم السريع !!


بعد ما حطوا الرقم الساخن وبرنامجهم عالهواتف النقالة صارت الشكاوى فاليوم أكثر من الشكاوى الي تجيهم فالشهر قبل !!


ما يقصرون وبيض الله وجيههم !!

وشو برنامجهم اخوي

فيه خدمة تصوير وارسال الصورة ؟

[عبدالعزيز 101]

وشو برنامجهم اخوي

فيه خدمة تصوير وارسال الصورة ؟

اي نعم اختي موجودة هالخدمة والبرنامج متوفر عالايفون وايذا ما خاب ظني موجود ايضاً على الاندرويد


اسم البرنامج Ministry of business and trade

[أم علي 2010]

والله أنا اشتكيت

الشكوى الأولى تجاوبوا وتواصلوا ويأي بس لما اتصلوا مني عشان يسكرون الشكوى قلت حق المصري لا تسكر الشكوى لان للحين ما تأكدت ان المكيفات شغاله أوكي

امس رجعت اتصلت عشان اشتكي الموظفة قالت لي ان الشكوى موجودة ومتسكرة و ان مكتوب أني موافقة والمكيفات شغاله تمام

وعطتني رقم الشكوى وقالت روحي تابعي في مبنى حماية المستهلك

يعني الواحد وين فاضي يهد اشغاله ويروح هم حاطين موظفين حق هالشي

وقلت لها أنتوا أصلا يبي من يشتكي عليكم حرتني الصراحة و أبي المسؤول يسمع لان المكالمات تتسجل

[abo0o0od QtR]

انا اشتكيت على محل نظارات مر شهر كامل ولا حد عطاني وجه

رديت اتصلت عليهم وهالمره رصيتهم شوي نص ساعه مدير محل النظارات متصلي

وتميت بالهطريقة اتصل حماية المستهلك المحل يتصلي اخر شي قلت للاخت الي في حماية المستهلك انا اشك انه راعي المحل شغال عندكم علشان جذي مب راضي يطرش مفتش المحل

وتمينا على هالحال لين المحل تجاوب وحل الموضوع وياي ودي ثاني يوم متصلين علي حماية المستهلك يقولون وصلنا خبر انه حليت الموضوع ودي ممكن نسكر الشكوى ضحكت وقلت لها بتسكر رضيت ولا ما رضيت


المفيد التعامل يكون على حسب راعي المحل عنده واسطه عندهم ولا لا.

[عبدالعزيز 101]

انا اشتكيت على محل نظارات مر شهر كامل ولا حد عطاني وجه

رديت اتصلت عليهم وهالمره رصيتهم شوي نص ساعه مدير محل النظارات متصلي

وتميت بالهطريقة اتصل حماية المستهلك المحل يتصلي اخر شي قلت للاخت الي في حماية المستهلك انا اشك انه راعي المحل شغال عندكم علشان جذي مب راضي يطرش مفتش المحل

وتمينا على هالحال لين المحل تجاوب وحل الموضوع وياي ودي ثاني يوم متصلين علي حماية المستهلك يقولون وصلنا خبر انه حليت الموضوع ودي ممكن نسكر الشكوى ضحكت وقلت لها بتسكر رضيت ولا ما رضيت


المفيد التعامل يكون على حسب راعي المحل عنده واسطه عندهم ولا لا.


لو انا منك ما حليت الموضوع ودي ولا شي الا رصيت عليهم و كل ساعه اتصلت اراجعهم اشوف شصاار فالموضوع !! لعبة هي !!

[Class - Qtr]

السلام عليكم

للاسف الكلام مع حمايه المستهلك مضيعه للوقت

لو محل ينصب على مااتصلت عليهم

بااخذ حقي بالكلام الطيب

كل شي مع هالمحلات

بالكلمه الطيبه

لما يكون عددد موظفين المفتشين في حمايه المستهلك يصل لرقم الف موظف

وقتها باافكر اتصل فيهم غير كذا لا اهتمام ولا غيرة

والكلام معاهم وقت يضيع بلا فائدة

:)

[Riku3]

ما ادري ليش في نظرة سوده عليهم ..

انا مره اشتكيت على وكالة سيارات وللاسف ما حصلت تجاوب جيد بس اعذرهم لان الواسطه فوق القانون ..

بس ببداية رمضان اشتكيت على شركة كبيرة بخصوص جهاز اخترب عندي ورفضوا يصلحونه على الضمان وطلبوا 400 ريال .. وموظف حماية المستهلك ما قصر معاي وكان مهتم في الموضوع اكثر مني وبالنهاية عطوني جهاز جديد بدل التالف :) .