مشهد يتكرر بشكل يومي ولكن الى متى؟؟

[لاجئ عاطفي]

اليوم وانا رايح الدوام واقف في طابور السيارات تفاجات بمرور سياره كروزر على الرصيف اللي جنبي دون مراعاة للناس اللي واقفه ومحترمه القانون ودون مراعاة من صاحب السياره المخالفه للمال العام ، ونفس المشهد تكرر امس والصبح بعد بسياره جمس احمر ، !! هالرصيف امكلف الدولة ملايين الريالات وواحد مثل ذي للاسف لا ذمه ولا ضمير بكل سهوله يمشي وضارب كل القوانين واللوائح وحتى الوطنيه ورى ظهره .. سؤال لراعي الكروزر واللي مثله .. ترضى حد يوقف على رصيف بيتك؟؟؟ اتركم مع الصورة

http://im40.gulfup.com/JuLaR.jpg

[حبر وقرطاس]

يمكن عنده حاله طارئه فالسياره لا سمح الله


او جاه اتصال يتطلب سرعه التصرف

[تحداني]

اللهم إني صائمه .. يمكن وعليه مشواره اهم من مشوار هالبشر الي واقفه
تدري الكل في الشارع يوسع صدره .. الا النبي حرصه رايح للدوام



ولد جارنه بلشنا ابهوايه ما ادري من وين اطلعت له
كل يومين ماخذ له طراد ولا سكوتر
وشحليلاته حسباله رصيف بيتنا باركنك
ويود الانترلوك ايش صار فيه


والوالد معطيه كامل الصلاحيات
هالايام انشوف درجات .. شكله غير هوايته

ايش هالعقليات .. الحمد لله رب العالمين
العقل نعمه


جملك الله برضاه

[MAZEN37]

الحل بالكميرات ولين تصقع المخالفه جواله يستوي مؤدب ماسك سرا

[لاجئ عاطفي]

اللي عنده حالة طارئه يشغل الدينجر ويهرن والناس تفتح له الطريق ولكن اللي يركب رصيف وعند الاشاره يوقف هذا ماظن عنده حالة طارئة ؟!! ليش ماعدا الاشاره والا لان الاشاره فيها 6000 ريال وقف؟!! خلكم واقعيين ترى اللي يمشي في الشوارع بشكل يومي يشوف مخالفات بشكل رهيب وفضيع والله لو اركب كيمرا في سيارتي راح اخليكم تشوفون المخالفات على اصولها وبشكل يومي مواطنين وحتى مقيمين الكل صار يخالف وعيني عينك

[راعي ال VXR]

يرى نفسه بطلا بهذه الحركة...ولا يعرف بان كل من نظر اليه قال عنه متخلف ويعتدي على حقوق الناس

[حمد 2002]

اليوم وانا رايح الدوام واقف في طابور السيارات تفاجات بمرور سياره كروزر على الرصيف اللي جنبي دون مراعاة للناس اللي واقفه ومحترمه القانون ودون مراعاة من صاحب السياره المخالفه للمال العام ، ونفس المشهد تكرر امس والصبح بعد بسياره جمس احمر ، !! هالرصيف امكلف الدولة ملايين الريالات وواحد مثل ذي للاسف لا ذمه ولا ضمير بكل سهوله يمشي وضارب كل القوانين واللوائح وحتى الوطنيه ورى ظهره .. سؤال لراعي الكروزر واللي مثله .. ترضى حد يوقف على رصيف بيتك؟؟؟ اتركم مع الصورة

http://im40.gulfup.com/JuLaR.jpg

الي ايخرب الارصفه هم السيارات الكبيره والشاحنات وهالشيء ملاحظه انا عده مرات ، مب بس الارصفه ايخربون بعد الشوارع الجديده :) ،،

اما السيارت الصغيره والي منها الكروزرات مستحيل اتخرب الارصفه لانه وزنها مايساعد على ذلك ،،،

تحياتي لك ،، :victory:

[لاجئ عاطفي]

الي ايخرب الارصفه هم السيارات الكبيره والشاحنات وهالشيء ملاحظه انا عده مرات ، مب بس الارصفه ايخربون بعد الشوارع الجديده :) ،،

اما السيارت الصغيره والي منها الكروزرات مستحيل اتخرب الارصفه لانه وزنها مايساعد على ذلك ،،،

تحياتي لك ،، :victory:

سلامة عمرك الشيخ السيارات الصغيره لو مشت على الارصفه بشكل متكرر راح يخترب ولاتنسى ان هالارصفه عباره عن انترلوك مهب صبيه يعني هشه وضعيفه هي محطوطه ديزاين يعني شكل فقط مهب لسير المركبات وحتى لو فرضنا انها تتحمل سير المركبات هل يجوز هالتصرف؟؟

[السكين]

ما عرفت اي مشكلة تقصد ؟ التجاوز من اليمين والا الضرر اللي يصير للانترلوك والرصيف .

بصراحة التصرف مؤذي للسائقين خاصة برمضان .

الله المستعان .. ورمضان كريم

[لاجئ عاطفي]

ما عرفت اي مشكلة تقصد ؟ التجاوز من اليمين والا الضرر اللي يصير للانترلوك والرصيف .

بصراحة التصرف مؤذي للسائقين خاصة برمضان .

الله المستعان .. ورمضان كريم

الاثنين اخوي العزيز لان التجاوز من اليمين مخالف وركوب الارصفه بعد مخالف فالتصرفين مخالفين .. وفعلا الله المستعان ..

[فلور]

ياكثر مانشوف من هانوعيه

[طير حوران]

اللهم لاحول ولاقوة الا بالله

اللهم اني صائم

[باراكودا]

يجب وضع كيمرات مراقبة عند مناطق الازدحام والاشتباك والشربكة
ويجب أزالة الرادارات التي تبين أنها سبب رئيسى فى الازدحام في بعض الشوارع .

[ابوحشر]

نسخه :
للاشغال
نسخه :
لادارة المرور

[ابوحشر]

نسخه :
-للاشغال
- لادارة المرور

[Qt.1]

هذا ولاشي كل يوم هالمشهد ايتكرر لدرجه انه صار شي عادي , خبرك الناس ماعندها شي الا اخينا في الله مستعجل الناس ماعندها شغل عادي , والادهى والامر اتحصل سيارات اجانب ضرب ارصفه ولامفتكرين ونسو المثل الي ايقول ياغريب كن اديب ! , قلنا لكم الحل كاميرات في كل مكان وايصكونهم مخالفات 5000 و 6000 علشان ايتوبون , مادري متى الناس بتعرف ان القياده فن وذوق واخلاق .

[تاجر كشخة]

الغلط مب منه الغلط يوم يبي يدش الشارع ونفسح له الطريق المفروض نحكر له

[داااايم السيف]

من امن العقوبة ساء الادب
على كل حال اخوي ترى التصوير بحد ذاته ادانه ضده
حيث باستطاعتك ان تتقدم ببلاغ رسمي الى ادارة المرور وترفق الصوره كدليل لايمكن تغاضي النظر عنها او انكار المخالفة
وسيتم اتخاذ اجراء مناسب ضد مرتكب تلك المخالفة
تحياتي لك اخي الكريم

[طلعة الروح]

حسبنا الله ونعم الوكيل .. كل يوم هالمشاهد تتكرر بكل مكان ..
هالنوعيه من الناس مفروض يقعد ف بيته اذا مب قد الانتظار واحترام الطابور
اتوقع الحركه تعبر عن شخصية الواحد وتعبر عن تفاهه واستهتار السائق حتى في علاقاته مع أهله والناس وليس فقط ممتلكات الدولة العامة والمارة

[Class - Qtr]

السلام عليكم

المفروض يكون في احترام لذوق العام واداب الطريق مافي اي شي يخلى الواحد يسوي هالحركه

حتي لو واحد عندة حاله طارئه وبيروح المستشفي المفروض يلتزم ومايسوي هالشي

لا استثناء لسايق اللي راكب على الرصيف

والتصرف نهائيا مرفوض

[غايه الطواش]

يا كثر المستهترين
الواحد من كثر ما يتكرر عليه هالمشهد صار يحس انه
شي غير مخالف لقانون المرور

[مراد2015]

المفروض يركبون مسامير على الجانبين

او يركبون كاميرات مراقبة ويفرضون غرامة كبيرة


بس المسامير احسن

[أم محمد 90]

اللي عنده حالة طارئه يشغل الدينجر ويهرن والناس تفتح له الطريق ولكن اللي يركب رصيف وعند الاشاره يوقف هذا ماظن عنده حالة طارئة ؟!! ليش ماعدا الاشاره والا لان الاشاره فيها 6000 ريال وقف؟!! خلكم واقعيين ترى اللي يمشي في الشوارع بشكل يومي يشوف مخالفات بشكل رهيب وفضيع والله لو اركب كيمرا في سيارتي راح اخليكم تشوفون المخالفات على اصولها وبشكل يومي مواطنين وحتى مقيمين الكل صار يخالف وعيني عينك

لحظة أخوي !!

انت حاط ف بالك ان لو كرووووزر شغل الدينجر ومشى بين السيايير بيفتحون له !

سوري ! سيارة الكرزوزر انشهرت بين اهل قطر وحتى المقيمين
وعارفين الفكرة الي الناس ماخذينها ع الكروزر والدليل تشديد سالفة المخفي ع الكروزر بالذات عن السيارات الباقية

اخوي اذا الاسعااااف تجي تدق دينجر و ونان والناس يالله يالله يفتحون
تهقى بيفتحون لكروزر ؟؟


لازم حد يجرب ويقول لنا :) !

[عاشق العديد]

الذيب هاي جنـه موتـري .. ):

[أم محمد 90]

في ناس قاعدة تتحسب هههه ترى كلها الا ركوب رصيف استغفر الله العظيم

شوف اخوي يمكن الي يقهر ان انت ملتزم بطابور وهو يجي ع رصيف يمشي وينزل في دقيقة وانت تنطر 20 دقيقة


اخوي انا اركب (نص رصيف) في حالة الاشارة واقفة حمرا وانا بالضبط عند اللفة الجانبية والي قدامي يشوف اني ابي اروح يمين ومايقدم شوي

هني اركب رصيف وامشي ولا انتظر دقايق اضافية ..

[فتى الجود]

اللهم إني صائمه .. يمكن وعليه مشواره اهم من مشوار هالبشر الي واقفه
تدري الكل في الشارع يوسع صدره .. الا النبي حرصه رايح للدوام



ولد جارنه بلشنا ابهوايه ما ادري من وين اطلعت له
كل يومين ماخذ له طراد ولا سكوتر
وشحليلاته حسباله رصيف بيتنا باركنك
ويود الانترلوك ايش صار فيه


والوالد معطيه كامل الصلاحيات
هالايام انشوف درجات .. شكله غير هوايته

ايش هالعقليات .. الحمد لله رب العالمين
العقل نعمه


جملك الله برضاه


:nice:

ههههههههههههههههههههههههههههههه


الله يعينكم