الأسمنت؟ الحديد؟الرمل البحري؟ الرمل الناعم؟ الدفان؟الطابوق.؟من وين وعلى جم!!

[مســـاهم]

السلام عليكم

سؤال موجه لاهل الخبرة

من وين نشتري مواد البناء وعلى جم اسعارهم تقريبا؟

لاني ان شاء الله ناوي ابني ملحق صغير 14*5 والمقاول قالي شغل يدة مع الخشب 50000 ومواد البناء علي
وجزاكم الله خيراا

[ابن ادم]

عليكم السلام

نصيحة تسوي مناقصة لمواد البناء لكثير من الشركات ، أو ممكن تاخذ من برع من الصين أو أي دولة...بس اهم شي اهم شي تكون المواد مثل الأسمنت والحديد مطابقة للمواصفات والمقاييس في قطر والله أعلم...

بس ما ادري شرايك في البورتو كابن ارخص، أو تبني المحلق بالسيبروكس أو الطوب الأحمر الفخاري أعتقد أسعارهم أرخص وعازلين للحرارة

[qatari_wow]

مساء الخير ......اخوي مساهم ... العفو كم متر مربع بتبني ؟
14*5 ......والى انا غلطاااان

وايش نوع البنياااان .... على حسب كلامك ملحق صغير .....على حسب فوق بيت ....والا في حوش بيت !! ... يختلف بالسعر

[مســـاهم]

عليكم السلام

نصيحة تسوي مناقصة لمواد البناء لكثير من الشركات ، أو ممكن تاخذ من برع من الصين أو أي دولة...بس اهم شي اهم شي تكون المواد مثل الأسمنت والحديد مطابقة للمواصفات والمقاييس في قطر والله أعلم...

بس ما ادري شرايك في البورتو كابن ارخص، أو تبني المحلق بالسيبروكس أو الطوب الأحمر الفخاري أعتقد أسعارهم أرخص وعازلين للحرارة


ان شااء الله اخو ي عبدالرحمن
بس تهجى على جم الطوب الاحمر

[مســـاهم]

مساء الخير ......اخوي مساهم ... العفو كم متر مربع بتبني ؟
14*5 ......والى انا غلطاااان

وايش نوع البنياااان .... على حسب كلامك ملحق صغير .....على حسب فوق بيت ....والا في حوش بيت !! ... يختلف بالسعر


مساء النور

انا ناوي ان شاء الله ابني ملحق صغير في الحوش 70 متر
بس حق سنتين او 3 بالكثير ايش تنصحني اسوي

[ابن ادم]

الصراحة ما عندي فكرة اخوي عن الاسعار

[qatari_wow]

اذا اهو على قولتك ..... حق سنتين يعني مابيكون مسلح ( بيكون كيربي ) اللي اهو السقف

واسعااار الملاحق ....للمتر المربع تترواح مابين 600 الى 660 ريال ( تشطيب عااادي )
يعني بلاااط شعبي + ابواب خشب + نوافذ المنيوم + سقف كيربي + سقف ستلكس


اما اذا كنت تبي تبني ......... مسلح ( ما انصحك ) وانت برايك لنه اغلى ونفس الشي ( الغرض واااحد )

اذا بنيت مسلح خل المقاول يبني لك عظم بلااااستر وخل التشطيب عليك
والسعر يترواح بين شركة واخرى يعني حوالين ال 900 ريال تقريبااا للمتر عظم بلاستر

..........................اما الخيار الاخير والاسهل

ليش ماتعمل ..... لك ملحق متنقل ( بورت كابن ) فيه شركااات عندهاا اشغااال حلوه بالدوحة
ومن دااااخل اي ديكور تبيه جبس او او .... !!!!

والمتر حسب التشطيب ................ يعني من 550 الى 1100

واحسب بعدين لمااا توفي حااااجتك من الملحق

تبيعه ............يجيب خرده ......... والخرده ذيك الايام حلوه


وبالتوفيق انشالله .......... شكلك عريس جديد :con2:

[مســـاهم]

اي والله توني مالج ماصارلي اسبوعين
عقبالك ان شاء الله

والله الصراحة انا ماعندي خبرة كلش في ( بورت كابن ) ولاادري وين اقدر افصل البورت كابن

[qatari_wow]

مبروك ... انشالله

لا انا من زماااان .... الا اذا فيه اعاااادة .....ما ادري يمكن :con2:

اذا عزمت على البورت كااابن ... فيه شركااان كثيرة

1- العمران للمباني الجاهزة .... بشارع سلوى ( عند دوار السوق المركزي )
2 - ستيل كابن ..... بشارع سلوى ( بالسوق الجديد بجنب شركة الجزيرة للاستثمااار )
2 - شركة بمحطة البترول ... الى بعد جسر الشمال ( مقابل المسجد ) لا تستغرب اسم المحل شركة نقليااااات .......بس اهو نفس المحل:D
3 -فيه كم شركة بالصناعية ...... بس ما اذكرهااا ؟؟

وبالتوفيق انشالله

[مســـاهم]

اليوم مريت على العمران للمباني الجاهزة تتوقع كم قالي$$$$$$

80000 الف ريال يعني مافي فرق بينه وبين الطابوق

[qatari_wow]

عااااد ما رحت من اللي قلت لك الا للعمرااان
العمرااان اهو يشتغل صح .... بس بعد ياخذ صح

روح للي في محطة البترول .....شغله حلو .... وهم مناسب في السعر


ولا تنسى ميزااات البورت كااابن
اسهل بالتركيب .... اسهل لنقل .... تقدر تبيعه .... او تتنقله مزرعة او عزبة
كل شخص وعنده ترتيب


وبالتوفيق