أفضل دولة لعمليات الظهـــر

[Chambray]

السلام عليكم

محتار اودي الوالده مابين ( تايلند و المانيا و أمريكا )
هل لديكم اقتراحات بشأن افضل المستشفيات لعمليات الظهر ؟؟ الدسك والغضروف والفقرات ؟

[خزامئ]

الله يشفي مريضكم
معروف عن المانيا افضل الدول للعمليات الضهر والركب

[teef3beer]

هلا اخوي الوالده تعالجت بالاردن بالمدينة الطبية
والله يشفي الوالده ويدوم عليها الصحة والعافيه

[فريج النجادة]

الدكتور خالد ليبي في قطر ممتاز جدا

مسوي للوالدة عملية في الدسك والغضروف

[MAZEN37]

المانيا بدون منازع

[برشلوني قطر]

انا سويت عمليه العام ف امريكا

والمستشفى ع مستوى العالم. ( سبشل سيرجري هوسبتل)

الله يشافي مريضكم

[آنــه]

والله ما اقدر احكم بس شفت نتايج على علاجين في المانيا للظهر وحده نجحت والثانيه ما كانت ممتازه
اللي نجحت عمليتها كانت في ميونخ الثانيه كانت في بون بس ما اعرف اسامي المستشفيات

وشفت وحده معالجه في تايلند بعد ما شاء الله تبارك الرحمن بعد ممتازه عمليتها اظن في وشتاني او وشتان جذي الاسم

[عاشق العديد]

تايلند زينـه والمانيـا زينـه وامريكا ازين وازيـن ..

والله يشافيهـا .. يـارب

[تحداني]

عمليات الظهر مجازفه .. في الي تنجح .. وفي الي اذا ما انجحت فراح تترتب عليها
امور سلبيه فديروا بالكم



بالشفى يارب

[ابوحشر]

انا نصيحتي لاتسون عمليه الا في الضررورة القصوى لا ن عمليات الظهر دقيقه ومتعبه ويترتب عليها امور اخرى مثل ماقال العضو تحداني

[وحيد-الشوق]

الدكتور خالد ليبي في قطر ممتاز جدا

مسوي للوالدة عملية في الدسك والغضروف

اي خالد :eek5: لايكون ابوخضره مادري ابوهدره الله لايبارك فيه جعل يصيده شلل ومايطيب

هالدكتور بهدل امي تبهدل 3 عمليات غلط حسبي الله عليه واين يومك مب مترقعه

في الدوحة انسى ياخوي عندك المانيا او امريكا وماتشوفون شر

[ذكي جدااا]

الله يشفي مريضكم يارب

[برشلوني قطر]

اي خالد :eek5: لايكون ابوخضره مادري ابوهدره الله لايبارك فيه جعل يصيده شلل ومايطيب

هالدكتور بهدل امي تبهدل 3 عمليات غلط حسبي الله عليه واين يومك مب مترقعه

في الدوحة انسى ياخوي عندك المانيا او امريكا وماتشوفون شر


يمكن قصده خالد فرج...هو ليبي بس جنسيته بيريطانيه.. وانا اعرف واحد بعد سوى عنده

ثلاث عمليات مادري اربع:rolleyes2: وآخر شي سافر يتعالج..وانا بعد رحت له

بس مارتحت لكلامه بس لاني كنت ابي تقرير منه ...

بس اخوي احنا ف رمضان والمسامح كريم...وكل امرك لله وبلا الدعاوي ذي :(

الله يشفي الوالده ويطمنها عليك..

اخوي صاحب الموضوع...نفس ذي العمليات لااازم واحد يكون متمرس وخصوصا العمليات الكبيره

ادري كل دكتور بيقولك بسويها لك...لااااكن السؤال كم مره يسويها فالشهر ؟؟؟

اذا دكتور يسوي العمليه فالسنه كم مره مافي فايده..

والله يوفقك

[Aaziz]

اذا على حساب الدوله انصحك بامريكا
و اذا على حسابك عندك احد الدولتين الباقين.

ماعليها شر ان شاءالله

[قطرية مثقفة]

عمليات الظهر مجازفه .. في الي تنجح .. وفي الي اذا ما انجحت فراح تترتب عليها
امور سلبيه فديروا بالكم



بالشفى يارب

كلام سليم اللي مايحالفه الحظ وماتنجح عمليته بيعيش مع آلام مالها نهاية @@ اثنين من هلي سوها مانجحت والله معاناه عندهم حتى المشي يسحبون رجلهم سحاب @@ الله يشافيكم ويكتب لكم الخير

[برشلوني قطر]

كلام سليم اللي مايحالفه الحظ وماتنجح عمليته بيعيش مع آلام مالها نهاية @@ اثنين من هلي سوها مانجحت والله معاناه عندهم حتى المشي يسحبون رجلهم سحاب @@ الله يشافيكم ويكتب لكم الخير


اختي اي عملية تصير توقعين ع ورقه وحتى البنج يقولج ف نسبه انك ماتقوم واحنا مانتحمل

المسؤوليه...صحيح كلامج وصحيح كلام الاخت تحداني هي اكيد فيها مغامره..بس السؤال..

هل تقعد كول عمرها تعااني ..؟؟ والا تسعى وتسوي العمليه حتى لو فيها نسبه عدم النجاح ؟؟

انا قالي الدكتور بالمختصر >> العمليه نعم نش بسيطه لاكن هل انت تحب انك تكمل حياتك

وانت اتعاني ؟؟ واحتمال يزيد عليك الالم مستقبلا وتكون ف عمر اصعب من الحين .

والله يعطينا ويعطيكم الصحه والعافيه

[Chambray]

هي تعاني من آلام في الظهر .. وتعبانه كثير ..
الدكتور خالد فرج الليبي ، قالي لازم عملية ..
والصراحة انا مش متطمن لكلامه ولا له

فقررت اوديها حد هالدول ، يشخص حالتها اكثر ، واذا محتاجه عملية يسوونها لها هناك ..

ولحد الآن في حيره في امري صراحة

الربع يقولون لي المانيا ماديين ، يطولون المسألة وهي ماتستاهل هالتطويل علشان يستفيدون مادياً ..

لكن مادري والله محتار ، والي زيد حيرتي اكثر ان كل واحد يرشح لي دولة !!

الي بيساعد ارجوكم يحدد لي اسم المستشفى واسم الدكتور والمدينة .. او بس اسم المستشفى يكفي إذا سمعته طيبه ..

وجزاكم الله خير

[برشلوني قطر]

هي تعاني من آلام في الظهر .. وتعبانه كثير ..
الدكتور خالد فرج الليبي ، قالي لازم عملية ..
والصراحة انا مش متطمن لكلامه ولا له

فقررت اوديها حد هالدول ، يشخص حالتها اكثر ، واذا محتاجه عملية يسوونها لها هناك ..

ولحد الآن في حيره في امري صراحة

الربع يقولون لي المانيا ماديين ، يطولون المسألة وهي ماتستاهل هالتطويل علشان يستفيدون مادياً ..

لكن مادري والله محتار ، والي زيد حيرتي اكثر ان كل واحد يرشح لي دولة !!

الي بيساعد ارجوكم يحدد لي اسم المستشفى واسم الدكتور والمدينة .. او بس اسم المستشفى يكفي إذا سمعته طيبه ..

وجزاكم الله خير



هذا موضوع عزيز
http://qatarshares.com/vb/showthread.php?t=545751


تدخل واذا اتعرف تقييم المستشفى عن طريق الموقع...شيك ع ذي المستشفى

Hospital for special surgery


اذكر كنت اسولف مع المترجم...يقولي الملك عبدالله جا ذي المستشفى وتعالج..

فالنهايه كلشي بيد رب العالمين... الواحد يسعى ومايدري وين الخير..

[أسد الجزيرة]

في دكتور في ابوظبي يعالج بالموجات الصوتية ممكن يفيد علاجه اسمه دكتور عمر العامري دور في الانترنت له مقابلة في تلفزيون ابوظبي