حرقااااان حااااارج حموووووضه :(

[رهج السنابك]

مرحبا

،،

مع الصيام والحر هالسنه من ثاني يوم وانا صايدني حرقاااان حتى وقت الفطور ماقدر افطر ولا اكل شي يادوب التمره ونار تشب في معدتي من الحموضه


شعور مزعج ومتعب واخاف على وزني ينزل من قل الاكل

من يعرف من خبرته علاج لهالحاله او دكتور زين او جرب دوا سواء طبي ولا شعبي ينقذني :(

[عيون الدوحة]

ابتعدي عن اي شي فيه دهن ومقلي

وفي دواء بالصيدلية اسمة جافسكون للحموضة
وحليب المراعي قليل الدسم

[ضوى]

جافكسون مصوص وايد زين للحارج جربيه وقبل الفطور اكلي حبة زنتك وامورج طيبة ان شاء الله

[Locale]

الحرقان يصيد الحامل بشكل كبير
لكن دام ان تحسين حموضه في معدتج وماتقدرين تاكلين اظن ان من القولون اذا عندج القولون
الحاله اللي وصفتيها تصيدني لما اكون متنرفزه ويضربلي القولون ماقدر اكل هالكبير شي

الله يعينج وان شاء الله حد يفيدج

[بريق الحق]

عندج الماي الي غرشته خضره نسيت اسمه هاي مفيد
وعندج اينو هاي وايد زين تحصلينه فالدكاكين

[بصمة قطرية]

الدوا اللي قالوا عنه جافكسون وايد زين
بس في نوع أفضل منه و عن تجربة
نفس الشي لونه ابيض كأنه حليب
جداً ممتاز ما أرتاح إلا عليه ..

و وحدة تقول لي حليب فراولة وايد زين للحموضة
فراولة بالحليب المراعي ،،

[النهار]

كثري من فلفل وامورج طيبه

[تغلبية]

التمر حامي على البطن اذا بروحه لازم تبردينه بشي واياه ..

استبدليه برطب أو لاتاكلينه على الريق كالمعتاد اشربي قبله اللبن

واحتمال تحتاجين تروحين للدكتور احسن

سلامتج ماتشوفين شر

[لبيبة]

كثري من فلفل وامورج طيبه
:eek5::eek5::eek5:
اتق الله حرام عليك بتذبحها
:eek5::eek5::eek5:

[خليفـة]

كثري من الماي على السحور
وكثري من السوائل طول وقت الليل
وماعليج شر ان شاء الله اختي

خليفــة

[لبيبة]

احسن حل للحموضة بدون أدوية هو شرب الماء على دفعات لأنه يخفف من تركيز الحمض في المعدة،

هذا الحل للتخلص من الحموضة في وقتها، لكن الأساس هو يجب الابتعاد عن المقالي بكل أنواعها وكل

الأطعمة الثقيلة والدسمة، لا بأس بتناول القليل منها فقط دون الإكثار منها.

[qatarman8008]

المعدة بطبيعتها تقوم بانتاج مادة حمضية في المعدة استعدادا لعملية الهضم..
هذه المادة الحمضية تقوم بالتاثير على جدار المعدة تدريجيا.. الى ان يصل الى مرحلة تزعج الشخص..
فيه بعض الاشخاص عندهم حموضة في المعدة اكثر من اي شخص اخر..
قد يعود لاسباب صحية.. مثل اضطراب انزيمات المعدة..
او نفسية مثل العصبية والتوتر..
يجب معرفة السبب اولا.. لاختيار الحل المناسب..
عموما.. اغلب حالات الحموضة يتم علاجها بالزانتاك.. لان فترة فعاليته طويلة من 4 الى 8 ساعات تقريبا..
العلاجات الاخرى يكون مفعولها قصير المدى.. او انها لا تقضى على السبب الرئيسي للحموضة..

[بو خليفه 123]

ماء بيرييه Sparkling

كل يوم قبل النوم اشربي غرشه صغيره .. و اذا طعمه ثقيل ضيفي عليه قطرتين دبس الرمان

[وطن]

حبة زنتك أو باريت قبل الأكل مع ماي

وانطري عليها شوي عشان تذوب وتغلف المعدة

بعدها اكلي
وابتعدي عن المقالي والدهون
واكيد لاحظتي بعد في اشياء تزيد لج الحارج وأشياء لا



الدكتور حمد العذبة في المستشفى الأهلي ممتاز

وما عليج شر اختي

[R 7 A L]

عصير برتقال الربيع

[حكآية آحسآس]

ماتشوفين شر حبيبي

اكلي ررووب وخيار

وحاولي يكون لكك خفيف وبارد ع المعده


لا تاكلين شي فيه ابهار لين تخف الحالة


وفيه اكله قديمة بس حلوة ههههههههه عيش لين مع لبن او روب < احلى واخف اكلة

[عاشق العديد]

ماتشوفين شـر بعدوينـج ..

انصحج بالدواء الي قـالو عليه وعسـل طبيعي ..

وان شاء الله ماعليج شـر

[حفيد الأنصار]

ماتشوفين شر وقدامك العافية يــاارب

[بونووف]

يوميا نفس حالتج والحموضه دايما فوق وحارج وحاله

حبة زنتك ولا نيكسيوم ... بس ماتنفع تاخذينها قبل الاكل على طول .. لازم نص ساعه عالاقل قبل الاكل

وفي حبوب مص اتوقع اسمه رينيو علبته حمره

جافكسون فيه منه شراب ومفعوله اسرع من المص ..

والاكل الزين .. عليج باللبن و الروب و الخيااار كثري من الخياار امورج تمام ان شاء الله

وماتشوفين شر

[ww1000000]

مرحبا

،،

مع الصيام والحر هالسنه من ثاني يوم وانا صايدني حرقاااان حتى وقت الفطور ماقدر افطر ولا اكل شي يادوب التمره ونار تشب في معدتي من الحموضه


شعور مزعج ومتعب واخاف على وزني ينزل من قل الاكل

من يعرف من خبرته علاج لهالحاله او دكتور زين او جرب دوا سواء طبي ولا شعبي ينقذني :(

أخوي أحتمال أسباب الحرقة بداية تكون جرثومة المعدة المنتشرة في الفترة الأخيرة لا قدر الله نصيحة راجع أي دكتور جهاز هضمي وخلهم يعملو لك منظار لحق عليها لا تنتشر في باقي الجهاز الهضمي

[Aaziz]

الي اقدر اقدمه في هذا الموضوع قليل ولكنه مفيد و من معاناه شخصيه


الادويه الي ذكروها الشباب مهدئة فقط .

لازم تعرفين سبب الحارج من ايش ؟

اذا الحارج بدا مع رمضان فا معناته تغيير طبخات رمضان هي السبب (الثريد دسم و فيه دهن مش طبيعي و يسبب حارج) عصائر البرتغال تانغ و مشتقاته تسبب .

و ايضا سبب مهم للحارج .. يمكن تكونين كلتي اكل حار (اقصد ساخن جدا) و بلعتيه قبل لا يبرد و سبب لج ضرر في جدار المعده .. و هذا الي صادني شخصيا . بسبب مرقوق كان حار و اللقمه كانت حاره و استحيت انزل اللقمه على السفره فا بلعتها و ليتني مابلعتها ،، في الليل احس بجمره في معدتي .. و سببت لي قرحه بسيطه .. و تعالجت منها بعد معاناه .

اذا انتي تحسين الي صايدج مش طبيعي او مش من الاكل ،، روحي لدكتور .
و ترى ممكن يكون شي عادي لانه ترى الانسان السليم يصيده حارج عادي .

لو غير عادي روحي لطبيب ولا تتاخرين ابدا عشان ما تتفاقم المشكله .

جرثومه المعده بعيد الشر احد اعراضها الحارج و الارتجاع في حامض المعده .

[رجل الجزيرة]

مرحبا

،،

مع الصيام والحر هالسنه من ثاني يوم وانا صايدني حرقاااان حتى وقت الفطور ماقدر افطر ولا اكل شي يادوب التمره ونار تشب في معدتي من الحموضه


شعور مزعج ومتعب واخاف على وزني ينزل من قل الاكل

من يعرف من خبرته علاج لهالحاله او دكتور زين او جرب دوا سواء طبي ولا شعبي ينقذني :(

إذا الحموضة مستمرة سواء في رمضان أو غيره لغير الحوامل فهذا يعني جرثومة في المعدة بشرط أن تسوين الفحص بالقسطرة عن طريق الفم حتى الطبيب يحدد نوع الجرثومة ومن بعد ذلك الطبيب يحدد نوع العلاج.

[التميمي 3]

عليك بحليب قليل الدسم أو منزوع

[رهج السنابك]

تسلمون ماقصرتوا استفدت من نصايحكم وايد


تغلبيه انا ماحب التمر بس ابدأ فيه عشان سنه لكن فعلا من اكل التمره يبدا يزيد الحرقان

شكلي باخذ بنصايحكم بابدأ بروب مع خيار وانا ماعندي جرثومه بس اكلنا اغلبه طماط وصلصات مثلا اتعشا على الساعه ١٢ جريش وثريد مع سمبوسه وانام على طول فيصير ارتجاع اكل حامي ورقاد
وطبيعي مابقدر اتم ساعتين على جذي بقعد لين ثنتين ووراي دوام صعب انطر بعد الاكل مضطره انام


جافسكون ماقد جربته بس مؤقت مفعوله

نيكسيوم جربته العام برمضان لان هالحاله تصيدني برمضان وكان زين معاي زين ذكرتوني فيه شكلي برجع له

الله يعين ويسهل

[البحار00]

تسلمون ماقصرتوا استفدت من نصايحكم وايد


تغلبيه انا ماحب التمر بس ابدأ فيه عشان سنه لكن فعلا من اكل التمره يبدا يزيد الحرقان

شكلي باخذ بنصايحكم بابدأ بروب مع خيار وانا ماعندي جرثومه بس اكلنا اغلبه طماط وصلصات مثلا اتعشا على الساعه 12 جريش وثريد مع سمبوسه وانام على طول فيصير ارتجاع اكل حامي ورقاد
وطبيعي مابقدر اتم ساعتين على جذي بقعد لين ثنتين ووراي دوام صعب انطر بعد الاكل مضطره انام


جافسكون ماقد جربته بس مؤقت مفعوله

نيكسيوم جربته العام برمضان لان هالحاله تصيدني برمضان وكان زين معاي زين ذكرتوني فيه شكلي برجع له

الله يعين ويسهل

الله يهديج أختي تاكلين ثريد وجريش اكل كله دهون في دهون وقت متأخر

نصيحه

مافي أحلى من العيش الأبيض واللبن للسحور

انا مريض بالسكر وسحوري كل يوم عيش ولبن

والصبح أداوم مرتاح وأحس روحي خفيف

[رهج السنابك]

لبن وعيش؟؟ بقوم ثاني يوم جوعانه ومافي طاقه :(

انا ماتسحر افطر وعلى ١٢ اكل مره ثانيه وخلاص فإذا كلت شي خفيف صح بشبع في وقتها بس بجوع بسرعه من الصبح :(

[عاشق العديد]

شنو جرثـومه .. شموضوعهـا !؟ ،.$

الاستقرطاطريه.

عليج اب اكل الدجاج الحـارصدقيني كفتـه من الي مايحتـاي واتمنى لـكي الشفاء العـاجل

[Aaziz]

لبن وعيش؟؟ بقوم ثاني يوم جوعانه ومافي طاقه :(

انا ماتسحر افطر وعلى 12 اكل مره ثانيه وخلاص فإذا كلت شي خفيف صح بشبع في وقتها بس بجوع بسرعه من الصبح :(

واضح انج تحبين الاكل (مثلنا كلنا) لكن عاداتج الغذائيه غلط
اكل و نوم لا و ثقيل. زين جات على الحارج.
نصيحه نامي بدون عشا و قومي على السحور و تسحري شي معقول.

خلو منكم الطحان شوي :secret:

[بوعلي2]

كثري من فلفل وامورج طيبه

مجرم هههههههههه

[البارع]

اسئل الله لج الشفاء

[رهج السنابك]

شنو جرثـومه .. شموضوعهـا !؟ ،.$

الاستقرطاطريه.

عليج اب اكل الدجاج الحـارصدقيني كفتـه من الي مايحتـاي واتمنى لـكي الشفاء العـاجل

هاي الجرثومه وايد منتشره تقريبا اغلب الي عندهم مشاكل بالمعده سواء حموضه او انتفاخات او الالام او خمول او عسر هضم يشكون في الجرثومة
لكن انا سبق وسويت منظار والحمدلله ماعندي


بعدين نكي مب استقرطارطيه مدري شلون كتبته خلف الله على الي درسك عربي
لا وتبي تقضي علي الدجاج الحار بعد :(

[رهج السنابك]

واضح انج تحبين الاكل (مثلنا كلنا) لكن عاداتج الغذائيه غلط
اكل و نوم لا و ثقيل. زين جات على الحارج.
نصيحه نامي بدون عشا و قومي على السحور و تسحري شي معقول.

خلو منكم الطحان شوي :secret:

حرام عليك اي طحان :(


انا وزني وزن عصافير ويالله وصلت للوزن المثالي خاصه اني بسرعه انزل وزن ان قللت الاكل من جذي لازم اكل اكلات فيها سعرات عاليه عشان احافظ على وزني
بالعاده في كل رمضان انزل من اربع الى سته كيلو

اكلنا في البيت صحي بس دسم حبتين
الحلويات مب وايد بس شوي اخذ سويت مع القهوه
(اليوم بكنسل القهوه :( )

العادات الغلط الي عندي هي النوم بعد الاكل هذا مصيبتي
وماعرف انام واقوم اتسحر قبل الفجر ماحب اكل على طول اول ماقوم من النوم ونفس الشي برد انام يعني مب حل ههههههه

[رهج السنابك]

اسئل الله لج الشفاء


امين

ويشفي جميع مرضى المسلمين

[00soma00]

الزبادى ممتاز جدا لحالتك

[الزعفراني]

الحارج بسبب الدهون اللي في أكل السحور :)

[بصمة قطرية]

تسلمون ماقصرتوا استفدت من نصايحكم وايد


تغلبيه انا ماحب التمر بس ابدأ فيه عشان سنه لكن فعلا من اكل التمره يبدا يزيد الحرقان

شكلي باخذ بنصايحكم بابدأ بروب مع خيار وانا ماعندي جرثومه بس اكلنا اغلبه طماط وصلصات مثلا اتعشا على الساعه 12 جريش وثريد مع سمبوسه وانام على طول فيصير ارتجاع اكل حامي ورقاد
وطبيعي مابقدر اتم ساعتين على جذي بقعد لين ثنتين ووراي دوام صعب انطر بعد الاكل مضطره انام


جافسكون ماقد جربته بس مؤقت مفعوله

نيكسيوم جربته العام برمضان لان هالحاله تصيدني برمضان وكان زين معاي زين ذكرتوني فيه شكلي برجع له

الله يعين ويسهل
المشكلة من أكلج و رقادج
لازم تنتظرين فترة عقب تنامين
هالشي خطر وبيضر المعدة مع الوقت
انتبهي
جريش و ثريد و سمبوسة
دسم في دسم
و الطماط حاولي كثر ما تقدرين تقللينه
و إكلي شي خفيف
أنا فجأة يجيني إلتهاب في المعدة
و محد عرف السبب
التمر يريحني مع اللبنه
الروب ماقدر عليه يتعبني و يوقف على جبدي ..
مع ان أكلي في الغالب خفيف و صحي ..

[لبيبة]

الثريد لو انتوا اللي تسوونه في البيت لا تستخدمون ماي اللحم، حطوا بداله ماي نظيف

للصالونة اللي بتثردون بها، بيخف عليكم الكولسترول والشحوم والدهون اللي تمرض وتجيب

الحموضة، وحتى الطعم احلى والذ وخفيف على المعدة ما يأذيها.

الجريش حاولوا تسوونه باقل كمية من الزيت، ولا تحطون فوقه دهن بتلاقينه خفيف وما يتعب

اما السمبوسة فجربوا تشوونها في الفرن بدل القلي، صحي اكثر ولا يترس البطن بدهون اصلا

الجسم في غنى عنها

والافضل الالتزام بطبق واحد من هذه الاطباق وتجنب التنويع في نفس الوجبة، كل مكون منها

يتطلب هضم في المعدة فلما يخلط الواحد وياكل من عدة اطباق يعفس المعدة ما تعرف تهضم هذا

والا ذاك.

صحيح الواحد يكون صايم ويشتهي الاكل، بس وقت تناول الفطور يحط في صحنه بس من طبق

واحد رئيسي ويلزم نفسه به، اذا يبي من اي طبق ثاني يخليه للسحور على الاقل عطى معدته

فرصة لهضم جزء من الفطور.

اللي كتبته كله عن تجربة انا اعيشها، وحاولي الابتعاد عن الادوية قدر الإمكان لأنها كلها تضر

الكبد.

[كان فيه وخلص]

السلام عليكم
الحرقان الزايد يسبب أمراض خطيره لازم معالجتها ، بالطرق الأحترازيه ، أو العلاجية ،،

انا صراحه كنت أعاني بشكل كبير من هذه المشكلة ،،

هذه الدواء ممتاز ، ممكن حبه واحده تكفي لمدة أسبوع بدون مشاكل ،،
http://upload.traidnt.net/upfiles/AtW11858.jpg (http://upload.traidnt.net/)
ولازم تعديل أوقات الأكل
مع معرفة الأكل المناسب لفصيلة الدم

[قلم صادق]

عن تجربه فيه علك خاص للحموضه في الصيدليات خذيه و5 دقايق وسبحان الله تختفي الحموضه ممتاز


http://pics1.ds-static.com/prodimg/222232/500.JPG


وفي حبوب تاخذينها قبل الاكل بنص ساعه مره في اليوم تسوي حمايه للمعده وتمنع الحموضه الدكتور نزيه يقول عنها ممتازه ضد الحموضه وتحمي المعده

http://img37.picoodle.com/img/img37/9/8/21/f_parietm_104d93a.gif

[غايه الطواش]

ماتشوفين شر :)

جربي كل الي وصفوا لج اياه وقولي لنا شنو احسن حل

[رهج السنابك]

بدور العلكه اللي قال عنها قلم صادق ان شاء الله احصلها

امس طبقت نصيحتكم الروب والخيار اول شي افتتتحت فيه وماشربت شوربه لان فيها طماط وحاميه

ولا شربت قهوه بعد الاكل

احس اخف شوي عن باقي الايام شوي اريح

الزنتاك وكل حبوب الحموضه بحاول ماستعملها لان قريت لها مضاعفات

[نوار قطر]

شنو جرثـومه .. شموضوعهـا !؟ ،.$

الاستقرطاطريه.

عليج اب اكل الدجاج الحـارصدقيني كفتـه من الي مايحتـاي واتمنى لـكي الشفاء العـاجل

اي شفاء عاجل عقب هالاكل ؟:secret:

حبيبتي ماعليج شر واجر وعافيه ان شاءالله

[بصمة قطرية]

عن تجربه فيه علك خاص للحموضه في الصيدليات خذيه و5 دقايق وسبحان الله تختفي الحموضه ممتاز


http://pics1.ds-static.com/prodimg/222232/500.jpg


وفي حبوب تاخذينها قبل الاكل بنص ساعه مره في اليوم تسوي حمايه للمعده وتمنع الحموضه الدكتور نزيه يقول عنها ممتازه ضد الحموضه وتحمي المعده

http://img37.picoodle.com/img/img37/9/8/21/f_parietm_104d93a.gif

باريوت ما صلح لي
من خذته سبب لي ترجيع وانتو بكرامه
و تهيج بالمعده
و اختي نفس الشي
مع ان كثير يرتاحون عليه ،،

[ANONYMOUS]

المعدة بيت الداء والحمية رأس الدواء كما قال الحارث بن كلدة طبيب العرب، وهذا مجمع عليه عند الأطباء، وهو يؤيد صحة الحكمة التي ذكرت كما يؤيدها الحديث: ما ملأ آدمي وعاء شرا من بطن، بحسب ابن آدم أكلات يقمن صلبه، فإن كان لا محالة فثلث لطعامه وثلث لشرابه وثلث لنفسه. رواه الترمذي وصححه الألباني.