♥ مسابقة رمضان لوّل (( طموحي عالي)) ♥

[طموحي عالي]

http://im41.gulfup.com/aHxnJ.png (http://www.gulfup.com/?txrzgJ)

http://im41.gulfup.com/i8jxX.jpg (http://www.gulfup.com/?BkDx4c)


مهما طال بنا العمر وامتد بنا الزمان نجد بين اعماقنا حنين للماضي العتيق ماضي اجدادنا ماضي البساطة

ومن هنا ننطلق لنبحر في عالم الاجداد القديم
حيث البساطة
وعلى مدى هذه الايام الفضيلة باربعة اجزاء ان شاء الله
نتكلم خلالها عن ماضي الاجداد
ورائحة الماضي الجميل
و استعدادات هؤلاء العظماء للشهر الفضيل






http://im37.gulfup.com/JyIlb.jpg (http://www.gulfup.com/?piPmgG)


http://im41.gulfup.com/KFUvI.png (http://www.gulfup.com/?3lJfay)

[برشلوني قطر]

الله يعطيك الصحه والعافيه..

متابع

[بو الجوري]

بالتوفيق و في إنتظار رائحة الماضي من صوبكـم http://www.cheesebuerger.de/images/smilie/froehlich/c015.gif

[آنــه]

الله يواليج العافيه ... ننتظر ابداعج

[راشد محمد]

الله يعطيك الصحه والعافيه..

متابع

[pink pearl]

الله يعطيج العافية، منتظرينج ..

*مشتركة في المسابقة:
http://www.qatarshares.com/vb/showthread.php?t=555813

[طموحي عالي]

http://im33.gulfup.com/Uo6LZ.gif (http://www.gulfup.com/?KOxnTG)

موضوعي والمتالف من اربعة اجزاء سيكون اسمه

http://im34.gulfup.com/zmnPV.png (http://www.gulfup.com/?VfFuRr)

وهو يحكي عن زمن جدتي " رحمها الله"
والتي عاشت حقبة اجدادنا القدامي
حيث انها من مواليد 1933 ميلادي الى عام 2009 م
وحيث انها من منطقة البدع اي وسط الدوحة
وحيث انني كنت شديدة التعلق بجدتي فكانت تحكي لي كثيرا عن الزمن القديم


http://im40.gulfup.com/bHYil.gif (http://www.gulfup.com/?um3G0R)


ومن هنا اقدم لكم
http://im37.gulfup.com/bC5Vf.jpg (http://www.gulfup.com/?mpmgYt)


"وباللغة العامية"
على هيئة اسالة:

يدتي شلون كنتوا تستقبلون رمضان قبل ؟؟؟
يابنيتي احنا قبل غير الحين من يهل شهر شعبان واحنا كل يوم نجتمع في بيت ونجهز لرمضان اللي تدق الحب واللي تطحنه واللي تجهز العيش وتنظفه
وقبل كان عندنا يوم النافلة مب مثل الحين نوزع اكل لا قبل كنا نوزع حب وعيش وطحين عالجيران وعلى الفقارى وكانت فرحتنا بهاليوم ان باقي 15 يوم على رمضان
وكان يهمنا نشوف جيرانا شنو ناقصهم من حاجات وكلنا نكون بالتساوي ابد محدن ينقصه شي
لين يجي يوم 29 شعبان ونقعد بعد المغرب نتسمع على الريديو ( الراديو) ننتظر يقولون باجر رمضان والا نكمل شهر شعبان 30
وابد اللقمه ( الطاعم) بين الجيران ماتنقطع طول الشهر صحن رايح وصحن جاي ولي فطرنا تجمعنا العايلة كلها مب مثل الحين اللهم ياكافي كلن في غرفته حابس عمره وبعد العشاء والتراويح وندعوا الله ونصلي
نتسامر كلنا ونقعد ونسولف
وعقب نصلي الليل ونسبح الله ونحمده ونشكرة ونرقد لين قريب اذان الفجر قعدنا وتسحرنا وصلينا وعينا من الله خير
صحيح كان الجو حار لكن سبحانه كنا صابرين ومحتسبين الاجر ونقعد من الفير اللي تغسل واللي تخم ( تكنس)واللي تجهز للفطور وكلن يلهى بشغلته .



http://im37.gulfup.com/sXaRS.jpg (http://www.gulfup.com/?Axt1fk)


http://im37.gulfup.com/ny876.jpg (http://www.gulfup.com/?uddq1B)


http://im37.gulfup.com/ir5Cy.jpg (http://www.gulfup.com/?qJAv85)


http://im33.gulfup.com/rrBVU.jpg (http://www.gulfup.com/?hhQXw0)


ومن هنا نختتم الجزء الاول وانتظرونا بالجزء الثاني قريباً

رايكم يهمني ويشجعني :shy:

http://im33.gulfup.com/abXFF.gif (http://www.gulfup.com/?teIaTX)

[ضوى]

راااائع جدا

استمري

[ROSE]

رااائع جدا في انتظار باقي الاجزاء

بالتوفيق عزيزتي

[JN000N]

عجييييييبه

بالتوفيق > منافستج الودوده جنون :shy:

[ladybird]

مشاءالله عليج بداية جميله

شكلي بهون من المسابقة :)

[طموحي عالي]

شكراً لمروركم الروعة

ينون وانا يسعدني التنافس ههههه

[pink pearl]

ما شاء الله أبدعتي والله، والله يطول في عمر جدتج،،،

منتظرين الجزء الثاني ،،،:)

[النهار]

متابع

[قطر love]

ما شاء الله أبدعتي والله، والله يطول في عمر جدتج،،،

منتظرين الجزء الثاني ،،،:)



الله يرحمها ويغفر لها ويطول باعمار المسلمين في طاعه الرحمن استمري يا طموحي > منافس ضعيف

[JN000N]

الله يرحمها ويغفر لها ويطول باعمار المسلمين في طاعه الرحمن استمري يا طموحي > منافس ضعيف

< منافسه قويه :shy:

[بصمة قطرية]

ماشاءالله عليج
جد ابهرتينا بموضوعج :victory:
الله يرحم جدتج و موتى المسلمين
و يعطيج العافية ..

[السيف5]

موضوع جميل واصلي
متابع حتى النخاع

[برشلوني قطر]

الله يرحمها برحمته ويغفر لها ويسكنها جنات النعيم..

الله ع ايام اول..فعلا اندمجت مع الجزء الاول...صج كانو كل الي فالفريج ع قلب واحد...

الحين..الله المستعان..

لا تبطين علينا فالجزء الثاني:victory:

[طموحي عالي]

ما شاء الله أبدعتي والله، والله يطول في عمر جدتج،،،

منتظرين الجزء الثاني ،،،:)

تسلمين الغالية من ذوقج

الله يرحمها ويغفرلها ويسكنها فسيح جناته






الله يرحمها ويغفر لها ويطول باعمار المسلمين في طاعه الرحمن استمري يا طموحي > منافس ضعيف

امين
هاه اخاف تمثل دور الضعيف عقب تطلع انت الاقوى


ماشاءالله عليج
جد ابهرتينا بموضوعج :victory:
الله يرحم جدتج و موتى المسلمين
و يعطيج العافية ..

تسلمين حبيبتي وانتظروني بالجزء الثاني ان شاء الله
امين يارب
ويعافيج ربي


راااائع جدا

استمري

ان شاء الله يالمديره
وتابعيني :victory:

رااائع جدا في انتظار باقي الاجزاء

بالتوفيق عزيزتي
التوفييق للجميع ان شاء الله


الله يرحمها برحمته ويغفر لها ويسكنها جنات النعيم..

الله ع ايام اول..فعلا اندمجت مع الجزء الاول...صج كانو كل الي فالفريج ع قلب واحد...

الحين..الله المستعان..

لا تبطين علينا فالجزء الثاني:victory:

اميييين

اي والله

ان شاء الله قريب

[طموحي عالي]

ان شاءالله الجزء الثاني غداً

[طموحي عالي]

http://im34.gulfup.com/J4sN1.png (http://www.gulfup.com/?cvYlVq)

ونرجع لــــ

http://im34.gulfup.com/jYcqa.png (http://www.gulfup.com/?Hn4kLA)

و

http://im33.gulfup.com/hsGe6.jpg (http://www.gulfup.com/?zJpD1K)

عن
ليلة القرنقعوه

ونرجع لذكريات جدتي
ويدور هذا الحوار بيننا

يدتي: طموحي شتسوين ماخليتي كافي ( شوكلاته ) ماخليتي حلاو ماخليتي مصاص اشوله هالخرابيط كلها
طموحي: يدتي هاي هدايا القرنقعوه لليهال
يدتي : الله واكبر عليج ياطموحي غيرتي القرنقعوه بالخرابيط ذي
طموحي: ليش يدتي كل الناس جذي ليش شلون كان القرنقعوه قبل؟
يدتي : ايييييييييه الله يذكر ايام الجدر والسعف نحط فيه المكسرات النخي والنقل والبيذان والسمبل والبرميت ونخلطه كله وبس
طموحي: اي يدتي بس جي بيوصخ البيت وبيخرب البرستيج
يدتي : فكينا انتي والتستيج ( البرستيج) مالج
طموحي: يدتي شوفي شوفي هاللبس حق القرنقعوه شرايج فيه
يدتي : شنو هالخلاقين انا شارية لج بخنق ( لباس شعبي) وهلالي ( قطع ذهب توضع على الراس من الامام) خلي امج تلبسج اياه عقب المغرب واخوج يلبس ثوبه وقحفيته الزري ولاتنسون خرايطكم للقرنقعوه
طموحي: يديده انا مابي اروح برا البيت امشي بعدين ثيابي تتوصخ وتخترب كشختي
يدتي: اييييه الله يذكر زمان اول كانوا اليهال من العصاري يدورون فريج فريج وبيت بيت وانتي ياحظي خطوتين تقولين عيزانه
طموحي : يديده شنو يغنون في القرنقعوه ؟
يدتي : طمووووح يبيلج من يطقج بهالعصى الناس صيام وانتي عورتي راسي بلغوتج ( الكلام الزايد)
كانوا يقولون جذي

قرنقعوه .. قرقاعوه

عطونا الله يعطيكم.. بيت مكة يوديكم
يا مكة يا المعمورة .. يا أم السلاسل والذهب يا نورة
عطونا من مال الله .. يسلم لكم عبد الله
عطونا دحبة ميزان .. يسلم لكم عزيزان
يا بنية يا الحبابة .. أبوج مشرع بابه
باب الكرم ما صكه .. ولا حط له بوابة



http://im33.gulfup.com/mS0iW.gif (http://www.gulfup.com/?0dRLme)


http://im33.gulfup.com/nUvfg.jpg (http://www.gulfup.com/?bDehM0)


http://im33.gulfup.com/2m0EH.jpg (http://www.gulfup.com/?A2ZP9m)

http://im39.gulfup.com/vcF4Z.jpg (http://www.gulfup.com/?WbHOWz)

http://im34.gulfup.com/FTEMz.png (http://www.gulfup.com/?jW7hpI)

[pink pearl]

ماشاء الله عليج، عشت الجو الله يرحمها ويغفر لها يدتج:)
بس ممكن صور هالمكسرات، ماعرفتهم :

يدتي : ايييييييييه الله يذكر ايام الجدر والسعف نحط فيه المكسرات النخي والنقل والبيذان والسمبل والبرميت ونخلطه كله وبس

[طموحي عالي]

ماشاء الله عليج، عشت الجو الله يرحمها ويغفر لها يدتج:)
بس ممكن صور هالمكسرات، ماعرفتهم :


موجودة بالجزء بتكون اخر صورة
وان شاءالله بكره أنزل صورهم كل نوع بروحه

[حـ ن ـيـ ن]

تقريرٌ رائع ..:victory:

[برشلوني قطر]

ماشاءالله عليج..

ف انتظار الجزء الثالث

متاابع

[السيف5]

تقرير رائع
واصلي

[ضوى]

http://im34.gulfup.com/FTEMz.png (http://www.gulfup.com/?jW7hpI)[/CENTER][/QUOTE]

النخي اللي هو حبة الحمص الصفراء

النقل الحبة البينة الصغيرة

البيذان اللي هو اللوز

السمبل اللي هو الفول السوداني


البرميت اللي هو الحلوى السكرية البيضا الصلبة اللي كانها وردة[/SIZE][/COLOR]

[R 7 A L]

موضوع مشوق
استمري

[hasss1969]

موضوع رائع الحقيقة،،،واصلي السرد الجميل،،،

[طموحي عالي]

قريباً الجزء الثالث

[طموحي عالي]

http://im36.gulfup.com/Zhr5u.gif (http://www.gulfup.com/?I5MyBd)

ونرجع لــــ

http://im36.gulfup.com/Nmw3x.png (http://www.gulfup.com/?ksLBhK)

و

http://im36.gulfup.com/nEIAu.jpg (http://www.gulfup.com/?KXyET2)

عن الحلويات الشعبية

طموحي: يدتي يدتي .
يدتي: ها يمه طموحي
طموحي: يدتي ذوقي هالحلى اللي مسويته اليوم حق يمعتنا
يدتي: ووه وووه شنو هذا اللي فوقه
طموحي: يديده هذا كريمه
يدتي: وي استغفر الله هذا ماحبه دسم دسم ياامج
طموحي: يدتي شنو تحبين تاكلين انا كله اسوي وانتي ماتاكلين
يدتي: يامج انا احب اكلنا القديم اللي فيه الصحة ويغذي مب هالخرابيط اللي تجيب السكر
طموحي: يدتي شنو كانت حلوياتكم القديمة
يدتي: اييييه الله يذكر زمان لول بالخير كنا ناكل اليقط والشعثه و البثيث والبلاليط والخبيص والساقو
طموحي: شنو يعني هالاكلات علميني شلون تسوينهم
يدتي: شوفي ياامج اليقط: ناخذ الحليب عقب مانحلب البقرة ونخضه بالاسقى/الصميل ( اداه من جلد تستخدم لصنع اللبن وحفظه)لين الحليب يستوي لبن والزبد يتجمعو بعدين ناخذ اللبن ونحطه بالجدر ونفوحه ( نغليه) لين يصير ثقيل وتتكون قطع فوقه ويتم تحته المصل هذا هو اليقط بعدين ناخذة خلجة ( قطعة) بيضاء نظيفه ونصفي اليقط من المصل عاد لامنا نبيه بارد ويبرد عالقلب تركنا يبرد وكلناه والا زدناه ملح ويفيناه ( نشرناه في مكان لكي يجف) لين ييبس ( يجف) وناكله ان من الموالح عاد احنا نيبسه عشان قبل الحال صعب مافيه ثلاجات تبرد عالاكل فيخترب فتيبيسه يخليه فتره اطول

والشعثه: ناخذ اليقط والتمر ونعفسه( نخلطه) مع بعض مع دهنه قطريه اييييه كان طعمه حلو

والبثيث: ناخذ الثمر ونطلع النوى ونمرسه ( نهرسه) وبعدين ناخذ الطحين ونشفشفه ( نحمره) بالجدر وبعدين نحط عليه التمر والدهنه القطري ونخليه نثري ( منثور وجاف ومفكك)

عاد البلاليط والخبيص والساقو انتي تعرفينه ودوم نسويه بس الطعم قبل ووبساطته غير

طموحي :مشكوره يدتي فديتج شهيتيني بالشعثه والبثيث بقوم اسويلي واجي اذوقج منه


الاسقا / الصميل

http://im36.gulfup.com/0Pape.jpg (http://www.gulfup.com/?YMAk93)

اليقط اليابس

http://im36.gulfup.com/2ldU2.jpg (http://www.gulfup.com/?725Ss0)

اليقط الطري
http://im36.gulfup.com/A8fc0.jpg (http://www.gulfup.com/?GD8Ko0)


بلاليط
http://im36.gulfup.com/0Tmf4.jpg (http://www.gulfup.com/?TQeEqv)

خبيص
http://im36.gulfup.com/2mhyR.jpg (http://www.gulfup.com/?vuQ9dD)

بثيث
http://im39.gulfup.com/0mD9y.jpg (http://www.gulfup.com/?g9lGcd)

ساقو
http://im39.gulfup.com/ynTxc.jpg (http://www.gulfup.com/?mJ4i3H)

http://im40.gulfup.com/U8kGm.gif (http://www.gulfup.com/?dHPBVf)

[ROSE]

رائعه طموحي في انتظار باقي الاجزاء

[pink pearl]

يازين سوالف يداتنا، الله يرحمها ويغمد روحها الجنة
تميزتي وفي انتظار الجزء القادم

[JN000N]

ابداااااع يالحب
يمكن يدتج الله يرحمها تعرف يدتي الله يرحمها:telephone:
خبرج نادرين اللي جذي :secret:

عسااج عالقووه والله يعطيج العافيه

[طموحي عالي]

ابداااااع يالحب
يمكن يدتج الله يرحمها تعرف يدتي الله يرحمها:telephone:
خبرج نادرين اللي جذي :secret:

عسااج عالقووه والله يعطيج العافيه

لباج يالحب ماوصل مستواج :shy:
الله العالم ربي يرحم يدتي ويدتج ويسكنهم فسيح جناته

[طموحي عالي]

http://im42.gulfup.com/2QnpD.gif (http://www.gulfup.com/?b6Yahe)

ونرجع لــــ

http://im42.gulfup.com/C8toc.png (http://www.gulfup.com/?rX1nxW)

و
http://im42.gulfup.com/PNuon.jpg (http://www.gulfup.com/?eBfmP3)

عن
"عادات وشخصيات رمضانية"

الواردة/ المدفع
طموحي: يدتي يدتي شوفي صور اخوي الصغير وهو عند المدفع
يدتي : ماشاء الله ناس وعالم ويهال
طموحي: اي يدتي اليهال يشوفونه شي غريب
يدتي : مالغريب الا الشيطان من صغرنا واحنا عندنا المدفع بس شوي غير
طموحي: شلون يعني غير
يدتي: قبل يايمه كان المدفع نسمية بالوارده وهو يكون عباره عن بارود وملح وفتيل وكنا نطلق سبع طلقات اول رمضان وطلقه كل يوم عند الفطور وسبع طلقات اذا قالوا باجر العيد

المدفع قديما
http://im35.gulfup.com/hFdjk.jpg (http://www.gulfup.com/?t02hGa)


المدفع حديثا
http://im35.gulfup.com/Ud1Ss.jpg (http://www.gulfup.com/?YI5Z1B)


ــــــــــــــــــــــــــــــــــــــــــــــــــ ــــــــــــــــــــــــ


الغبقة
يدتي: ياطموحي زدتج زدتج ( اسرعي) تاخرنا على العرب ( الناس) ورانا غبقة
طموحي: يالله يدتي كاني لاحقتج
يدتي:ووه ووووه شنو هذا ماخلوا حلويات هالعرب ماخلوا ذباح ماخلوا كيك بناكل غبقه والا عشى
طموحي: يدتي بعد يبون يكشخون قدام العرب
يدتي: ايييه الله يذكر ايامنا بالخير كانت الغبقة سمج وعيش ابيض والا محمر/ برنيوش ( رز بالسكر) والا اذا قدرنا كلنا ربيان والحين انتوا كل شي تسمونه غبقة

http://im42.gulfup.com/xmsIV.jpg (http://www.gulfup.com/?jRngwT)

http://im42.gulfup.com/Km3Mi.jpg (http://www.gulfup.com/?NBfofM)


ــــــــــــــــــــــــــــــــــــــــــــــــــ ـــــــــــــــــــــ
بوطبيلة/ المسحر

طموحي:يدتي يدتي كل عام وانتي بخير ومن العايدين اعلنوا باجر العيد
يدتي: وانتي بخير يابنيتي ايييه راح الشهر الله يعوده علينا كل سنه وكل حول
طموحي: يديده شلون كنتوا قبل تودعون رمضان
يدتي: قبل يايمه نفس الحين نحزن وندعي ان ربي تقبل من صلواتنا واعمالنا الخيريه وكان عندنا واحد نسميه المسحر هذا يايمه كل ليله وقت السحور يدور بين الفرجان ( المناطق) والبيوت ويقعد الناس للسحور وفي اخر ليله من رمضان يردد "الوداع يارمضان الوادع .... عليك السلام ياشهر الصيام "


http://im42.gulfup.com/vzqK6.jpg (http://www.gulfup.com/?2mmGff)


طبعا الحمدلله عادت عادة المسحر في بعض مناطق قطر فشكر لوزاره الثقافة والفنون والتراث

http://im42.gulfup.com/XB9bo.jpg (http://www.gulfup.com/?dKJCyG)

http://im42.gulfup.com/kLM0M.gif (http://www.gulfup.com/?vtH9JK)

[طموحي عالي]

الحمدلله وبهذا نختتم هذا الموضوع بأربعة أجزاء
لمسابقة رمضان لول

والله ولي التوفيق

[pink pearl]

ما شاء الله معلومات حلوة وأنا شخصياً في بعضها أول مرة أعرفها..
جداً استمتعت، بالتوفيق إن شاء الله..

[برشلوني قطر]

جهد تشكرين عليه اختي. والله يعطيج الصحه

والعافيه. وننتظر جديدج.

خاطري فالشعثه. الله يرحم من كانت تسويه وتطرش لنا العزبه

[JN000N]

الله يعطيج العاافيه طموحي
قريت زدتج غلط هههه عبالي زادتها عقب فهمت ان زتج

ختامها مسك وعساج عالقوة

[M S A]

ما شاء الله عليكم. بالتوفيق إن شاء الله. و كل رمضان و إنتوا بخير.