شرايكم في مكيفات كلفينيتور ؟؟

[فويرط]

مثل ما هو واضح من العنوان

إشرايكم في مكيفات كلفينيتور ؟؟؟

من حيث الجودة والصيانة والخدمة مابعد البيع

[Qt.1]

والله انك ابن حلال , انا اليوم كنت افكر اكتب موضوع عن هالمكيفات , محتاج كميه للبيت ومحتار بينهم وبين قري ! ننتظر وانشوف راي الي جربه !

[Chambray]

للامانه الكل يمدحهم .. وبالاخص اخونا نكلان

[النهار]

كلفينيتور شركة قديمه في السوق مكيفات ماعليها كلام
انا عندي في البيت جنرال وفوجي و كلفينيتور كلهم مستواهم واحد
لهم 8 سنين فقط كل سنه غسيل
اما قري شركه حديثة العهد في السوق ناس تمدح وناس تذم

[عقرب]

مكيفات ممتازة وما عليها كلام إن شاء الله .. في نوعين تجميع الصين وتجميع البحرين .. وتجميع الصين أحسن حسب تجربة الربع

أنا مجرب تجميع الصين وعندي من سنتين ونص في المجلس 4 مكيفات طنين ومكيفين طنين ونص ( جميعهم بستن ) تبريدهم ممتاز ودفع الهوا قوي .. سويت صيانة مرة يمكن بس لهم .. ومكيف واحد بس من أسبوع قطر ماي ونظفته والحين ممتاز .. والكمبريسر الظاهر أمريكي

المهم هو بيقولك الطنين 3600 آخر شي ماعليك منه رصه بيعطيك 3300 والطنين ونص 4400 لا يقولك أكثر

وشكراً :)

[عقرب]

وبخصوص الصيانه تكلمهم يجون ثاني يوم إن شاء الله

وبخصوص السعر كلم المدير اﻷردني بينزل إن شاء الله .. الباكستاني الي تحت ماينزل

وبالتوفيق إن شاء الله

[مضارب دوسري]

يالربع كليفنتور بستن ولا لا ؟
اللي اعرفه مب بستن !

[عقرب]

بستن حسب كلامهم .. ودفعه للهواء ما شاء الله قوي .. شلون أتأكد أنه بستن ؟ عشان أشيك وعلمكم

[مضارب دوسري]

اذا ما خاب ظني ماعندهم بستن
البستن فقط جنرال وفوجي وميتسوبيشي وجري

كليفنتور تروبيكال امريكي

[عقرب]

لا يالغالي أنا شريته ﻷنه بستن ولي يبيع في المحل قال الكمبريسر بستن

يمكن الموديلات الجديدة الله أعلم

[ماجد]

كلفينيتور نظام تشغيله بستن كمبريسور امريكي

انا ركبت النوعين البحريني والصيني واشوف الصيني افضل

فنصيحة اشترط ان المكيفات تكون تجميع الصين افضل

[مهاجر]

كل شي فيه زين بس عيبه صوته قوي واقوى من جنرال