وقف صرف اللوحات للسيارات الجديده...

[همر]

السلام عليكم..


خفتوا صح ؟!!


لاتخافون هذا مب قرار.. مجرد اقتراح..


سمعت ان في العراق لاتصرف لوحات جديده

للسيارات.. واذا بغيت تشتري سياره جديده

لازم تجيب رقم سياره مكنسله او تصدر سيارتك

او تكنسلها وتستعمل رقمها..

يعني عدد اللوحات محدود في البلاد.. وبالتالي

مافي ضغط متزايد على الشوارع.. الزحمه اللي

موجوده هيا هيا..


واحنا مستانسين بتسجيل 1000 سياره شهرياً

وشوارعنا ماتستحمل سياكل !!!


فهل ممكن يطبق نفس النظام عندنا ؟!!

ولو لفئات معينه مثل تطبيق قرار منع رخص

القياده لفئات معينه ؟!!


تقنين عملية صرف اللوحات مع حجم استيعاب

الشوارع ؟!!


خلونا نناقش السلبيات والايجابيات..


تفضلوا..

[بوخالد911]

القرار الاخير الذي قضى بمنع منح الرخصة لبعض الفئات
من شأنه أن يساهم بتقليل الزحمة

ولكنني ضد تقييد حرية من يريد تسجيل مركبات جديدة


ولكم التحية

[بطل الفريج]

صبيت البي ياشيخ

[khalid Qtr]

اقتراح افضل ، اللوحات الجديدة تكون لسيارات " وكالة " يعني جديدة فقط ، ووقف استيراد السيارات من الخارج لغير موديل السنة .

[H H]

ليه دايم نحاول نغطي فشل ايجاد الحلول والحلول الخاطئة والاخطاء المتكرره والتاخيرات بقرارات خاطئه تماماً؟
حتى القرار الاخير اشوفه خاطئ جداً جداً جداً ومحاولة بائسة لتغطية الفشل بقرار افشل منه !!

الي صاير فالشوارع الحين انهيار وسببه اشغال وتخطيطهم البائس وزيادة السيارات موب السبب الرئيسي فالمشكلة!
في كل الدول زيادة المقيمين بصورة قانونيه ينعكس ايجاباً على البلد من ناحية الاقتصاد والقوه الشرائية وغيرها
كثيييييير فوش ذنب الدوله اذا كانت اشغال في فشل مستمر وتخلي تزايد الاعداد نقمه بدال مايكون نعمة!!!

تتوقعون بينفتح هالعدد من المولات اذا كان التعداد السكاني نفسه من عشر سنين ؟
تتوقعون الدوله موب قاعده تستفيد من هالناس كلهم وان الي تدفعه لهم كرواتب يرجعلها من القوه الاستهلاكية!

انا اذا عندي محل كسوبر ماركت مثلاً وقاعد استفيد من الناس الي قاعده تشتري مني بشكل مهول
واستفادتي تعني استفادة التاجر الي يجيب هالتموينات كلها من برا البلد واستفادة التاجر تعني استفادة الجمارك واستفادة الجمارك تعني استفادة الدولة!
طيب وش ذنبي انا ووش ذنب الدولة ان زيادة عددهم فالبلد بصورة قانونية وقلة مشاكلهم يتحول علينا من نعمة الى نقمة بسبب ( الزحمه ) وفشل اشغال في حلها!!



المشكله من اشغال وفقط أشغال اما الرخص واللوحات وهالسوالف فهو شمّاعه فقط لتغطية هالاخطاء!!

[همر]

القرار الاخير الذي قضى بمنع منح الرخصة لبعض الفئات
من شأنه أن يساهم بتقليل الزحمة

ولكنني ضد تقييد حرية من يريد تسجيل مركبات جديدة


ولكم التحية


المشكله ماعندنا احصائيه بعدد العماله الممنوعه من الترخيص

وبالتالي مانقدر نحكم على القرار اذا بيخفف الزحمه ولا لا..

انا اعتقد انهم فئه قليله ومنع المستجد منهم ماراح يبين له اثر

يذكر لين نعرف كم نسبتهم من الالف سياره اللي تتسجل شهرياً



صبيت البي ياشيخ


سلامة ألبك تؤبرني



اقتراح افضل ، اللوحات الجديدة تكون لسيارات " وكالة " يعني جديدة فقط ، ووقف استيراد السيارات من الخارج لغير موديل السنة .


اللوحات الجديده اصلا ماتركب الا على سيارات جديده او سيارات

انشال منها ارقام مميزه ...

ووقف الاستيراد بيقوّم عليك الشعب وبيقولون لك تبي تفيد

وكالات السيارات...





ليه دايم نحاول نغطي فشل ايجاد الحلول والحلول الخاطئة والاخطاء المتكرره والتاخيرات بقرارات خاطئه تماماً؟
حتى القرار الاخير اشوفه خاطئ جداً جداً جداً ومحاولة بائسة لتغطية الفشل بقرار افشل منه !!

الي صاير فالشوارع الحين انهيار وسببه اشغال وتخطيطهم البائس وزيادة السيارات موب السبب الرئيسي فالمشكلة!
في كل الدول زيادة المقيمين بصورة قانونيه ينعكس ايجاباً على البلد من ناحية الاقتصاد والقوه الشرائية وغيرها
كثيييييير فوش ذنب الدوله اذا كانت اشغال في فشل مستمر وتخلي تزايد الاعداد نقمه بدال مايكون نعمة!!!

تتوقعون بينفتح هالعدد من المولات اذا كان التعداد السكاني نفسه من عشر سنين ؟
تتوقعون الدوله موب قاعده تستفيد من هالناس كلهم وان الي تدفعه لهم كرواتب يرجعلها من القوه الاستهلاكية!

انا اذا عندي محل كسوبر ماركت مثلاً وقاعد استفيد من الناس الي قاعده تشتري مني بشكل مهول
واستفادتي تعني استفادة التاجر الي يجيب هالتموينات كلها من برا البلد واستفادة التاجر تعني استفادة الجمارك واستفادة الجمارك تعني استفادة الدولة!
طيب وش ذنبي انا ووش ذنب الدولة ان زيادة عددهم فالبلد بصورة قانونية وقلة مشاكلهم يتحول علينا من نعمة الى نقمة بسبب ( الزحمه ) وفشل اشغال في حلها!!



المشكله من اشغال وفقط أشغال اما الرخص واللوحات وهالسوالف فهو شمّاعه فقط لتغطية هالاخطاء!!


امنا بالله...

المشكله في اشغال...

طيب شالحل ؟!! بيسوون شوارع بين يوم وليله ؟!!

حلول اشغال ردد ياليل مطولك ... لكن المرور في

ايدهم حلول سريعه ..

[حسن]

موضوعك مش منطقي يا همر كلش اوي
تبي تحد من السيارات تمنع عن الناس الارقام عجل امنع بيع الوكالات للسيارات وامنع الاستيراد وامنع الاستقدام
انا عندي لك حل بسيط كلش خل الحكومه تطفي الكهرب اسبوع بس
وشوف شلون بتسير البلاد بعدين

[غايه الطواش]

موضوعك مش منطقي يا همر كلش اوي
تبي تحد من السيارات تمنع عن الناس الارقام عجل امنع بيع الوكالات للسيارات وامنع الاستيراد وامنع الاستقدام
انا عندي لك حل بسيط كلش خل الحكومه تطفي الكهرب اسبوع بس وشوف شلون بتسير البلاد بعدين

حتى هالحل مهب منطقي
صبه حقنه لبن :shy:

[fhd4]

اسمح لي يالغالي ... لكن هذا الاقتراح والقرار اللي نزل بمنع فئات معينة ماراح تحل الزحمة... مثل اللي يقولك علاج السخونة لا تطلع في الحر ...

هذه بعض الاقتراحات العملية للحد من الزحمة :

1) تشجيع طلبة المدارس والطاقم التدريسي على استخدام الباصات وذلك بتوفير باصات راقية تلبي احتياجات الجميع مع وضع حد لأقصى مدة يقضيها الشخص في الباص ...

2) دراسة الوجهات الرئيسية وحركة السير في مناطق الدوحة المختلفة ... وتعديل الشوارع على هذا الأساس مع تغيير برمجة الإشارات لتسهل حركة السير على حسب الأوقات المختلفة في اليوم ...

3) تطوير خدمة المواصلات العامة وخاصة الباصات لتكون ذات جودة عالية ومسارات مدروسة لجذب أكبر عدد من المستخدمين ...

4) توفير معلومات مباشرة عن الزحمة في أجهزة الملاحة (مثل أوروبا) ... حتى يتم استخدام الطرق البديلة ...

5) توفير معلومات عن الطرق البديلة ... لأن الكثير يظن أن أقصر طريق هو أسرع طريق ... والكثير لا يعلم أن كل الطرق تؤدي إلى روما ... !!

[alnoida]

لكل دولة سياساتها الخاصة
ولكل مجتمع طريقته في حل مشاكلة

أقتبست طريقة العراق للحد من زيادة عدد المركبات
ياريت بالمرة تمر على الدول الأخرى مثل اليابان وتقتبس طريقتهم في ترخيص المركبات

في اليابان يجب عليك الحصول على اثبات من البلدية بتوفر الموقف عند سكنك وعلى حسب حجم الموقف يتم تحديد حجم السيارة _ يعني محد يشتري سيارة على كيفة_ إذا في خاطرك تاهو وموقفك صغير يرخصولك الدهاتسو الصغيرة

[طلعة الروح]

النظام عندنا شكل وليس مضمون ، أنا مع الاخت اللي قالت أشغال لها علاقه بالقضية
احنا مانبي شوارع تنبني بيوم وليله ، لكن الكل عارف الاخطاء والكل شايفها ،
هذا عدا عن تأخرهم ومماطلتهم في انجاز المشاريع....للأسف شوارعنا قبل اشغال كانت أفضل
بكثير واللي مراقب الموضوع بيفهم قصدي.

[همر]

موضوعك مش منطقي يا همر كلش اوي
تبي تحد من السيارات تمنع عن الناس الارقام عجل امنع بيع الوكالات للسيارات وامنع الاستيراد وامنع الاستقدام
انا عندي لك حل بسيط كلش خل الحكومه تطفي الكهرب اسبوع بس
وشوف شلون بتسير البلاد بعدين



هل كيف ليش هاللون ؟!!

اذا منعنا صرف الارقام ... طاحت اسعار السيارات الجديده ...

وزادت اسعار السيارات المستعمله :victory:


قاعد احل لكم مشاكل عويصه وانت تقولي تبي تبند الكهرب ؟!!!


اي اشعليك... اسبوع حداق وتسدح عالسيف واحنا خايسين

في هالرطوبه :anger1:

[همر]

اسمح لي يالغالي ... لكن هذا الاقتراح والقرار اللي نزل بمنع فئات معينة ماراح تحل الزحمة... مثل اللي يقولك علاج السخونة لا تطلع في الحر ...

هذه بعض الاقتراحات العملية للحد من الزحمة :

1) تشجيع طلبة المدارس والطاقم التدريسي على استخدام الباصات وذلك بتوفير باصات راقية تلبي احتياجات الجميع مع وضع حد لأقصى مدة يقضيها الشخص في الباص ...

2) دراسة الوجهات الرئيسية وحركة السير في مناطق الدوحة المختلفة ... وتعديل الشوارع على هذا الأساس مع تغيير برمجة الإشارات لتسهل حركة السير على حسب الأوقات المختلفة في اليوم ...

3) تطوير خدمة المواصلات العامة وخاصة الباصات لتكون ذات جودة عالية ومسارات مدروسة لجذب أكبر عدد من المستخدمين ...

4) توفير معلومات مباشرة عن الزحمة في أجهزة الملاحة (مثل أوروبا) ... حتى يتم استخدام الطرق البديلة ...

5) توفير معلومات عن الطرق البديلة ... لأن الكثير يظن أن أقصر طريق هو أسرع طريق ... والكثير لا يعلم أن كل الطرق تؤدي إلى روما ... !!


كلام جميل ... وبارد عليه نقطه بنقطه...

لي جينا عند السلبيات ترى مافي احسن مني :shy:

1) شبه مستحيل... العالم قامت تحط دريولين وثلاثه حق عيالهم بس عشان كل واحد من عيالهم يطلع من البيت للمدرسه دايركت ومايسيح في الحر !!!
وقبل لا تشجع الطلاب ... حاول تغيير عقليات الاسر... بتكتشف ان مبارزة طواحين الهوا اسهل....

2) تعديل الشوارع... ردينا على طير ياللي... اشغال اللي فيها كافيها... وصراحه انا ما ارتجي منهم حلول على المدى القصير ولا البعيد... لانهم كل مايرقعونها من صوب ... تخر من صوب...

وبرمجة الاشارات... ماجات عالاشارات... تعال برمج لي 22 فبراير ... خط سيده عنبو مافيه اشارات يوقف !!!!!


3) ماعتقد المواصلات العامه بتخلق اي فرق لا على مستوى الباصات ولا القطارات ومحد بيستخدمها غير اللي يستخدمونها الحين... دائماً الاولى استخدام السياره الخاصه.. ودام اي حد يقدر يشتري سياره فسلم لي عالمواصلات العامه... لازم تجبرهم مب تجذبهم...

4) المشكله ان الطرق البديله ادهى وامر !!!! معلومات الطرق تساعدك لو في زحمة غير اعتياديه بسبة حادث مثلا ممكن تتجنب هالشارع... لكن احنا شوارعنا كلها زحمه طول اليوم ... علمني على طريق يدخلك الصناعيه بدون زحمه.. ولا سوق واقف... ولا من المطار للدفنه او العكس !!!!


5) مثل رقم 4 ... سواء طريق مختصر او طويل ... كله زحمه ... الشوارع الداخليه زحمه... الشاحنات قامت تمشي في الفرجان !!!

[همر]

لكل دولة سياساتها الخاصة
ولكل مجتمع طريقته في حل مشاكلة

أقتبست طريقة العراق للحد من زيادة عدد المركبات
ياريت بالمرة تمر على الدول الأخرى مثل اليابان وتقتبس طريقتهم في ترخيص المركبات

في اليابان يجب عليك الحصول على اثبات من البلدية بتوفر الموقف عند سكنك وعلى حسب حجم الموقف يتم تحديد حجم السيارة _ يعني محد يشتري سيارة على كيفة_ إذا في خاطرك تاهو وموقفك صغير يرخصولك الدهاتسو الصغيرة


هذا اللي نقوله ... اذا ماعندك موقف مالك سياره لان عندهم ازمة مواقف...

احنا عندنا ازمة زحمه واكتظاظ في الشوارع ... واذا مالك مكان في الشارع المفروض مالك سياره ...

لازم المرور يحسبونها بالنسبه والتناسب قبل مايرخصون للرايح والجاي...

وعلى حسبة سعة الشوارع ترخص المركبات...

التقنين مطلوب ... اذا مب قادرين نزيد استيعاب الشوارع ... ماينترك الموضوع

للناس تتعايش معاه ويصطفلون !!!



يعني عائله مقيمه ساكنين في شقه ... الاب عنده سياره

والام عندها سياره

والولد عنده سياره

والثلاث بنات كل وحده راكبه سياره !!!!!

عسى ماشر ؟!! 6 سيارات تحت عماره مافيها مواقف

حق عائله وحده بس ... غير باقي سكان العماره :rolleyes2:


وتقولي اليابان ماترخص الا بباركنج ... احنا نرخص لسيارات

مالها رصيف حتى توقف عليه !!!!

[QtrGate]

انا اشوف زحمة الصبح من المدارس
لو يسون انشطة حق الطلبة الي يركبون الباص
مثلا رحلات خاصة حق طلبة الباص
بيشجعون الطلاب انهم يركبون الباصات

[Bozizoo]

همر و فهد4
انتوا الاثنين لو نجمع افكاركم ومع ازالة كم فكره يكون حل مناسب
وانا ايميل لاخ فهد 4 اكثر
بالاول خلونا نتفق على شي معين ان الزحام ليس في دولتنا الحبيبه و انا هنا ليس لدفاع عن اشغال
اكثر الدول المتقدمه عندها زحمه
على سبيل المثال بريطانيا والي هم يتشدقون بالندر جروند مالهم و المواصلات العامه من باصات
تبي توقف ماتحصل و ان حصلت موقف ادفع مبالغ باهظه
والامثله كثيره ايضا استراليا القاره الي مافيها الا 24 مليون نسمه زحمه في المدن وايضا رغم وجود المواصلات العامه المتطوره (باصات و قطارات و مراكب)
من وجهة نظري مثل ما اقال اخوي همر في حلول المفروض سريعه
1- زياده الباصات العامه و تقليل اسعارها اكثر
2- زياده اسعار تراخيص و التامين السيارات
3-وضع المواقف العامه برسوم خاصه الاماكن التي فيها زحام
4- وبعدين دور اشغال
معادله بسيطه جدا
سيار + بترول + تراخيصها + مواقف +راحه =!!!!! بالشهر
باص + تعب + توفير. =!!!!! بالشهر
انت تدفع غيرك مايطلع القرش من جيبه وفر مساحه في الشارع