الحل ؟!

[باربي قطر]

:السلام عليكم ورحمة الله وبركاتة

ابي حد يساعدني او يعطيني حل !

انا حاجزة حق فرنسا 8/8 ودافعه وكل شي بس ماحطيت في بالي سالفه المواعيد والزحمة
السفارة الفرنسية مافي مواعيد قبل 25/8
السفارة الايطالية نفس الشي مافي قبل 14/8

ارجو المساعده :weeping:

[آخر الفرسان]

الفيزا أخذيها شنعن
من اي دولة أوروبية .. عدا بريطانيا !
أعتقد مكاتب السفر بيفيدونج وايد
عطيهم الجوازات من اليوم .. وهم لهم مناديبهم بيخلصون لج

[Al-Kuwari]

روحي ريجنسي وخليهم يعبون لج ابلكيشن فيزا الشنغن مع حجوزات وهمية لليونان وتأمين صحي و روحي سفارة اليونان " قريبة من مدرسة الشويفات "

انا قدمت لزوجتي يوم الأحد اللي فات واستلمتها امس الثلاثاء وعطوها فيزا سنة ,
الرسوم 300 ريال والتقديم يبدأ من 10 الصبح الين 1 الظهر وبدون مواعيد ولا شي بس تروحين و تقدمين الطلب

الاوراق المطلوبة هي ,

ابلكيشن الفيزا
صورة من الجواز
صورة بخلفية بيضاء
حجوزات طيران وسكن
تأمين صحي " البعض يسميه تأمين سفر "
300 ريال رسوم اصدار فيزا

طبعاً لازم اصحاب الجوازات يكونون متواجدين لأنهم بياخذون البصمة + صورة فالسفارة

طبعاً سفرتج في 8/8 فخلي حجوزات اليونان تكون 1-8 لأنهم بيصدرون الفيزا بتاريخ السفر

تحذير بعض الدول حالياً تصر على دخول الدولة المصدرة للفيزا كأول وجهة فالرحلة , اذا لعوزوج فالمطار قولي لهم انج جايه فرنسا ومن فرنسا بتطلعين على اليونان كوجهة ثانية وان شاء الله الامور تمشي بكل سهولة وما يسألونج عن اليونان ولا غيرها

تروحين وتردين بالسلامة

[غير البشر]

مرحبا اختي باربي
نفس ماقال لج اخوي الكواري

سفاره اليونان
او السويسريه سمعت ان ماعليها ضغط توها جديده
وسفاره البرتقال بعد ماعليها ضغط

وبالتوفيق ان شاء الله

[برشلوني قطر]

يالربع حبيت اعرف صحة القانون...اني لازم انزل فالبلد الي خذت الفيزا منهم ؟؟؟

هل صحيح وتطبق ؟؟

[قطري شايب]

ماظن انه صحيح ولا كان ما اتفقوا هالدول كلهم وسووا اتحاد اوروبي

وجهه نظر ماعرف مدى الصحه