باريس ,, انترلاكن ,, ميلان ( استفسار )

[أم وضحى]

ناويه بإذن الله اروح لهذي المدن ..
بس مب حابه اطول في باريس
بشنو استبدلها ( داخل فرنسا ) وتكون على نفس خط سير الرحلة ؟

ياليت تفيدوني بأفضل الفنادق والاماكن السياحية
في المدن اللي ذكرتها


ولكم جزيل الشكر مقدماً

[سداوي&مدريدي]

باريس - انترلاكن - ميلان

اذا بالسيارة الله يكون في عونكم من باريس الى انترلاكن 644 كيلوا :secret:

الاماكن السياحيه في باريس ادخلي الموضوع الي في توقيعي وبتحصلين كل شي بالتفيصل

الاماكن السياحيه في انترلاكن


1- قمة جينفرو اعلى قمة في اوروبا Jungfraujoch " لاتنسون الملابس الشتوية لان الجو في القمة بارد جدا"

2- البحيرة الزرقاء ( البلاوسيه ) في منطقة Mitholz

فيها العاب للصغار ومطاعم وشلالات وكهوف وقوارب مائيه متعه مابعدها متعه خصوصا اذا كنتوا عائله بتستانسون اكثر :nice:

3- الحديقة اليابانيه

4- شلالات تروميل باخ

وتقدرن تزورون مدينه ثون مدينه حلوه تبعد عن انترلاكن 30 كيلوا

وفي الكثير من الاماكن السياحيه تقدرون اتزورون المكاتب السياحيه في انترلاكن وبتحصلون عندهم خريطة بجميع الاماكن السياحيه في انترلاكن اختاروا الي يناسبكم :nice:

هذا الي اتذكرة الحين واذا في شي بضيفه قريب

بالنسبه لميلان ماعندي خلفيه عنها وان شاء الله الاعضاء يفيدونج

[Al-Kuwari]

اطلعي من باريس لمدينة انيسي الفرنسية قريبه من الحدود الفرنسيه السويسرية " قريبه من جنيف اذا حابه تمرين عليها " ولما تكونين في انترلاكن ممكن تمرين على لوزيرن مدينه قديمة وحلوة وممكن تمرين لوقانو وانتي رايحه ميلان قريبة من الحدود السويسرية الايطالية

بالتوفيق وتروحين وتردين بالسلامة ان شاء الله

[أم وضحى]

الله يعطيكم العافيه ماقصرتوا



عندي استفسار ثاني


انا التأشيرة عندي ع الالمانية
وزوجي ع الفرنسية

وأول محطة في سفرتنا باريس
هل بيحاسبوني ليش تأشيرتي المانية ونازلة في باريس ؟