شل الفايده من اللى سويته واللى صار!!!!

[فتى الجود]

شل الفايده من اللى سويته واللى صار!!!!


السلام عليكم


عنوان يمكن غريب

بس أقصد فيه :

أنه كان فيه مسئول كان مبهدل موظفين والمدراء وطلع أكثر من 300 موظف من وزارته

مابين استقالات ونقل وتقاعد


وكان كثير تحويل الموظفين على الشؤؤن القانونية

على أتفه الأسباب حتى لو على تأخير 3 دقايق



امس شفته في دفان أحد الأشخاص في مقبرة الخور

وكان تواجد الناس كثار

للأسف

محد سلم عليه وكان الناس يصدون عنه

ويتجنبونه مثل مايتجنبون الدوس على المقابر !!!



سبحان الله

سبحان مغير الأحوال


مريت جنبه وانا اقول في نفسي :secret:


شل الفايده

وايش اللى حصلته غير كره الناس !!!!!



الرجاء من الأخوه الأعضاء
اثناء المناقشة عدم ذكر اسماء وخلوا الموضوع على العموم

[JN000N]

خخخخخ
خليت فيها اسامي
عرفنا وين الدفان وعرفنا المدفون وعرفنا المقصود < :p

[حسن]

زين ماسلمت عليه علشان مايشوطك

[فتى الجود]

خخخخخ
خليت فيها اسامي
عرفنا وين الدفان وعرفنا المدفون وعرفنا المقصود < :p


لا أشدعوه
لهدرجة انعرف !!!!



زين ماسلمت عليه علشان مايشوطك

ليش يشوطنى

أكيد اهو مشوطك من قبل

وبعدين انا

مالى علاقة فيه عشان اسلم عليه

بس انا شفت ردة فعل الناس

[Aaziz]

لا حول ولا قوه الا بالله

اي والله ايش استفاد

[JN000N]

اي ينعرف واضحه بس مب عشان الصفات الي وصفته فيها
ينعرف عشان عرفنا من المدفون وصلة قرابته له ف بالراحه بينعرف

بس كلمة حق فيه مب لهالدرجه الكلام السيء عنه ومب كل ما يقال يصدق

[فتى الجود]

اي ينعرف واضحه بس مب عشان الصفات الي وصفته فيها
ينعرف عشان عرفنا من المدفون وصلة قرابته له ف بالراحه بينعرف

بس كلمة حق فيه مب لهالدرجه الكلام السيء عنه ومب كل ما يقال يصدق

انا ما أسئت اليه

انا قلت اللى صار له

وبعدين ليش تقولين كل مايثال يصدق

ليش انا داش اكذب

وبعدين اهو من أسأ لنفسه بتصرفاته

[JN000N]

انا ما أسئت اليه

انا قلت اللى صار له

وبعدين ليش تقولين كل مايثال يصدق

ليش انا داش اكذب

وبعدين اهو من أسأ لنفسه بتصرفاته

شوي شوي ع اعصابك شفيك!
ماقلت انت تكذب حشى علي!!!
قلت ليس كل ما يقال يصدق
يعني صارت فكره علمه بين الناس ان هالانسان شراني وسلبي وسيء بدرجه الجنون شدعوه!!
ف صارو الي مايعرفونه ولا احتكو فيه يسمعون كلام الناس ويتكلمون هم بعد وهكذا
وعلى فكره .. ترى له اصدقاء وايد فالخور وغير هله طبعا مب شرط لين جافوه ف مقبره يسلمون عليه ويتحفونه حوف عشان ك مشاهدين نقول هذا محبوب وهذا منبوذ

[عاشق العديد]

الله يهـديه

والله. يستـر عليـه ..

[بريق الحق]

الغالي عليك بالنصيحه والدعاء والله يصلح حاله

[مستر راشد]

كلام الناس وايد
انا ماعرف من تقصد
الله يهديه اذا الكلام صحيح

[اجرام]

بعيد عن الشخصيه الي ذكرته وأنا عن نفسي ماعرف من تقصد ولكن الانسان دائما يعمل الخير أو أقل شي أنه يتجنب أن ياذيً الناس

لان الشخص يحترم من فعايله

وهذا جزء الي ياذي الناس بدون وجه حق الكل يصد عنه

[فرفوش]

الله يهديه ويهدي امثاله

النعمه زواله وكل واحد بياخذ جزاه في الدنيا قبل الاخره

انا ماعرف من تقصد بس وايد من هالنوعيه الله الهادي

[النهار]

سؤال لوسمحت
هل كان يظلم الناس او يحابي حد على حساب حد
هل كان يطبق القانون ام عنده قوانينه الخاصه. ويعطي كل ذي حق حقه

[مضارب دوسري]

عرفت الشخصيه من رد احد الاعضاء في قسم التعازي



الله يرحم ميتهم ويغفر له ان شاء الله

[ذيب ازغوى]

ان شهد وشو تسوى عليه

اتمنى اللي يمشي على منهجه يتعضض

[بصمة قطرية]

اللي تزرعه تحصده ..
الله يهديه ..

[Aaziz]

يا اخوان بفسر لكم شغله .. حسب استيعابي من كذا موقف و كذا شخص .

عندما يوضع شخص غير كفوء للمنصب و لايستحقه بجداره كامله ،، فيكون هذا الشخص سعيد جدا بهذا المنصب الذي لم يكن يحلم به .

و على استعداد ان يفعل اي شيء مقابل اثبات انه كان الاختيار مناسب ،، هذا امام من رشحه للمنصب و من كان له الفضل في وضعه فيه ، فتجده لا يمانع ابدا في سن قانون "طُلب منه" يضر بشريحه كبيره من المواطنين (وهو من يكون في وجه المدفع).

و ايضا يكون هذا المسؤول على استعداد لعمل اي شيء كي لا ياخذ احد مكانه ممن يكونون بدرجه اقل منه في المنصب و مرشحون لشغل منصب هذا الشخص مستقبلا .
فتجده يحاربهم و يشوه صورتهم و ان عجز عن هذا بدا يسلمهم مهام صعبه و معقده و شائكة وتفتقر للتنظيم و تحتاج الى فريق لانجازها ،،، فمن الطبيعي لن يستطيع الموظف اتمام العمل كامل بنسه 100٪
و بهذه الطريقه يستغل المدير هذا الموقف ليشوه صورة الموظف امام باقي المسؤولين .

ولكن بعد ان يعي المسؤول الحقيقه و يعلم ان المنصب لا يدوم ،، هنا نجده لم يجني سوى السمعه السيئة و دعاوي الناس المظلومين .

ولنا في قطاع التعليم خير مثال .

[فتى الجود]

كل نفس بما كسبت رهينه

[MAZEN37]

يا اخوان بفسر لكم شغله .. حسب استيعابي من كذا موقف و كذا شخص .

عندما يوضع شخص غير كفوء للمنصب و لايستحقه بجداره كامله ،، فيكون هذا الشخص سعيد جدا بهذا المنصب الذي لم يكن يحلم به .

و على استعداد ان يفعل اي شيء مقابل اثبات انه كان الاختيار مناسب ،، هذا امام من رشحه للمنصب و من كان له الفضل في وضعه فيه ، فتجده لا يمانع ابدا في سن قانون "طُلب منه" يضر بشريحه كبيره من المواطنين (وهو من يكون في وجه المدفع).

و ايضا يكون هذا المسؤول على استعداد لعمل اي شيء كي لا ياخذ احد مكانه ممن يكونون بدرجه اقل منه في المنصب و مرشحون لشغل منصب هذا الشخص مستقبلا .
فتجده يحاربهم و يشوه صورتهم و ان عجز عن هذا بدا يسلمهم مهام صعبه و معقده و شائكة وتفتقر للتنظيم و تحتاج الى فريق لانجازها ،،، فمن الطبيعي لن يستطيع الموظف اتمام العمل كامل بنسه 100٪
و بهذه الطريقه يستغل المدير هذا الموقف ليشوه صورة الموظف امام باقي المسؤولين .

ولكن بعد ان يعي المسؤول الحقيقه و يعلم ان المنصب لا يدوم ،، هنا نجده لم يجني سوى السمعه السيئة و دعاوي الناس المظلومين .

ولنا في قطاع التعليم خير مثال .

اتفق معاك لانه مهزوز وضيف الشخصيه وغير واثق من نفسه وبالمقابل في ناس فعلا يستحق مكانه ويستحق لقب امير وناس محترمه وعينها مليانه

[deema117]

الله يهديه

ويستر علينا وعليه في الدنيا والآخرة