ارجو المساعدة،،، ازدان متعبيني

[دايموند]

السلام عليكم


عندي مشكلة مع ازدان الوكير

وقع زوجي العقد معاهم وخذا شقة ارضية من عندهم مؤلفة من 3 غرف نوم مؤثثة واحنا عبارة عن شخصين فقط انا و زوجي وقلنا غرفة راح تكون غرفة نوم والغرفتين الثانيين راح نخليهم مجلس وغرفة لكوي الملابس

واللحين كل ما اكلم المسؤل علشان يشيل اثاث الغرفتين يتعذر لي بان مايصير !!

وانا اعرف اكثر من شخص اطلبوا ان يفرغون لهم الغرفة من الاثاث ومشوا لهم

وياليت حد يساعدني ويخليني اتواصل مع المسؤل

للعلم ان زوجي من ذوي الاحتياجات الخاصة وهو تعب وهو يراكض وراهم شهر كامل

واحنا نبي نسكن فيها بعد اسبوعين

وللاسف مافي تعاون من قبلهم

وطلبت من الشخص يعطيني رقم مسؤوله او اي حد من الادارة المسؤولة رفض التعاون معاي!!
وهل معقولة يعني زوجين و3 اسرة نوم !!! شنسوي فيهم !!!


ياليت حد يساعدني اكون شاكرة له

[دايموند]

للررررررفع

[فرفوش]

والله ماعندي فكره

بس حبيت ارفع الموضوع

الله يسهل ان شاء الله

[دايموند]

والله ماعندي فكره

بس حبيت ارفع الموضوع

الله يسهل ان شاء الله
اشكرك وجزاك الله الف خير



محد يعرف مسؤؤل كبير في ازدان يقدر يحل مشكلتنا ؟

[d.romance]

للأسف موقعهم ما عليه ارقام هواتف
ممكن تتصل على 180 وتجيب ارقامهم وتتصل فيهم وتشتكي او تستفسر اكثر
والله المستعان

[دايموند]

للأسف موقعهم ما عليه ارقام هواتف
ممكن تتصل على 180 وتجيب ارقامهم وتتصل فيهم وتشتكي او تستفسر اكثر
والله المستعان
للاسف محد يستجيب لطلبنا

والارقام الي موجودة في كيوتل نتصل محد يرد


اشكرك على محاولتك للمساعدة


من موقعهم امبين انهم مايبون حد يتصل لهم !!!

[thelord007]

ممكن اختي تراجعين ادارتهم في ابراج الدفنة
وتشرحيلهم وضعكم وان شاء الله مايقصرون

[d.romance]

ما في غير انك تروحين الادارة وتكلمي المسؤولين

[مافيا قطر]

الشيخه خلي ريلج يروح حق الشيخ ثاني بن عبدالله في الغرافه موجود هو بعد صلاه التروايح وما راح يقصر ولا تفكرين انه لو راح لهم مذله له ولا احراج عادي

[نوفة قطر]

اللي اعرفه ان الاثاث ما ينشال من قبلهم ولو انتي تبين تشيليه بيقولون لج عادي شيليه بس وقت ما ينتهي العقد لازم ترجعيه

اختي مأجره وهالكلام اللي انقال لها ,,,

[دايموند]

اللي اعرفه ان الاثاث ما ينشال من قبلهم ولو انتي تبين تشيليه بيقولون لج عادي شيليه بس وقت ما ينتهي العقد لازم ترجعيه

اختي مأجره وهالكلام اللي انقال لها ,,,
اشيله وين احطه ؟


اثنين معاي بالدوام مب قطريين لما طلبوا ان يشيلون لهم اثاث الغرفة شلوا لهم !!

[المــزن*]

صح كلام اختي نوفة قطر

أعرف ناس قالو لهم نقدر نفكك الاسرّة بس تخلونهم عندكم مانقدر نشيلهم برا الفيلا
والناس الي اعرفهم ماخذين فيلا ف فككوهم وحطوهم فالمخزن الموجود في الفيلا نفسها

ووقت انتهاء العقد لازم يردونهم

[مخطط قطري]

اختي اجري عامل ب 200 ريال يشلون الاثاث ويحطونه في مكان امان ويرتبون لج الشقه على الصورة لي تبغينها اذا مافي مكان بيعوا الاثاث واستفيدوا منها اذا اذدان ماتدري عنكم والله مو مشكلتكم مشكلتهم اهم فهمتي علي اختي واذا حلال ولا حرام تبرعي فيه خلاص الاثاث والشقه ملك لكم:)

[إعلامي قطر]

..

كلمي البرج وخليهم يحولونج على المستشار القانوني تعاملت
معاه من قبل بحاله مشابهه وكان فيها مشكله مع مصريين
شغالين بازدان وكان متعاون وهو من جنسيه مغاربيه..

وعندج محمد علي ايضاً مسؤول عن مجمعات ازدان
ورقمه: 55897948

أو تفاهمي مباشرة مسؤول المجمع إللي أنتوا فيه..

بس نصيحه لا تتخلصي من الأغراض ولا شي لأن
هالشي بيدخلج بمتاهه مع الشؤون القانونيه..

..