طيب الرقدة .. الجانب المظلم - تقرير مصور للدكتور حمود ..!

[khalid Qtr]

بسم الله الرحمن الرحيم

السلام عليكم ورحمة الله وبركاته ،،،

في البداية أعتقد أن الجميع يعرف ما هو " طيب الرقدة " ولكن من باب التوضيح لعل أحد القراء الكرام لا يعرفه ، هو شارع من الشوارع الخارجية الضيقة ورغم ذلك يستغلها الشباب للاستعراض ، موقع الشارع تحديداً ( http://wikimapia.org/1490951/ar/%D8%B7%D9%8A%D8%A8-%D8%A7%D9%84%D8%B1%D9%82%D8%AF%D9%87 )

كل ما كنت أعرفه عن هذا الشارع هو ما ذكر أعلاه ان الاستعراض يتم هناك ويتجمع الشباب والمراهقين للمتابعة ، ورغم خطورة ذلك ومكافحة الشرطة قواهم الله لهذه الظاهرة إلا أن الأمر يستمر بشكل شبه يومي مما يشكل خطراً كبيراً على الجميع سواء المستعرض أو المتابع وحتى السيارات المارة .

اليوم وصلني فيديو على البلاك بيري قام بتصويره الشاب القطري المبدع " محمد الدوسري " والمعروف بـ دكتور حمود ، والذي تواجد في طيب الرقدة بعد فجر اليوم ليقوم بتصوير وقائع التجمع ويرصد مطالب الشباب كما يقول ، ولكن الفيديو كشف عن أمور خطيرة تستغرب وجود بعضها في بلادنا الحبيبة قطر ..

أترككم مع الفيديو وبعده اسجل أهم النقاط التي وردت فيه :

( http://is.gd/9BrUQo )

أهم النقاط :

1. وقت التجمع بعد الفجر .!

2. إزعاج المارة والتسبب بأضرار على الطريق .

3. المجاهرة بالافطار في وقت الصوم .!

4. حركات وكلمات غير لائقة تبطل وتجرح الصوم .!

ولا حول ولا قوة إلا بالله .

[ضوى]

اول مرة اسمع بهالشي

الجهر بالفطور ومن قبل مسلمين ، لا حول ولا قوة الا بالله ولا عزاء للتربية

[Dmy Enabi]

معروفين من يروحون لهالأماكن ومعروفة هالفئة

[مخطط قطري]

يعني الحوادث لي تصير وموت الشباب من هذي الاشياء طيب دام كبست الشرطة عليهم ليه مايصكرون الشارع ويسون فيه تعديلات على الاقل نقلل من تجمع اها الشباب ومعاقبتهم عشان يعرفون ان الله حق خاصه لي يفطرون ولا لي يسبون المفروض الكل

[R 7 A L]

مافيه تحريات وحجز سيارات في بوهامور مثل اول
فالنتيجة الاستمرار والاستعراض والحوادث



المسئولية كاملة على رجال المرور

[شبح الصمت]

هالشارع له سنين وبنين ولين الحين ما قدروا يسيطرون عليه وللعلم لو تصكر هالشارع بيلقون مليون شارع غيره ..

مهما سويتم مافي فائده ..

ودكتور حمود صدق في كل كلمة قالها ليش ما ينفتح لهم ساحه يبردون خاطرهم لانه دام مافي ثقافة ومافي توعية لديهم وما ضبط وربط من قبل آهاليهم أنسوووا أنسووا أنه يعقلون


احيي دكتور حمود على مقاطعه التي تبث واقع نعيشه بفكاهه وفي نفس الوقت بصدق نعايشه ..

والله يستر على الجميع

[مضارب دوسري]

ليش مايتم تركيب كاميرات فالشارع ومراقبتهم
بصراحه شي غريب
ياليت يتم القبض عليهم وسجنهم والسبب ان ماعندهم اهل يربونهم ويتم تربيتهم من الدوله
كل اللي يصير هناك شباب من 15 وفوق وشباب كبار يركب المزيون معاه وعقب تعرفون الباقي :)

[وطن]

طبعا لين صار حادث
وحد مات

السبب أشغال والمرور والمقصرين من الدولة

مو المستهترين من هالأشكال !!

[فرفوش]

اف والله مصخره اللى صاير

هاي شلون يصومون اصلا

ياساااتر

[شبح الصمت]

ليش مايتم تركيب كاميرات فالشارع ومراقبتهم
بصراحه شي غريب
ياليت يتم القبض عليهم وسجنهم والسبب ان ماعندهم اهل يربونهم ويتم تربيتهم من الدوله
كل اللي يصير هناك شباب من 15 وفوق وشباب كبار يركب المزيون معاه وعقب تعرفون الباقي :)




انسى لو ركبوا صدقني بيجونك ناس عادي تحصلهم متعلقين في راس البيب وقاشعين الكاميرا !!
في ناس مخبل المخ فاصل شفت الي قاعد يشرب ريد بول !!!

معلق التيس صح ..
وشفت الحركات المخلة بالشرف تدري اهو صورهم تدري مستعد الحين يروح يشتكي عليهم ويسحبونهم من اشكالهم لو يقدرون يطلعون الصور .. !! واقل شيء 6 شهور ..

عقب خلهم يجون يتبجبجون وواسطات وبزران ومدري ايش .. !!!

هل يعقل هالشيء

الله يهديهم


طبعا لين صار حادث
وحد مات

السبب أشغال والمرور والمقصرين من الدولة

مو المستهترين من هالأشكال !!



المرور والتحريات والدوريات ترى مهب مقصرين بس تلحق من والا من وممنوع انك اطارد احد لاجل ما يصيده شيء ان قدرت سجل رقمه وخله !!!

الدور اهنيه على التحريات ..

بس اختي وصدقيني وخذيها كلمة مني فالعظم هذولي الي ما يستاهلون الواحد يتوسط لهم ويطلع مواترهم تتصادر خلاص من الدولة ..

بس الله يسامح من يتجاوز ويجرجر شيبانه والا يحشم الحاهم والا عجيزهم لاجل يطلعون سيارتهم واخرتها يردون لنفس قبل ..

ونقول الله يهديهم مثل ما هدانا

[غايه الطواش]

لو كل اسره ربت عيالها على الرجوله والاخلاق والمسؤليه ماشفنا هالفئه موجوده , ولكن بعد (مثل مانقول على النقيض) من وعينا على هالدنيا والشباب يستعرضون , والحدوادث تاكل بهالشباب , اعتقد الاسره والمرور يدورهم يكمل بعض وفالاخير اغلب الشباب الي يستعرضون يعرفون مصلحتهم وان هذا غلط حتى لو كان عمره 16 يميز ويعرف ز

[أخت الكل]

حسبي الله ونعم الوكيل

ماله حق يصور ويشهر بعيال خلق الله ويفضح أهلهم قبل لا يفضحهم

بدال لا يجلس يسجل ويشهر في اليوتيوب كان رفع تلفونه وبلغ عنهم

[شبح الصمت]

لو كل اسره ربت عيالها على الرجوله والاخلاق والمسؤليه ماشفنا هالفئه موجوده , ولكن بعد (مثل مانقول على النقيض) من وعينا على هالدنيا والشباب يستعرضون , والحدوادث تاكل بهالشباب , اعتقد الاسره والمرور يدورهم يكمل بعض وفالاخير اغلب الشباب الي يستعرضون يعرفون مصلحتهم وان هذا غلط حتى لو كان عمره 16 يميز ويعرف ز




الاهل يربون صدقيني بس الصحبة الصحبة الصحبة

الصاحب ساحب وهالهواية
ترى ما تعرف كبير والا صغير
ما تعرف ملتزم والا غير ملتزم

تعرف شيء فالدم يسري حب هوس بس هوس استعراض عن استعراض في ناس عقل ويحبون الاستعراض ولكن يعرفون وين يفرغون طاقتهم في ساحة الصناعية او في حلبة الوسيل ..

وايد شباب راحوا هالسنة
شيء يعور القلب صراحة صغار صغار :weeping:

الله يغفر لها ويرحمهم والله يصبر آهاليهم
الله كاتب لهم ولكن قال تعالى ( وَلاَ تُلْقُواْ بِأَيْدِيكُمْ إِلَى التَّهْلُكَةِ)

[شبح الصمت]

حسبي الله ونعم الوكيل

ماله حق يصور ويشهر بعيال خلق الله ويفضح أهلهم قبل لا يفضحهم

بدال لا يجلس يسجل ويشهر في اليوتيوب كان رفع تلفونه وبلغ عنهم




من وجهة نظري اشوف له حق ونص يصورهم وينشر لاجل يكوون درس لغيرهم ولاجل يشوفونهم المسؤولين ويشوفون الشباب والتهور وفي رمضان .. وانه الشيء الي يسوونه خطأ في خطأ وترى اتوقع مبلغين من وقتها بس لين توصل الدوريات يبيلها بلاغ من العمليات وعلى حسب أقرب نقطة متحركة ..

اما تقولين ما يحق له وليش ما احتراموا انفسهم وما قاموا يسوون له حركات وصخه !!!

وترى غيره مليون واحد يصور وينزل استعراض عادي بس يوم جات عليهم قلتم اشله يصورهم ..

[مافيا قطر]

اللي يقول ماله حق يصور ليش لا اشان العالم تعرف كم واحد من الشباب ماتوا من بدايه ارمضان

٦ ولا حول ولا قوه الا بالله ولا بعضهم فاطرين وين اهاليهم عنهم ولا بس فاضين حق امورهم الدنيويه وبس

ولو مات ولدي ولدي والمرور ما حكروا لهم التربيه يااخوان ياليت يسون لهم حمله دينيه في اماكنهم والله هذول شباب فيهم الخير لكت الفراغ اللي هم فيه وبعد الاهل عنهم سبب في وضعهم هاي

والله يهديهم

[صوت مواطن]

السلام عليكم اخواني

بذكر لكم سالفه صارت معاي من كم شهر تحديدا اخر مره نزل فيها الغيث علينا
كنت ماشي في فريج المعموره العصر وشفت مراهقين نفس اللي بالفيلم يستعرضون
والشارع معروف عنه حيوي وكله عوائل اتمر منه
بتقولون ليش ما بلغت. ورب الكعبه بلغت العمليات ثلاث مرات ولا دوريه كلفة على عمرها ومرت مع العلم ان مرور المعموره بينا وبينهم دوار واحد.
قلت انا بتخذ الاجراء اللازم وقفت واحد من اللي يستعرضون وسلمت عليه وبكل ادب قلت له. الشي اللي اتسويه صح ولا غلط ؟

سمعوا رده








قالي مش انا بروحي اللي استعرض كلهم يستعرضون ماجات علي انا

لا حول ولا قوة الا بالله
الخلاصه اذا حد قالك ارمي نفسك بالنار ترمي روحك. سكت وحرك
انا ما الوم الا شرطة المرور اللي متساهلين وصدقوني الشرطه عارفه هالشي بس افرادها متكيسلين يتاخذون اجراء

منا الا وزارة الداخلية

[مافيا قطر]

ياخوي صوت مواطن المرور مهما بيمنعهم بيرحون اماكن ثانيه

[العلم]

وين الداخلية وين الوزارة الرنانة .. اللي شاطرين يشفطون الفلوس بالرادارات بس ..

يعرفون انهم يستعرضون وقطر صغيرة كل مكان فيها معروف .. ماتكلف نفسها الوزارة إلا بواحد يجي يشمع الخط والشباب يشردون ..

هذي حركة المرور من عرفنا الإستعراض .. شنو الفايدة من هالحركة !!!


اعجبني انه راح لأماكن تجمع الشباب الفاسدين .. ناس يجاهرون بالإفطار وناس يسون حركة دنيئة .. ونسأل الله العفو والعافية ..
بس ماعجبني كلامه يوم يقول مفروض يسون لهم ساحات يطلعون مواهبهم فيها ..

الحين صار الإستعراض مواهب !!!!



وزارة الداخلية هي من تتحمل كامل المسؤولية .. إذا الأهل ماقدروا على عيالهم مش معناه نترك لهم البلد يلعبون فيها ويسرحون ويمرحون ..

[صوت مواطن]

ياخوي صوت مواطن المرور مهما بيمنعهم بيرحون اماكن ثانيه

اخوي مافيا.
والله لو فيه رادع مثل سحب السياره ونزع ملكيتها وسجن السايق مع سحب الرخصه لمدة سنة صدقني ماراح اتشوف واحد يستعرض بس من امن العقوبه اساء الادب

[طير]

معروفين من يروحون لهالأماكن ومعروفة هالفئة

صادق بكلامك :nice:

[Cover]

هذا الموضوع راح ينال صدد كبير وراح تتخذ فية اجراءات صارمة والايام قادمة

[ملك المشاعر]

المفروض يعطى مجال أكبر لهم في ساحات مخصصه للاستعراض

ونتمنى دور أكبر للتحريات للحد من المشكلة

[MAZEN37]

حلهم بسيط جدا كم واحد تحريات مدني وامورك في السليم بيتسحبون واحد واحد عقب طيب الرقده بتستوي كان يا مكان

[puree]

الساحة كل جمعه مفتوحه

وهالشارع الحل بيد المرور .. لكن مستغرب يعني للحين ماحلوا المشكلة

ترى بسيطه يعني !

ع الاقل يخلون كذا دوريه تمر هناك بين فتره وفتره


وترى المرور والتحريات يدرون عن كل شي يصير هناك

والمكان مب جديد .. الا قديم ودايما الفزعه تدخل على اخر الاستعراض

[البارع]

اسئل الله لنا ولهم الهداية

[محمد 1977]

وين الداخلية وين الوزارة الرنانة .. اللي شاطرين يشفطون الفلوس بالرادارات بس ..

يعرفون انهم يستعرضون وقطر صغيرة كل مكان فيها معروف .. ماتكلف نفسها الوزارة إلا بواحد يجي يشمع الخط والشباب يشردون ..

هذي حركة المرور من عرفنا الإستعراض .. شنو الفايدة من هالحركة !!!


اعجبني انه راح لأماكن تجمع الشباب الفاسدين .. ناس يجاهرون بالإفطار وناس يسون حركة دنيئة .. ونسأل الله العفو والعافية ..
بس ماعجبني كلامه يوم يقول مفروض يسون لهم ساحات يطلعون مواهبهم فيها ..

الحين صار الإستعراض مواهب !!!!



وزارة الداخلية هي من تتحمل كامل المسؤولية .. إذا الأهل ماقدروا على عيالهم مش معناه نترك لهم البلد يلعبون فيها ويسرحون ويمرحون ..
طال عمرك كل واحد مسئول عن نفسه انت قولي ايش بيسوون وزارة الداخليه بيتمون يلاحقون الشباب من شارع لين شارع واذا صار لحد شي بترجع انت اول واحد وبتقول شوفوا وزارة الداخليه اذبحوا شبابنا (أنا رايي ان اللي يصيدونه مستعرض يتم التشهير فيه بالجرايد ويدخلونه دورة صاعقه شهرين علشان يعرف ان الله حق)

[العلم]

طال عمرك كل واحد مسئول عن نفسه انت قولي ايش بيسوون وزارة الداخليه بيتمون يلاحقون الشباب من شارع لين شارع واذا صار لحد شي بترجع انت اول واحد وبتقول شوفوا وزارة الداخليه اذبحوا شبابنا (أنا رايي ان اللي يصيدونه مستعرض يتم التشهير فيه بالجرايد ويدخلونه دورة صاعقه شهرين علشان يعرف ان الله حق)


اللي يصيدونه .. يعني هم اللي يمسكونه ويطاردونه والا هو اللي يسلم نفسه لهم !!

واللي يصير له شيء من ورا سواد وجه ماعليه حسوفه بالنسبة لي حتى لو كان أخوي ..

[بوحارب]

الله يهديهم مراهقين وعندهم فراغ كل ابغي أروح اتفرج بس اتكيسل من المشوار @@

والعتب علئ المرور وين دورياتهم عن هالمكان

[JN000N]

اوف مصصصصخرررره!!!!!!!

شنو هاااي ؟؟؟ ومن متى! وفاطرين بعد
جعلهم يفطرون جمر
مايخافون ربهم ذول؟ بكل وقاحه وقلة ادب يسوون حركات وصخه بعد
شهالاشكال القذره
انا مادري شلون دكتور حمود استحمل يصورهم وهم يسوون هالحركات

[أخت الكل]

من وجهة نظري اشوف له حق ونص يصورهم وينشر لاجل يكوون درس لغيرهم ولاجل يشوفونهم المسؤولين ويشوفون الشباب والتهور وفي رمضان .. وانه الشيء الي يسوونه خطأ في خطأ وترى اتوقع مبلغين من وقتها بس لين توصل الدوريات يبيلها بلاغ من العمليات وعلى حسب أقرب نقطة متحركة ..

اما تقولين ما يحق له وليش ما احتراموا انفسهم وما قاموا يسوون له حركات وصخه !!!

وترى غيره مليون واحد يصور وينزل استعراض عادي بس يوم جات عليهم قلتم اشله يصورهم ..


أخوي إذا بأعتبر هالموضوع ظاهرة فأسبابه قلت دين وقلت والي الشكوى لله

وهم ما هموني همني الشيبان اللي يا الغفله سارقتهم او قله الحيله

بالنهاية ذولا شباب يبي لهم توجيه وارشاد وحلول بديله لكن ما أجي اشهر
فيهم في اليوتيوب وأقهر أمه أو أبوه

[JN000N]

أخوي إذا بأعتبر هالموضوع ظاهرة فأسبابه قلت دين وقلت والي الشكوى لله

وهم ما هموني همني الشيبان اللي يا الغفله سارقتهم او قله الحيله

بالنهاية ذولا شباب يبي لهم توجيه وارشاد وحلول بديله لكن ما أجي اشهر
فيهم في اليوتيوب وأقهر أمه أو أبوه

خل يجوفونه اهلهم
وخل ينقهرون
يوم انهم ماعرفو يربون عيالهم! مايمسكونهم! طالعين الفجر ليش؟ ولين طلعت الشمس؟ مايسالون عن عيالهم وين ومع من

جوفي اخت الكل انا عند اخوان والله يحفظهم شباب
لهم الحريه المطلقه يسوون كلللللل شي لكن في حدود ! ياويلهم لو تعدوها
وفالاول والاخير تعلمو يحطون امي وابوي بين عيونهم وقبل يسوي اي شي يفكر لو قدام ابوه بيسويه؟؟ ولو سوا الغلط بيرضى يسحب ابوه المراكز والا ينزل من سمعته؟

لين متى نستر عليهم ونقول حرام اهلهم غافلين
بالعكس!! لازم توعية الاهل قبل كللل شي وصدقيني في نسبه بتخف لو الاهل عرفو
ف بنكون هني حلينا جزء من عدة اجزاء
باقي الاجزاء الثانيه تنحل ويخفون عالاقل بنسبه 95٪

[Class - Qtr]

السلام عليكم

لاحول ولا قوة الا بالله

الله يهديهم ويصلحهم ماشاء الله شباب اللي كبرهم اللحين يدرسون برع وفي غربه وهم قاعدين في هالمكان

[(بوطلال)]

يستاهلون التشهير وضرب النعل بعد

[ام ناصر1]

الله يهديهم ....محتاجين ساحة خاصة فيهم ....بس اشلون فاطرين برمضان ....خير وين قاعدين

[البرونزي]

هالفئه معروفه وعادي تلقاهم الحين يتصيدون حق الدكتور حمود
وعلاجهم السجن ومصادرة السياره او حجز سنه اقل تقدير وغرامه ماليه
واهم شي الواسطه تطلع من الموضوع حتى رب الاسره يتعض قبل الولد

[فتى الجود]

السلام عليكم

طول عمر الدنيا وفي قطر ومر على السنين موجوده هالأستعراضات

لكن الحين لان صار التصوير وصارت المنتديات فعشان كذي صارت معروفه

المهم الأن

أيش الحلول

كيف نستطيع نحتويهم ؟؟


كيف نقدر نخلي عندهم الوعى الكافي


أتوقع التجنيد الأجبارى بعد الثانويه او حق لى مايكمل الدراسة هو الحل الأمثل


والله يذكر ايامك بالخير يا عبدالله بن خالد

[al-obaidly]

فلوس وايد مافي مشكله خلوهم على راحتهم مساكين وين يروحون وين يقضون وقتهم مراهقين يحليلهم حتى تاير البالون منعتوهم منه خلهم يفجرون ويستعرضون ويمرحون بكره بيكبر وينسى

[JN000N]

هالفئه معروفه وعادي تلقاهم الحين يتصيدون حق الدكتور حمود
وعلاجهم السجن ومصادرة السياره او حجز سنه اقل تقدير وغرامه ماليه
واهم شي الواسطه تطلع من الموضوع حتى رب الاسره يتعض قبل الولد

انا بعد هالشي طرا علي
ماتوقع حمود بيسلم
فئة يوم اليوم الوطني صطروه لين قال بسي شبعت
شون الحين مصورهم!! الله يعينه الصراحه

[طير حوران]

نبي نعرف ردات فعل أولياء أمورهم المهملين لتربية أبناؤهم

أنا أقول والله أعلم أن هؤلاء لايعرفون المساجد ولم تتم تربيتهم على ارتياد المساجد ومجالسة الصالحين


الان يأتي دور الدوله

أين الشرطه وياكثرهم

الفزعه

النجده

لخويا

المرور

وياكثر حركتهم في الشوارع

[R 7 A L]

انا بعد هالشي طرا علي
ماتوقع حمود بيسلم
فئة يوم اليوم الوطني صطروه لين قال بسي شبعت
شون الحين مصورهم!! الله يعينه الصراحه

الفئة الظالة المظلة :tease:

،

أطالب بحماية الدكتور حمود
لا وضعة خطير بعد هذا التقرير .

[تاجر كشخة]

افا أم المصخرة

[مسفر2]

اللوم على المرور .. من فيكم شاف سيارة المرور موقفه شباب و تسأل عن الاستماره او ليسن؟ طبعآ كلكم بتقولون ولا مره شفنا .. الا قبل سنوااات ايام يوم منعوا الاريل و الهدرز

:nice: من الطيبين

و دكتور حمود يعجبني في كل فيديو ينزله لانه يتكلم عن شيء واقع

وما يقهرني الا السيارات الخليجيه الي لها اللوان غريبه فسفوري و وردي و مادري وشو .. يعني المفروض بوسمره و الجمارك اذا شافت السيارات هذي ما تدخلها نهائيآ لانه شيء معروف ان الفئه هذي جايه لقطر علشان الازعاج و الاستعراض

تحياتي للكل :victory:

[مسفر2]

يستاهلون التشهير وضرب النعل بعد

هههههههههههههه بو طلال اعصصاااابك :tease:

[الحق أبلج]

ياجماعة المشكلة متشعبة ولها ابعاد كثيرة ولكن في نقطة مهمة لازم تعرفونها
العديد من افراد المرور والتحريات أصبحوا لايبالون لانهم يدرون اذا حجزو الموتر الفلاني ولا خالفوا راعيه إنه كثير منهم في النهاية بيجيب له واسطة وبيطلع موتره
وهلم جرا
صار عندهم احساس بعدم أهمية مجهوداتهم يعني بلساننا "ليش أتعب نفسي واحجز الموتر وبكرا ألقاه يستعرض في نفس المكان"
العتب على من عندهم سلطه ويخلصون ربعهم.......
والعتب على الآباء اللي يذلون اعمارهم ويتوسطون علشان يطلعون مواتر عيالهم وهم عارفين أنهم ماراح يركدون بل بالعكس بيزيدون سفه وجهاله

اللهم لاتؤاخذنا بذنوبنا وبما فعل السفهاء منا

[مستر راشد]

حتى خط عنيزه ماسلم من هذي الفئه خصوصا 5 الفجر

[عاشق العديد]

هـم على خـطى ..

ودكتور حمـود على خطـى ..


فا أنا اقوله هذول ناس فاصـلين وبيتعدون على دكتـور حمـود ..
هو الغلطـان ..

الداخليه تدري انه في هالفئـه والوزير مب مقصـر ..

لكن مشكلة شباب الدوريـات والمرور .. يمسكونـه احنـا الي ماعلينا شـي ويخلون هالناس ..
الله يكون في عون دكتـور حمـود .. والله يحفظ هالشباب ..

اخر ايام الاول لما كنت اروح أنا .. كان في واحد عمـره والله يمكن 9 سنوات طفل والله طفل ولما عرفت قصته عرفت .. ابوه متتوفي وماعنده اخوان ماعنده الا امـه وكبيـره فالسـن .. الله المستعـان

[بوحارب]

حتى خط عنيزه ماسلم من هذي الفئه خصوصا 5 الفجر

أبشرك اليوم مسوين ثبوت وموقفين كل المواتر

حتئ اللي مواترهم شد بلد :)

وهذا هو الإجراء السليم

[مستر راشد]

أبشرك اليوم مسوين ثبوت وموقفين كل المواتر

حتئ اللي مواترهم شد بلد :)

وهذا هو الإجراء السليم

كفووو :nice:

[QaTaR49999]

سؤال وين الخرجي عنهم وين التحريات

لو فيه قانون صارم مثل مصادرة سياره حق اللي يشل اللوحات كان ماصار الشي هذا
الحين كلن يشل اللوحه ويسوي اللي يبيه

لازم تسير كارثه عشان يحطون قانون صارم

وغير الاستعراض عند المدارس يعني لو طالب ندعم راح من كيس هله

[أبو راكان]

تحريات
حجز السيارة سنة
حجز السايق مدّة لاتقل عن اسبوعين
غرامة مالية كبيرة
شرط ماتشوفون ولاطير

[alfahad1]

حجز السيارة سنة
حجز السايق مدّة لاتقل عن اسبوعين
غرامة مالية كبيرة
شرط ماتشوفون ولاطير


اضم صوتي لك
ولكن ما ادري ليش مكبرين السالفه يعني هذي سنة الحياة شباب طايشين بيكبرون ويعقلون احسن من شباب يسوون جرائم مثل بعض الدول المجاورة

[أبو راكان]

اضم صوتي لك
ولكن ما ادري ليش مكبرين السالفه يعني هذي سنة الحياة شباب طايشين بيكبرون ويعقلون احسن من شباب يسوون جرائم مثل بعض الدول المجاورة

اخوي العزيز الفهد
فرض القوانين الصارمة عليهم من صالحهم وصالح المجتمع كله وذلك بحفظ ارواحهم وتقويم سلوكياتهم من اي تطورات اخرى لاتحمد عقباها

[سهوم المنايا]

الحل انشاء سجن خاص للمفحطين ويسطر الولد فيه لين يبكي دم وتصنيف قضية الاستعراض نفس تصنيف تهريب الحشيش والمخدرات عششان يعرفون ان الله حق


هالفئه دبلت كبد وعالة ع المجتمع

[سهوم المنايا]

الحل انشاء سجن خاص للمفحطين ويسطر الولد فيه لين يبكي دم وتصنيف قضية الاستعراض نفس تصنيف تهريب الحشيش والمخدرات عششان يعرفون ان الله حق


هالفئه دبلت كبد وعالة ع المجتمع

[venum]

الحل

يلغمون خط طيب الرقدة مطبات وبين كل مطبة والثانية 3 متر :nice:

وكفى الله المؤمنين القتال

:shy:

[R 7 A L]

تذكرون
شلون كان الوضع في التسعينيات
ايام التحريات تشتغل صح
وايام المرور يشتغل صح

حجز السيارات في بوهامور 3 شهور + سجن المفحط 10 أيام وتعهد
كانوا الاغلبية يخافون من اي سياراة مجهولة تمر عليهم

[احب قطر]

تذكرون
شلون كان الوضع في التسعينيات
ايام التحريات تشتغل صح
وايام المرور يشتغل صح

حجز السيارات في بوهامور 3 شهور + سجن المفحط 10 أيام وتعهد
كانوا الاغلبية يخافون من اي سياراة مجهولة تمر عليهم

أيام عبدالله بن خالد وزير الداخلية

[حسن]

اساسا هل البشمرقى ماينفع معاهم الى حجز السياره في شبك بوهامور وهم بعد حجز مع نظام تشغيل نظافه الشواطئ من سلوى الى العديد لفه كامله علشان تطلع الطاقه السلبيه اللي عندهم ونحولها الى طاقه ايجابيه

والوم الاول والاخير على تربيه هؤلاء وبيئتهم وش ترتجي من عيال الهمل خير
الدوله مالها لا من قريب ولا بعيد تربيه الصيع

وبعدين كم مره قلتها والى الان اقولها لو في يدي القرار لكسرت حلبه الصناعيه على روسهم ولا اسويلهم مقابر جماعيه ونخلص من المفسيدن في الارض وترتاح الناس والدوله بكبرها من مشاكلهم

ولا تشيلهم وتقطهم في سوريا مع الجيش الحر يروح مايرجع الى لاقل يموت شهيد مهب يموت مستعرض منتحر

اويلاه على الصلاحيه لاتشوفون شي ماسواه عبدالله بن خالد بعد

[واقع]

طال عمرك كل واحد مسئول عن نفسه انت قولي ايش بيسوون وزارة الداخليه بيتمون يلاحقون الشباب من شارع لين شارع واذا صار لحد شي بترجع انت اول واحد وبتقول شوفوا وزارة الداخليه اذبحوا شبابنا (أنا رايي ان اللي يصيدونه مستعرض يتم التشهير فيه بالجرايد ويدخلونه دورة صاعقه شهرين علشان يعرف ان الله حق)

:nice: اتفق معاك 100%

[معماري قطري]

تغطية الرقم يبي له اجراءات عقابية كبيرة وأكيد فيه قوانين رادعة بس المهم تتطبق وتكون آلية لتطبيقها، والممنوع المفروض يكون ممنوع ما نقننه بساحات استعراض، حجز سيارة وبعدها سجن ومخالفات رادعه وننتهي من هالأشكال.

[بوخالد911]

ناقصين بلاويهم بعد


يا ريت التحريات يشوفون شغلهم

[البيت القديم]

انا مرو علي شباب مدمنين استعراض وطيب الرقده وكل مكان يتجمعون فيه الشباب للأستعراض ، بس الحين ما شاء الله صارو احسن مني ياتهم الفرصه للدراسه برع وراحو ورجعو ومعاهم شهادات اتخليهم يتنقون الشغل الي يعجبهم ..

[خفيف الروح]

كلام الدكتور حمود صحيح

[khalid525]

الله يهديهم طيش ويعدي

[قطرية مثقفة]

الحل

يلغمون خط طيب الرقدة مطبات وبين كل مطبة والثانية 3 متر :nice:

وكفى الله المؤمنين القتال

:shy:

:nice: :nice: :nice: :nice:

أحلى حل عجيب

[Dmy Enabi]

تبون كلام الصج
ذول اكثريتهم بويمن على كم قبيلة وارد السعودية ومعروفين انهم ماكملوا بقطر خمسين سنه على بعضها وتلقى عيال عمه بالسعودية ( درباوية ) والاخ جاي ينقل هاثقافه عندنا
حتى عيال العرب نادر تشوفهم بهالحركات وان حصل على الاقل الاخلاق موجوده

اتمنى محد يزعل من كلام الحق
والله لاتقصون على نفسكم وتسوون نفسكم مثاليين
فيهم بدو وفيهم حضر
لكن هذي مشكلتنا نجوف نفسنا احسن ناس ونقط بلاوينا عالغير
عنصريتنا ودتنا في داهية

[بوحارب]

اساسا هل البشمرقى ماينفع معاهم الى حجز السياره في شبك بوهامور وهم بعد حجز مع نظام تشغيل نظافه الشواطئ من سلوى الى العديد لفه كامله علشان تطلع الطاقه السلبيه اللي عندهم ونحولها الى طاقه ايجابيه

والوم الاول والاخير على تربيه هؤلاء وبيئتهم وش ترتجي من عيال الهمل خير
الدوله مالها لا من قريب ولا بعيد تربيه الصيع

وبعدين كم مره قلتها والى الان اقولها لو في يدي القرار لكسرت حلبه الصناعيه على روسهم ولا اسويلهم مقابر جماعيه ونخلص من المفسيدن في الارض وترتاح الناس والدوله بكبرها من مشاكلهم

ولا تشيلهم وتقطهم في سوريا مع الجيش الحر يروح مايرجع الى لاقل يموت شهيد مهب يموت مستعرض منتحر

اويلاه على الصلاحيه لاتشوفون شي ماسواه عبدالله بن خالد بعد
هههههههههه هدي شوي يبه

لاتخليني بكرة اغطي لوحه الهدد واجي استعرض عند مجلسكم :secret:

لا لا اتغشمر :tease:

بس عجبني آخر سطر *_^

[adel777]

ليش سموه طيب الرقده ادري داش عرض

[دلة الرسلان]

ليش سموه طيب الرقده ادري داش عرض

كنت احسبه الشارع اللي جنب مقبرة ابوهامور ومن كذا خذ الاسم :(

المشكلة وعرفناها وكل الشكر للدكتور حمود والله يحفظه من كل شر ، بس ماهو العلاج؟

- معظمنا يرى أن الاستعراض بالسيارات عمل قبيح وعيب ومن يقوم به هيلق وخبلان ...

ونتحمدالله ونشكره أننا ما عندنا هذه الثقافة !!

ولكن من يقوم بالاستعراض يرى أنه بطل ويرى الاعجاب عند تصفيق الجمهور له .وهذا

الجمهور يرى أن استعراض فلان يستحق أنه يشاهده !!

الاستعراض سلوك سيء غير حضاري لأنه يسبب الحوادث وازهاق الارواح واتلاف الممتلكات

العامة والخاصة واستهلاك طاقة الانسان في عمل لافائدة من وراءه .لو اقتنع هؤلاء الشباب

بهذه الفكرة لما رأينا الاستعراضات ولن نكون في حاجة التحريات والدوريات . الدور الأكبر

على وسائل الاعلام ينزلون لمثل هذه التجمعات ويعملون تحقيقات مع مثل هذه التجمعات - بدون

اسماء وبدون عرض تحفيصاتهم - ليش تستعرض ؟ ايش يعجبك في الاستعراض ؟والافضل

المقابلة بعيدة عن الشلة حتى تكون الاجابات صادقة!!

علشان تغير افكارهم لازم تعرف ماهية هذه الافكار في البداية ،ومن ثم ايجاد الحلول من قبل

مؤسسات الدولة متظافرة لبتر هذه الظاهرة من قاعها .

[رآعي موآجيب]

كلنا عيال قريه وكلن يعرف آخيه
مافيه داعي نقول معروفه هالفئه والتلميحات على البدو اللي هالحثاله ماتمثل منهم عدد اصابع القدم الواحد
ولو بنجي على فرز الفئات وكل فئه نطلع علومها كان محد سلم من حقنة العديد الى سيف الرويس مرورا بكم منطقه فئاتهم منسيين

الزبده لكل مجتمع حثاله ، و هؤلاء حثاله بكل ما تحمله الكلمة من معنى والمجاهره بالمعصيه لا يرتجون منه إلا خلع حراشف مسمى الطفوله الذي يهربون منه وإثبات الرجوله والنضوج امام الشباب على حد تصورهم ومدى إدراكهم المحدود
وحل هالمشكله بسيط جدا ماداموا لا ينصاعون للنصح والتوعية
من آمن العقوبه اساء الادب ، تشدد العقوبات وتصادر السيارات ويخدم المجتمع اجبارا لا طواعيه ويحضر الندوات والمحاضرات التثقيفية رغم انفه ويقدم تقرير في آخر الدوره بما استفادة وان كان دون المستوى يجبر على الحضور مرة اخرى حتى يقوم
ولا يترك الحبل على الغارب لمراهقين نعرف جيدا ما يحسون به وما يفكرون فيه وماهي حدود إدراكهم
هذا هو الكلام المفيد وليس الاشمئزاز من فئه دون الاخرى وتحديد وجودها في قطر وكأن قائلها سمره من سمر وادي السيل قبل 1000سنه

[مضارب مستثمر]

لاحول ولا قوة الا بالله العلي العظيم

الله يهديهم ويصلح احوالهم

اللهم امين

[مراد2015]

والله ملاحظة زينة في التقرير حق حمود بس

فية ملاحظات الدكتور حمود ينصح فيها جزاة اللة خير

وهو مرة مسوي حلقة في كتارا ( وفي يدة سيجار ة ) ومسوي حلقة وهو يسحب على ( المعسل) في حلقة بعد

المفروض ما تسجل وانت تدخن ( عادة سيئة) ما تسجل وانت ( تسحب على المعسل)

وتقرير طيب الرقدة ممتاز

[مستر راشد]

كلنا عيال قريه وكلن يعرف آخيه
مافيه داعي نقول معروفه هالفئه والتلميحات على البدو اللي هالحثاله ماتمثل منهم عدد اصابع القدم الواحد
ولو بنجي على فرز الفئات وكل فئه نطلع علومها كان محد سلم من حقنة العديد الى سيف الرويس مرورا بكم منطقه فئاتهم منسيين

الزبده لكل مجتمع حثاله ، و هؤلاء حثاله بكل ما تحمله الكلمة من معنى والمجاهره بالمعصيه لا يرتجون منه إلا خلع حراشف مسمى الطفوله الذي يهربون منه وإثبات الرجوله والنضوج امام الشباب على حد تصورهم ومدى إدراكهم المحدود
وحل هالمشكله بسيط جدا ماداموا لا ينصاعون للنصح والتوعية
من آمن العقوبه اساء الادب ، تشدد العقوبات وتصادر السيارات ويخدم المجتمع اجبارا لا طواعيه ويحضر الندوات والمحاضرات التثقيفية رغم انفه ويقدم تقرير في آخر الدوره بما استفادة وان كان دون المستوى يجبر على الحضور مرة اخرى حتى يقوم
ولا يترك الحبل على الغارب لمراهقين نعرف جيدا ما يحسون به وما يفكرون فيه وماهي حدود إدراكهم
هذا هو الكلام المفيد وليس الاشمئزاز من فئه دون الاخرى وتحديد وجودها في قطر وكأن قائلها سمره من سمر وادي السيل قبل 1000سنه

اعجبني كلامك

اتمنى ان يتم تاسيس مركز تابع لوزارة الداخلية
يقوم بدور التوعية او بالاحرى يكون مثل الاصلاحية
بعد مايتم حجز السيارة يجبر صاحب السيارة على حضور الندوات التثقيفيه
الي راح يقوم بدور التوعية ومن ثم يتم الافراج عن السيارة بمبلغ مالي او مخالفه
ويكون حضور الندوات والبرنامج الي ينظمه المركز اجبارا

احسن من ان يتم حجز السيارة وصاحبها يروح يدور له على واسطه !!

[QtrGate]

غير عقوبة السجن ماينفع معاهم

[عضو مشاكس]

شفت الفيديو الله يهديهم

[معماري قطري]

يا اخوان في أمريكا كثير شباب وحتى شياب يحبون هذي الحركات، وبعضهم يدخنون بتواير السيارات داخل النفق في الزحمة إذا ضمنوا محد يشوفهم ..وألحين حطوا كاميرات ومن يسويها يا ويله .. لكن برا الشرطة والأمن السري يجونك من حيث لا تحتسب والكل يخاف لأن القانون مفروض فرض وبقوة .. عندنا توصل الأُمور لهذي الدرجة من الاستهتار صراحة يبي لها وقفة حازمة، واللي يصير في الفرجان وفي باقي الشوارع أكثر وفي التقاطعات من يتجاوزون كل القوانين ويعكسون صورة قذرة عن مجتمعنا هم أكثر وأكثر..

يبي لهم ردع قوي ولا ننطر 2021 علشان ننظف أخلاق البعض حتى تظهر قطر متحضرة.

[سكرمر]

اساسا هل البشمرقى ماينفع معاهم الى حجز السياره في شبك بوهامور وهم بعد حجز مع نظام تشغيل نظافه الشواطئ من سلوى الى العديد لفه كامله علشان تطلع الطاقه السلبيه اللي عندهم ونحولها الى طاقه ايجابيه

والوم الاول والاخير على تربيه هؤلاء وبيئتهم وش ترتجي من عيال الهمل خير
الدوله مالها لا من قريب ولا بعيد تربيه الصيع

وبعدين كم مره قلتها والى الان اقولها لو في يدي القرار لكسرت حلبه الصناعيه على روسهم ولا اسويلهم مقابر جماعيه ونخلص من المفسيدن في الارض وترتاح الناس والدوله بكبرها من مشاكلهم

ولا تشيلهم وتقطهم في سوريا مع الجيش الحر يروح مايرجع الى لاقل يموت شهيد مهب يموت مستعرض منتحر

اويلاه على الصلاحيه لاتشوفون شي ماسواه عبدالله بن خالد بعد






هذا وانت عضو موسس تقول هالكلام شكلك عضو موسوس مو مؤسس


الله يهدانا ويهداك الشده والصلابه ماتجيب الا الكسر ... الحكمه والصبر هي الى تفيد


اما اسجن ومن هالكلام مامنها فايده


تحياتي لكم والله يهدي هالشباب ويصلح حالهم



احنا نتكلم عن ظاهره فى قطر بدون تحديد هذا من وين ولا هذا اصله الفلاني


نتكلم فى ظاهره بدون شخصنه الموضوع

[New Vision]

الدكتور حموووود عندي احساس انه بينضرب قريب وبيصور نفسه بعد الضرب والسبب لانه تعدا على الاخرين وهو مش وكيل الحكومه

[qatar711]

من سمع كلامكم وتعليقاتكم بيقول حمود مصلح اجتماعي
او كأن حمود اكتشف حقل نفط او غاز او حل لغز مثلث برمودا

يا اخوان الله يهديكم جميعا ً
انتوا تتكلمون عن مكان صارة له اكثر 15 سنة يتجمعون فيه الشباب ويستعرضون ويتضاربون وتكبس عليهم الدوريات وصارت حوادث وماتوا ناس
من الآخر هو نفس العديد ولكن فرق المكان

السؤال هل دكتور حمود صور الفيديو خوفاً على الشباب!
او كان تصويرة مجرد انتقام منهم لأنهم سخروا منه؟؟

حمود ليش يزعلم من الفاظهم؟؟
مع العلم او مانتشرت مقاطعة كان الفاظة قريبة من الفاظ الشباب

اليس تصوير الشباب وتنزيل مقطع الفيديو يعتبر تشهير؟
هل حمود نزلة خوفاً عليهم او انتقام منهم لانهم يسبونه؟؟

هل تعلمون ان التصوير هذا في الامارات يعتبر جنحة جنائية؟؟
هل تعلمون في لوس انجلوس لو اشتكى تم تصويرة بدون اذن فأن ستكون في غياهب السجون؟؟

ماعاد الا حمود يعلمنا ويعلم وزارة الداخلية شغلها
كلام فارغ يدل على سداجة الموضوع

هل تعلمون ان وزارة الداخلية افضل وزارة في خدمة المجهور لاكثر من خمس سنوات متتالية؟؟؟
هل تعلمون ان وزارة الداخلية هي الوزارة الوحيدة الي لا ينام لها طرفة عين من اجل المواطنين؟؟
هل تعلمون دول العالم كلها الخليجية والعربية والعالمية لتجديد الجواز او. رخصة القيادة ماتخلصها الا بعد ثلاث ايام على الاقل وانت هنا في خمس دقايق موضوعك جاهز،، فمن انت يا حمود !!!
(ان كُنت تعلمُ فتلك مصيبةٌ،، وان كنتَ لا تعم فالمصيبة اعظمُ)

*

[أسد الجزيرة]

Qatar711
هل تعلم انه هذي الحركة يتعاقب عليها القانون في قطر
هل تعلم انه اوربي دفع 30 الف كترضية لعربي فقط كي يتنازل عن الشكوى
هل سجن هذه الفئة في اوروبا و امريكا ناجح و في قطر فاشل
الشاب في امريكا في الصيف يعمل لكسب رزقه و في قطر نعطيه سيارة ليكسرها و يستانس

محدث من نيويورك

[أخت الكل]

ما رجعنا لورى وما أضعفنا الا الكلام اللي مثل كذا

ياليت نرجع لتاريخ الجزيرة العربية وتاريخ القبائل العربية في جزيرة العرب

الله يصلح شبابنا ويهديهم

[كاروهات]

ما رجعنا لورى وما أضعفنا الا الكلام اللي مثل كذا

ياليت نرجع لتاريخ الجزيرة العربية وتاريخ القبائل العربية في جزيرة العرب

الله يصلح شبابنا ويهديهم

عشتي

:nice::nice::nice::nice::nice::nice:

[سيف QTR]

ليش سموه طيب الرقده ادري داش عرض

سموه طيب الرقدة لأن حواف الشارع محفرة ومكسره فإذا طلع الموتر عن الشارع وهو يستعرض ينقلب يرقد فيك الموتر علطووول فعشان جذي سموه طيب الرقدة ههههههههههه :nice:


الصراحة هذيلا خطر كبير على اللي في الشارع وانا رايح الدوام وقت الفجر يمرون علي على خط بوسمرة يمشون الطبلون حده :rolleyes2: لا والمشكلة ارقامهم مغطينها :eek5:

[7llo]

الصراحه انا لما شفت الفيديو انصدمت ماكنت ادري انه استعراض في قطر جي او شارع يستعرضون فيه نفس هذا , مع اني اسمع في الطيب الرقده بس ماعمري رحتها او عمري ماشفتها , الصراحه اتمنى الحكومه تحط حد لهل المخالفين وتردعهم للعلم ترا وايد انتقدو دكتور حموده على الي صوره وزعلانين عليه

[رذاذ]

48 الف مشاهد للمقطع..

مشالله .. شي طيب .

الردود شقد............... لووووووووووول

[أم نواري1]

الله يصلحهم
ويصلح اللي فكره عنصري قبلهم
بحاجة لوقفة وتشديد من قبل الداخلية على هذا الشارع
لازم مايخلوا من الدوريات دامه بهالشكل.!
ماشفت الفيديو ولا بشوفه يكفي الردود.!
الله المستعان

[bos3eed]

محتاجين واحد مثل عبدالفتاح العلي في الكويت , الدوريات ماتعرف الا انها تتمشى في منطقة الابراج وتخالف الموظفين اللي جايين يسعون على ارزاقهم والمراجعين اللي يبون يخلصون مصالحهم ومخليين هذول المفسدين ولا يسوون لهم شي. محتاجيين صرامة الى ابعد الحدود , لازم يصير اتلاف للسيارات اللي تنصاد نفس الاتلاف حق السكراب في اوروبا ويكدسون السيارات لين يصير جبل والكل يشوفه يكبر يوميا. والسايق ينسجن ويتصفع لمدة سنه واللي يجي يدافع عنه يتصفع معاه وبالاخص شيبانه. اللي مايعرف معنى القانون لازم يتعلم معناه بالطريقه الصعبه

[بومحمد المطاوعه]

الدوريات ماعليهم قصور ولله الحمد

اهم يصيدون وقت الفجر وهذا الوقت تبديل الشفتات من افراد الشرطه ويخذون راحتهم هالناس

مضايقات في هذا الشارع للعمال الماره

وتصير اشتباكات بين الشباب

والله مشاكل في مشاكل بعيد الشر

الله يحفظنا من هالناس

[بوعلي2]

بل تذكرت سنة 2001
ايامج يالزد
والله يهديهم لما يحبه ويرضاه
جيل قبل غير
جيل الحين مصبنه وشتم الله يهديهم عاجلا وليس اجلا

[Riku3]

هل تعلمون ان وزارة الداخلية افضل وزارة في خدمة المجهور لاكثر من خمس سنوات متتالية؟؟؟
هل تعلمون ان وزارة الداخلية هي الوزارة الوحيدة الي لا ينام لها طرفة عين من اجل المواطنين؟؟
هل تعلمون دول العالم كلها الخليجية والعربية والعالمية لتجديد الجواز او. رخصة القيادة ماتخلصها الا بعد ثلاث ايام على الاقل وانت هنا في خمس دقايق موضوعك جاهز،، فمن انت يا حمود !!!
(ان كُنت تعلمُ فتلك مصيبةٌ،، وان كنتَ لا تعم فالمصيبة اعظمُ)

*

ليش باقي الوزارات عندها "الصلاحيات" المفتوحه علشان توصل لمستوى وزارة الداخلية ! ..

ترى حتى وزارة العمل تخلص امورك بدقايق .. والبلدية ووزارة الاعمال والتجارة وغيره من الوزارات الي اروح لها وما يقل نشاطهم وسرعة انجازهم للامور عن وزارة الداخلية .

وترى عندي عامل اسيوي طرشته يجدد جوازه جابلي اياه بنفس اليوم .. قدم الطلب الصبح واستلم الظهر وهذي سفارة دولة فقيرة .. فما اعتقد ان عندنا بس الي تخلص مثل هالامور في خمس دقايق .

ما انتقد الوزارة لاني شخصياً ايضاً اشوفها من افضل الوزارات بس ترى محد معصوم عن الخطأ ومن واجب اي جهة تقبل الانتقاد مهما كان ويكون لسان حالها " بنسعى للافضل " .. مب التهجم على مقدم الشكوى .

[qatar711]

ليش باقي الوزارات عندها "الصلاحيات" المفتوحه علشان توصل لمستوى وزارة الداخلية ! ..

ترى حتى وزارة العمل تخلص امورك بدقايق .. والبلدية ووزارة الاعمال والتجارة وغيره من الوزارات الي اروح لها وما يقل نشاطهم وسرعة انجازهم للامور عن وزارة الداخلية .

وترى عندي عامل اسيوي طرشته يجدد جوازه جابلي اياه بنفس اليوم .. قدم الطلب الصبح واستلم الظهر وهذي سفارة دولة فقيرة .. فما اعتقد ان عندنا بس الي تخلص مثل هالامور في خمس دقايق .

ما انتقد الوزارة لاني شخصياً ايضاً اشوفها من افضل الوزارات بس ترى محد معصوم عن الخطأ ومن واجب اي جهة تقبل الانتقاد مهما كان ويكون لسان حالها " بنسعى للافضل " .. مب التهجم على مقدم الشكوى .

ماراج اخالفك في رأيك ولا وجهة نظرك
ولكن اتمام البناء
او اصدار رخصة بناء
كم يوم عشان تخلصها؟؟؟؟؟
والله لو اخوك موظف هناك اقل من اسبوع ماتقدر تخلصها

ثاني شيء
الجوازات والمرور و و و دوائر الداخلية ماااااااعنهم مثل البلدية و وزارة العمل والبيئة ايام للمراجعة

والله بيعني شخص طالع بلبس الفايبر طالع من لفان عشان اتمام بناء
ولما وصل قالوا له اليوم مافيه مراجعه وانصدم المسكين

اتمنى ان تقال كلمة حق في وزارة الداخلية ولانظلمهم
والسلام ختام

[qatar711]

كلنا عيال قريه وكلن يعرف آخيه
مافيه داعي نقول معروفه هالفئه والتلميحات على البدو اللي هالحثاله ماتمثل منهم عدد اصابع القدم الواحد
ولو بنجي على فرز الفئات وكل فئه نطلع علومها كان محد سلم من حقنة العديد الى سيف الرويس مرورا بكم منطقه فئاتهم منسيين

الزبده لكل مجتمع حثاله ، و هؤلاء حثاله بكل ما تحمله الكلمة من معنى والمجاهره بالمعصيه لا يرتجون منه إلا خلع حراشف مسمى الطفوله الذي يهربون منه وإثبات الرجوله والنضوج امام الشباب على حد تصورهم ومدى إدراكهم المحدود
وحل هالمشكله بسيط جدا ماداموا لا ينصاعون للنصح والتوعية
من آمن العقوبه اساء الادب ، تشدد العقوبات وتصادر السيارات ويخدم المجتمع اجبارا لا طواعيه ويحضر الندوات والمحاضرات التثقيفية رغم انفه ويقدم تقرير في آخر الدوره بما استفادة وان كان دون المستوى يجبر على الحضور مرة اخرى حتى يقوم
ولا يترك الحبل على الغارب لمراهقين نعرف جيدا ما يحسون به وما يفكرون فيه وماهي حدود إدراكهم
هذا هو الكلام المفيد وليس الاشمئزاز من فئه دون الاخرى وتحديد وجودها في قطر وكأن قائلها سمره من سمر وادي السيل قبل 1000سنه

صح لسانك وكثر الله من امثالك
والله يقطع كل مبغض يشعل الفتن بين الشعب القطري
هذا انسان مسكين وكنت اتمنى من الادارة تعليق عضويته او حذفة حسابه ليكون عبره لغيره من يثير الفتن والنعرات بين الناس.

ولكن رسالتي له لصاحب التعليق:
تاريخ القبائل العربية معروف وهم منتشرين في جميع دول الخليج من الكويت الى ساحل عمان ومن جميع فئات القبايل حتى اخواننا من اليمن مثلنا.
هذولا الناس ايش ذنبهم ان مالك ذكر في باقي دول الخليج
تبقي واسطة !!

[Qaatar]

على فكره التجمع من الساعه 5 يبدون. و100 ب100 الي يمرون ويستعرضون. خفين ارقام سياراتهم
ومواتر التحريات إذا مر يحذفونهم بالغراش والحصى
ولما تكبس عليهم الدوريات يروحون الصناعيه

[Qaatar]

من سمع كلامكم وتعليقاتكم بيقول حمود مصلح اجتماعي
او كأن حمود اكتشف حقل نفط او غاز او حل لغز مثلث برمودا

يا اخوان الله يهديكم جميعا ً
انتوا تتكلمون عن مكان صارة له اكثر 15 سنة يتجمعون فيه الشباب ويستعرضون ويتضاربون وتكبس عليهم الدوريات وصارت حوادث وماتوا ناس
من الآخر هو نفس العديد ولكن فرق المكان

السؤال هل دكتور حمود صور الفيديو خوفاً على الشباب!
او كان تصويرة مجرد انتقام منهم لأنهم سخروا منه؟؟

حمود ليش يزعلم من الفاظهم؟؟
مع العلم او مانتشرت مقاطعة كان الفاظة قريبة من الفاظ الشباب

اليس تصوير الشباب وتنزيل مقطع الفيديو يعتبر تشهير؟
هل حمود نزلة خوفاً عليهم او انتقام منهم لانهم يسبونه؟؟

هل تعلمون ان التصوير هذا في الامارات يعتبر جنحة جنائية؟؟
هل تعلمون في لوس انجلوس لو اشتكى تم تصويرة بدون اذن فأن ستكون في غياهب السجون؟؟

ماعاد الا حمود يعلمنا ويعلم وزارة الداخلية شغلها
كلام فارغ يدل على سداجة الموضوع

هل تعلمون ان وزارة الداخلية افضل وزارة في خدمة المجهور لاكثر من خمس سنوات متتالية؟؟؟
هل تعلمون ان وزارة الداخلية هي الوزارة الوحيدة الي لا ينام لها طرفة عين من اجل المواطنين؟؟
هل تعلمون دول العالم كلها الخليجية والعربية والعالمية لتجديد الجواز او. رخصة القيادة ماتخلصها الا بعد ثلاث ايام على الاقل وانت هنا في خمس دقايق موضوعك جاهز،، فمن انت يا حمود !!!
(ان كُنت تعلمُ فتلك مصيبةٌ،، وان كنتَ لا تعم فالمصيبة اعظمُ)

*


يارجال والله انك صادق
حمود ماعنده اي سالفه ولا هدف شوف مسوي فيها مصلح اجتماعي ؤانه هو الي حريص على الوطن
ادخل اليوتيوب وشوفوا المقالب الي يسويها بالعالم عن طريق التلفون. شوفوا ايش يسوي بالبالتوك والانسبيك
وبتعرفون حقيقته
بالعكس طيب الرقده مكان معروف لفئه من الناس الحين حتى الي مايعرفه بعد الفيديوا يبي يروح ويشوف ويعرف هالمكان لنوع من الفضول
وفعلا اتوقع قريب بينصاد وبينضرب نفس ماصار فيه بالكورنيش ايام العيد الوطني