لخبيرات السفر :ملابس الرحلة لباريس!!!

[catqat]

تحياتي..

بغيت اتفيدوني اشنوع الملايس اللي أوديها معاي لباريس !!!؟؟ سبورت ، كاجوال، كلاس، خفيفة ثقيلة؟؟؟ يعني نكشخ بزيادة والا عادي؟

زيارتي لها اول مرة ولمدة 10 أيام . بين يوليو وأغسطس

مادري وين احط الموضوع وبأي قسم .... :)

[العقل الحر]

بما انه محد رد

اخذي من كل نوع شي

والبلد فيها كله كشخه

وملابس خفيفة ورياضية للمكان المناسبه

هذا بالنسبه للشباب واعتقد مايفرق عن البنات

ولكن البنات ادرى

[catqat]

بما انه محد رد

اخذي من كل نوع شي

والبلد فيها كله كشخه

وملابس خفيفة ورياضية للمكان المناسبه

هذا بالنسبه للشباب واعتقد مايفرق عن البنات

ولكن البنات ادرى

يسلمووو ع الرد وماقصرت .. ...

محد رد لاهيين بقسم المؤكولات والسفرة الرمضانية :))

[asasasss]

شوف الطقس الحين عندهم , و اذا مشاوريكم كلها مشي لازم شي عملي و اذا بتروحون دزني لازم عملي بعد


اذا حر لازم شي خفيف و اذا برد لازم شي ثقيل

واذا تحركاتكم كلها قهاوي لازم شي رسمي, بس يفضل تلبسون شي عملي لانه الكشخه الزايده تبطل عليكم العيون شكثر جزائرين و افارقه هناك

[وطن]

أول شي يعتمد على جدولج هناك
هل بتروحين اماكن تستحق الكشخه ؟

عادة لبسنا في السفر ما بين الكشخة والعادي

مو اوفر كشخة
ولا كاجوال

و نخفف و نزيد من الاكسسوارات على حسب المكان اللي رايحين له

[للصبر اخر]

مرحبا اختي
توصلين بالسلامه ان شاء الله
انا دايم اخذ شي عادي ومريييح
يعني لاهو رياضي ولا كشخه وايد
لان التسول كثر هنااك وخاصه لو عرفو انكم خليجييين

[وطن]

ايه صح
وتحملي من النشالين
اخذي لج شنطة تتسكر عدل
ودوم خلج ماسكتها عدل وتحت عينج
ممكن يغافلونج ويبوقون اللي فيها بدون ما تحسين
ايدهم خفيفه

فخلج حريصة

ولا تطلعين بكل بطاقاتج الإئتمانية
ولا كل فلوسج

[للصبر اخر]

ايه صح
وتحملي من النشالين
اخذي لج شنطة تتسكر عدل
ودوم خلج ماسكتها عدل وتحت عينج
ممكن يغافلونج ويبوقون اللي فيها بدون ما تحسين
ايدهم خفيفه

فخلج حريصة

ولا تطلعين بكل بطاقاتج الإئتمانية
ولا كل فلوسج

:nice:
عندي لج نصيحه
اخذي الشنطه اللي تتعلق بسير طويل وعلى قد ماتقدرين تصغرين الحجم كل ماكانت الشنطه صغيره احسن لج
يعني يدوب بوك وتلفوون لا اكثر
ولاتحطين في البوك مبلغ كبير
امي وخواتي كلهم انسرقو اخر مره
انا احط المبلغ بسحاب الشنطه والبوك اخلي فيه مبلغ بسييط جدااا

[وطن]

:nice:
عندي لج نصيحه
اخذي الشنطه اللي تتعلق بسير طويل وعلى قد ماتقدرين تصغرين الحجم كل ماكانت الشنطه صغيره احسن لج
يعني يدوب بوك وتلفوون لا اكثر
ولاتحطين في البوك مبلغ كبير
امي وخواتي كلهم انسرقو اخر مره
انا احط المبلغ بسحاب الشنطه والبوك اخلي فيه مبلغ بسييط جدااا

حاسبي
لان الشنط الكروس
ممكن يقصون سيرها و يسحبونها بدون ما تحسين
خصوصا لو كانت خفيفه

لو بتلبسين كروس خلي سيرها يكون متين أو معدن
و ثقيله يكون ما تنسرق
وخلي يدج عليها دوم

[غايه الطواش]

نص ونص
لا كشخه اوفر ولا كجوال وايد(بس اغلب الناس الي هناك يكونون كشخه اوفر)
وبالعاده هالوقت يكون حر بس من سنتين اوروبا فالصيف صايره بارده
ونصيحه لاتلبسين كعب شوارع الشانز مب شي وتخرب الجواتي تكرمين البسي سنكر شوز بس يكون حلو وكشخه(مب مال رياضه) او فلات

واذا بتروحين دزني خذي لج شنطه كروس اريح
رحله سعيده وممتعه

[بو خليفه 123]

كلٍ ذكر الكشخه بس لحد ينسى الحجاب :)

سفره سعيده

[وطن]

كلٍ ذكر الكشخه بس لحد ينسى الحجاب :)

سفره سعيده

هذا ما يبي له نقاش
:victory:

مافيه واحد اثنين

[حياتي روايه]

بالتوفيق

[أم علي 2010]

والله أنا رحت باريس شهر 10 الجو مب بارد بارد بس جكت خفيف ويمشي الحال

شهر 7 و 8 ما توقع بيكون برد

عادي بلائز طويله و فوقهم بليزر و فلات أريح شئ و النشط الصغيرة و دوم خليها على قدام ، يعني حطيها كروس

لا تشيلين البوك كله أخذي حاجتج من الفلوس و بطاقة البنك و بطاقتج الشخصية اذا بطاقة البنك ما عليها توقعيج

[qtrose]

نصيحة مني لبسي لبسج اللي تلبسينه في بلادج ،،، هذا أنا سافرت أمريكا وكندا

وأوروبا وعمري ما فكرت أغير لبسي ، ليش الأجانب لما يجون عندنا

ما يلتزمون بلبس العباية أو على الأقل لبس الملابس المحتشمة ؟؟؟

الحمد لله من سنين وأنا هالعباية ما قطيتها و لا أفكر أقطها معتزة فيها

وأمشي رافعة راسي، وفي بعض السفرات يكلموني الأجنبيات ويبينون لي اعجابهم

بالعباية ، بصراحة يحسسوني اني متميزة عن غيري .:victory:

ولاحظت في سفراتي الأخيرة لبريطانيا أن بعض الإنجليزيات المسلمات قاموا يلبسون

عباية وبعضهم الله يثبتهم يلبسون عباية فوق الراس.

ومافي داعي للكشخة والفتن عشان الله ما يحاسبج، أهم شي تكونين مرتبة وقدوة

للمرأة المسلمة :)

فكري فديتج في الموضوع وكل إنسان بعد هو حر :)

[حياتي روايه]

هدا لبس ستايل اسلامي


http://www10.0zz0.com/2013/07/22/18/798627675.jpg (http://www.0zz0.com)

[البحار00]

لبسي عبايتج وشيلتج على راسج

واتركي عنج الكشخه

انتي في الأول والأخير رايحه تغيرين جو وسياحه

[start555]

خبراء للملابس مره وحده هههههههههههههههههههههههههههههههه

رد اخوي البحار عجبني

بالتوفيق

[العنود55]

نصيحة مني لبسي لبسج اللي تلبسينه في بلادج ،،، هذا أنا سافرت أمريكا وكندا

وأوروبا وعمري ما فكرت أغير لبسي ، ليش الأجانب لما يجون عندنا

ما يلتزمون بلبس العباية أو على الأقل لبس الملابس المحتشمة ؟؟؟

الحمد لله من سنين وأنا هالعباية ما قطيتها و لا أفكر أقطها معتزة فيها

وأمشي رافعة راسي، وفي بعض السفرات يكلموني الأجنبيات ويبينون لي اعجابهم

بالعباية ، بصراحة يحسسوني اني متميزة عن غيري .:victory:

ولاحظت في سفراتي الأخيرة لبريطانيا أن بعض الإنجليزيات المسلمات قاموا يلبسون

عباية وبعضهم الله يثبتهم يلبسون عباية فوق الراس.

ومافي داعي للكشخة والفتن عشان الله ما يحاسبج، أهم شي تكونين مرتبة وقدوة

للمرأة المسلمة :)

فكري فديتج في الموضوع وكل إنسان بعد هو حر :)


:victory:

[عـذب الكـلام]

وووين لبس اسلامي الله يرحم والدييج
البسي لبسج العادي في الدوحه في هالوقت بتشوفين الشانز كلة عبي

تحياتي

[catqat]

[يعطيكم العافية ع الردود اخواني وخواتي .. استفدت من ردودكم .. خصوصا عن الشوزات...




Quote=البحار00;9031839]لبسي عبايتج وشيلتج على راسج

واتركي عنج الكشخه

انتي في الأول والأخير رايحه تغيرين جو وسياحه[/quote]

أخوي الشيلة ع الراس لكن اللبس راح يكون ساتر،، بس بغيت اعرف الوضع هناك...

وموضوع الكشخة كلن وعلى اللي تعود عليه :) ...

[Aaziz]

هدا لبس ستايل اسلامي


http://www10.0zz0.com/2013/07/22/18/798627675.jpg (http://www.0zz0.com)

الاسلام بريء من هذا الشكل و من الي يلبسه

اتقو الله في انفسكم ،، وين الاسلام و وين هذا اللبس ، هذا اللبس هو الي يجيب الكلام للمسلمين .

[وليف قطر]

هدا لبس ستايل اسلامي


http://www10.0zz0.com/2013/07/22/18/798627675.jpg (http://www.0zz0.com)

لا حول ولاقوة إلا بالله ..
والله الاسلام بريء من هالاشكال ولبسهم



--


اختي صاحبة الموضوع ..
اشوف رد qtrose جداً مناسب لـ ( بنت قطر )
رحله سعيده

[نور الحور]

مو لازم عباية خاصة إنها مو عملية وايد هناك .. لكن البسي شي مرتب وبسيط ومريح .. وانتبهي لشروط اللباس الإسلامية بارك الله فيج .. أهم شيء ساتر لا يصف ولا يشف ..
الصورة المعروضة في الموضوع مع احترامي الشديد غير مطابقة لشروط اللباس الشرعي ..
ركزي بعد على إن الشوز يكون مريح جداً ..كثرة المشي هناك ترهق القدم لو ماكان عليج شوز مناسب ..
تروحين وتردين بالسلامة

[catqat]

مو لازم عباية خاصة إنها مو عملية وايد هناك .. لكن البسي شي مرتب وبسيط ومريح .. وانتبهي لشروط اللباس الإسلامية بارك الله فيج .. أهم شيء ساتر لا يصف ولا يشف ..
الصورة المعروضة في الموضوع مع احترامي الشديد غير مطابقة لشروط اللباس الشرعي ..
ركزي بعد على إن الشوز يكون مريح جداً ..كثرة المشي هناك ترهق القدم لو ماكان عليج شوز مناسب ..
تروحين وتردين بالسلامة

يعطيج العافية اختي..... راح احاسب اخذ معاي فلاتات كشخة.. واثنين كعب احتياط.

حبيت اعلق عن اللي ف الصورة ... من رأيي الشخصي انا اشوفها محتشمة اكثر من عبايات بعض بناتنا الله يحفظهم ويهداهم...

[captin]

مرحبا اختي
توصلين بالسلامه ان شاء الله
انا دايم اخذ شي عادي ومريييح
يعني لاهو رياضي ولا كشخه وايد
لان التسول كثر هنااك وخاصه لو عرفو انكم خليجييين

Absolutely Right

[الصارم]

هدا لبس ستايل اسلامي


http://www10.0zz0.com/2013/07/22/18/798627675.jpg (http://www.0zz0.com)



اسلامي :waiting:

[بوحارب]

نصيحة مني لبسي لبسج اللي تلبسينه في بلادج ،،، هذا أنا سافرت أمريكا وكندا

وأوروبا وعمري ما فكرت أغير لبسي ، ليش الأجانب لما يجون عندنا

ما يلتزمون بلبس العباية أو على الأقل لبس الملابس المحتشمة ؟؟؟

الحمد لله من سنين وأنا هالعباية ما قطيتها و لا أفكر أقطها معتزة فيها

وأمشي رافعة راسي، وفي بعض السفرات يكلموني الأجنبيات ويبينون لي اعجابهم

بالعباية ، بصراحة يحسسوني اني متميزة عن غيري .:victory:

ولاحظت في سفراتي الأخيرة لبريطانيا أن بعض الإنجليزيات المسلمات قاموا يلبسون

عباية وبعضهم الله يثبتهم يلبسون عباية فوق الراس.

ومافي داعي للكشخة والفتن عشان الله ما يحاسبج، أهم شي تكونين مرتبة وقدوة

للمرأة المسلمة :)

فكري فديتج في الموضوع وكل إنسان بعد هو حر :)

إنها التربية الحسنة يا ساده :)

جزاك الله خير والله يكثر من أمثالك