اكاديمية المها ترفع الرسوم 10٪

[kitmat]

جائني مسج الان بان المجلس الاعلى وافق على زيادة رسوم اكاديمية المها من صف الروضة الى الصف الثاني عشر بنسبة 10 ٪ للسنه الدراسية 2013-2014 وسيتم وضع اللائحة الجديدة للرسوم قريبا على موقع المدرسة
سؤال ايعقل ان المدرسه كل سنه تزيد رسومها والله الاهالي مب قاعدين على كنز وياريت يطورون التدريس عندهم كثر مايزيدون الرسوم على الاهالي وشلون المجلس الاعلى يوافق كل سنه الرسوم تزيد يعني اذا جذية بتوصل الرسوم لين 100 الف ومحد بيقول لهم شي

[خزامئ]

الله يعينكم
من يوم ماسمعت عن ذي المدرسه
وكل سنه يزيدون
في الرسوم
هاذا غير الاشياء الاخرا
مثل الزي
والمقصف
والكتب

[نوار قطر]

اي وصلني المسج من شوي ،،،، شنسوي بعد هي خاربه خاربه وكل سنه يزيدون الرسوم ،،، طبعان دوس على تريّجه ،،،

[الزعفراني]

إذا واثقين ان عيالكم من ورا هالمدرسة بيطلعون دكاتره ونوابغ ماعليه مافيه خساره في العلم .. لكن اذا مب واثقين لازم تسوون فورمات للموضوع .. :)

[نوار قطر]

إذا واثقين ان عيالكم من ورا هالمدرسة بيطلعون دكاتره ونوابغ ماعليه مافيه خساره في العلم .. لكن اذا مب واثقين لازم تسوون فورمات للموضوع .. :)

اي هين يطلعون نوابغ من وراهم ،،، والله ماوراهم الا الغثى ،،،،

[إعلامي قطر]

..

10٪ هينه !

حضانة العبقري الصغير أسعارهم تقريباً تدبلت..

يعني حوالي 85٪ زادوا أسعارهم إذا ماخانتني الذاكره..

من 4 شهور عطونا الإشعار بلائحة الأسعار الجديده
لشهر 9 الجاي والحمد لله عيالي طلعوا منهم من غير رجعه !

[khaldoon]

كل المدارس بتزيد.....يوم تسأل في زياده بالرسوم يقولون لك طبعا في زيادة...تقولهم ليش يعني طبعا؟....يقولون ما نعرف بس اكيد في زياده!!!

[king fish]

كم الرسوم كانت وكم بتصير

[kitmat]

كم الرسوم كانت وكم بتصير

بيحطون اسعارهم اليديدة في الموقع وكل سنه دراسية لها سعر انا ولدي بيروح ثاني اعدادي تقريبا فوق 40000 الف طبعا الملابس 850 والكتب والله مش متذكرة كم وكانو يعطونا كم دفتر ببلاش والحين السنه قالولنا اشترو الدفاتر بروحكم

[عميد الريان]

المشكلة كل سنة تدريسهم يسئ

[مخطط قطري]

مدرسه في دوله قطر وصلت رسوم الطفل الواحد في الصف الاول ابتدائي في السنه الوحده 48 الف ريال قطري تدفع على3 مرات في السنه 16 الف كل دفعه طيب اذا وصل ثالث ثانوي هالطالب كم رسومه ياترى بتصير??والمشكله المدرسه تعود عليها الطفل كي جي ١ و٢ ومب حل نغير مدرسته نبي حل جذري لهلااسعار المبالغ فيها

[khaldoon]

مدرسه في دوله قطر وصلت رسوم الطفل الواحد في الصف الاول ابتدائي في السنه الوحده 48 الف ريال قطري تدفع على3 مرات في السنه 16 الف كل دفعه طيب اذا وصل ثالث ثانوي هالطالب كم رسومه ياترى بتصير??والمشكله المدرسه تعود عليها الطفل كي جي ١ و٢ ومب حل نغير مدرسته نبي حل جذري لهلااسعار المبالغ فيها

قطر فوندايشن؟

[kitmat]

المشكلة كل سنة تدريسهم يسئ

اي والله كان في السابق التدريس عندهم ممتاز والحين الكل يشتكي بدون اي تحسن في مستوى المدرسة المهم شفط فلوس وبس

[الحاقول]

العيب هنا من المجلس الاعلى للتعليم

الذي يسمح بالزياده السنويه لهم حتى وصلت رسوم الدراسه عندهم خياليه


في حين ان رسوم الدراسه في north-atlantic-qatar


فقط متوسط الرسوم السنوية: 20000 QAR.

للفصل الاول والثاني والفصل الثالث الصيفي بالمجان

وانا ولدي يدرس في north-atlantic-qatar

[أم علي 2010]

اللي اعرفه أن المها والجزيرة مثل بعض :rolleyes2:

ليكون الجزيرة بعد زادو واحنا ماندري

لان كانوا مطرشين ورقة باحتمالية الزيادة مع العلم أن العام بعد زادو الرسوم

حتى موظفين المدرسة يقولون أن شالله ما يوافقون لان الإداريين يدفعون حق عيالهم لكن المدرسين بالمجان

يعني المجلس حط نظام الكوبونات عشان يخفف على أولياء الأمور وهناك يزيدون


المفروض يتم عمل دراسه على مستوى كل مدرسة و على متوسط الأسعار و المجلس هو ينظم قائمة الأسعار لكل مدرسة ولكل مرحلة بما يتناسب مع مستوى المدرسة

الله يعين ما مدانا نفرح بالكوبونات

[alsoq]

في قطر المدارس الخاصه او الحكوميه سوى لا يغركم الشعارات الرنانه بعض عيالكم ينج من ها المدارس علشان يتم ويتم مسلسل امتصاص جيوب الشعب

الذكي ان شاءالله تحطه في صندقة بيطور نفسه والغبي لو تحطه في مدرسه من ذهب مكانك سر

[ضوى]

استغلال بشع

والله ولا افكر احط حد من عيالي خاص ولو كان عندي مال قارون غباء الصراحة اسمح لهم يستغلوني الله يخلي الحكومة

[كاروهات]

اللي اعرفه أن المها والجزيرة مثل بعض :rolleyes2:

ليكون الجزيرة بعد زادو واحنا ماندري

لان كانوا مطرشين ورقة باحتمالية الزيادة مع العلم أن العام بعد زادو الرسوم

حتى موظفين المدرسة يقولون أن شالله ما يوافقون لان الإداريين يدفعون حق عيالهم لكن المدرسين بالمجان

يعني المجلس حط نظام الكوبونات عشان يخفف على أولياء الأمور وهناك يزيدون


المفروض يتم عمل دراسه على مستوى كل مدرسة و على متوسط الأسعار و المجلس هو ينظم قائمة الأسعار لكل مدرسة ولكل مرحلة بما يتناسب مع مستوى المدرسة

الله يعين ما مدانا نفرح بالكوبونات

للاسف زاروها الجزيرة بعد

الصاحب واحد الجزيرة والمها صاحبها واحد والشاطر يفهم :secret::secret: