المساعد الشخصي الرقمي

مشاهدة النسخة كاملة : ايش رايكم بين السيارتين ( جمس سييرا ، فورد f150 )


فويرط
18-07-2013, 02:16 PM
مرحبا

مثل ماهو واضح من العنوان

أيش رايكم يا أهل الخبرة في السيارات

جمس سييرا

ولا

فورد f150

ابي مميزات وعيوب كل نوع

والخدمات في الشركتين مابعد البيع

والقطع الغيار والتعامل وكل شي

وصرفية البترول

لأهل الخبرة والتجربه ،، رايكم مهم
Aaziz
18-07-2013, 02:27 PM
اذا بتشتري جديد عليك بالجمي الجديد

و اذا مستعمل الفورد اذا داخل مزاجك اخذه لان سعره بيكون اقل من الجمس.

باقي الامور ماعندي علم فيها
بوعلي2
18-07-2013, 06:07 PM
يالذيب عليك بخدمة مابعد البيع وراح تكون لصالح الجمس وبكل شده
الفورد مابعد البيع بيجننك وسعره يطيح
الجمس الجديد حاليا السيرا ٢٠١٤ بينزل ٣٥٥ حصان الى ٣٨٠ حصاان والمحرك المنيوم يعني ماوصف لك المتعه شلون فيه
وليتات ال دي وكراسي تهتزز اذا طلعت برع الشارع ويعلمك اذا سياره قربت منك ومميزات كثيره وعزل صوت اكثر
ابحث عن مقاطعه باليوتيوب والمنتديات وشوف مواصفاته
انا بعون الله باشتري سييرا ٢٠١٤
بريق الحق
18-07-2013, 07:59 PM
اجوووف الجمس ابرك حتى اذا لا قدر الله تعطل موترك يعطونك موتر بديل
وقطع الغيار تقدر تطلبها من برع لا المطاوعه طالب له مكينه ويقولي اسعارهم رخيصه من برع وكل شي رخيص عليك بالجمس
فويرط
19-07-2013, 12:44 PM
جزاكم الله خير

ونشوف رأي باقي الأعضاء أصحاب التجارب والخبرة
الشامخ
19-07-2013, 03:55 PM
نزل الموضوع في منتدى السيارات احسن
بن غيث
19-07-2013, 04:03 PM
عندي السيارتين

1 _ الفورد .. اقوى وتصرف وقطع غيار غالية ومش متوفرةوصيانة تعباتة
2 _ الجمس .. صرفية عادية وقطع الغيار غالية ومتوفرة وصيانة جيدة

انصحك بالنيسان ... لكن حسب استعمالك والغرض من السيارة
الوسيط العقاري
19-07-2013, 08:01 PM
جمس ابرك لك
فويرط
20-07-2013, 05:34 AM
عندي السيارتين

1 _ الفورد .. اقوى وتصرف وقطع غيار غالية ومش متوفرةوصيانة تعباتة
2 _ الجمس .. صرفية عادية وقطع الغيار غالية ومتوفرة وصيانة جيدة

انصحك بالنيسان ... لكن حسب استعمالك والغرض من السيارة



مرحبا اخوي

بس سمعت من واحد من الربع عنده فورد يقول عنده نظام يقلل من استهلاك البترول
يعني يخليها ماتصرف ، وبخصوص تبديل الآيل يجونك لين البيت يبدلون لك آيل

وجزاك الله خير على هالمقارنة
Chambray
21-07-2013, 03:31 AM
ايش رايك بالعراوي 92 ؟؟؟؟ تراه زين وخرابه بسيط هههههههه
بوحارب
21-07-2013, 06:01 AM
أشوف الناس هابين عالفورد هالأيام

موفق أخوي وعليك بالأستخاره
قطر70
24-07-2013, 05:22 PM
اذا تبي قوة وصلابه ومواصفات اخذ الفورد

والفورد والدوج هالايام منتشرين بشكل كبير