عاجل إغلاق جزئي لشارع الكورنيش ابتداءً من الساعة الثانية

[عنزي قطر]

إغلاق جزئي لشارع الكورنيش
ابتداءً من الساعة الثانية من صباح يوم الجمعة الموافق 19/7/2013م ,, سيتم إغلاق مسار واحد من طريق الكورنيش في كلا الاتجاهين وذلك من دوار متحف الفن الإسلامي وحتى دوار البريد بغرض تحويل الدوارات الموجودة على هذا الطريق إلى إشارات ضوئية حيث من المنتظر أن يستمر الإغلاق لمدة (4) أشهر ..
هذا وتهيب الجهات المعنية بالأمر من السادة مستخدمي هذا الطريق الحرص على إتباع الارشادات الموضحة على الطريق والالتزام بقواعد المرور .. شكراً لتعاونكم

المصدر

https://www.facebook.com/moigovqatar

[bohilal191]

تسلم ياخوي والله يعينا على الزحمة

[عنزي قطر]

تسلم ياخوي والله يعينا على الزحمة


اللهم أمين ان شاءالله القادم جيد ان شاءالله

[السكين]

الله المستعان طالما بعد هالزحمة فرج نصبر

المشكلة هذا طريقي يومياً :weeping:

شكراً اخوي عنزي

[وحيد-الشوق]

الله يعين الكورنيش صاير زحمة وماتنطاق شلون بعد هالتسكير

طريق الكورنيش ماعاد يتحمل 3 مسارات الشارع حيوي المفروض اقل شيء يكون 4 مسارات لكن لاحياة لمن تنادي

خلاص لاكورنيش بعد اليوم :)

[بـارود]

بحط أكبر x ع الكورنيش

[MAZEN37]

لو بيدي القرار اخلي شارع الكورنيش اتجاه واحد فقط

[درع الوطن]

لو بيدي القرار اخلي شارع الكورنيش اتجاه واحد فقط

:eek5:

[عميد الريان]

إحنا ناقصين !!!

[ام ناصر1]

الحمد لله خلصت شغلي بالسوق امس ...خلهم يسكرونه عليهم بالعافية

[الأصيل]

التوقيت خاطيء الله يهديهم يعرفون ان الناس برمضان وبالليل زحمه اصلا قبل ما يسكرونه جزئيا الان شوف اشلون بيكون الازدحام والله لا يقدر الحوادث الله يعين هالناس

[أخت الكل]

أربع شهور ليش

مو الشغله بس مسح الدوارات وتركيب أشارات ولا أنا فاهمة غلط

[مراد2015]

زحمة يا دنيا زحمة اللة يعين

http://www.************/watch?v=4edMTa_42KA

[بنت شرق]

شغلي يمر بخط الكورنيش شالحل ، شنو الطرق البديلة الي اقترحتها اشغال

[معماري قطري]

البدايه 4 شهور واحتمال يقصدون 4 شهور من سنة 2014 وكل اللي بيسونه تحويل الدوارات لإشارات .. المفروض يوسعون الطريق باضافة مسارين لكل اتجاه أو 3 مسارات لو قدروا خلوهم يخططون لكم سنة جدام مب بس لفترة بسيطة.

[qaa]

الله يعينا على مابلانا ، ابتلينا بخبراء اي كلام ومخططين مايسوون ريال . بداية من تكديس الابراج بشكل عشوائي في منطقة واحد وهجرت الابراج !! ومن ثم لانجاح مخطط الابراج تم نقل جميع الوزارات لهذه المنطقه !! مما تسبب بشلل الحركة المروريه من الصباح الباكر إلى بعد منتصف النهار !! ومن بعد المغرب وحتى اخر الليل . وتفاجئنا بالقاء اللوم على الدوارات !! وسيتم تركيب اشارات مروريه !! وش من مخطط اللي ينصح ربعنا !! يا اخي الاشارة لما تخضر يبيلها اول سيارة تمشي تقريبا 5ثواني. واذا كانو ع الاشارة متوسط 100سيارة وكل سيارة يبيلها تتحرك بعد 5ثواني هذا إذا كان صاحبها مصحح وهذا نادر يعني ال100سيارة ستغرق500ثانيه للتحرك والاشارة تفتح بمتوسط 120ثانيه يعني تقريبا 24سيارة بتتحرك فقط !! وطباعا الخصم شغال فالداوم على التأخير !! وبيطلع واحد بيتبجح بيقول اطلع من بدري يعني الواحد دوامه س 7 خل نقول بيطلع س 6 يعني يصحى س 5 هذا إذا رقد بعد صلاة الفجر اللي هي 4 وبيخلص دوامه س2 ومع الزحمه يوصل س 3 او 4 إذا كان بيته فالوكرة او الخور او عين خالد او بوهامور لان هالمناطق اللي صارت سكنيه بحكم الخبير اللي خطط !! وهذا ما يسمى بغياب التنسيق بين المرور والتخطيط العمراني والبلديات وفالاخير عفسة ولعب عيال واخيار الواحد مايقول إلى الله يصبرنا على الخبراء والمخططين اللي عفسوا البلد. ) اايد فكرة الكورنيش يصبح ذو مسار وواحد

[طلعة الروح]

لا حول ولا قوة الا بالله
الله يعين ويساعد كل موظف ينجبر يمر الكورنيش صباحا وظهرا
فعلا أصبحت أغلب شوارعنا معاناة يومية..

[الزعفراني]

4 شهور الله يعينا ويصبرنا

[عنيــــد]

اتمنى اقرا ردود افعالكم بعد اول يوم دوام ،،

بالنسبة لي اضطريت اروح للمبنى الرئيسي في العمل و مكانه حول امانة مجلس الوزراء ،، اخذت ساعه الا ربع و ضغط و اعصاب لين وصلت ،،

الوقت كان تقريباً 11:30

السؤال دامها بس اشارات مكان الدوارات شحقه مسكرين الخطوط و مسكرين المداخل و المخارج من صوب البدع ؟؟

عشوائية في كل شي !!!

[المارونـــي]

حسبي الله ونعم الوكيل 4 شهور طيب شلون نروح الدوام اروح قبلها بساعه علشان اوصل

[الـخـالـدي]

انا أئيد فكرة ان الكرنيش يكون طريق واحد عشان اللي عنده شغل يروح واللي ماعنده شغل لا يروح و اقتراحي كالتالي ...

اللي يكونون مداومين كلهم يطلعون فتجاه واحد طبيعي بيسبب زحمه لكن ماراح تقاطع اي احد وراح تخف الزحمه على منطقة الابراج وفنفس الوقت على باقي التقاطعات مثل دوار التلفزيون و اشارة برزان وغيره من التقاطعات اللي تتكدس فيها الزحمه

واللي يبي يرجع على الكرنيش يرجع من الاشارة حقت راس بوعبود ولا الاشارة الجديده فالمقابل اللي بيرجع على الخط بيلاقية فاضي

والله يكون في عونا حنا اللي مداومين على الكرنيش بروح بدون شي زحمه بعد الشوارع مسكره لا حول ولا قوة الا بالله

[عنزي قطر]

شكرا للجميع على المرور والتعليق ومبارك عليكم ماتبقى من شهر رمضان الكريم

[بوخالد911]

الله يصبرنا ع الزحمة اللي فوووووووووووووووق الزحمة اللي بتصير !!!!!!!!!!!!!!!!

س ليش ما يخلون الشغل ع مدار الساعة
24 ساعة
والهدف تقليل مدة تنفيذ

ولا اشرايكم؟

[الجوكر90]

الله يعينا على مابلانا ، ابتلينا بخبراء اي كلام ومخططين مايسوون ريال . بداية من تكديس الابراج بشكل عشوائي في منطقة واحد وهجرت الابراج !! ومن ثم لانجاح مخطط الابراج تم نقل جميع الوزارات لهذه المنطقه !! مما تسبب بشلل الحركة المروريه من الصباح الباكر إلى بعد منتصف النهار !! ومن بعد المغرب وحتى اخر الليل . وتفاجئنا بالقاء اللوم على الدوارات !! وسيتم تركيب اشارات مروريه !! وش من مخطط اللي ينصح ربعنا !! يا اخي الاشارة لما تخضر يبيلها اول سيارة تمشي تقريبا 5ثواني. واذا كانو ع الاشارة متوسط 100سيارة وكل سيارة يبيلها تتحرك بعد 5ثواني هذا إذا كان صاحبها مصحح وهذا نادر يعني ال100سيارة ستغرق500ثانيه للتحرك والاشارة تفتح بمتوسط 120ثانيه يعني تقريبا 24سيارة بتتحرك فقط !! وطباعا الخصم شغال فالداوم على التأخير !! وبيطلع واحد بيتبجح بيقول اطلع من بدري يعني الواحد دوامه س 7 خل نقول بيطلع س 6 يعني يصحى س 5 هذا إذا رقد بعد صلاة الفجر اللي هي 4 وبيخلص دوامه س2 ومع الزحمه يوصل س 3 او 4 إذا كان بيته فالوكرة او الخور او عين خالد او بوهامور لان هالمناطق اللي صارت سكنيه بحكم الخبير اللي خطط !! وهذا ما يسمى بغياب التنسيق بين المرور والتخطيط العمراني والبلديات وفالاخير عفسة ولعب عيال واخيار الواحد مايقول إلى الله يصبرنا على الخبراء والمخططين اللي عفسوا البلد. ) اايد فكرة الكورنيش يصبح ذو مسار وواحد

اذا 24 سياره بتعدي يعني نضرب في 3 راح يكون الناتج 72 سياره
ﻻن 3 سيود
وهاي مب حل
الحل يحطون عمر للابراج نفس مكه 15 سنه ﻻن الدوله تطور ويمكن يتحاجون مكان البرج مستقبلا

[وطن]

شخبار الزحمة أمس ؟؟

انا قاطعت الكورنيش من يوم اعلنوا عن الاغلاق ليلة الجمعة

[لـبـيـه]

:funny:لنا لقاء بعد اربع شهور يعني

من خل نقول 31/7/2013

الى 30/12/2013

بنشوف اربع شهور اربع شهور او اربع شهور سنه واربع شهور

:funny::funny:

[الفا برافو]

الله المستعان..
اول اطلع من الدفنه رايح صوب جسر بو عبود الزحمه اشوفها على الجهه المقابله اللي رايحه صوب الابراج وقول الله يكون بعونهم ونا طريقي سالك ونفس الشي الظهر عقب الدوام.. اللي رايح صوب الابراج طريقه نوعا ما سالك مافيه زحمه واللي طالعين من صوب الابراج الكورنيش ضايق بهم..
الحين الزحمه صارت من الجهتين عقب تسكير الدورات والمسارات... هذي والمدارس مسكره شلون لين افتحت.. الله يكون بالعون .

[نوفة قطر]

بيصكونه الساعه 2 ؟ يعني وقت طلعت العالم من الدوامات !!

حرام عليهمممم خل يرحمونا شوي

والله لو دوامي مب في هالمنطقه المنحوسه جان ماطبيتها ولا ابي اتمشى الحمدلله ولا اشوف البحر ولا اشوف العمران

الطريق كل يوم اكثر من ساعه وضغط والشرطه تنظيمهم مادري شقول عنه يوقفون الشارع ليييين العالم تبدا اطق هرانه وتموت وعقب يقولون يالله طوفوا

وبعد بيصكون شوارع !!

واصلا حتى لو ركبوا اشارات بعد بيجون الشرطه بيلغون الاشاره وبيوقفون هم يحركون السيايير وانا متأكده من هالكلام مليون بالميه

مافي اغبى من اللي هندس وخطط حق هالمنطقه

[teef3beer]

يا جماعه الخير من الحين زحمة على اغلاق الشارع امس اكثر من ساعه لاطلعت من الزحمة الله يعين لما تفتح المدارس

[المارونـــي]

:funny:لنا لقاء بعد اربع شهور يعني

من خل نقول 31/7/2013

الى 30/12/2013

بنشوف اربع شهور اربع شهور او اربع شهور سنه واربع شهور

:funny::funny:

لاتسوء الظن 4 شهور مايثنونها 4 شهور وسنه بس

[GENIUS]

لماذا لا يتم عمل مسار رابع على طريق الكورنيش وذلك بتصغير الجزيرة بين الشارعين وإضافة حارة جديدة وكما هو حاصل الآن بالقرب من الدوارات الجاري تحويلها لإشارات ضوئية . فكرة ستخفف مت التكدس وستعمل على انسيابية المرور بشكل أفضل .

[معماري قطري]

لماذا لا يتم عمل مسار رابع على طريق الكورنيش وذلك بتصغير الجزيرة بين الشارعين وإضافة حارة جديدة وكما هو حاصل الآن بالقرب من الدوارات الجاري تحويلها لإشارات ضوئية . فكرة ستخفف مت التكدس وستعمل على انسيابية المرور بشكل أفضل .

وليش ما يتم حل جذري مثل ما صار في دبي من توسعات تكفي لعقود من السنين مب لسنة وسنتين .. ليش ما تتم إضافة مسارين أو 3 لكل إتجاه وليش ما تتم توسعة الأجزاء اللي صعب تتوسع ناحية البحر؟ لا ننسى أن الأرض كلها مدفونة.

في دبي كانت التحويلات ماشية والمرور شوي مزدحم بس ماشي والشغل لتوسعات وحلول جذرية بعد ماشي، وفي قطر مثل ما قلت يشوفون 10 متر جدام وبس.

[ANONYMOUS]

الله المستعان

قدر الله وما شاء فعل

[بنت شرق]

الكورنيش صار زحمة من قلب، واقفين طابور

[بوخالد911]

لماذا لا يتم عمل مسار رابع على طريق الكورنيش وذلك بتصغير الجزيرة بين الشارعين وإضافة حارة جديدة وكما هو حاصل الآن بالقرب من الدوارات الجاري تحويلها لإشارات ضوئية . فكرة ستخفف مت التكدس وستعمل على انسيابية المرور بشكل أفضل .

بالأمس لاحظت ان هناك حواجز ع هالجزيرة بين الشارعين
وتم ازالة الحشيش

أتمنى تصغير وتقليل من مساحتها الكبيرة

[مزعله النساء]

لو بيدي القرار اخلي شارع الكورنيش اتجاه واحد فقط

تعرف اخوي نفس الفكره جات في بالي ويصير ست خطوط
والرجعه من الخط الموازي الثاني

[GENIUS]

صباح اليوم كان هناك تطبيق مباشر للعبة قديمة اسمها السلم و الثعبان او كما نسميها محليا لعبة الداب.

الكثير من القادمين وخاصة من جهة طريق المطار الجديد يحاولون تفادي زحمة إشارات مدخل الميناء لذلك يستخدمون طرق اخرى بديلة ليصلوا لدوار بنك قطر او إشارات الفرضة او المصرف المركزي ومن ثم يكملوا طريق الكورنيش الذي لا بديل آخر عنه.

اليوم تم إغلاق إشارات المصرف المركزي للقادمين من شارع حمد الكبير ويتم تحويل السير بإتجاه دوار بنك قطر الذي هو أيضا مغلق ولا مجال للعودة فتكمل مسيرتك بإتجاه الإشارات الجديدة عند مدخل الميناء والتي تم إغلاق المسار الخاص بالعودة والدوران لتكمل طريقك إلى جسر راس ابو عبود ومنها تبدأ مشوارك من جديد .