تجربتي مع تكميم المعدة

[Hamad7788]

السلام عليكم اخواني وخواتي الاعضاء
حبيت انقل لكم تجربتي مع عملية تكميم المعدة
وبحاول قد ماقدر اختصر لكم واللي عنده اي استفسار انا حاضر اني ارد عليه سواء عالخاص ولا عالعام
وزني 105 و طولي 165
تاريخ العملية 6/7/2013 يوم السبت
مستشفى العمادي / الدكتور محمد العمادي
تكلفة العملية 50 الف ريال قطري .. دفعت عربون قبل العملية بأسبوعين 5000 وكملت المبلغ نفس يوم العملية
قبل العملية بأسبوع رحت المستشفى سويت تحاليل وتلفزيون وتخطيط للقلب
يوم العملية رحت المستشفى الساعه سبع وقبلها كنت صايم لمدة 12 ساعه وسجلت وخذت الغرفه اللي بتم فيها ليلتين
كان قبلي تسع اشخاص سووا العملية في نفس اليوم عشان جذي انا بدت عمليتي الساعه 12
المهم دخلت غرفة العمليات 12 عطوني البنج 12 ونص فتحت عيني 2
اول مافتحت عيني ماحسيت الا بألم قوي في ظهري " ليش مادري"
ودوني الغرفه .. طبعا اول يوم ماقدرت اكل ولا شي بس طول اليوم كنت ارجع دم طبعا هالدم نتيجة الجراحه في المعده لازم يطلع عشان تنظف المعده
ومن الم ظهري نسيت الم المعده
وكان تأثير المخدر فيني لمدة يوم كامل
وكنت اخذ كل 12 ساعه ابرة مسكنه لالم الظهر
وكانوا يعطوني مضاد في المغذي وابرة اعتقد لسيلان الدم
ثاني يوم خفت الآلام كلها علي بنسبة 40٪
بس الحمدلله ماصرت ارجع دم ونزلوني سوولي تلفزيون والحمدلله ماكان فيه اي تسريب وقالولي انه العملية ناجحه الحمدلله
بس تميت في المستشفى لاني ماكنت اكل ولا اسرب وعايش عالمغذي بس شربت ثاني يوم المغرب 10 مل ماي .. وقمت شوي امشي في الممر في المستشفى عشان الغازات اللي دخلوها وقت العمليه
ثالث يوم جابولي شوربه شفافه مافيها لاطعم ولا لون ولا ريحه شربت تقريبا نص استكانه وغثت علي
وطلعت من المستشفى ورجعت البيت
وصف لي الدكتور مكمل غذائي هو شي نفس الحليب البودر احطه مع ماي واشرب كوب يوميا
مع فيتامينات عباره عن شراب
وحبوب اخذها قبل الاكل عشان اللوعه
وحبوب اخذها عشان الحارج
تميت اشرب سوائل صافيه لمدة اسبوع مع عصير تفاح او عصير عنب بس يكون العنب حلو مب حامض لانه الحامض كلش مب زين لهالعملية
عقب اسبوع رحت لأخصائية التغذية وعطتني جدول امشي عليه
عقب عشر ايام رحت للدكتور محمد وكنت نازل بس سبعه كيلو .. الحمدلله وايد اوكي بس في ناس ينزلون تسعه انا اتوقع اني مانزلت مثلهم لاني مامشيت الصراحه الجو والرطوبه مايساعدون
بس من امس بديت امشي بس بديت احس بآلام بالخاصره من قلة الماي .. لاني من كثر ماشربت ماي اول اسبوع كرهته وصرت ماحبه ..
اليوم صار لي 13 يوم ونزلت تسعه كيلو
ومن يومين بديت احس باليوع واذا اشوف اكل يدخل في خاطري بس ماقدر اكله لاني ليلحين اشرب السوائل الغليظه
ولين كملت عشرين يوم عالعملية ببدأ آكل مهروس مثل الهريس والمضروبه وعيش لين مع روب
ولين اكمل الشهر ابدا آكل الاكل العادي بس بكميات قليله ولازم امضغه عدل

واخر شي لازم اقول له
الصراحه مستشفى العمادي عندهم اهتمام ورعايه كبيره للمريض .. والدكاتره يوميا يمرون ثلاث مرات عالمريض يطمنون عليه
وماشالله عالدكتور محمد سوالي العمليه بدون جراحه ومافي اي اثار اللهم شق طوله تقريبا واحد سم جنب السر و واحد فوقه وثلاث نقط موزعين عالبطن عطاني لهم مرهم والحمدلله بدوا يختفون

:shy: ادري طولت وايد بس كنت حاب اعطيكم تفاصيل
ونبدأ الاسئله اذا حد عده :telephone:

[بريق الحق]

الحمدلله على سلامتك

بس نصيحه من اخ الي يبي يضعف لا يسوي عمليه. اهم شي يكون عنده اصرار والله العظيم راح يوصل الوزن الي يبيه بس للاسف ربعنا يبون كل شي بسرعه انا اجواب الاجانب اصرارهم والله اتعجب منهم

[بصمة قطرية]

الحمدلله على سلامتك
و إن شاءالله توصل للنتيجة اللي تتمناها ..
إنتبه للمكملات الغذائية والفيتامينات
تحمل تقطعها ..

[طير حوران]

عافاك الله وشافاك

والحمد لله على السلامه

[Hamad7788]

الحمدلله على سلامتك

بس نصيحه من اخ الي يبي يضعف لا يسوي عمليه. اهم شي يكون عنده اصرار والله العظيم راح يوصل الوزن الي يبيه بس للاسف ربعنا يبون كل شي بسرعه انا اجواب الاجانب اصرارهم والله اتعجب منهم

والله انا معاك اخوي .. عقب العمليه باربع ايام تقريبا صادتني ضيقه وكنت اسال نفسي هل اللي سويته صح !! هل انا كنت محتاج عمليه !! لهالدرجه ماكنت عندي عزيمه اني اسوي ريجيم ؟؟ لاني احس اني مفتقد حياتي الطبيعيه

بس الخيره فيما اختاره الله انا ماسويت العمليه الا عقب صلاة استخاره والحمدلله على كل حال
وانصح اللي يبي يضعف يسوي ريجيم لا يلجأ للعمليه الا اذا حس انه صج مايقدر

[Hamad7788]

الحمدلله على سلامتك
و إن شاءالله توصل للنتيجة اللي تتمناها ..
إنتبه للمكملات الغذائية والفيتامينات
تحمل تقطعها ..

الفيتامينات ماشي عليها .. بس المكمل الصراحه ماشربته الا ثلاث مرات وماقدر استسيغه كلش

[بصمة قطرية]

وحدة من رفيجاتي إختها سوت العملية من فترة بسيطة
تقريباً من اسبوعين سوتها في حمد
و يالله قدروا بالواسطة يقربون لها الموعد
لأنها سمعت كلام من المستشفى إنهم راح يمنعون هالعمليات
في قطر حتى مستشفيات الخاصة
لأن الشعب القطري إعتمد إعتماد كبير على العمليات
و أهملوا المشي و الرياضة
و نسبة القطريين اللي سوو عمليات جداً كبير
و المشكلة كثير منهم مب محتاجين لهالعمليات بس الكسل ...!!!

[بصمة قطرية]

الفيتامينات ماشي عليها .. بس المكمل الصراحه ماشربته الا ثلاث مرات وماقدر استسيغه كلش

لازم تاخذ اللي يوصفه لك الدكتور ..
تحمل تترك شي
راح يسبب أضرار حاسب على نفسك
إنت ما تاكل جسمك راح يكون محروم من الأشياء الضرورية
اللي كنت تعوضها بالأكل
فلازم تستمر على كل شي ..

[بريق الحق]

والله انا معاك اخوي .. عقب العمليه باربع ايام تقريبا صادتني ضيقه وكنت اسال نفسي هل اللي سويته صح !! هل انا كنت محتاج عمليه !! لهالدرجه ماكنت عندي عزيمه اني اسوي ريجيم ؟؟ لاني احس اني مفتقد حياتي الطبيعيه

بس الخيره فيما اختاره الله انا ماسويت العمليه الا عقب صلاة استخاره والحمدلله على كل حال
وانصح اللي يبي يضعف يسوي ريجيم لا يلجأ للعمليه الا اذا حس انه صج مايقدر

الحمدلله على كل حال
يالغالي المشكله ان ناكل ونقعد ومانمشي والله ماقص عليك في افارقه كل يوم يمشون في عز الظهر من بيته الى الجم ويرجع مشي ومعاه مطارة مااي والله ماشاءالله عليهم وخذ اجسامهم ماشاءالله تبارك الله

[Hamad7788]

وحدة من رفيجاتي إختها سوت العملية من فترة بسيطة
تقريباً من اسبوعين سوتها في حمد
و يالله قدروا بالواسطة يقربون لها الموعد
لأنها سمعت كلام من المستشفى إنهم راح يمنعون هالعمليات
في قطر حتى مستشفيات الخاصة
لأن الشعب القطري إعتمد إعتماد كبير على العمليات
و أهملوا المشي و الرياضة
و نسبة القطريين اللي سوو عمليات جداً كبير
و المشكلة كثير منهم مب محتاجين لهالعمليات بس الكسل ...!!!

مب كسل اختي .. بس فكري فيها . واحد نفس دوامه من ثمان لين خمس يوصل البيت ست المغرب متى يكون عنده وقت يمشي او يسوي رياضه
وانا عن نفسي حاولت وسويت ولا شي نفع معاي .. ماعندي اراده .. احب الاكل .. فلازم اسوي شي يمنعني غصبا عني ولا اتوقع مايوصل عمري 40 الا وزني طايف الميتين

[بريق الحق]

حول ٧ كيلو يمشون

[Hamad7788]

الحمدلله على كل حال
يالغالي المشكله ان ناكل ونقعد ومانمشي والله ماقص عليك في افارقه كل يوم يمشون في عز الظهر من بيته الى الجم ويرجع مشي ومعاه مطارة مااي والله ماشاءالله عليهم وخذ اجسامهم ماشاءالله تبارك الله

والله انك صادق
انا معاي اجانب في الدوام يطلعون من الدوام من منطقة الابراج ويروحون بيوتهم مشي صوب الدفنه .. بس احنا مستحيل انسوي نفسهم .. :(

[Hamad7788]

حول 7 كيلو يمشون

لو ماسويت هالعمليه كان زدت سبعه في اسبوع في رمضان :secret:

[بريق الحق]

لو ماسويت هالعمليه كان زدت سبعه في اسبوع في رمضان :secret:

هههه
انزين ممكن نصيحه لي اخوانك الي بسوي العمليه او متين

[Hamad7788]

هههه
انزين ممكن نصيحه لي اخوانك الي بسوي العمليه او متين

اذا الواحد يأس من الريجيم وحاول وماقدر وجرب كم شغله ومانفعت عقب يلجأ للعمليه ..
الشي الوحيد اللي مفتقده حاليا حياتي الطبيعيه والصحه ،، الحمدلله عمليتي انجحت والنتايج ليلحين ممتازه بس الصحه شي مايتعوض
الكل يقول لي انت توك بس عقب شهرين بتنصح الكل يسويها ..
يعني تخيل رمضان وتشوف انواع الاكل والذها وماتقدر تذوق .. بس طبعا هالحاله لمدة شهر بس وعقب تقدر تاكل كل اللي تبيه بس بكميات بسيطه

[بوسـعد]

انا سويت العمليه في شهر 19/1/2013

والحمدلله ممتازه ورجعة اسوي رياضه وارتحت نفسيا والجسم تعدل كان 123 وصلت لين اليوم 87 وطولي 179

وانصح الي جسمه غلط ههههههه يسويها لان حياته بتغير بتكون احلى وارتب

[Hamad7788]

انا سويت العمليه في شهر 19/1/2013

والحمدلله ممتازه ورجعة اسوي رياضه وارتحت نفسيا والجسم تعدل كان 123 وصلت لين اليوم 87 وطولي 179

وانصح الي جسمه غلط ههههههه يسويها لان حياته بتغير بتكون احلى وارتب

حلو ماشاءالله ،، انا خاطري ارتاح نفسيا .. تعبت والله ،، تعب نفسي مب جسمي والحمدلله

[قطر70]

الحمدلله على السلامه اخوي

[deema117]

الحمدلله على سلامتك أخوي وفالك الصحة والرشاقة بإذن الله

لا تندم على شيء صار وتم ، حاول تهتم بالفيتامينات وشرب الماي

والمشي وإن أمكن الحديد لمنع الترهلات أظن بعد الشهر السادس

من إجراء العملية ..

[السامـي]

الحمدلله على سلامتك،مثل ما قالت ديما لا تتندم على شيء،إلا راح ترتاح راحة نفسية كبيرة.
في البداية لازم تتقبل كل معوقات في طريقة وكمية أكلك،ومع مرور الوقت شيْ طبيعي راح
تتعود لأن الإختلاف راح يكون 180 درجة (إسلوب جديد للحياة) وراح تحس بالفرق يوم
بعد يوم،ومع مضي الوقت سترى الإيجابيات في أسلوب حياتك،بس.. حاول قد ما تقدر
تشرب ماي وتمشي،مسائلة الترهل ما أظن تبين لأن الوزن ما كان كبير عند إجراء
العملية،وأعتقد الرياضة الثقيلة (الجيم) راح تتكفل بعدم ظهوره،وإن أحتجت فالعملية
بسيطة مجرد شد للجسم وخاصة منطقة البطن،فلا تحاتي وأمورك في السليم إن شاء
الله.

إنا ما أقول إلا الحمدلله،بعد مضي 16 شهر،فقدت 61 كيلوغرام،ولك ان تتخيل وضع
الإنسان بعد فقد هذا الوزن،كان الندم على حاجة وحده بس،إني كنت عملتها قبل عشر
سنوات،لكن..اللهم لك الحمد.

[نورالهدى]

وحدة من رفيجاتي إختها سوت العملية من فترة بسيطة
تقريباً من اسبوعين سوتها في حمد
و يالله قدروا بالواسطة يقربون لها الموعد
لأنها سمعت كلام من المستشفى إنهم راح يمنعون هالعمليات
في قطر حتى مستشفيات الخاصة
لأن الشعب القطري إعتمد إعتماد كبير على العمليات
و أهملوا المشي و الرياضة
و نسبة القطريين اللي سوو عمليات جداً كبير
و المشكلة كثير منهم مب محتاجين لهالعمليات بس الكسل ...!!!

غير صحيح

هذه العمليات حل لمشكلة السمنه

فهي مرض قاتل

[ابن الجزيرة]

بعدخمس سنوات وعلى معدل العمليات التي تجرى في قطر اعتقد 70 في المائة من السكان يكونوا اجروا العملية

ليس هناك الى الان دراسات كافية عن مضاعفات هذه العملية لانها حديثة نسبيا

واذا ظهرت مضاعفات خطيرة لهذه العملية فتخيلوا الكارثة

من المعروف ان العملية تجرى لناس يعانون من السكري والضغط او ان مؤشر كتلة الجسم كان كبيرا

اما الان فان بعض الاطباء لا يعير الامر اهتماما واعرف شباب عملوا العملية ووزنهم لا يزيد عن 85 كيلو


عمليات تحوير المعدة وزراعة الشعر اصبحت ظاهرة في قطر

واعتقد ان الموضة القادمة هي التوجه الى اوكرانيا لعلاج مرض السكر بالخلاياء الجذعية والتي اشك

في نجاعتها

[vip-30003]

هالعملية صارت موضه وولع للكل

حتى اللي وزنه 90 صار يسويها

اضرار العملية بعلم الغيب ولاحد يفتي لان هالعمليات حديثه

والطب ما عنده دليل قاطع بعد ضررها بعد 10او 15 سنه

واكيد مايمدح السوق اللى من ربح فيه

ارجعوا لرجال الدين واخذوا برايئهم

في حالات تجوز العمليه له لان السمنه اتسبب له ضرر وفي امراض

اما شباب مابين 20-35 سنه ويسوون هالعمليات

ما افتي ولا احط بذمتي بس اللي مايحتاج عمليه ويسويها

هذا عبث بخلقت رب العالمين

ناس اتقول المرارة تنشال او اللوز او او ..في حالة التضخم او الالتهاب

سبحان الله حتى بالاكل ما تقدرون تمسكون نفسكم !!!!

والرياضه ما تقدرون !!!! قولوا الحمدالله

اللي سمعته في بعض الدول وقفوا هالعمليات وحددوا شروط لها

[ام ناصر1]

اشلون عملية تكميم المعدة تغير لخلق الله أو عبث ؟! وايد ناس سوها ضعفوا وارتاحوا معاها مافهمت رد في أي بي

والحمد لله ع سلامتك ..ونجاح العملية

[ابوعلي]

الله يعينك اخوي وبصراحه مغامرة وتعب نفسي وجسدي وان شاء الله تواظب على تعليمات الدكتور


وعن نفسي الحمدلله بالعزيمه والارادة نزلت عشرين كيلو بالرياضة والانتظام بنوعية الاكل


والفرق بيني وبينك اخوي اني اقدر اكل الي ابيه وبالكمية الي ابيها

ولكن

انت صعب عليك ولازم تلتزم بكمية معينه ولا الله يكرمكم تستفرغ وهالشي يخلي الواحد ما يكون مرتاح نفسيا


ما تشوف شر وان شاء الله توصل للوزن الي تبيه والاهم المواظبه على تعليمات الدكتور

[الأصيل]

أسال الله لك الشفاء والعافية .....كنت تستطيع بالعزيمة والرياضة ان تنزل وزنك دون أن تلجأ لهذا النوع من العمليات .... زيارة لأخصائي تغذيه ورياضة يوميه عالأقل ساعه تغني عن تلك العمليات الخطيرة والمكلفة.
نصيحة لوجه الله لا يقدم احد علي هذه العملية الا بعد أن تتقطع به السبل ولا يستطيع ان ينزل وزنه الكبير او يكون عرضة للامراض الخطيرة.. صارت موضة لدى بعض الناس لاستسهال الأمر وعدم بذل الجهد والأطباء طبعا يريدون الربح الا من رحم ربي عافاكم الله وجملكم بثوب الصحة والعافية.

[ابن الجزيرة]

هالعملية صارت موضه وولع للكل

حتى اللي وزنه 90 صار يسويها

اضرار العملية بعلم الغيب ولاحد يفتي لان هالعمليات حديثه

والطب ما عنده دليل قاطع بعد ضررها بعد 10او 15 سنه

واكيد مايمدح السوق اللى من ربح فيه

ارجعوا لرجال الدين واخذوا برايئهم

في حالات تجوز العمليه له لان السمنه اتسبب له ضرر وفي امراض

اما شباب مابين 20-35 سنه ويسوون هالعمليات

ما افتي ولا احط بذمتي بس اللي مايحتاج عمليه ويسويها

هذا عبث بخلقت رب العالمين

ناس اتقول المرارة تنشال او اللوز او او ..في حالة التضخم او الالتهاب

سبحان الله حتى بالاكل ما تقدرون تمسكون نفسكم !!!!

والرياضه ما تقدرون !!!! قولوا الحمدالله

اللي سمعته في بعض الدول وقفوا هالعمليات وحددوا شروط لها

انا متفق مع كلامك..ولكن ايش دخل رجال الدين في الموضوع؟؟

لا يجب خشر رجال الدين في كل صغيرة وكبيرة والا استفتيناهم في حكم ازالة الزيادة الدودية او تعديل اعوجاج الحاجز الانفي!!

[الأصيل]

بعض الناس لا يحتاج اصلاا لهذا النوع من العمليات فقط يريد ان يحسن مظهره دون ان يعلم ان لها عواقب فيما بعد قد يندم عليها ولذلك تعتبر في هذه الحاله من العمليات التجميلية

[vip-30003]

ابن الجزيرة ،،،، تحياتي

اقصد هل يجوز اي فرد اجراء العملية بدون سبب مقنع ؟؟

لازم وزن معيين وسن معيين

انا اعرف ناس بدون استشارة على طول ينفذ العملية والمستشفيات الخاصة

ما اتكثر كلام تبي ادفع وبنسويها لك ،،، هذا سؤالي يجوز او لا

[ابن الجزيرة]

ابن الجزيرة ،،،، تحياتي

اقصد هل يجوز اي فرد اجراء العملية بدون سبب مقنع ؟؟

لازم وزن معيين وسن معيين

انا اعرف ناس بدون استشارة على طول ينفذ العملية والمستشفيات الخاصة

ما اتكثر كلام تبي ادفع وبنسويها لك ،،، هذا سؤالي يجوز او لا

في الطب هناك ما يسمى بالمهنية أي ان الطبيب يحترم مهنته واقسم على ذلك

هذه العمليات معروف ان تجرى لاسباب معينةindicationولا يمكن ان يجريها الطبيب المحترم الذي يحترم المهنة لاي كان


ما يحدث الان سوف نجني نتائجة السيئة في السنوات الخمس القادمة

[سما الوطن]

الحمد لله على سلامتك اخي

قد اتكلم بموضوع اخر وهي النظافه بمستشفى العمادي هل هي نظيفه ؟ حيث جربت مستشفى الاهلي والممرضات ليسوا نظيفين على الاطلاق .. لا يلبسون القفازات .. فقد شفت الممرضه تجي تضرب ابره من غير قفازات وقبل دقايق انت شايفها كانت تشيل اشياء من الارض او الحمام الله يكرمك ..ومن مريضه لمريضه من غير اي تعقيم

[حسن]

ماتشوف شر ياخوي

عندي واحد من اخواني مسوي العمليه في حمد حول الثلاث شهور الوزن عنده نزل فوق 30 كيلو وخبرك من الاكل اللي صار كلش شي مايذكر
انا اشوف لو كل واحد يقدر ياكل نفس هل الاكل كان بينزل غصب اكله قد بياله في اليوم وماتبي الوزن ينزل

ابشرك هو بخير لكن الله العالم في المستقبل

[Hamad7788]

الحمد لله على سلامتك اخي

قد اتكلم بموضوع اخر وهي النظافه بمستشفى العمادي هل هي نظيفه ؟ حيث جربت مستشفى الاهلي والممرضات ليسوا نظيفين على الاطلاق .. لا يلبسون القفازات .. فقد شفت الممرضه تجي تضرب ابره من غير قفازات وقبل دقايق انت شايفها كانت تشيل اشياء من الارض او الحمام الله يكرمك ..ومن مريضه لمريضه من غير اي تعقيم

الله يسلمك اخوي
والله اخوي المستشفى نظيفه جدا جدا
والغرف نظيفه وماعليها اي كلام
مافي مقارنه نهائيا مع الاهلي .. صج انهم مستشفيات خاصه وانا جربتهم الاثنين والاهلي اقرب بوايد لبيتي بس الصراحه صرت ماروح لهم مايعجبوني كلش واحس انهم وايد تجاريين

[Hamad7788]

الله يسلمكم كلكم ويعافيكم
وعن تجربتي مع العمليه .. والحمدلله النتايج لين الحين ممتازه
بس مانصح اي احد يسويها الا اذا يأس فعلا من انواع الريجيم
يعني قبل مايفكر الواحد يسويها خل يبدأ ريجيم عدل ورياضه ومشي لمدة ثلاث شهور ويجرب
ترى الحياه الطبيعيه ماتتعوض

[Hamad7788]

انا من كثر ماقمت اكرر الاكل صرت اكره الاكل وتمر علي ايام بس اشرب ماي ولبن .. اللوعه ماتفارقني ..
ناطر هالشهر يعدي واشوف اشلون بتتغير الحاله

[Hamad7788]

استغرب من الناس اللي يقولون تغيير خلقة الله وهالشي حرام !!!

متى صار الريجيم حرام !! متى صار الواحد اذا يخاف على صحته مذنب !!

واذا حد عنده دليل يا ريت يفيدني وينورنا
يمكن احنا غفلنا عن هالشي وباب التوبه مفتوح ..

[حسن]

انا من كثر ماقمت اكرر الاكل صرت اكره الاكل وتمر علي ايام بس اشرب ماي ولبن .. اللوعه ماتفارقني ..
ناطر هالشهر يعدي واشوف اشلون بتتغير الحاله



الله اكبر اذن العصر

اسمع ياحمد انا باقولك شي اخوي في بدايه العمليه ويوم كان في المستشفى نزوره كان يقول تحملو تسون العمليه وانصح اي واحد مايسويها كلش قلنا له كنا ننصحك ونقولك لا تسويها وهو يقول ياخي صليت استخاره عشرين مره وكله وانا فرحان ورحت اعتمرت واستخرت وكله الحمدلله تمام وسويتها الحين وتحسفت

بعد كم يوم وبعد ماتعافا شوي قال لا الحين انو كلكم لازم تقصون المعده انا اويد وبقوه
يوم كان توه طالع من العمليه تعرف ان الانسان مايقدر يشرب ماي الا في غطى الغرشه واذا مارجعه بعد فيصيبه خوف وذعر معقوله اني ماقدر اشرب هذه الكميه ايش صار فيني خلاص انا اكيد باموت وباتعب وتصيده من هل الهواجيس لتغير حياته 180 درجه في طريقه اكله فقد الهمزه وتحول الى معلقه صار عنده خلل هل انا باستمر بهذه الطريقه بكره انا باموت وغيرها

اعرف كم واحد سواها وصحتهم تمام التمام
بالعكس صارو نشطاء

كلها ايام وتتقبل الوضع وبرد تاكل اصلا هذا اخوي قام ياكل الحين عادي ولا له اي مراجعه مع المستشفى

بس هي نصيحه اللي يبي يسويها يسويها للي وزنه فوق 130 اوكي اما فراق وزن 20 كيلو ولا 15 حرام يسويها

والله يشفيك ويعافيك واهم شي خل النفسيه عالعال كله فتره وبترجع تاكل عادي بس كميه قليه تشبع فيها

[مع الله]

اتفق معاك ياحسن ان ما يسويها الواحد الا اذا كان وزنه كبير وجرب كل المحاولات عشان ينزل وما قدر لا ن فيها عواقب بعدين نسال الله السلامه المهم نتمنى للاخ الشفاء العاجل

[Hamad7788]

ا

والله بالضبط هاي اللي صار معاي .. اول يوم اخوي يقول لي ها اشرايك تنصح حد يسويها ،، اقول لهم تحملوا ولا تفكرون .. لدرجة اني اقول لهم اذا تكرهون حد وتبون تنتقمون منه ادعو انه يسوي عملية تكميم :cry2:

الله يطمنك مثل ماطمنتي والحين ناطر هالشهر يعدي عشان احس اني طبيعي

اتصدق انا موعد عمليتي غلط .. حرمت نفسي من لذة اكل رمضان :(

[Hamad7788]

dermatix silicone gel
هاي اسم الكريم اللي عطاني الدكتور عشان احطه عالجرح

وهاي اسم الفيتامينات .. اشرب كل يوم ١٠ مل
Multi sanostol

[دنيا الاسهم]

الحمدلله على السلامة
سبحان الله ناس تنجح معاهم العملية وناس تفشل
الحمدلله ان عمليتك انجحت لان ناس اعرفهم سووا نفس العملية في نفس المستشفى ودخلوا الانعاش ومن بعدها ثمان شهور في المانيا بسبب جرثومة الدم
حد يمدحة حد يذمة هالمستشفى ،،، امي سوت عملية للركبة وكانت فاشلة وارجعت تسوي عملية لنفس الركبة عند دكتور زائر الحمدلله بس للحين الالام العملية الاولى مازالت تؤلمها ... الحمدلله على كل حال

[theeb_qatar]

الحمدلله على السلامه اول شي

انا سويت العملية عند العمادي تاريخ 09/12/2012
كان وزني 140 كيـلو والحين توني وزنت .. 89.4 كيلو ..

اممم انا مامريت بنفس اللي مريت فيه
اول ماقمت من العملية ارجع هوى ! .. مارجعت دم ..
الالم خف من ثاني يوم ..

صادتني حالة نفسيـة اول سبوعين اشوف الناس حولي تبلغ وتمضغ .. وانا بس اشرب سوايل
ماكنت احس باليوع لين يومك .. بس مثل ماتقول اللي متعود على الدلع وينحرم فتره لازم يدش في خاطره
وايد اشيه .. انا مامشيت على جدول الاكل حق عايشة صقر .. بلشت اول شهر سوايل ثاني شهر مهروس ثالث شهر اشياء شبه صلبه .. صالونة دياي .. صالونة لحم .. لقمة عيش .. وكذا شوي شوي لين بديت اكل كل شي
بس للحين الخبز ماقدر عليه يغثي علي .. اممم مريت بمرحلة تساقط الشعر بس الحمدلله الحين الوضع طبيعي

في رمضان ماقدر اتفطر .. حبة تمر ونص قلاص تنك .. واكل بعدها بساعه ... لقمة هريس .. سمبوسة جي يعني

والحمدلله مبسوط على الاخر ..

وبس

[Hamad7788]

الحمدلله على السلامة
سبحان الله ناس تنجح معاهم العملية وناس تفشل
الحمدلله ان عمليتك انجحت لان ناس اعرفهم سووا نفس العملية في نفس المستشفى ودخلوا الانعاش ومن بعدها ثمان شهور في المانيا بسبب جرثومة الدم
حد يمدحة حد يذمة هالمستشفى ،،، امي سوت عملية للركبة وكانت فاشلة وارجعت تسوي عملية لنفس الركبة عند دكتور زائر الحمدلله بس للحين الالام العملية الاولى مازالت تؤلمها ... الحمدلله على كل حال

الحمدلله على سلامتها .. وصح كلامك النتايج تختلف من شخص لشخص

[Hamad7788]

الحمدلله على السلامه اول شي

انا سويت العملية عند العمادي تاريخ 09/12/2012
كان وزني 140 كيـلو والحين توني وزنت .. 89.4 كيلو ..

اممم انا مامريت بنفس اللي مريت فيه
اول ماقمت من العملية ارجع هوى ! .. مارجعت دم ..
الالم خف من ثاني يوم ..

صادتني حالة نفسيـة اول سبوعين اشوف الناس حولي تبلغ وتمضغ .. وانا بس اشرب سوايل
ماكنت احس باليوع لين يومك .. بس مثل ماتقول اللي متعود على الدلع وينحرم فتره لازم يدش في خاطره
وايد اشيه .. انا مامشيت على جدول الاكل حق عايشة صقر .. بلشت اول شهر سوايل ثاني شهر مهروس ثالث شهر اشياء شبه صلبه .. صالونة دياي .. صالونة لحم .. لقمة عيش .. وكذا شوي شوي لين بديت اكل كل شي
بس للحين الخبز ماقدر عليه يغثي علي .. اممم مريت بمرحلة تساقط الشعر بس الحمدلله الحين الوضع طبيعي

في رمضان ماقدر اتفطر .. حبة تمر ونص قلاص تنك .. واكل بعدها بساعه ... لقمة هريس .. سمبوسة جي يعني

والحمدلله مبسوط على الاخر ..

وبس

الله يطمنك مثل ماطمنتي .. اخوي بسالك .. انا احاتي موضوع الشعر وايد .. ماخذت فيتامينات لهم ولا اكتفيت بس بفيتامينات الدكتور ؟؟
انا الحين كاره الماي واحاول اعوضه بلبن او تنك حتى عصير التفاح من كثر ماشربته بداية الايام صرت ماحب اشوفه

[بوخالد911]

شكرا لنقل التجربة لنا

[theeb_qatar]

الله يطمنك مثل ماطمنتي .. اخوي بسالك .. انا احاتي موضوع الشعر وايد .. ماخذت فيتامينات لهم ولا اكتفيت بس بفيتامينات الدكتور ؟؟
انا الحين كاره الماي واحاول اعوضه بلبن او تنك حتى عصير التفاح من كثر ماشربته بداية الايام صرت ماحب اشوفه

الشعـر حسيت بتساقطه في الشهر الخامس ونص الشهر السادس ..
مامريت على الدكتور .. صرفت نفسي تعالجت بأدوية من الصيدلية وانواع من الشامبوهات ..
وبس بعدين سحبت على الوضع .. ماقمت اشوف شعري بالمشط او في الشاور ..

يعني هو مسالة وقت ..
اممم انت اتوقع بالنسبة لك .. اذا كنت مستمر على جدول عايشة صقر ..
ماراح تحس بتساقط شعر وحتى لو في تساقط .. راح يكون بسيط ..

لان الجدول الغذائي مثل ماتقول هو الاشياء الاساسية اللي يحتاجها الجسم ...

ف لاتحاتي الامور فالــروب ...

الشي الحلو اللي بيعجبك .. كل شهر بتفصل لك ثوب :nice:
كل شهر ستايل السكسوكه يتغير هههه

:victory::victory::victory:

[Hamad7788]

الشعـر حسيت بتساقطه في الشهر الخامس ونص الشهر السادس ..
مامريت على الدكتور .. صرفت نفسي تعالجت بأدوية من الصيدلية وانواع من الشامبوهات ..
وبس بعدين سحبت على الوضع .. ماقمت اشوف شعري بالمشط او في الشاور ..

يعني هو مسالة وقت ..
اممم انت اتوقع بالنسبة لك .. اذا كنت مستمر على جدول عايشة صقر ..
ماراح تحس بتساقط شعر وحتى لو في تساقط .. راح يكون بسيط ..

لان الجدول الغذائي مثل ماتقول هو الاشياء الاساسية اللي يحتاجها الجسم ...

ف لاتحاتي الامور فالــروب ...

الشي الحلو اللي بيعجبك .. كل شهر بتفصل لك ثوب :nice:
كل شهر ستايل السكسوكه يتغير هههه

:victory::victory::victory:

بيني وبينك .. جدول عاشه صقر مادري عنه .. هي من قالت استمر عالسوائل الشفافه لاعت كبدي وقمت اغير من عندي ..
قلت بمر عالدكتور هاليومين بخليه يصرف لي فيتامينات للشعر ..
حرام نعدل شي وشي ثاني يخترب:(

وبسالك اخوي .. متى بديت تسوي رياضه !!

[theeb_qatar]

بيني وبينك .. جدول عاشه صقر مادري عنه .. هي من قالت استمر عالسوائل الشفافه لاعت كبدي وقمت اغير من عندي ..
قلت بمر عالدكتور هاليومين بخليه يصرف لي فيتامينات للشعر ..
حرام نعدل شي وشي ثاني يخترب:(

وبسالك اخوي .. متى بديت تسوي رياضه !!

امممم سو مثلي .. اول شهر .. انواع الشوربات .. من كنور وماجي
كنت احثلها واشرب شوربة الشعيرية لذيذه باللي فيها

امكس في السوايل بس دوم قليل الدسم .. حليب مراعي ومشتقاته
تقدر تاكل مهلبيـه وكستر بس تراعي انها تذوب قبل لاتبلعها ..


بالنسبـة للرياضه .. ابشرك للحين مافكرت حتى امشي ..
بس الوزن في الشهر الخامس و السادس ينزل مثل السلحفاه والسابع بعد اللي انا فيه حاليا ابطأ وابطأ
لكن مع ذلك الوزن مايثبت مرده ينزل ينزل .. من 9 /12 لين 9/07/2013
140 - 89 = 51 كيلو خسرتهم .. 7 شهور

بس نصيحة لاتغلط غلطتي وماتمشي على جدولها .. وحاول انك ترتب جدول معاها بنفسك
قولها خاطري في هالشي اقدر اضيفه فالجدول خاطري في كستر او جلي او روب مثلا

يعني تكتك لك جدول بنفسك بس مع موافقتها لانها ادرى مني ومنك في هالامور ..

اتمنى وصلت فكرتي ..

[Hamad7788]

امممم سو مثلي .. اول شهر .. انواع الشوربات .. من كنور وماجي
كنت احثلها واشرب شوربة الشعيرية لذيذه باللي فيها

امكس في السوايل بس دوم قليل الدسم .. حليب مراعي ومشتقاته
تقدر تاكل مهلبيـه وكستر بس تراعي انها تذوب قبل لاتبلعها ..


بالنسبـة للرياضه .. ابشرك للحين مافكرت حتى امشي ..
بس الوزن في الشهر الخامس و السادس ينزل مثل السلحفاه والسابع بعد اللي انا فيه حاليا ابطأ وابطأ
لكن مع ذلك الوزن مايثبت مرده ينزل ينزل .. من 9 /12 لين 9/07/2013
140 - 89 = 51 كيلو خسرتهم .. 7 شهور

بس نصيحة لاتغلط غلطتي وماتمشي على جدولها .. وحاول انك ترتب جدول معاها بنفسك
قولها خاطري في هالشي اقدر اضيفه فالجدول خاطري في كستر او جلي او روب مثلا

يعني تكتك لك جدول بنفسك بس مع موافقتها لانها ادرى مني ومنك في هالامور ..

اتمنى وصلت فكرتي ..

بس اخوي الرياضه وايد مهمه ولا بتعاني من التذهل وبتضطر تسوي عمليات شد انت في غنى عنها

انا عن نفسي بديت مشي من يومين والرياضه مأجلها لي بعد العيد لين اكمل شهر وابدا اكل شوي واخذ طاقه .. الحين فيني خمول وكسل مب طبيعي

[الزعفراني]

الحمدلله على السلامة .. وعرض جيد لمثل هالتجربة ..

[Hamad7788]

الحمدلله على السلامة .. وعرض جيد لمثل هالتجربة ..

الله يسلمك اخوي

[فلوس]

شدعوا 50000 ؟

[Hamad7788]

شدعوا 50000 ؟

ايييه خمسين الف ريال قطري لا غير :cry2:

[مستثمر تحت التعليم]

السلام عليكم ورحمة الله وبركاته

اولاً اشكر صاحب الموضوع على طرح تجربته للأستفاده منها

وثانياً انا بدوري اعرض تجربتي بعد 27يوم من أجراء العمليه
فقد عملت العمليه في الاردن عند الدكتور محمد خريس وللأمانه فهو دكتور محترم ولبق وصاحب صدر وسيع يسمع لك ويجيبك دون ملل
وللأمانه مره أخري فأنني لم اتعرض لأي مضاعفات أو ترجيع فقط كان هناك الآم في الظهر ولما استفسرت اتضح لي انها من مفعول الغاز واختفت بعد 3 ايام من العمليه
نعم الاسبوعين الاولين بعد العمليه صعبين والسبب هو الحرمان من الطعام وخصوصاً ان رمضان دخل علي وانا من عشاق الثريد والهريس ....... آه من الثريد وفراقه
المهم الصبر ثم الصبر والالتزام بالتعليمات ولكن عزائي انني قد بدأت والحمدلله أرى الثمار امام عيني فقد استقر السكر عندي ولا يتجاوز 130 بعد أن كان بين 250 - 270 وقد اوقفت كل الادويه للسكر والضغط وانا معلد كل يومين افحص في المستشفى والامور طيبه والحمد لله
نصيحتي لمن بهم وزن كبير مع امراض مثل الضغط والسكر والكرسترول التوكل على الله والاستخاره
وانا والحمد لله قد نزل وزني من 119 الى 107 وللعلم هذه العمليه تجرى من اكثر 15 سنه وقد تطورت كثيراً ولم يشتكى من مضاعفات الا قليل تعالج بسرعه والحمد لله
ولكن قس على ذلك نسبة البشر اللذين عادت لهم الحياة الطبيعيه وتخلصوا من بعض الامراض مثل السكر والضغظ

وفي النهايه من يتخذ قرار اجراء العمليه هو فقط من يتحمل القرار ولا يلوم الناس لانه مدرك لتصرفاته ومدرك لقراراته

والسلام عليكم ورحمة الله

ملاحظه: التكلفه عند العمادي عالية جدا فقد سافرت ومعي زوجتي وولدي وسكنا في اكبر فندق في عمان ورجعنا على الدرجة الاولى ولم تكلفني سوى 35000 فقط*

[بوخالد911]

السلام عليكم ورحمة الله وبركاته

اولاً اشكر صاحب الموضوع على طرح تجربته للأستفاده منها

وثانياً انا بدوري اعرض تجربتي بعد 27يوم من أجراء العمليه
فقد عملت العمليه في الاردن عند الدكتور محمد خريس وللأمانه فهو دكتور محترم ولبق وصاحب صدر وسيع يسمع لك ويجيبك دون ملل
وللأمانه مره أخري فأنني لم اتعرض لأي مضاعفات أو ترجيع فقط كان هناك الآم في الظهر ولما استفسرت اتضح لي انها من مفعول الغاز واختفت بعد 3 ايام من العمليه
نعم الاسبوعين الاولين بعد العمليه صعبين والسبب هو الحرمان من الطعام وخصوصاً ان رمضان دخل علي وانا من عشاق الثريد والهريس ....... آه من الثريد وفراقه
المهم الصبر ثم الصبر والالتزام بالتعليمات ولكن عزائي انني قد بدأت والحمدلله أرى الثمار امام عيني فقد استقر السكر عندي ولا يتجاوز 130 بعد أن كان بين 250 - 270 وقد اوقفت كل الادويه للسكر والضغط وانا معلد كل يومين افحص في المستشفى والامور طيبه والحمد لله
نصيحتي لمن بهم وزن كبير مع امراض مثل الضغط والسكر والكرسترول التوكل على الله والاستخاره
وانا والحمد لله قد نزل وزني من 119 الى 107 وللعلم هذه العمليه تجرى من اكثر 15 سنه وقد تطورت كثيراً ولم يشتكى من مضاعفات الا قليل تعالج بسرعه والحمد لله
ولكن قس على ذلك نسبة البشر اللذين عادت لهم الحياة الطبيعيه وتخلصوا من بعض الامراض مثل السكر والضغظ

وفي النهايه من يتخذ قرار اجراء العمليه هو فقط من يتحمل القرار ولا يلوم الناس لانه مدرك لتصرفاته ومدرك لقراراته

والسلام عليكم ورحمة الله

ملاحظه: التكلفه عند العمادي عالية جدا فقد سافرت ومعي زوجتي وولدي وسكنا في اكبر فندق في عمان ورجعنا على الدرجة الاولى ولم تكلفني سوى 35000 فقط*

هلا


ذكرتني بشيء وهو

تكلفة عملية الليزك بالاردن = 2500 ريال
البحرين = 5000

قطر = 9600

:omg::eek5::secret:

[Chambray]

العملية ممتازة وانصح فيها صراحة

[بوخالد911]

العملية ممتازة وانصح فيها صراحة

هلا بييييييييييييييييك


وحضرتك وين سويتها؟

وبكم؟:nice::nice:

[الأصيل]

العملية ممتازة وانصح فيها صراحة

وانا لا انصح بعمل هذا النوع من العمليات لانها خطيرة الا بعد ان تتقطع السبل بالشخص بعد عمل الرياضه والحمية الصحيحة ومن ثم اخذ مشورة دكتور معترف به وليس دكتور تجاري قصده الماده ولا انصح ابدا بتكميم المعده فإن كان ولابد فربط المعده هو الخيار المر والاصعب

[مراد2015]

السلام عليكم ورحمة الله وبركاته

اولاً اشكر صاحب الموضوع على طرح تجربته للأستفاده منها

وثانياً انا بدوري اعرض تجربتي بعد 27يوم من أجراء العمليه
فقد عملت العمليه في الاردن عند الدكتور محمد خريس وللأمانه فهو دكتور محترم ولبق وصاحب صدر وسيع يسمع لك ويجيبك دون ملل
وللأمانه مره أخري فأنني لم اتعرض لأي مضاعفات أو ترجيع فقط كان هناك الآم في الظهر ولما استفسرت اتضح لي انها من مفعول الغاز واختفت بعد 3 ايام من العمليه
نعم الاسبوعين الاولين بعد العمليه صعبين والسبب هو الحرمان من الطعام وخصوصاً ان رمضان دخل علي وانا من عشاق الثريد والهريس ....... آه من الثريد وفراقه
المهم الصبر ثم الصبر والالتزام بالتعليمات ولكن عزائي انني قد بدأت والحمدلله أرى الثمار امام عيني فقد استقر السكر عندي ولا يتجاوز 130 بعد أن كان بين 250 - 270 وقد اوقفت كل الادويه للسكر والضغط وانا معلد كل يومين افحص في المستشفى والامور طيبه والحمد لله
نصيحتي لمن بهم وزن كبير مع امراض مثل الضغط والسكر والكرسترول التوكل على الله والاستخاره
وانا والحمد لله قد نزل وزني من 119 الى 107 وللعلم هذه العمليه تجرى من اكثر 15 سنه وقد تطورت كثيراً ولم يشتكى من مضاعفات الا قليل تعالج بسرعه والحمد لله
ولكن قس على ذلك نسبة البشر اللذين عادت لهم الحياة الطبيعيه وتخلصوا من بعض الامراض مثل السكر والضغظ

وفي النهايه من يتخذ قرار اجراء العمليه هو فقط من يتحمل القرار ولا يلوم الناس لانه مدرك لتصرفاته ومدرك لقراراته

والسلام عليكم ورحمة الله

ملاحظه: التكلفه عند العمادي عالية جدا فقد سافرت ومعي زوجتي وولدي وسكنا في اكبر فندق في عمان ورجعنا على الدرجة الاولى ولم تكلفني سوى 35000 فقط*


:nice::nice::nice::nice:دكتور ممتاز واحد من الربع سواها عند الدكتور /محمد خريس قبل رمضان با اسبوع

والرجال يمدح الدكتور والعملية ويقول الحمدللة مافيها اي مضاعفات وكل يوم احسن من اللي قبلة

والعملية كلفتة حوالي (16000) ريال فقط


والحمدللة على السلامة اخوي

[دانة الطواش]

الحمدلله على سلامتكم أخوي حمد والمستثمر وخطاكم الشر وأنا احب أقول عن تجربتي في العملية بس أنا عملتها قبلكم لأني عديت الأربع اشهر والحمد لله أنا بخير وصحة وأول فائدة استفدتها بعد العملية والي هي هدفي من العملية وهي أني صرت أصلي بدون كرسي يعني صرت رشيقة وفقدت تقريبا ٣٠ كيلو (قولوا ماشاءالله) وفي تقدم مستمر مع أن المشي خفيف واكلي صار منوع لكن في حدود لو زيدت شوي اتعب لين ارجع وارتاح والصحة تمام والحمد لله بس شوي صار عندي تساقط للشعر واعوضه بالفيتامينات ، والفال لكم يارب .

[أسد الجزيرة]

حمد الله على السلامة
بخصوص الماي في ماي من مسافي بنكهات حسب كلام البعض من الانترنت انه يساعد على الشرب
موجود في الميرة لانه نقص الماي يسبب جفاف ممكن يؤثر على الجسم خصوصا في الصيف

الخمول و التنميل من نقص الفيتامينات و المعادن فيجب الاستمرار عليها مثل
فيتامين ب بأنواعه
الحديد
الكالسيوم
البروتين مثل لاعبين الحديد لانه الجسم يحتاج بروتين و عندما لا يجده ياخذ من العضلات

[shadad]

مع اني صراحه احب انصح الجميع تعديل الجدول الغذائي والالتزام بالرياضه ومع العزيمه تنحل دون اللجوء للتدخل الجراحي ... لكن الحمد لله على سلامتك يالغالي :)

التزم تماما وما ابي اقول حرفيا بكل كلمه يقولها لك الطبيب للفتره هذه. ما عليه في البدايه صعب بس ان شاء الله الم الظهر يختفي تماما وترد على الجسم اللي ببالك ... وتعالي عقب الصاله عشان ارتبك ^.^

يعطيك العافيه .

[Hamad7788]

الله يسلمكم كلكم

وانا عن نفسي ليلحين ماحس اني ارتحت الصراحه .. يمكن لانه توني مسوي العملية صار لي بس اسبوعين وليلحين عالسوائل .. والله استانست يوم كتبتوا تجاربكم الصراحه وايد ريحتوني ..

[Hamad7788]

مع اني صراحه احب انصح الجميع تعديل الجدول الغذائي والالتزام بالرياضه ومع العزيمه تنحل دون اللجوء للتدخل الجراحي ... لكن الحمد لله على سلامتك يالغالي :)

التزم تماما وما ابي اقول حرفيا بكل كلمه يقولها لك الطبيب للفتره هذه. ما عليه في البدايه صعب بس ان شاء الله الم الظهر يختفي تماما وترد على الجسم اللي ببالك ... وتعالي عقب الصاله عشان ارتبك ^.^

يعطيك العافيه .
خلاص اخوي الوعد عقب رمضان ،، :nice:

[Hamad7788]

حمد الله على السلامة
بخصوص الماي في ماي من مسافي بنكهات حسب كلام البعض من الانترنت انه يساعد على الشرب
موجود في الميرة لانه نقص الماي يسبب جفاف ممكن يؤثر على الجسم خصوصا في الصيف

الخمول و التنميل من نقص الفيتامينات و المعادن فيجب الاستمرار عليها مثل
فيتامين ب بأنواعه
الحديد
الكالسيوم
البروتين مثل لاعبين الحديد لانه الجسم يحتاج بروتين و عندما لا يجده ياخذ من العضلات
انا ليلحين مستمر على الفيتامينات اللي وصفها لي الدكتور .. والماي صرت اغيره كل يومين
امس جربت اكوابانا وليلحين ماشي معاي احس انه ماله طعم نفس المسافي والريان

[السامـي]

حمد،الفيتامينات حبوب ولا شراب؟.

[مستثمر تحت التعليم]

السلام عليكم جميعاً
اشكر الجميع على التفاعل
وشي جميل ان نكتب تجاربنا ليستفيد الجميع
وثانياً اليوم لي 29 من العمليه والمشاكل فقط فيني اني احب اجرب بعض الاكلات مثل السنبوسه مالة الجبن والكباب وساعات تمشي معاي وساعات لا والله توقف اللقمه واحس ببعض الالم او التقلصات وفي مره رجعت بلغم لكني بديت اكل المهروس ببطء مثل الهريس والمضروبه ومافيشاكل والعصاير بانواعها باستثناء الحوامض
وارد واقول تجربتي في العمليه جات بعد سنين من عمل الرجيمات بانواعها والرياضه ومع الأسف بعد فتره الواحد يوقف من الرياضه يرجع دبل الوزن
والله يوفق الجميع

والسلام عليكم ورحمة الله

[Hamad7788]

حمد،الفيتامينات حبوب ولا شراب؟.

شراب اخوي

[اسد السنة]

الحمدلله على السلامة

[مستثمر تحت التعليم]

هذا نوع من الفيتامينات وصفه لي. الدكتور محمد خريس
بشرط مرور شهر على العمليه لانه يحتوي على الحديد والحديد لاينصح باستعماله بعد العمليه مباشره لانه لايساعد على التئام الجروح في المعده

(( Centrum))

[بومحمد المطاوعه]

الحمدلله ع السلامه

تستاهل السلامه اخوي

يعطيك العافيه اخوي وربي يحفظك من كل شر



واحد من الربع سواها فمستشفى حمد وتوفى الله يرحمه بسبب نزيف داخلي

الله يرحمه ويغفرله

[مستثمر تحت التعليم]

اخوي نزيف ولا تسريب ..... لان التسريب يتم فحصه ثاني يوم من العمليه وذلك بتشريب المريض ماده ملونه ويتم اخذ صورة اشعه
اما النزيف فيحصل من اهمال المريض وعدم تقيده بتعليمات الدكتور
والله اعلم
اخوي الدراسات اثبتت ان العمليه آمنه ونسبة الخطأ لا تتجاوز 1 او2 في الالف وهذا يعتمد على شيئين بعد الله سبحانه الدكتور وخبرته وثانياً التقيد التعليمات بعد الخروج من العمليه

[Hamad7788]

هذا نوع من الفيتامينات وصفه لي. الدكتور محمد خريس
بشرط مرور شهر على العمليه لانه يحتوي على الحديد والحديد لاينصح باستعماله بعد العمليه مباشره لانه لايساعد على التئام الجروح في المعده

(( centrum))

السنتروم هاي فيتامينات متعددة تفيد الجسم بشكل عام انا كنت استخدمها قبل العملية لاكثر من سنه وقطعتها قبل العملية بشهر تقريبا وناوي ارد عليها بعد ماخلص شهر وباستشارة دكتوري

[Hamad7788]

الحمدلله ع السلامه

تستاهل السلامه اخوي

يعطيك العافيه اخوي وربي يحفظك من كل شر



واحد من الربع سواها فمستشفى حمد وتوفى الله يرحمه بسبب نزيف داخلي

الله يرحمه ويغفرله

لا حول ولا قوة الا بالله

الله يرحمه ويغفر له ...

[وليف قطر]

الحمدلله على سلامتك
ومبروك نجاح العمليه وتستاهل السلامه


ولو ان وزنك للأمانه مايستاهل عملية
بس شكلك كسووول ^_^

الله يوفقك وييسر امرك ياخوي
بعد ماتصير مخصّر نبي صوره :victory:

[Hamad7788]

الحمدلله على سلامتك
ومبروك نجاح العمليه وتستاهل السلامه


ولو ان وزنك للأمانه مايستاهل عملية
بس شكلك كسووول ^_^

الله يوفقك وييسر امرك ياخوي
بعد ماتصير مخصّر نبي صوره :victory:

الله يسلمك ويعافيك اخوي

صدقت اخوك وايد كسووووول :(

وابشر بالصورة بعد ست شهور .. بحط لكم قبل وبعد:nice:

[بو خليفه 123]

ماشاءالله
والحمدالله على سلامتك

بس باقي نزوجك يابو شهاب :nice:

[Bozizoo]

اخوي توكل على الله وسو العمليه
انا صارلي من سويت العمليه 40 يوم نزل وزني من 115 لين 101
عند الدكتور مدمد خريس في الاردن
تكلغة العمليه 3000 دينار اردني كامل المصاريف
اول 24 ساعه من العمليه تعب و بعدين تخف اللام
المدالله مافي اية مضاعفات
الدكتور ممتاز يسوي في بعض الايام 18 عمليه في اليوم
اليوم الي سويتها كنا 16 واحد من قطر بس 7
اهم شي تعرف الكميه الي تترس بطنك عشان ماتزود الاكل و تغتث
شرب الماء ياقبل الاكل بربع ساعه او بعد الاكل بربع ساعه
انا الحين اكل اي شي في خاطري ماعدا الحوامض و بكميه محدوده
الحمدالله لا ترجيغ ولا تسريب
اصلا يسوي لك اختبار لتسريب ثاني يوم من العمليه
وداعاا لتعصر عشان تلبس دﻻغ وداعا للمتن
نسيت انا كنت اخذ دوا ضغط الحمدالله وقفته
الحمدالله اصوم و اروح واجي مافي اي مشاكل
طبعا الي عنده عزيمه و اراده ينقص بالرجيم افضل بكل تاكيد
بس انا تعبت انا صارلي 23 سنه رجيم في رجيم انقص و ازيد مليت
لو تحسبون طول فترة حياتي كم كيلو نقصت يمكن 2 طن
الي يبي استفسار حاضر .

[نوفة قطر]

اختي بعد سوتها في الاردن عند الدكتور محمد خريس ... كل العمليه والسفر من تذاكر وفندق وتسوق

ماكلفها هالمبلغ اللي ياخذونه فالعمادي .. العمليه بـ 16 الف

الحمدلله وضعها تمام بس ماتقدر طبعا تكثر اكل لان يغثها وترجع اللي فبطنها كله

[Hamad7788]

ماشاءالله
والحمدالله على سلامتك

بس باقي نزوجك يابو شهاب :nice:

لا لا يا بوخليفه ،، توني صغير :shy: لاتفتح عيني على هالسوالف

[بنت شرق]

انا بصراحة استخدم حبوب واهي الي نزلت وثبتت وزني

[Hamad7788]

انا بصراحة استخدم حبوب واهي الي نزلت وثبتت وزني

انا هالحبوب على كثر ماسمعت عنها ولا عمري جربتها .. احس انها حتى لو تساعد على الضعف بس احس مضارها اكثر من فوايدها

[برشلوني قطر]

الحمدلله على السلامه اخوي حمد..

واسأل الله العظيم رب العرش العظيم ان يشفيك ويعطيك ماتتمناه

ولا تندم ع شي استخرت فيه وتوكلت على الله

[Hamad7788]

الحمدلله على السلامه اخوي حمد..

واسأل الله العظيم رب العرش العظيم ان يشفيك ويعطيك ماتتمناه

ولا تندم ع شي استخرت فيه وتوكلت على الله

الله يسلمك اخوي
جزاك الله خير

[Hamad7788]

اليوم صار لي عشرين يوم من سويت العملية ..

الحمدلله اللوعه اللي كانت فيني رحت من يومين وارتحت ..

بديت آكل مهروس مضروبه هريس عيش لين مع روب .. :secret:

الكمية : ربع ملة الروب وماكملها

بس بديت استسيغ الماي و قمت اشرب اكثر من قبل ..

عقب يومين بمر عالدكتور أبيه يوصف لي حبوب ولا شراب فيتامينات للشعر ,,, خايف شعري يطيح :(:secret: وقلت بالمره بشيك وضعي معاه

and i'll update you :nice:

[رمح الضعاين]

الحمدلله على سلامتك

بس نصيحه من اخ الي يبي يضعف لا يسوي عمليه. اهم شي يكون عنده اصرار والله العظيم راح يوصل الوزن الي يبيه بس للاسف ربعنا يبون كل شي بسرعه انا اجواب الاجانب اصرارهم والله اتعجب منهم


احسنت

يجب ان تكون فكرة العمليه آخر الاحتمالات في قائمه تنزيل الوزن

بعض الحالات التي عملت تكميم نزل وزنها بشكل ليس بالطبيعي مما سبب لهم ظهور اورام

والبعض الاخر ضعف بطريقه لم يعد يشتهي اي نوع من الاكل ويتعالج بالخارج حتى يرجع وزنه طبيعي

ف الحذر اخواني واخواتي من العمليه ويجب ان يتم كشف دوري بعد اجراءها

اخوكم

[Hamad7788]

والله يا اخوان انا ماكتبت عن عمليتي الا عشان اشرح لكم التجربه اللي مريت فيها .. وماكان قصدي اني اشجع عالعمليه
واللي ناوي يسويها اول شي يستخير يستخير يستخير .. وعقب يقرا قد مايقدر عن العمليه ويستشير كذا دكتور وعقب يتخذ قراره

[غير مخالف]

الحمد لله على سلامتكم ياشباب
ولصاحب الموضوع أسأل الله العظيم رب العرش الكريم أن يشفيك وإن شاء الله مثل ماقالوا أخواني الكرام يوم بعد يوم بتصير أحسن وبتم الفترة الماضية أو الحالية مجرد ذكرى ولا تحاتي ياخوك واحمد ربك في ناس غيرك فعلاً مبتلين وأكبر بلوى هي بلوى ضعف الدين وانت والحمد لله باين من ردودك و عفويتك أنك شخص متدين و ذاكر ربك و مستخير في جميع أمورك وهذا الشي بصراحة كثير منا ضعيف فيه والله المستعان والمفترض إيقوي ثقتك بنفسك .

أخيراً أخوي ثرى كلها ابتلاءات الصحيح مبتلى و مب حاس والغني والفقير والمريض الكل مبتلى
لكن يبقى المؤمن يحمد ربه في كل الأحوال ويحسن الظن فيه ولا يغفل عن شكره .

وخل هالبيت في بالك دائماً

وإذا شكوت إلى ابن آدم إنما

تشكو الرحيم إلى الذي لا يرحم

[Hamad7788]

الحمد لله على سلامتكم ياشباب
ولصاحب الموضوع أسأل الله العظيم رب العرش الكريم أن يشفيك وإن شاء الله مثل ماقالوا أخواني الكرام يوم بعد يوم بتصير أحسن وبتم الفترة الماضية أو الحالية مجرد ذكرى ولا تحاتي ياخوك واحمد ربك في ناس غيرك فعلاً مبتلين وأكبر بلوى هي بلوى ضعف الدين وانت والحمد لله باين من ردودك و عفويتك أنك شخص متدين و ذاكر ربك و مستخير في جميع أمورك وهذا الشي بصراحة كثير منا ضعيف فيه والله المستعان والمفترض إيقوي ثقتك بنفسك .

أخيراً أخوي ثرى كلها ابتلاءات الصحيح مبتلى و مب حاس والغني والفقير والمريض الكل مبتلى
لكن يبقى المؤمن يحمد ربه في كل الأحوال ويحسن الظن فيه ولا يغفل عن شكره .

وخل هالبيت في بالك دائماً

وإذا شكوت إلى ابن آدم إنما

تشكو الرحيم إلى الذي لا يرحم

رحم الله والديك ،، وجزاك الله خير اخوي

[ام السعف]

والله يا اخوان انا ماكتبت عن عمليتي الا عشان اشرح لكم التجربه اللي مريت فيها .. وماكان قصدي اني اشجع عالعمليه
واللي ناوي يسويها اول شي يستخير يستخير يستخير .. وعقب يقرا قد مايقدر عن العمليه ويستشير كذا دكتور وعقب يتخذ قراره

الحمدلله على السلامة

ان شاءالله ربنا يتمم عليك بالصحة والعافية

كل انسان ابخص بحالته ونفسيته وقدرته على الاحتفاظ بوزنه او انقاصه

كلامنا اهنيه ما راح يزيد ولا بيعيد في ارداة اي شخص مالم من نفسه ما يقدر
يغير الوضع اللي هو عليه ،،

وايد ناس سووا هالعملية ووايد ناس عايشين ولله الحمد

اما بخصوص الاعراض الجانبية اليوم لو سويت اللوز وما راعيت تتعب
ومابالك بطن كان يبلع ليل ونهار ،،

شخصيا احس بسعادة انك سويتها ،، اتبع تعليمات الطبيب
واحمد ربك على انك قدرت تسويها وتتخلص من السمنة بينما غيرك
روح جاي لا هو بقادر ينزل وزنه ولا هو بقادر يقرر يسوي العملية،،

فالحمدلله على السلامة وان شاءالله كلها كم شهر وبتشوف نفسك
انسان ثاني ربنا فتحها عليك من اوسع ابوابها ،،
فكثر الشكر والحمد والثناء لعظمته وقدرته اللي زرعهم في قلبك
وسويت العملية ،،

[kitmat]

والله يا اخوان انا ماكتبت عن عمليتي الا عشان اشرح لكم التجربه اللي مريت فيها .. وماكان قصدي اني اشجع عالعمليه
واللي ناوي يسويها اول شي يستخير يستخير يستخير .. وعقب يقرا قد مايقدر عن العمليه ويستشير كذا دكتور وعقب يتخذ قراره

ما خاب من استخار والله يشفيك

[Hamad7788]

الحمدلله على السلامة

ان شاءالله ربنا يتمم عليك بالصحة والعافية

كل انسان ابخص بحالته ونفسيته وقدرته على الاحتفاظ بوزنه او انقاصه

كلامنا اهنيه ما راح يزيد ولا بيعيد في ارداة اي شخص مالم من نفسه ما يقدر
يغير الوضع اللي هو عليه ،،

وايد ناس سووا هالعملية ووايد ناس عايشين ولله الحمد

اما بخصوص الاعراض الجانبية اليوم لو سويت اللوز وما راعيت تتعب
ومابالك بطن كان يبلع ليل ونهار ،،

شخصيا احس بسعادة انك سويتها ،، اتبع تعليمات الطبيب
واحمد ربك على انك قدرت تسويها وتتخلص من السمنة بينما غيرك
روح جاي لا هو بقادر ينزل وزنه ولا هو بقادر يقرر يسوي العملية،،

فالحمدلله على السلامة وان شاءالله كلها كم شهر وبتشوف نفسك
انسان ثاني ربنا فتحها عليك من اوسع ابوابها ،،
فكثر الشكر والحمد والثناء لعظمته وقدرته اللي زرعهم في قلبك
وسويت العملية ،،

ألف حمد وشكر لك يارب

مشكوره اختي ام السعف وجزاج الله خير

[شيوخه]

ممكن أعرف اسم المرهم اللي استعملته ؟

[abdo222]

حمدلله على سلامتك يالغالي,, بس ماعندهم شروط بالنسبه للوزن او كتله الجسم ؟ اشوف كان وزنك 105 عادي !! انا طولي 167 ووزني 90 :) اخاف بعد فتره اوصل فوق ال 100 ,,

بس سؤالي يالغالي مافي شروط من الدكتور انه تحت هال الوزن ممنوع يسوون لهم العمليه؟ او انه الوزن سوا لك مضاعفات كان لابد منها للعمليه؟

اعرف واحد من الشباب من المتن ما ينام الا بالكثير 3 ساعات, ومستحيل متواصله ,, ويقول مستحيل افكر اسوي عمليه معده,,

[بوحارب]

أشكرك أخوي على طرح تجربتك والحمدلله على السلامة

وعلى فكره يبين عليك من طريقة كتابتك للموضوع انك ضعفت<<< كذااااب

واشكر كل من طرح تجربته هنا والحمدلله على سلامتكم جمييييع

أخوكم الضعيف ولكن عنده كرشه همخخههههخهههههههه

[أسد الجزيرة]

حمدلله على سلامتك يالغالي,, بس ماعندهم شروط بالنسبه للوزن او كتله الجسم ؟ اشوف كان وزنك 105 عادي !! انا طولي 167 ووزني 90 :) اخاف بعد فتره اوصل فوق ال 100 ,,

بس سؤالي يالغالي مافي شروط من الدكتور انه تحت هال الوزن ممنوع يسوون لهم العمليه؟ او انه الوزن سوا لك مضاعفات كان لابد منها للعمليه؟

اعرف واحد من الشباب من المتن ما ينام الا بالكثير 3 ساعات, ومستحيل متواصله ,, ويقول مستحيل افكر اسوي عمليه معده,,

يحسبون عن طريق معدل كتلة الجسم اذا كان اكثر من 35 او مريض بالسكري و الضغط و الامراض المزمنة و معدل الشخص فوق 30

[Hamad7788]

ممكن أعرف اسم المرهم اللي استعملته ؟

dermatix silicone gel
هاي اسم الكريم اللي عطاني الدكتور عشان احطه عالجرح

وهاي اسم الفيتامينات .. اشرب كل يوم ١٠ مل
Multi sanostol


بس حاليا صرت استخدم ميبو Mebo

[Hamad7788]

حمدلله على سلامتك يالغالي,, بس ماعندهم شروط بالنسبه للوزن او كتله الجسم ؟ اشوف كان وزنك 105 عادي !! انا طولي 167 ووزني 90 :) اخاف بعد فتره اوصل فوق ال 100 ,,

بس سؤالي يالغالي مافي شروط من الدكتور انه تحت هال الوزن ممنوع يسوون لهم العمليه؟ او انه الوزن سوا لك مضاعفات كان لابد منها للعمليه؟

اعرف واحد من الشباب من المتن ما ينام الا بالكثير 3 ساعات, ومستحيل متواصله ,, ويقول مستحيل افكر اسوي عمليه معده,,

مستشفى حمد لازم نسبة كتلة الدهن عند الشخص 40 او فوق

بس العمادي الصراحه ماقالولي هالشي .. بس شافوا وزني وقالوا تحتاج العملية وسويتها عندهم

انا بالنسبة لي مستشفى العمادي احسن من ناحية الاهتمام بعد العملية ونظافة الغرف

حمد ممكن انهم ينقعونك في الانتظار لي تفضى لك غرفه .. والواحد عقب مايفج البنج مايبي الا مكان هادي يرتاح فيه وهاي اكثر شي عجبني في العمادي

[Hamad7788]

حمدلله على سلامتك يالغالي,, بس ماعندهم شروط بالنسبه للوزن او كتله الجسم ؟ اشوف كان وزنك 105 عادي !! انا طولي 167 ووزني 90 :) اخاف بعد فتره اوصل فوق ال 100 ,,

بس سؤالي يالغالي مافي شروط من الدكتور انه تحت هال الوزن ممنوع يسوون لهم العمليه؟ او انه الوزن سوا لك مضاعفات كان لابد منها للعمليه؟

اعرف واحد من الشباب من المتن ما ينام الا بالكثير 3 ساعات, ومستحيل متواصله ,, ويقول مستحيل افكر اسوي عمليه معده,,

اخوي .. نصيحة من مجرب

لاتستعجل على العملية وشيلها من بالك حاليا ,,

اشترك في الدايت سنتر وسو رياضه .. امش عالكرنيش ..

اخر وجبه لك خلها الساعه ست المغرب
ابتعد عن الفاست فوود

خفف من العيش والخبز
اذا ماقدرت على الاشياء هذي عقبها فكر في العملية

حاليا .. اقول لو اني اتبعت هالامور كلها كان ماسويت هالعملية ..

الحمدلله العملية نجحت ونتايجها واضحه حاليا بس تبي الصج .. الجسم والطاقه مب نفس قبل ..
دايما فيني خمول وكسل وجسمي مافيه طاقه وكله ابي ارقد وتعبان وعيزان

بس انا سويتها لاني اعرف نفسي اكوووول واحب الاكل .. يعني عادي في السنه ازيد 10 كيلو .. فماكان عندي شي يسد حلجي الا العملية

[abdo222]

اخوي .. نصيحة من مجرب

لاتستعجل على العملية وشيلها من بالك حاليا ,,

اشترك في الدايت سنتر وسو رياضه .. امش عالكرنيش ..

اخر وجبه لك خلها الساعه ست المغرب
ابتعد عن الفاست فوود

خفف من العيش والخبز
اذا ماقدرت على الاشياء هذي عقبها فكر في العملية

حاليا .. اقول لو اني اتبعت هالامور كلها كان ماسويت هالعملية ..

الحمدلله العملية نجحت ونتايجها واضحه حاليا بس تبي الصج .. الجسم والطاقه مب نفس قبل ..
دايما فيني خمول وكسل وجسمي مافيه طاقه وكله ابي ارقد وتعبان وعيزان

بس انا سويتها لاني اعرف نفسي اكوووول واحب الاكل .. يعني عادي في السنه ازيد 10 كيلو .. فماكان عندي شي يسد حلجي الا العملية

حمدلله على سلامتك يالغالي والله يعطيك الصحه والعافيه ,,,

[Hamad7788]

أشكرك أخوي على طرح تجربتك والحمدلله على السلامة

وعلى فكره يبين عليك من طريقة كتابتك للموضوع انك ضعفت<<< كذااااب

واشكر كل من طرح تجربته هنا والحمدلله على سلامتكم جمييييع

أخوكم الضعيف ولكن عنده كرشه همخخههههخهههههههه

الكرشه دليل على الوقار<<<<<<<< اللهم اني صائم :secret:

[عقار]

عطنا جديدك يا حمد في عملية التكميم
يستاهل الرفع

[ريتويت]

ماشاء الله نزلت 9 كيلو فاسبوع .. انا مسويه عمليه ربط معده عندعبدالعظيم ونزلت 21 كيلو فشهرين

[همر]

بعد اسبوع بيصادف عيد ميلاد عمليتي :tooth:

قولوا ماشاء الله


قلتوا ماشاء الله



الله يحفظني...



50 كيلو في سنه ... omen

[راشد محمد]

الله يحفظكم...

[naif3]

الله يعطيكم الصحه والعافيه جميعا
ان شاء الله

[دايموند]

ماشاء الله عليك

بشر وصلت للوزن المثالي ؟

[الصغيره]

بعد اسبوع بيصادف عيد ميلاد عمليتي :tooth:

قولوا ماشاء الله


قلتوا ماشاء الله



الله يحفظني...



50 كيلو في سنه ... omen


ما شاء الله تبارك الله

انا بعد اسبوعين بكمل سنه تكميم بس نزلت 29 كيلو

ممكن اعرف نظامك ايش هو وكم كان وزنك ؟؟

[بومحمد المطاوعه]

الله يخلي المستشفى فالاردن

15 الف العمليه

نص ربعي المتان مسوينها ولله الحمد

[بومحمد المطاوعه]

واحد من الربع نزل خلال شهر 30 كيلو

من عمليه قص معده

[همر]

ما شاء الله تبارك الله

انا بعد اسبوعين بكمل سنه تكميم بس نزلت 29 كيلو

ممكن اعرف نظامك ايش هو وكم كان وزنك ؟؟


نظامي الاكل وليس غير الاكل ...

من بعد العمليه اكل اللي اقدر عليه..

وفي مخطط اسوي رياضه مع اني عديت

سنه ولي الحين ماتحركت ...

بس احتمال ... كل شي جايز ..


اذا انتقل الزول الى رحمة الله ...


وزني كان 157 ...

[فلتة زمانها]

يااااارب كلكم تضعفون بدون عمليه

[pure]

انا مع ان الواحد يكون رشيق وخفييف لكن قد مايقدر يكون صحي

عشان بعد 10 سنين او خلنقول اذا كبر يكون جسمه يشله

الصحه حلوه والرشاقه احلا والرياضه احلا واحلا

[Al-Kuwari]

ما شاء الله نص هل قطر مسوين العملية الظاهر !!

الله يوفقك اخوي حمد ويمدك بالصحة والعافية

عن نفسي ضد العمليات وبقوة !! , كل شي بالأرادة يصير , اكل صحي ورياضة وحركة والوزن راح ينزل مع الوقت

صحيح بياخذ وقت اطول من العملية لكن اصح وافضل

[غايه الطواش]

مرت اخوي نزلت 30 كيلو في ست شهور
وبنت خالي 20 كيلو في خمس شهور

[الزعفراني]

الله يشفي كل مريض ويمدنا واياكم بالصحة .. والله لا يحوجكم حق هالعمليات


الملاحظ ان العمليات اللي نفس ذي صارت مثل حلاقة شعر الراس .. وبرواية ثانية .. مثل شرب الماي

[غايه الطواش]

الله يشفي كل مريض ويمدنا واياكم بالصحة .. والله لا يحوجكم حق هالعمليات


الملاحظ ان العمليات اللي نفس ذي صارت مثل حلاقة شعر الراس .. وبرواية ثانية .. مثل شرب الماي

والله اخوي انا اقول يسونها ابرك..امس في برنامج نون النسوه على قناه قطر
حاطين ان من المتوقع ان نسبه السمنه المفرطه بين النساء في الخمس سنوات القادمه ثلاثه وسبعين في المئه والرجال اثنين وستين بالمئه

[الزعفراني]

والله اخوي انا اقول يسونها ابرك..امس في برنامج نون النسوه على قناه قطر
حاطين ان من المتوقع ان نسبه السمنه المفرطه بين النساء في الخمس سنوات القادمه ثلاثه وسبعين في المئه والرجال اثنين وستين بالمئه

الحلول السريعة دايما الناس تبحث عنها .. بس هل فكروا في عواقب هالعمليات بعد 10 سنين مثلا أو 20 سنه ؟؟
نتكلم عن تدخل في تغيير طبيعة اعضاء في الانسان ..وتغيير في طريقة وضعها في الجسم .. وبالتأكيد تغيير في بعض وظائفها او سلوكها الوظيفي ..

النسبة العالية في انتشار مرض السمنه شي متوقع خصوصا في المجتمعات المترفة مثل دول الخليج ..

الاولى يتم تثقيف الناس والتشجيع على مواجهة كل الاسباب اللي تؤدي الى السمنه ..

اليوم لما اشوف ام في مجمع تجاري ومعها بنتها بعمر 10 سنوات وماشاء الله عليها باديه عليها ملامح السمنه وبنفس الوقت اشوفها تلط في شعر البنات والا متلذذه بسطل ايسكريم

الواجب الام توجه البنت وتبدأ تعالج المشكلة

[فتى الجود]

الحمدلله على سلامتك

والحمد الله انها انجحت

[دانة الطواش]

الحمدلله الأمر بسيط أنا سويت العملية من شهرظ£ والحمدلله فقدت ظ¤ظ¢كيلو والحين الصحة والرشاقة من أحسن مايكون

[حسن]

سلامات

واحد من اخواني مسويها في حمد ونزل وزنه تمام رغم انه مسكين حول 130 بس والحين يهفهف
في 100
بس من اشوف اكله الصافيه مايكملها مايسرني حالهم
والمشكله ينصحنا ان نسويها

اهم شي عندي الهمزه قلت له روح انت يبيلك الدكتور حد يخلي هل الصافي الزين
وتقعد لي على المتاي شنو انا بيبي متو

:)

الصراحه انا انصح النساء عندنا وخاطري يسيرون مثل ميساء

:)

اما الرجل لا وشخانته رجال بدون كرشه مثل الاستاندر السعودي بو بابين

قال قص معده
احنا كرشه اخوي بغينا نسويه باجه

:)

[أسد الجزيرة]

مين ميساء ؟

[فلتة زمانها]

عيب هالعمليات هو الترهلات خصوصاً الي يفقد وزن وما يحب يمارس الرياضة
هالموضوع واااايد يهم البنات

[أبو رماح]

الحمد لله على سلامتك وماتشوف شر

الرسول عليه الصلاه والسلام كان يربط معدته من شدة الجوع ونحن العرب في وقتنا الحالي نربطها من كثر النعم

[أم محمد 90]

الله يجزيه خير اللي رفع الموضوع توني كنت أدوره ف قوقل ابي اشوف تجاربكم

..

[عاشق العديد]

الله يجزيه خير اللي رفع الموضوع توني كنت أدوره ف قوقل ابي اشوف تجاربكم

..

ناويه ..

الرجيم افضضل ..
اي انزين انا كنت متين وضعفت .؟
وعقب الترهتلات .؟
كرشتي الي تمغطت ..
اتم بكرشه جني كامل ولاضعيف وجسمي مترهتل جني عجيز ..
ياتطلع 6 باق .. ولا بلاش ..
والي يبي الخلطه يكلمني ..

[سلامي للكل]

الســـلام عليكم ورحمة الله وبركاته

الحمد لله على السلامة اخوي

ونصحة للجميــع تغيير نظام االاكل والرياضة هما افضل وسيلة للرجيم

هذا انا قبل فترة لاحظت ان وزني زاد وقررت اعمل رجيم

بديت من حوالي 7 شهور تقريبا او اكثر ونزلت بحدود 20 كليو

على فكرة رجيمي بس تغيير نظام الاكل بدون اي رياضة

والحمد لله صابر ومقتنع

بس يبغيلها صموووود وارادة

الله يرزق الجميع الصحة والعافية

وبالتوفيق

[أم محمد 90]

ناويه ..

الرجيم افضضل ..
اي انزين انا كنت متين وضعفت .؟
وعقب الترهتلات .؟
كرشتي الي تمغطت ..
اتم بكرشه جني كامل ولاضعيف وجسمي مترهتل جني عجيز ..
ياتطلع 6 باق .. ولا بلاش ..
والي يبي الخلطه يكلمني ..

انا اليوم الصبح معودة من البحرين ومخلصة تحاليل وكل شي

اعرف ناس وايد سووها ، ومافيهم ترهلات ولا شي .. لان من سادس اسبوع لازم يدخلون الجم

اللي بيسويها وبيتم كله منبطح لا يجي يتشكى من الترهلات

[عاشق العديد]

انا اليوم الصبح معودة من البحرين ومخلصة تحاليل وكل شي

اعرف ناس وايد سووها ، ومافيهم ترهلات ولا شي .. لان من سادس اسبوع لازم يدخلون الجم

اللي بيسويها وبيتم كله منبطح لا يجي يتشكى من الترهلات

وانا بعد اعرف ناس وايد سواها ..
وحتى لو بيتمرن يتمرن على خفيف ..
مب كفو يسويها ويركض .. مشي خفيف ..
مشي فقط ..
لاتمرين ولاهم .. ماتقدرين تشلين شي ثقيل اصلن ..
حياتج تتغير ..
اللقمه تاكلينها توقف بنص بلعومج .. ولد عمي والله كان يوقف ينطط عشان الاكل يمشي ..
وهاي هو مسويها قبل سنه ..
وجسسسمه ترهتلات من الي مايحتاي عادي اخذ كرشته اتلحففف فيها ..

[أم محمد 90]

وانا بعد اعرف ناس وايد سواها ..
وحتى لو بيتمرن يتمرن على خفيف ..
مب كفو يسويها ويركض .. مشي خفيف ..
مشي فقط ..
لاتمرين ولاهم .. ماتقدرين تشلين شي ثقيل اصلن ..
حياتج تتغير ..
اللقمه تاكلينها توقف بنص بلعومج .. ولد عمي والله كان يوقف ينطط عشان الاكل يمشي ..
وهاي هو مسويها قبل سنه ..
وجسسسمه ترهتلات من الي مايحتاي عادي اخذ كرشته اتلحففف فيها ..

والله خالتي مسويتها ونفس الحالة ..

انا افكر اسويها بس مترددة وايد ، من اول مارجعت اقرا تجارب الناس وخايفة وايد

الريجيم ينفع وياي وانزل بسرعة لكن بس اتركه وارد اكل طبيعي امتن :( اهئ

الحين انا مشتركة ف غرين لايف ونزلت 4 كيلو ف اسبوع ويومين ، انصدمت لما وزنت فالبحرين اني نازلة 4 كيلو

ف بستمر عليه .. وبشوف مع اني ادري اول مايخلص برجع اكل وبرجع الوزن ..

[فلتة زمانها]

ام محمد تحملي تسويينها صج العملية حل سريع لكن بتتعبين في المستقبل وبتعانين وااايد
خلي ارادتج قوية الريجيم افضل مع الرياضة وان شاءالله تشوفين نتايج مرضية
وسوف تحصلين على قوام رشيق خالي من الترهلات والسيلوليت :nice:
شرايج بالدعم النفسي هاهاهاهاهاها

[عاشق العديد]

والله خالتي مسويتها ونفس الحالة ..

انا افكر اسويها بس مترددة وايد ، من اول مارجعت اقرا تجارب الناس وخايفة وايد

الريجيم ينفع وياي وانزل بسرعة لكن بس اتركه وارد اكل طبيعي امتن :( اهئ

الحين انا مشتركة ف غرين لايف ونزلت 4 كيلو ف اسبوع ويومين ، انصدمت لما وزنت فالبحرين اني نازلة 4 كيلو

ف بستمر عليه .. وبشوف مع اني ادري اول مايخلص برجع اكل وبرجع الوزن ..




انا كنت دب .. وووووصلت مرحله

والي يشوفني الحين مايصدق انه انا فلان !؟
ماوصلت لمرحة الرجيم فقط شديت وفوق هذا تمرنتتتتت ..

الاراده خليها عندج قويه ودايما طالعي الي اضعف منـج عشان تاخذين طاقه ..

[عاشق العديد]

.. العمليه فيها محفزات اني بضعف واني ماباكل لو ايش ما اسوي .. عندي 3 من عيال عمي .. متان ..
2 ضعفو .. واحد لا !؟

2 ضعفو في اكل من سنه والثالث قبلهم بسنتين !؟ وماضعف ..
لاتفكرين العمليه شي سهل !؟
الي. ضعفو !؟ اجسامممم كلش ..
حتى لو لابس بدله او ثوب.. يبين انه قبل كان دب ..
الترهتلات .. في كل الجسم .. اليد البطن ..
كم يبي لك تتمرن .. اقل شي 3 سنينين اروح اشد !؟
في سنتين بظبط بالرجيم انا وصلت للي ابيه وبالجسم الي ابيه !؟

مانصحكم فالعمليه ..
رجيم افضل مية مره .. واتمنى العمليه هاذي تتكنسل من الاساس ..

[war reporter]

السلام عليكم ورحمة الله وبركاته, عن تجربة أنا لا أنصح بالعملية نهائيا لأنه قد تتضمن مضاعفات وقد تسبب أذى لصاحبها وقد لا تحقق له مبتغاه. الأهم أن يقتنع الشخص حقيقة بضرورة خفض وزنه ويدرك حجم الأضرار الناجمة عن تلك الكلغرامات الزائدة ويقتنع بضرورة التخلص منها حتى يعيش حياة سوية وطبيعية مثل أي شخص آخر. صحيح أن الأمر في البداية سيكون صعبا ومجرد التفكير في الأمر يتطلب إرادة صلبة وعزيمة من فولاذ لكن صدقا بمجرد ما تمر الأيام الأولى فقط حتى يجد نفسه مندمجا في عالم جديد كان غافلا عنه ويندم على الفترة السابقة من حياته.
لدي تجربة شخصية عن فقدان الوزن بشكل مدروس من دون برامج حمية قاسية ولا آلات ولا معدات ولا كهرباء ولا (خرابيط) منتشرة في الكثير من المراكز كل ما في الأمر أن تنتبه لما تأكل وتتناول وجبات صحية من دون إرهاق نفسيتك بالحرمان من كل شيء والأمر جد بسيط أنا أعشق السمك مثلا عوض أن آكله مقليا أتناوله مشويا وبالتالي لم أحرم نفسي من أكلة مفضلة الأمر فقط أنني تخلصت من كميات الدهون المشبعة. وطبعا الآهم والأهم والأهم الرياضة.
الحمد لله في أقل من ستة أشهر تخلصت من نحو 20 كلوغرام حتى أن ملابسي تخلصت منها ولم تعد تلائمني.
سأعود بالتفاصيل عن الموضوع في تقرير مستقل وكل من يرغب في تفاصيل أخرى يمكنه التواصل معي على الخاص.
تحياتي

[قوت القلوب]

اهم شيء صاحب الموضوع وينه وكم صار وزنه اللحين؟

[أم محمد 90]

ام محمد تحملي تسويينها صج العملية حل سريع لكن بتتعبين في المستقبل وبتعانين وااايد
خلي ارادتج قوية الريجيم افضل مع الرياضة وان شاءالله تشوفين نتايج مرضية
وسوف تحصلين على قوام رشيق خالي من الترهلات والسيلوليت :nice:
شرايج بالدعم النفسي هاهاهاهاهاها

والله ان ارادتي قوية وانا انزل بسرعة
والعملية هي آخر حل افكر فيه بس رحت استشرت الدكتور ، عطاني الكتيب عن العملية مكتوب فيه ان العملية للي كتلة جسمهم 40 وفوق !
انا اقل من 40 بوايد ومع ذلك قال لي ان بيسويها لي

ف قعدت اقرأ مضاعفاتها وترددت شوي

[أم محمد 90]

انا كنت دب .. وووووصلت مرحله

والي يشوفني الحين مايصدق انه انا فلان !؟
ماوصلت لمرحة الرجيم فقط شديت وفوق هذا تمرنتتتتت ..

الاراده خليها عندج قويه ودايما طالعي الي اضعف منـج عشان تاخذين طاقه ..

والله اللي يضايق ان ناس من اهلنا كانو امتن مني اضعاف الاضعاف والحين صارو اضعف مني
والتفلسف الزايد لما اقعد اكل جدامهم (من صجج بتاكلين هاي؟) الله يرحم ايام قبل حتى مخ الخاروف ياكلونه !!

بس لما اشوف زنودهم وبطنهم شلون مترهل ، اقول الحمدلله .. اضعفو لكن الجلد صار سيئ جداً والشعر طاح !

[فلتة زمانها]

والله ان ارادتي قوية وانا انزل بسرعة
والعملية هي آخر حل افكر فيه بس رحت استشرت الدكتور ، عطاني الكتيب عن العملية مكتوب فيه ان العملية للي كتلة جسمهم 40 وفوق !
انا اقل من 40 بوايد ومع ذلك قال لي ان بيسويها لي

ف قعدت اقرأ مضاعفاتها وترددت شوي

اذا استمريتي على الريجيم والرياضة اخذي معاهم حبة سيدوفاج
مع الغدا وشوفي شلون بتقلل شهيتج وبتنزل وزنج بشكل ملحوظ

[الدوحه1]

وحده من الاهل كانت بتسوي العمليه في احد المستشفيات الخاصه في قطر..
ولكن غيرت رايها بعد ان اطلبوا منها التوقيع على 4 صفحات وان الكلام المكتوب يخلي مسئوليه المستشفى
او الدكتور من أي مسائله قانونيه..

يعني ان المستشفى مايتحمل مسئولية فشل العمليه او أي مضاعفات؟؟؟

[أم محمد 90]

اذا استمريتي على الريجيم والرياضة اخذي معاهم حبة سيدوفاج
مع الغدا وشوفي شلون بتقلل شهيتج وبتنزل وزنج بشكل ملحوظ

لا انا عندي حبوب اشتريها من البحرين وتسد نفسي خير شر ، وتخليني كله عطشانة ومرتاحة عليها

[قوت القلوب]

اليوم اسولف مع واحد من الربع يخبرني عن واحد من ربعه سوى العمليه ويوم وصل للوزن المطلوب كلم الدكتور قاله يبي يرجع معدته مثل ماكانت ، قاله الدكتور اشرب كل بيبسي وبترجع معدتك طبيعيه.

يقول قدامي هف له أربع اصياخ كباب مع كرصين خبز ايراني:nice:

[Bo3oof_80]

الحمد لله على السلامه وبشريا بعد مرور ظ¥ شهور
تنصح ونتوكل على الله