تعبنا من وصيف وبروه

[aj9280]

ممكن حد ينصحني شنو ممكن أسوي لأني تعب من وصيف أنا من سكان بروه مسيمير ونادر ما اتصل عليهم لتصليح شئ اتصلت عليهم من اربع اشهر لانه المكيف تعطل علما أني مأجر البيت مع المكيفات قالو لي بيجي الفني ببلاش بس لازم تدفع قيمه قطع الغيار مثل الغاز مع انه المكيف قديم قلت لهم أنا مستعد أغير المكيف علي حسابي بس رفضو وقالو ما ينفع اضطريت ادفع قيمه الغاز وقطعه ما اعرف عنها الله اعلم إذا كانت محتاجه تغير ولا بس علي شان يأخذوا مبلغ إضافي المهم آليو اخترب المكيف الثاني اتصلت عليهم أخبرهم قام يقولو لي انه علي شان يجيك فني لازم تدفع مبلغ قيمه قدوم الفني عير التصلح يوم سألتهم محد خبرنا قالو لي بكل برود انه وصيف اللي خبرتنا وما يبون يصرحون عن الموضوع نفس ما سوي فينا يوم الصيانة صارت بمبالغ لقطع الغيار واهي ولا شئ النظافة في المجمع صارت شئ لا يطاق ولا حسيب ولا رقيب ما ادري هل وصيف فوق المحسوبية ولا ما حد يقدر عليهم ولا ولا. ما أقول الله حسبنا الله ونعم الوكيل ولا لو شكيت يقولك روح اشتكي ما يهمنا

[ANONYMOUS]

العقد شريعة المتعاقدين

اذا تحس انك مضطهد شوف لك مكان ثاني والله يعوضك

[aj9280]

معك حق وأنا فعلا بطلع بس الموضوع يقهر أنا والحمد لله مقتدر أني اطلع بس والله في ناس ثانيه ما تقدر تطلع والعقد يقول انه السكن مع مكيفات والنظافة لو بقت علي ماهيه عليه راح تنشر الأمراض مداخل البنايات كلها غبار الله المستعان

[حسن]

حكم القوي على الضعيف

شوفلك شقه غيرها وريح راسك

[aj9280]

لين متي أخوي حسن بن سكت علي الظلم ولا حسيب ولا رقيب أنا بطلع ومب قاعد بس ما بسكت عليهم ما بخلي مكان إلا ويتكلم فيه لين يوصل الموضوع للكل ويعرفون أن بروه ووصيف قاعدين يظلمون الناس وينهبون فلوسهم علي خدمات كلها وهم في وهم

[ANONYMOUS]

معك حق وأنا فعلا بطلع بس الموضوع يقهر أنا والحمد لله مقتدر أني اطلع بس والله في ناس ثانيه ما تقدر تطلع والعقد يقول انه السكن مع مكيفات والنظافة لو بقت علي ماهيه عليه راح تنشر الأمراض مداخل البنايات كلها غبار الله المستعان

الله يكون بعونكم وعونهم

يمكن الشركه ماتوصل لها هموم القاطنين او الملاحظات .. واذا وصلت لهم احتمال راح يقومون بالواجب على اكمل وجه

حاول توصل لهم اولا ..

المنتدى خله آخر متنفس

[ANONYMOUS]

لين متي أخوي حسن بن سكت علي الظلم ولا حسيب ولا رقيب أنا بطلع ومب قاعد بس ما بسكت عليهم ما بخلي مكان إلا ويتكلم فيه لين يوصل الموضوع للكل ويعرفون أن بروه ووصيف قاعدين يظلمون الناس وينهبون فلوسهم علي خدمات كلها وهم في وهم

يا اخي هد اعصابك

واذا عندك حق خذه بالقانون

هذا منتدى مش مكحمه

[aj9280]

أخوي انونموس حاولت أتواصل مع المسؤولين بس كل ما اكلمهم يقولو بنرفع شكوتك ومحد يرد عموما اسمحلي يمكن اتحمست شوي بس والله تعبنا معاهم عموما السموحه

[alnoida]

حي الله الجار
الله يكون في عونك

من ثلاث أشهر طلبت صيانة لمكيف الصالة ومكيف الغرفة
مكيف الصالة كان محتاج غاز وكلف 70 ريال وتم تنظيفه مجانا
لكن مكيف الغرفة كان محتاج قطع غيار كهرباء اشتريتها من السوق وركبوها لي
من غير سوم عماله، لكن اذا الان تم فرض رسوم صيانة ... لا اعلم

إذا حبيت تغير المكيف غيره، وخزن مكيفهم، واذا طلعت رجع كل شي مكانه.

بخصوص الغبار المجمع محاط من كل الجهات بكسارات ما شاء الله تصب علينا الغبار صب!!! لكن مؤقت.

أما النظافة، لا حظت درامات الخمام تنترس ولا حد يشيلها الا بعد كم يوم. من قريب كانوا يوميا.

لكن نظافة المجمع من الداخل صراحة السكان ما يشجعون، عيالهم وسخين ويكسرون البيبان واليتات

أذن!!! السلام عليكم