ممكن او مش ممكن؟؟

[النشميه]

عندي مجموعه من الاسئله وياليت اللي عنده خبره او تجربه في هالموضوع يعطيني ردود ولكم جزيل الشكر.


سيده أرمله في الثلاثينات من عمرها وعندها اربع عيال.

هل من حقها تتزوج او راح ينتقدها المجتمع ؟
هل الزواج راح يكون عقبه في وجه عيالها او راح ينتقص من حقهم؟
هل من الممكن ان يكون زوجها أب آخر لعيالها ؟
هل هناك زيجات مشابه تم نجاحها او فشلت ؟
هل من الممكن ان يسبب هذا الزواج مشاكل او حساسيات مع اهل الزوج المتوفي ؟

حبيت اطرح هالموضوع بناء على طلب اخت عزيزه علي وتقبلو فائق الاحترام.

[ضوى]

شرع الله محد يقدر يمنعها

[الصغيره]

كم زيجه مشابهه وناجحه تمت ومادام الزوج من ااهل الخير ليه ما يكون اب للعيال الايتام واهل المتوفي لازم يفرحون لان زواجها ستر لها وحفظ لعيالها

الله يكتب لها الخير المهم صلاة الاستخاره

[عقار]

مافيها شي ، اذا زواجك ما راح يأثر على تربية العيال

[اجرام]

كل الاحتمالات الي قلتيها ممكن تكون صح وممكن تكون العكس
بالنسبه للسوال هذا هل ممكن أن يسبب حساسيه او مشاكل مع أهل الزوج المتوفي !!

اكيد بستبب مشاكل ويمكن تكبر الى مشاكل كبيره خاصه ان الاعيال الي عندها عيال اخوهم او اعيال ولدهم

[عاشق العديد]

عندي مجموعه من الاسئله وياليت اللي عنده خبره او تجربه في هالموضوع يعطيني ردود ولكم جزيل الشكر.



هل من حقها تتزوج او راح ينتقدها المجتمع ؟

نعم راح تكـون محـل انتقـاد لكن مايضرهـا ذلـك

هل الزواج راح يكون عقبه في وجه عيالها او راح ينتقص من حقهم؟
بنسبه لعيالهـا مافي مشـاكل


هل من الممكن ان يكون زوجها أب آخر لعيالها ؟
هل الزوج متـزوج واذا متزوج انصحهـا بـلا وذلك لعدة زواجات. انتهبت بالطلاق

هل هناك زيجات مشابه تم نجاحها او فشلت ؟

30 بالميه نعم 70 بالميه لا ..
هل من الممكن ان يسبب هذا الزواج مشاكل او حساسيات مع اهل الزوج المتوفي ؟
نعم يسببب ذلـككك. ويمكن يؤدي إلى انقـاط صلة الرحـم شـي حصـل قدام عيني ..

*

[Dmy Enabi]

في النهاية هي صاحبة القرار وأما سالفة حد بيزعل من هل الزوج الله مكثر الطوف

[adel777]

تتوكل وتتزوج اذا كبرو عيالها محد بيدري عنها عقب

[ضوى]

شوفي اختي عن نفسي اخوي توفى من كم شهر رحمة الله عليه وعنده خمس عيال منهم اثنين رياييل وزوجته صغيرة بالثلاثينات ، ولو خذت رايي بزواجها باقولها توكلي على الله محد يحرم شرع الله ، الزواج عفه وحصن لها وريال يدبر امورها وامور عيالها احسن ماتسوم ويهها للناس وعيالها اكيد يبون الخير لها صج بنتضايق مب لاجل شي بس لانه واحد ثاني اخذ مكان الغالي الله يرحمه بس لو بنشوف المنطق مافيه اي شي لانه حلال والحلال مافيه انتقاد عليه
واذا عالمجتمع وكلام الناس مب خالصين

[آخر الفرسان]

من ينتقد ماشرع وحلله رب العالمين !؟

سبحان الله ..

في أخوان تزوجوا في ليلة وحدة من خوات .. ( وليس مطلقات )
وحدة تطلقت والثانية تمت في عصمة زوجها !
ماكو مقياس ابد في الزواج !

كل اللي عليها تتوجه لرب العباد بالأستخارة ..

بالتوفيق ان شاء الله

[khalid525]

خلها تتوكل على الله في امر حلال لا تتردد ، الزواج حياة مب مشروع تجاري لا تقعد تحسب كل صغيرة وكبيرة

[جارح]

لدي مداخله من عدة نقاط ونسال الله التوفيق لها ولعيالها
اولا الشرع حلل ولا عليها من كلام الناس تحصن نفسها اخير لها من الوحدة
ثانيا عليها اختيار المتدين صاحب اللطف والقلب الرقيق لكي يخاف الله فيها ويرعى الايتام رعاية كاملة ويحسسهم بالابوة التي فقدوها
ثالثا تشترط عليه ان يقوم بزيارة اهل زوجها السابق لكسر حاجز الغربة ومزوارة الابناء معه باستمرار ليحسوا بالراحه وليتطمنوا على اولادهم
رابعا هو الاهم بوجهة نظري عليها قبل ان يعقد عليها ان تجلس معها وحبذا ان يكون هنالك والده ووالدها ولتاخذ عليه العهد والوعد وتحلفه على كتاب الله ان يرعى اولادها مثل اولاده ولا يفرق بينهم وان لايحسسهم بفقدان ابيهم ويكون لهم خير الخلف لخير سلف
فان فعل وقبل تتوكل على الله وتوافق
وكل هذا طبعا بعد الاستخاره لاكثرمن مره ولا تلتفت لاي انتقاد للفكره لان الموضوع يخصها وحدها

[النشميه]

كم زيجه مشابهه وناجحه تمت ومادام الزوج من ااهل الخير ليه ما يكون اب للعيال الايتام واهل المتوفي لازم يفرحون لان زواجها ستر لها وحفظ لعيالها

الله يكتب لها الخير المهم صلاة الاستخاره


الله يكتب الخير ويصلح الحال

[النشميه]

كل الاحتمالات الي قلتيها ممكن تكون صح وممكن تكون العكس
بالنسبه للسوال هذا هل ممكن أن يسبب حساسيه او مشاكل مع أهل الزوج المتوفي !!

اكيد بستبب مشاكل ويمكن تكبر الى مشاكل كبيره خاصه ان الاعيال الي عندها عيال اخوهم او اعيال ولدهم


صحيح وخصوصا لوكان المتوفي هو ابن عم هالارمله
الله المستعان

[النشميه]

عندي مجموعه من الاسئله وياليت اللي عنده خبره او تجربه في هالموضوع يعطيني ردود ولكم جزيل الشكر.



هل من حقها تتزوج او راح ينتقدها المجتمع ؟

نعم راح تكـون محـل انتقـاد لكن مايضرهـا ذلـك

هل الزواج راح يكون عقبه في وجه عيالها او راح ينتقص من حقهم؟
بنسبه لعيالهـا مافي مشـاكل


هل من الممكن ان يكون زوجها أب آخر لعيالها ؟
هل الزوج متـزوج واذا متزوج انصحهـا بـلا وذلك لعدة زواجات. انتهبت بالطلاق

هل هناك زيجات مشابه تم نجاحها او فشلت ؟

30 بالميه نعم 70 بالميه لا ..
هل من الممكن ان يسبب هذا الزواج مشاكل او حساسيات مع اهل الزوج المتوفي ؟
نعم يسببب ذلـككك. ويمكن يؤدي إلى انقـاط صلة الرحـم شـي حصـل قدام عيني ..

*


شكرا على هذه الردود
وبالفعل في بعض الزيجات اللي من هالنوع للاسف تفشل

[النشميه]

شوفي اختي عن نفسي اخوي توفى من كم شهر رحمة الله عليه وعنده خمس عيال منهم اثنين رياييل وزوجته صغيرة بالثلاثينات ، ولو خذت رايي بزواجها باقولها توكلي على الله محد يحرم شرع الله ، الزواج عفه وحصن لها وريال يدبر امورها وامور عيالها احسن ماتسوم ويهها للناس وعيالها اكيد يبون الخير لها صج بنتضايق مب لاجل شي بس لانه واحد ثاني اخذ مكان الغالي الله يرحمه بس لو بنشوف المنطق مافيه اي شي لانه حلال والحلال مافيه انتقاد عليه
واذا عالمجتمع وكلام الناس مب خالصين


ياليت كل الناس يفكرون بهذه الطريقه
شكرا على مرورج اختي

[النشميه]

من ينتقد ماشرع وحلله رب العالمين !؟

سبحان الله ..

في أخوان تزوجوا في ليلة وحدة من خوات .. ( وليس مطلقات )
وحدة تطلقت والثانية تمت في عصمة زوجها !
ماكو مقياس ابد في الزواج !

كل اللي عليها تتوجه لرب العباد بالأستخارة ..

بالتوفيق ان شاء الله


طبعا الاستخاره اولا
وآراء الاعضاء بعد مهمه
شكرا

[النشميه]

لدي مداخله من عدة نقاط ونسال الله التوفيق لها ولعيالها
اولا الشرع حلل ولا عليها من كلام الناس تحصن نفسها اخير لها من الوحدة
ثانيا عليها اختيار المتدين صاحب اللطف والقلب الرقيق لكي يخاف الله فيها ويرعى الايتام رعاية كاملة ويحسسهم بالابوة التي فقدوها
ثالثا تشترط عليه ان يقوم بزيارة اهل زوجها السابق لكسر حاجز الغربة ومزوارة الابناء معه باستمرار ليحسوا بالراحه وليتطمنوا على اولادهم
رابعا هو الاهم بوجهة نظري عليها قبل ان يعقد عليها ان تجلس معها وحبذا ان يكون هنالك والده ووالدها ولتاخذ عليه العهد والوعد وتحلفه على كتاب الله ان يرعى اولادها مثل اولاده ولا يفرق بينهم وان لايحسسهم بفقدان ابيهم ويكون لهم خير الخلف لخير سلف
فان فعل وقبل تتوكل على الله وتوافق
وكل هذا طبعا بعد الاستخاره لاكثرمن مره ولا تلتفت لاي انتقاد للفكره لان الموضوع يخصها وحدها

اسعدتني مداخلتك اخي العزيز

[طلعة الروح]

ستة أمور يجب تعجيلها :

الدين ادا كان المدين موسرا.
البكر ادا جاءها من يتزوجها.
اكرام الضيف بمجرد ما يدخل البيت.
تعجيل دفن الميت.
الصلاة على وقتها.
تعجيل التوبة.


سيده أرمله في الثلاثينات من عمرها وعندها اربع عيال.

هل من حقها تتزوج او راح ينتقدها المجتمع ؟
حقها طبعا هي امرأة في النهاية ، أما المجتمع ينقدك في كل شي حتى على طلعة الحوش.

هل الزواج راح يكون عقبه في وجه عيالها او راح ينتقص من حقهم؟
ان شاء الله مايكون عقبة ، المهم حسن اختيار الزوج الصالح اللي يخاف الله فيها وفي عيالها.

هل من الممكن ان يكون زوجها أب آخر لعيالها ؟
نعم ممكن ان يكون عوض لهم مع العلم ان الوالد الحقيقي لا يتعوض ولكنها سنة الحياة.

هل هناك زيجات مشابه تم نجاحها او فشلت ؟
ماعندي فكرة ، لكن النجاح والفشل ممكنان في أي زواج كان.

هل من الممكن ان يسبب هذا الزواج مشاكل او حساسيات مع اهل الزوج المتوفي ؟
على حسب عقلية أهل الزوج المتوفي ، هل هم اناس فاهمين الحياة أم لا

المهم هو حسن الاختيار للزوج ، صلاة الاستخارة مهمة ، النية الطيبة، أما التوفيق فهو من الله.

تقبل مروري,,

[ام السعف]

شرع الله محد يقدر يمنعها

:nice:

[al-obaidly]

تتوكل على الله

[alsoq]

هي عليها في المقام الاول اختيار الشخص المناسب اللي خايف ربه ويفضل يكون ما عنده عيال من زوجه ثانيه لانه بتحصل مشاكل

ويجب عليها ان توضح له شروطها من ناحيه اولادها

وان شاء الله تلقى الرجل اللي يصونها هي وعيالها

[النشميه]

ستة أمور يجب تعجيلها :

الدين ادا كان المدين موسرا.
البكر ادا جاءها من يتزوجها.
اكرام الضيف بمجرد ما يدخل البيت.
تعجيل دفن الميت.
الصلاة على وقتها.
تعجيل التوبة.


سيده أرمله في الثلاثينات من عمرها وعندها اربع عيال.

هل من حقها تتزوج او راح ينتقدها المجتمع ؟
حقها طبعا هي امرأة في النهاية ، أما المجتمع ينقدك في كل شي حتى على طلعة الحوش.

هل الزواج راح يكون عقبه في وجه عيالها او راح ينتقص من حقهم؟
ان شاء الله مايكون عقبة ، المهم حسن اختيار الزوج الصالح اللي يخاف الله فيها وفي عيالها.

هل من الممكن ان يكون زوجها أب آخر لعيالها ؟
نعم ممكن ان يكون عوض لهم مع العلم ان الوالد الحقيقي لا يتعوض ولكنها سنة الحياة.

هل هناك زيجات مشابه تم نجاحها او فشلت ؟
ماعندي فكرة ، لكن النجاح والفشل ممكنان في أي زواج كان.

هل من الممكن ان يسبب هذا الزواج مشاكل او حساسيات مع اهل الزوج المتوفي ؟
على حسب عقلية أهل الزوج المتوفي ، هل هم اناس فاهمين الحياة أم لا

المهم هو حسن الاختيار للزوج ، صلاة الاستخارة مهمة ، النية الطيبة، أما التوفيق فهو من الله.

تقبل مروري,,


الله يسوي اللي فيه الخير
شكرا على التعليق

[رهج السنابك]

حبيبتي اسئلتج محد يقدر يجاوبها بشكل نظري وانصحج بالابتعاد عن التنظير

التجربه غير وكلام الناس غير

لازم تسأل نفسها اول هي شنو تبي من الزواج؟؟؟؟
هل هي مرتاحه بوضعها الحالي او لا؟؟؟
ترا الزوج الجديد مب ملزوم بنفقه عيالها لازم تحط هالشي ببالها
هل عندها وظيفه وبيت وعمام العيال قايمين فيهم ومب ناقصهم شي؟؟؟

اذا مرتاحه بوضعها تقعد تربي عيالها ابرك من المشاكل
ثانيا هل المتقدم لها رجال ينشرى بمعنى الكلمه؟؟؟ هل فعلا يستاهل انها تاخذه وتتحمل كل العواقب لو ماتحمل عيالها؟؟

هل بيقول مابي عيالج بيوم من الايام!!!!
ولا بتخلي عيالها في بيت اهلهم وتروح مع الزوج؟؟؟

وايد امور لازم تكون على بينه قبل ماتقرر

محد بيقول زواج ناجح او فاشل يعتمد على المعطيات الي بتتم بينهم
وكلها توافيق

[أخت الكل]

هل من حقها تتزوج او راح ينتقدها المجتمع ؟

طبعا من حقها تتزوج والمفروض تكون واثقه من نفسها وتعرف أولوياتها وأحتياجاتها والمجتمع ماله أي أهمية

هل الزواج راح يكون عقبه في وجه عيالها او راح ينتقص من حقهم؟

إذا أحسنت أختيار الزوج وكانت واضحه معه وهو واضح معها من البداية فالنتيجة حياة مستقرة
وبالنسبة للشق الثاني من السؤال فيتوقف عليها هي نفسها كأم هل احسنت تربيه عيالها أو لا هل علمتهم كيف يحبونها كأم أو لا وإذا كانت خايفه فأنصحها تتزوج من أهل زوجها

هل من الممكن ان يكون زوجها أب آخر لعيالها ؟
أكيد او راح يكون الزواج سبب في مشاكل جديده هي بغنى عنها

هل هناك زيجات مشابه تم نجاحها او فشلت ؟
أنا أعرف حاله تزوجت جارها زواج مسيار بعلم زوجته الأولى وكان لها سند بتربيه العيال وفي تدبير أمور حياتها

هل من الممكن ان يسبب هذا الزواج مشاكل او حساسيات مع اهل الزوج المتوفي ؟لا طبعا لان هذا حق من حقوقها ولازم يتفهمون هالموضوع لانهم بالنهاية أهل عيالها


حبيت اطرح هالموضوع بناء على طلب اخت عزيزه علي وتقبلو فائق الاحترام

ولك كل الأحترام والتقدير أختي والله يعينها لان اربع اطفال مسؤوليه وأمانه لكن الوحده ما تظلم نفسها إذا هي في حاجه للزواج تتزوج لكن تختار الشريك الصح رجال متقي ربه وراعي صلاة

[حسن]

هل الزواج بشرع الله جريمه !!!!

مافي شي يمنع وهذا خق شرعي الله كفله لها تروح في حال نصيبها
مثلها مثل غيرها وتتوكل على الله

اما الباقي ماعليها منهم

[خليفـة]

اذا الي متقدم لها يخاف الله وراعي دين
ومشهود له بالصلاح والايمان
خليها تتوكل على الله
وربي يوفقها

خليفــة

[النشميه]

حبيت اوصل الشكر الجزيل لكل تعليق او نصيحه من اخواني واخواتي الاعضاء

[أم محمد 90]

خذيها من هالناحية


مطلقة وعندها عيال تبي تتزوج وتوها فالثلاثين (الكلام راح يكثر وكلام قاسي وجارح) وبزواجج وموت زوجج ينهون حياتج يعني خلاص تظلين جذي لين اخر العمر


مطلق وعنده عيال وعياله اطول منه وفالخمسين وتزوج وحدة كبر بنته وي يبي يرجع شبابه خلووه يعيش ويستانس


...

[النشميه]

خذيها من هالناحية


مطلقة وعندها عيال تبي تتزوج وتوها فالثلاثين (الكلام راح يكثر وكلام قاسي وجارح) وبزواجج وموت زوجج ينهون حياتج يعني خلاص تظلين جذي لين اخر العمر


مطلق وعنده عيال وعياله اطول منه وفالخمسين وتزوج وحدة كبر بنته وي يبي يرجع شبابه خلووه يعيش ويستانس


...


بالفعل هذا اللي قاعدين نشوفه في مجتمعنا للاسف