هل يوجد حل ,,, يرجى المساعده ضروري

[HuNTeR_QTR]

السلام عليكم جميعا

عندي مشكله بخصوص البورسلان,,

المشكله اني اخترت اركب بورسلان للصالات ,, بيج ومحدد بالبني,, وقت التركيب العامل قص بجهاز القرايندر(الصاروخ) وصارت اطراف البورسلان متشرشره وشكلها قبيح ولما كلمته قال لالالالا عادي دي بتروح مع الروبه, لكن للاسف ماراحت الشرشره,, الحين طبعا ابي حل او اني اشيله واركب غيره وهالشي معور قلبي لانه خلص ولازم اختار غيره :((

شرايكم انتو هل يوجد حل؟؟؟

وسلامتكم

[ضوى]

عادي بتروح مع الروبة شكله من العمالة اياها اللي كل شي يمشي عندها ، طبعا مافي حل الا انك تشيله وتركبه مرة ثانية وخليه يسويها على حسابه ، انا شلخ لي كم بلاطة خليته يشتري على حسابه صج يبطون الجبد لما يتفلسفون

[al saad]

الشيخ جرب القص بالماي او بليزر نفس قص الرخام في الصناعية شوفلك محل رخام وعطة البلاط وخله يقصة على قياسك

[Bozizoo]

اخوي البورسلان ماينقص بالصاروخ
واذا انتقص فيه هذه نتيجته
يقصونه العمال بالصاروخ عشان ارخص لكن يخرب المنظر

[المنسى]

المفروض لو انه شاطر يركبه من غير قص ويعمل حسابه القص مايجى الى فى الاطراف بحيث مايبان مب يجى فى نص الصاله ويقص الله يكون فى عونك

[ولد المنصور]

الله يعينك ,, ماقيه الا اتغيره وتشوف كم متر تحتاج وعلى طول من المخزن الى القص عندهم بالمكاين الخاصه

[مضارب دوسري]

ينقص بطريقه ثانيه غير الليزر
وهي القلم
ولكن مب كل الشركات عندها القلم لانه غالي ويحتاج كل 10 متر يتغير القلم بقلم جديد عشان جذي ما ياخذونه اللي شغلهم مش حالك

ولو بتحسب انه القص عالاطراف بس
بيطلع فالبيت ما يقارب ال 25 متر مربع

يعني يحتاج قلمين بس
لكن بعضهم نصاااب ويدور الرخص باي طريقه

[مضارب دوسري]

http://i.imgur.com/fUT4Jgj.jpg

هذي صورة القلم
ويبان منها لو تكبرها ان فيها قلم لونه زهري هذا اللي يحتاج يتغير كل 10 متر مربع واحيانا كل 20 متر مربع على حسب سمك البلاطه

[معماري قطري]

هذي مشكلتنا لا تصنيف مهن ولا ترخيص ويجونا ناس تراويهم الأبيض تقول لهم وشو اللون ذيه؟ يقولون لك أسود ويقنعونك غصب .. بعض البورسلان ما ينقص الا بمقص مائي .. ووتر جت .. والغالبية تنقص بالمنشار العادي بس يكون حاد ونظيف والعامل يكون فنان ومتمكن .. لكن المصريين الله يرحمنا منهم يستعملون المنشار لين ينطق ويقول أرجوكم غيروني ولا يغيرونه والضحية القطري.

وأصلاً المصري همه التوفير ويكون غير مؤهل يمكن سواق تكسي كان في مصر وفجأه حصل نفسه بَلاط .. المصريين مشهورين بعد بتركيب الطابوق بأقل كمية من المونة وتستوي الشلوخ بعد البلاستر مثل الدرج تبين حول أطراف الطابوقة.

نصيحة لحد يتعامل مع مصري وهذا الحل وقولوا عني عنصري لكن هذا من واقع مشاهداتي.

[w.qatar]

هالجنسية معروف شغلهم
الاسيويين احسن ناس لهذي الشغله بس بعد لازم تاكدون عليهم يحطون اسمنت كافي تحت البورسلان عندي في الصالة بلاطه اذا مشيت عليها تسمع صوت مجوفه و بعض النعلات نفس الشي

[HuNTeR_QTR]

الله يجزاكم خير على تفاعلكم،

ماقول الا لاحول ولاقوة الا بالله، مالي الا اغيره والله يكون في عوني

[king999]

انا مع اخوي معماري قطر في الراي وكان من شروطي مع اي شركه ما يكون فيه عمالة مصريين او سوريين