ابي المشوارة .... [الأرشيف] - منتديات شبكة الأسهم القطرية

قطرة مسك

21-07-2013, 11:38 AM

السلام عليكم ورحمة الله وبركاته

موضوعي ابي المشورارة ،، عندي كم قرش :nice:

وابي اخذ رايكم :

هل اشتري فيه ارض واستثمرها ولا اخليها لين يرتفع سعرها وابيعها

ولا ادخل مشروع صغير ، وان شالله يطور

ايش تنصحوني فيه :shy:

شبح الصمت

21-07-2013, 12:44 PM

الله يبارك لك ويزيدك اخوي

نصيحة خذ لك ارض وخلها شيك في اليد

بخصوص المشروع لازم دراسة مشروع كاملة وما تدري الله يبارك لك ويوفقك والا تخسر ..

الارض كل مالها وترتفع وكفايه ذخر لك ولاهلك ..

والمشروع اذا قلبك قوي وعندك دراسة جدوى للمشروع من إلى تحسب فيها تكاليف المشروع والموظفين والايجارات وراح يرد عليك بعائد لو قليل في بدايته يعني لو 20% شيء حلو بس اذا المشروع من بدايته متخوف منه لا تدخله ولازم تشوف المشروع هل منتشر فالدوحه وإلا في منه مستثمرين قله ..

والله يوفق الجميع ويرزقكم الرزق الطيب

Aaziz

21-07-2013, 12:46 PM

و انا اقول ارض ... طبعا على حسب المبلغ و هل بتحتاجينه مستقبلا او لا .

مثلا لو عندج مليون ،، افضل انج تاخذين سلفه فوقها مليون و تشترين فله و تاجرينها .
اذا كنتي تبحثين عن مدخول .
اما اذا كنتي بتحتاجين هذا المبلغ مستقبلا فا الارض اختيار موفق .

بالتوفيق ان شاءالله

المبرمج صلاح

21-07-2013, 02:52 PM

الارض طبعا كما قال اخواني افضل بكثيير من المشاريع هذه الايام

ويحبذ انك تشتري ارض عليه عقار بحيث تستفيد من دخله شهريا وبنفس الوقت الارض تفضل للمستقبل

الله يوفقك دنيا واخرة

مزيون الدوحه

22-07-2013, 01:49 AM

نصيحه اشتري ارض صغيره في مكان سكني مرغوب
ودوري لج شريك الافضل يكون حد من هلج و يبنيها
طبعا تشطيب تجاري واذا جهز البيت بيعوه وبعد ممكن ينباع
على العظم والربح بالنسبه وكل واحد كم دفع وياليت يصير عقد
بينكم عند محامي حتى الكل يضمن حقه .
وخلكم ماشيين على هالطريقه
واهم حاجه تختارين ( الشريك المناسب ) و ( الشركة المناسبة )
وبالتوفيق ان شاء الله

ذيب ازغوى

22-07-2013, 02:50 AM

اشوف انا انصحج بمشروعه ولاكن انا بحط لج خيارات لج ولغيرج من الاخوان خله يستفيد من الافكار

1- بخصوص المشروع مثلا لو مشروع جديد ونادر تحصل مثله في قطر فهذا ممتاز لان كثير من الاشياء ندورهاا مانحصلها في قطر ونحصلها في السعوديه او الامارات او مشروع في مستثمرين سابقينج فيه لاكن اسعارهم مبالغه فيها ويوم تسوين دراسة الجدوى وتحصلين انا مربحج بيكون زين فتنزلين بالاسعار منه وهذا بتستفيدين وبتفيدين
2- عندج الشيء الثاني مثلا شقه او فيلا على حسب الوضع المادي مالج في اللولوه او احد الاماكن السياحيه المرغوبه وتاجرينها وهذا ممتاز جداا
3- عندج بعض البنوك تاخذ فلوسك تستثمرها لك ويحددون لك نسبة الارباح من 9 الى 12 % وبعضهم اكثر او اقل على حسب البنك بس فلوسك ماتقدر تسبحها لمدة سنه تقريبا او سنتين
4- عندج الاسهم لو تاخذين بها اسمه من اللي اسعارهم نازل وتبيعينهم يوم ترتفع اسعارهم اوو اوو تخلينها وتنزل لج الارباح كل مره

والله يوفقج ويوفقك كل المسلمين ياارب

قطرة مسك

26-07-2013, 05:32 AM

اشكركم جميعا ... على نصايحكم ومشورتكم

ولد شرق

28-08-2013, 01:25 AM

الدبلوماسي

01-09-2013, 12:10 PM

والله ياخوي انصحك بارض انا واحد من ربعي كان جي حاير ونصحته يشتري ارض خذ ارض ب مليون و300
وبعدها بفتره بسيطه وصلت بمليونين تقريبا ربحه 700 ف انصحك بقوو ف الاراضي والعقار