استفسارات عن لندن [الأرشيف] - منتديات شبكة الأسهم القطرية

طموحي عالي

21-07-2013, 01:03 PM

السلام عليكم

مبارك عليكم الشهر

اخواني اللي سافروا لندن
اختكم طموحي بتسافر لندن
وعندي كم استفسار

حابه اسال شنو افضل الكروتل ( للبلاك بيري - سامسونج - للاتصال الدولي )
وطريقه تفعيل الخدمة ووين القاهم

وشنو الاماكن اللي توصوني ازورها :shy: غير اكسفورد وجوان رود لاعت جبدي منهم

ودمتم بود

abdo222

21-07-2013, 01:12 PM

مساهم فنان

21-07-2013, 05:48 PM

للايفون والجلاكسي (شركه ثري 3) تشترون الكرت ب 20 باوند فيه 5 باوند مكالمات و فيه ميجابايت (بيانات) غير محدود والخدمه تتفعل اوتوماتيكيا اول ما تدخلون السم كارد في الجهاز

للاتصال الخارجي (شركه ليبارا او لايكا) خدماتهم نفس الشيء (السم كارد ببلاش "حده 2 باوند" وتشترونه من اي دكان صغير او كبير")

بخصوص البلاكبيري ماعندي خبر

الاماكن هذا موضوع لي يمكن يفيدكم ان شاءالله :)

http://www.qatarshares.com/vb/showthread.php?t=548029

صار لي أسبوع من رديت من لندن للآيفون ما يصلح 3 النت تعيس. بينما كان من كم شهر ممتاز بصراحة أنا حطيته وكان سيء بس راعي الموبايلات لما رجعت له قال الحين ننصح الزبائن للنت بo2أسرع ، المهم المحلات وايد في إجورد رود وممكن أصحابها يدلونكم على الأفضل.

غير البشر

21-07-2013, 07:05 PM

مرحبا اختي طوحي عالي

للبلاك بيري والنت انا استخدم فودافون اشوفه زين

وللأتصال الدولي احس شركه وبدون منازع ليبارا :victory:

الاماكن غير الاجور رود واكسفورد

عندج بيكاديلي لايفوتج محل M&M

صوب النهر ساعه بك بن ولندن اي (عين لندن )
قصر باكنغهام ومحتف مدام توسه ( متحف الشمع ) اذا كنتي مازرتيه قبل
مجمع ويستفيلد
النايتس برج وماحوله هارودز والمطاعم والمقاهي على نفس الشارع
الهايد بارك الصغير والكبير

طموحي عالي

21-07-2013, 08:10 PM

شكراً اخوي عبدو وشكراً اخوي مساهم فنان

اخوي غير البشر مشكور ماقصرت
الكرت والله احترت ناس يمدحون فودافون وناس العكس يمدحون 3 جي
تقريبا كل الأماكن ذي زرتها
ما تنصحني بأماكن خارج لندن ؟

ماضي

21-07-2013, 08:45 PM

بالنسبة للاتصال الدولي والبلاك بيري عليك وعلى لايبارا خدمة البلاك بيري لمدة شهر 5 بوند
بالنسبة للانترنت اللي يعطيك لمدة شهر غير محدودة 3 Three
باقي الشركات تعطيك سعة محدودة.

انصحك تروح منطقة البحيرات Lake District ع حدود اسكتلندا 3 ساعات بالقطار من لندن.

موفقك انشاء الله

عبدالعزيز 101

21-07-2013, 09:15 PM

للبلاكبيري تقدر تاخذ فودافون !! وللايفون والسامسونج احسن انك تخلي كرت كيوتل وتشغل خدمة جواز السفر يعطيك مادري كم دقيقة تتصل و 1gb تصفح انترنت ، انستغرام وهالسوالف !!

ومن ناحية الاماكن

عندك بيكاديلي بعد المغرب بس حاسب من الصيع الي هناك !!

لو معاك شباب عندك مدينة ملاهي ثروب بارك تبعد تقريبا ٥٠ دقيقة من وسط لندن !!

وعند النهر صوب الـ London Eye في سوالف وايد تقدر تروح تركب عالقارب ويدور فيك فالنهر وفي طراد تركبه فالنهر يقعد يستن فيك وعندك الاكووريون الي هو حوض السمك !!

بس لو بتركب وحده من هالاشياء خذ تذاكر الفاست تراك عشان تدخل بسرعه وما اتنقع فالشمس !!

غير البشر

21-07-2013, 10:09 PM

شكراً اخوي عبدو وشكراً اخوي مساهم فنان

اخوي غير البشر مشكور ماقصرت
الكرت والله احترت ناس يمدحون فودافون وناس العكس يمدحون 3 جي
تقريبا كل الأماكن ذي زرتها
ما تنصحني بأماكن خارج لندن ؟

خارج لندن انصحج في مانشستر :nice:
وبرايتون بس ماطولين فيها

براحتج حق النت تقدرين تغيرين الكرت بأي وقت اسعارهم زينه
لكن حق الدولي لاتاخذين غير ليبارااااا :victory:

monatee

22-07-2013, 02:15 AM

الاعضاء ماقصروا

بس نقطه ابي اوضحها ،، اذا البلاك بيري اللي عندج من النوع الجديد اقصد q10 او z10

ماتحتاجين خدمه البلاك بيري ،، يكفي ان الكرت فيه رصيد انترنت وراح تشتغل معاج الخدمه

او تشتركين في خدمه جواز كيوتل ،، لانها تعطيج 1 جيجا انترنت ،، مثل ماوضحت اذا عندج تلفون من فئه ال 10 ،، جواز كيوتل ماراح يشغلج الخدمه اذا تلفونج بلاك بيري القديم او البورش

أم علي 2010

22-07-2013, 04:20 AM

أنا عن نفسي استخدمت الفود آفون حق البلاد بئري و ليبارا حق الايفون وأتوقع نفس الشي الجلاكسي

يعني خدمة بلاك بئري فود آفون من غير اتصالات و الليبارا اتصالات وإنترنت

الأماكن وايدة

عن الوايت ليز - مدام تسو - اشتري التذاكر حق لندن أي و الاكوريم مره وحدة تطلع أرخص

عند لندن أي بعد قي لعبة مثل بيت الرعب نسيت اسمها اعتقد اتراب يعني الفخ

وعندج لندن دانجن بعد تحكي قصة لندن القديمة

المتاحف بعد عندج المتحف البريطاني

خارج لندن صراحة أنا مارحت إلا ليفربول وفيها أماكن ومتاحف حلوه

طلعنا على شستر عشان حديقة الحيوان الله يعزكم و في بعد أكوريوم و اوتلت

عندج الثورب بارك قريبة من لندن

يمدحون البلاكبول بعد وفيها مدينة ألعاب كبيرة اسمها بلجر بيج شفت صور لها بس كنا رايحين بالشتا والجو كلس ما يساعد

وعندج بعد التون تورز قريبة من مانشستر

ماذكرت الأسواق في لندن لان معروفه بس هالاماكن ترفيهية أكثر

طموحي عالي

22-07-2013, 02:52 PM

مشكورين ياجماعه ماقصرتوا
ويعطيكم الف عافيه

كاشف الغطاء

23-07-2013, 06:09 AM

شركة التلفون الوحيدة اللي تعطي انترنت انلمتد هي 3 والشركة ممتازة واطلبي منهم باقة المكالمات المحلية لانها غالية

o2 خليه لتلفون البلاك بيري بس اطلبي منهم باقة المكالمات الدولية الرخيصة حق قطر

ونصيييحة : لاتشترين من محلات الاجوارود اشتري الباقات من الشركات نفسها لان ذيلاك ماعندهم الا الكلام واحيانا النصب واالشركات موجودة في اكسفورد ستريت المجمع اللي فوق اندرجراوند بوند ستريت

M5577

23-07-2013, 11:45 AM

ماقصرو الجماعه ^

وبالنسبه للاماكن ترى افضلها خارج لندن

عندج قرية الماركات بستري فيلج Bicester Village Outlet

تبعد عن لندن بالقطار تقريبا ساعه فيها اغلب الماركات وبأسعار مخفظه جدا مثل ديور - رالف لورين - برادا - بربري وغيرها من الماركات المعروفه - جميله ومستحيل حد يطب لندن مايروح لها

واذا عندج يهال مصنع كادبوري مال الجوكلت بعد خارج لندن مدينة مسوينها بنفسجيه علشانه

و صوب بيق بان و عين لندن في مراكب تروح لـ مدينة قرنتش مش بعيده ابدا يعني حلوه وشي غريب يتم بالبال حديقة راسمين فيها خط قرنتش بالارض والمركب يوديج ويجيبج ---- بس لازم تروحينه من وقت ماله حلا متاخر وكانه يسكر الساعه 5

واخيرا عندج وست فيلد أستثمار قطري في لندن مجمع كبير وحلو وفيه مطاعم برع وقسم دورين كانه مادري 3 ادور خاص للماركات --- مستحيل تروحينه مره ذي اذا ماسيرتي عليه كل كم يوم ماتحبين لندن هههه :)

سفـره سعيدة بإذن الله