عبدالله عبدالغني وكيل تيوتا ولكزس

[حمد 2002]

السلام عليكم ورحمه الله وبركاته

الموضوع يحمل العنوان التلاي

(( عبدالله عبدالغني وكيل تيوتا ولكزس وقسم الصيانة ؟ ))

الكل ويمكن اغلب الناس ايعرف قسم الصيانه مال التيوتا والكزس الي بالاند مارك داخل محطه البترول !!!

معقوله سيارات الناس بعد مايسون لها سيرفس = صيانه وتتشيك وتغير ايل ، ايحذفونها برع بالشمس !!!!!!!!!!!!!!!! ، وهالسيارت اتكون معرضه للحوادث لاقدر الله ، واتكون معرضه لاشعه الشمس المباشره وتكون معرضه للسرقه لانها برع المكان ومافيه حارس ولا شيء !!!!!!!!!!!!!!!!!!!!!!!!!!

وين حمايه المستهلك عنهم !!!!!!!!!!!!!!!!!!!!!!

معقوووووووووله مالك لاشهر وكالات السيارات بقطر ، رصيده بالملاين ويمكن بالمليارات ، مايقدر يشتري ارض وايحوطها !!!!!!!!!!!!!!!!!!!!!!!!!!!!!!!!!!!!!!!!!!!!!!!!!

يعني سيارات قيمتها 300 الف ولا 400 الف ومقطوطه بالشارع والله هالشيء غلط ومااايصير !!!!!!!!!!!!!!!!!!

نطالب الجهات المختصه باجبار شركه عبدالله عبدالغني بوضع سيارات الناس بحوطه مغلقه ومكيفه حمايتا لسيارات الناس من التلف ،،،،
الموضوع مفتوح للنقاش العام على مصراعيه وفقا لسياسه المنتدى وبدون الخروج عن الإطار العام للموضوع ،،،

تحياااااااتي للجميييييييع ،،،

[Riku3]

لو ان العنوان مب بمحله بس معاك حق ..

وقبل لا نتكلم عن ما بعد الصيانة الافضل ان نتحدث عن ردائه الخدمه عند الصيانة والتلاعب عند التصليح على الضمان وكثرة الحوادث في القراجات الخاصه بهم ..

للاسف الاحتكار اعطاهم الحق في معاملتنا بشكل سيء .

[بوعلي2]

صيانة الخور ممتازه
والي بالصناعيه تمام
بس مايردون ع التلفون هههههههههههههه
يعني يخلون ضغطك ٢٠٠ يوصل
وبس ههههه

[عطر فرنسي]

تبيني اقولك كم رصيده :whistling:

[غايه الطواش]

اول ماقريت العنوان بققت عيني
قلت سبحان الله حتى في ارزاق الناس بيدخلون
بس يوم شفت الموضوع تغيرت فكرتي الله يهداك مع عناويينك

المهم ماعندي اي خلفيه بالموضوع نتركه للشباب

[بو روضة]

أنا معاك لازم يكون مكان لوضع السيارات فيه سواء وكالة عبدالغني أو الفردان
لان الوكالتين يتبعون نفس النظام
لكن السيارة اول ماتسلمها بتكون موقع على ورقة أن مثل ما سلمتها تستلمها وإذا فيها شء الوكالة أتحمل الأضرار

ورصيد عبدالله عبدالغني كلش ماله خص بالموضوع الله يزيده وزيدنه أن شاء الله

[العلم]

سلامي عليك ياحمد على هالموضوع ..

مب مفتكر في العالم لأنه يعرف إنه تويوتا مطلوبه مطلوبه فالدوحة عشان كذا خدماتهم سيئة ورديئة جدا جدا جدا ..

بس مالك إلا خشمك ولو انه عوج . :rolleyes2:

[أم محمد 90]

تبيني اقولك كم رصيده :whistling:

اي اي قول :whistling:

[وليف قطر]

كم :telephone:

[أم محمد 90]

حمد


::


اختيارك للعنوان خطأ خطأ خطأ

::

اختيارك للموضوع سليم

مب بس عبدالله عبد الغني حتى الفردان ترى !

صراحة انا ماودي سيارتي لهم نهائي وديتها بس اول 5 سيرفسات وقمت اجيكها بتيسير
مايسوى علي النطرة وحذف سيارتي ف الشارع وفوق هذا عوار الراس والانتظار
وبعد فوقه يطلعون عشرين الف علة بالسيارة وهي مافيها شي

::

والسبب مثل ماذكرو اخواني ان التويوتا واللكزس من السيارات المطلوبة وبكثرة في قطر

[شبح الصمت]

اخوي حمد من حقك تكتب اي موضوع

ولكن يجب اختيار (( العنوان ))

أدري عنوانك يشد العضو ويخليه يدخل ويشوف فحوى الموضوع ..

اتمنى اعادة النظر في العناوين بما انك صاحب قلم يومي وطارح لمعاناة الكثير ..

المهم ما علينا ..
:secret:

عن موضوعك يجب ان تضع السيارات وتوفر لهم اماكن ومظلات ونفس ما تفضلت ما عليهم قصور عيال عبد الغني ولعلمك ناس فيهم خير وخير كثير ( الله يزيدهم ويرزقهم بحلاله ويكف عنهم عيون الحساد )

ونتمنى انه يوصلهم صوتك ويلقون حل ..

[fhd4]

بسيطة ... دامنا طايحين شراء في آخر موديل من سياراتهم كل سنة ... ليش يهمهم مستوى الخدمة ولا ارضاء الزباين ...

أنا ما أتكلم عن أشخاص ... أتكلم عن إدارة الشركة ...

[اللوز]

مب بس عبدالغني
حتى وكالة البورش السيارات محذفه برع !!
بس ما يهمك خل ينسرق موترك
بيعوضونك طالما سلمت موترك لهم

[H B A]

والله صحيح كلامك ياخوي ..

والاهم من ذلك المفروض يكون هناك توسعه لمراكز الصيانه خصوصا اللي في اللاندمارك و عنيزه
عشان تستوعب عدد اكثر من السيارات

اغلب السيارات في قطر تويوتا .. وفي كل بيت سياره تويوتا على الاقل
فلما اروح لمجرد تغير فلتر وزيت .. اذا بيخلصها يقولي تعال بعد ٥ او ٦ ساعات

والشغله ماتاخذ ١٥ دقيقه والله

فعشان كذا اضطر اروح التيسير وبعض المرات القراجات العاديه اللي فالغرافه

[مليت]

رصيده طال عمرك السمعه الطيبه اعيال عبد الغني معروفين بطيب والكرم ساعدوا ناس وايد ولا حل وقت الزكاه عينت كل الماسكين والمحتاجين طوابير عندهم غير المساعدات الاخرى اعيال عبد الغني قبل لا يقدمون حق نفسهم شي قدموا للدوله الكثير اقتصادياً ونعم منهم والله

اما بخصوص طلبك صحيح ولكن العنوان يعتبر تدخل في خصوصية الاخرين وحط في بالك الاخ حمد السيارات من مصنعها تجي وهي نفس الشي من غير مظلات وفي الباخره نفس الشي وليس عبدالغني الحاله جميع شركات السيارات بنفس الطريقه

تحياتي

[cobra]

ونعم والله بعيال عبدالغني

ونعم التربية

سالفة نطالب ونطالب ماتخلص

أنا أطالب يصرفون لي ارض برج بالقرض

[شيخ الديرة]

سوق مفتوحة، اللي ما يعجبه السيارة بالشمس، يشتري سيارة من وكيل يحط السيارات تحت المظلات.

[سهم عتيج]

مشكلة معظم الشعب القطري أنهم يخلون كل هالبدائل الهائلة ويتذابحون على بديل واحد رغم الإمكانيات المادية العالية ..

[Khaled Qatar]

حمد


::


اختيارك للعنوان خطأ خطأ خطأ

::

اختيارك للموضوع سليم

مب بس عبدالله عبد الغني حتى الفردان ترى !

صراحة انا ماودي سيارتي لهم نهائي وديتها بس اول 5 سيرفسات وقمت اجيكها بتيسير
مايسوى علي النطرة وحذف سيارتي ف الشارع وفوق هذا عوار الراس والانتظار
وبعد فوقه يطلعون عشرين الف علة بالسيارة وهي مافيها شي

::

والسبب مثل ماذكرو اخواني ان التويوتا واللكزس من السيارات المطلوبة وبكثرة في قطر

لاتقارنين وكاله عبدالغني بالفردان ، مافي وجه للمقارنه. انا مع الفردان من 5 سنين وسيرفسهم وتعاملهم من افضل مايكون وتعتبر افضل سيرفس ف قطر

[نيساني]

رصيده طال عمرك السمعه الطيبه اعيال عبد الغني معروفين بطيب والكرم ساعدوا ناس وايد ولا حل وقت الزكاه عينت كل الماسكين والمحتاجين طوابير عندهم غير المساعدات الاخرى اعيال عبد الغني قبل لا يقدمون حق نفسهم شي قدموا للدوله الكثير اقتصادياً ونعم منهم والله

اما بخصوص طلبك صحيح ولكن العنوان يعتبر تدخل في خصوصية الاخرين وحط في بالك الاخ حمد السيارات من مصنعها تجي وهي نفس الشي من غير مظلات وفي الباخره نفس الشي وليس عبدالغني الحاله جميع شركات السيارات بنفس الطريقه

تحياتي


انا اشهد ولاقصور في الباقي:nice:

[حسن]

موضوع جيد ياحمد بس نبي الحق

ان جيت للحق مش وكالات السيارات يتحملون هذه المسؤليه لوحدهم

خلنا نكون واقعين وامس واليوم والى بكره نتكلم عن سوؤ تخطيط المدن

وش ذنبي انا كا وكيل الدوله ماتوفر ارضي خاصه لمثل هذه الامور فراضا لو انا عندي ارض واقولك واقول حق اي وكيل باعطيك ارض في وسط المناطق وبين البيوت وسو لك كراج سيرفس مصغر هل البلديه بتسمح بذالك !!!!!!!

السبب ان البلديه والتخطيط هي المسؤله عن هذه الامور والوكلاء مالهم خص هذا من وجهه نظريه الصحيحه
جميع الاراضي ملك للدوله ولا عاد في اراضي ملك للمواطنين الى للسكن اما الكبار فهم ملك الشيوخ والتجار واغلبتهم قام يسويها مجمعات تجاريه تدر عليه بالارباح مهب فاضيه اجرها على وكاله سيارات


اتمنى الاسراع في تخطيط اما خاصه للكل سواء فحص فني وكرجات ومن الخدمات الضروريه

حاسب المسؤل لاتحاسب الوكالات

كنت اتمنى يتم تغير وزير البلديه

:victory:

[حسن]

رصيده طال عمرك السمعه الطيبه اعيال عبد الغني معروفين بطيب والكرم ساعدوا ناس وايد ولا حل وقت الزكاه عينت كل الماسكين والمحتاجين طوابير عندهم غير المساعدات الاخرى اعيال عبد الغني قبل لا يقدمون حق نفسهم شي قدموا للدوله الكثير اقتصادياً ونعم منهم والله

اما بخصوص طلبك صحيح ولكن العنوان يعتبر تدخل في خصوصية الاخرين وحط في بالك الاخ حمد السيارات من مصنعها تجي وهي نفس الشي من غير مظلات وفي الباخره نفس الشي وليس عبدالغني الحاله جميع شركات السيارات بنفس الطريقه

تحياتي


وزيد على ذاالك مركز تحفيض قران واعتقد مستشفى والله يرحم شيبانهم

[الجوكر90]

احنا مواتر بيتنا من كم سنه فالشمس ماصار لها شي خير شر ولله الحمد
شالمشكله لو السياره تمت فالشمس
ماتوقع الصبغ يطير بسهوله او عشان يوم تمت السياره فالشمس
الي عاجبه يشتري والي مب عاجبه يدور شركه
كل واحد يرقد ع الجنب الي يريحه
وبالتوفيق

[aldeem1]

ما اشوف فيها اي مشكله

ماراح يصيده شي الموتر لو تم تحت الشمس
وبعدين ليش تكلمت عن عبدالغني وخليت الباقي

عندك الفردان بعد يخلون المواتر برع, والبورش بعد

بس المواتر المسترجعه اللي يخلونك تعاينها عندهم تكون مظلله, اما المواتر الجديده
يجيبونها مغبره ولا تعرف ماركتها, يغسلونها ويجيبونها لك وانت مستانس تحسبهم كانوا ملحفينها

وبخصوص خدمة الفردان,, بعد خمس سنين وانا امدحهم على السيرفس, اخرتها طلعوا ما يبدلون الايل
بس يزيدون عليه, موتر الوالد المفروض انه يشيل 7.5 لتر ايل, من زود الوصاخه والقريز اللي تجمع بسبة
الايل القديم, المكينة قامت ما تشيل اكثر من 5 لتر

[بوخالد911]

يفترض تطوير الخدمة للأحسن

وكالة النيسان تعجبني
لما شريت موتري مو 2012 كان في اوفر أول 3 سنوات السيرفس فررررررررري

وهالشي يحسب لهم

[فرفوش]

اخ لو نفتك من الاحتكار اللى صاير بالوكالات

[أم نواري1]

أهم شي الأرض المكيفه
على أساس طبيلتكم بالبيت مكيفه = )

[العلم]

يفكون الإحتكار وذاك الساع بنشوف كيف الخدمة .. :)


وإلا لازم وكيل واحد في كل دولة ؟

[qatarman8008]

أنا معاك لازم يكون مكان لوضع السيارات فيه سواء وكالة عبدالغني أو الفردان
لان الوكالتين يتبعون نفس النظام
لكن السيارة اول ماتسلمها بتكون موقع على ورقة أن مثل ما سلمتها تستلمها وإذا فيها شء الوكالة أتحمل الأضرار

ورصيد عبدالله عبدالغني كلش ماله خص بالموضوع الله يزيده وزيدنه أن شاء الله

كلام جديد.. اقرا الشروط والاحكام.. تجد.. الشركة غير مسؤولة عن اي تلف او ضرر يحدث للسيارة ..

[qatarman8008]

اعتقد ان هناك قانون يلزم الشركات باستئجار المحلات.. يعني شركة سيارات مثل تويوتا ما تقدر تشتري ارض وتحوطها وتخليها مركز صيانة.. ما يصير.. القانون ما يسمح لهم..

[Bozizoo]

حتى المرسدس الي في اللاند مارك
انا تهاوشت معاهم عشان قاطين السياره برا في الشمس وبدون حراسه و في الشارع

[طلعة الروح]

نتمنى ان يكون هناك قانون تجاري يجبر مراكز خدمة الوكالات على عمل basement تحت المحطة تستوعب على الاقل 100 سيارة لليوم الواحد بهدف التنظيم وتقليل الاضرار، وأن تكون السيارة في مسؤولية وعهدة مركز الصيانة ويضمنها في حالة التلف على الاقل على جسم السيارة الخارجي وليس اللي صاير الحين من عدم ضمان للاضرار الخارجية لجسم السيارة لاقدر الله والتي تحدث بسبب العشوائية وعدم وجود مساحات كافية واللي ينجبر راعي السيارة يوقع عليها مع كل خدمة.
نصيحة للكل : وقت اللي تروح تسوي الخدمة خلك مشرف على العاملين على فحص السيارة وريح راسك من التفكير والمثل يقول ( احرص ولا تخون) في ظل الوضع والظروف الراهنة التي تجبرنا على ذلك لعدم وجود قوانين واضحة أو خدمة ما بعد الصيانة كما ذكر اخونا صاحب الموضوع، أدري انه قد يكون حل غير عملي لكن الله المستعان..
موضوع الاخ حمد يشمل كل وكالات السيارات كما ذكر الاخوان في تعليقاتهم سواء كانت الوكالة فخمة أو عادية ، ف اللي فهمناه ان الوضع ماشي على الكل ، ف الحل المؤقت هو الاشراف والتوكل على الله.. وهذا الاقتراح اتمنى ان يوصل للمختصين سواء كانت الوكالات الأم أم الوزارة المختصة بالبلد..

[عاشق العديد]

كل وكالة تيوتـا نفس الحاله .. الا صناعيـه ..

يجيك لك الموتر .. وعقبهـا يحذفـه بـرع ..

[معماري قطري]

رصيده طال عمرك السمعه الطيبه اعيال عبد الغني معروفين بطيب والكرم ساعدوا ناس وايد ولا حل وقت الزكاه عينت كل الماسكين والمحتاجين طوابير عندهم غير المساعدات الاخرى اعيال عبد الغني قبل لا يقدمون حق نفسهم شي قدموا للدوله الكثير اقتصادياً ونعم منهم والله

اما بخصوص طلبك صحيح ولكن العنوان يعتبر تدخل في خصوصية الاخرين وحط في بالك الاخ حمد السيارات من مصنعها تجي وهي نفس الشي من غير مظلات وفي الباخره نفس الشي وليس عبدالغني الحاله جميع شركات السيارات بنفس الطريقه

تحياتي

خلهم يزكون علينا بتنزيل الأسعار نزل الين 30% وأسعارهم ثابتة .. عادي يطلعون الزكاة من مخابينا.

اللكزس في أمريكا بكامل مواصفاتها ومنها مواصفات للثلج وغيره مب موجودة عندنا حدها 90 الف دولار يوم الين ين .. ألحين مؤكد نزلت 30% يعني ال 90 ألف بتستوي حول 65 ألف يعني حول 230 ألف قطري وفي قطر توصل 400 ألف.

[Qaatar]

اجيهم بلكزس قيمتها400 الف ريال تبي تبدل ايل يقولك ياباشا النهرضه زحمه كلمني بعد يومين

[بيانو]

الشمس هذا أمر الله وشىء تعودت عليه السيارات مثلنا بالضبط :)

وقد يكون لا يوجد عروض بهذه المنطقه للبيع بالنسبه للأراضي (ممكن)

ومن وجهة نظر أخرى قد يكون مقصود كي يأتى العميل لإستلام سيراته فور الانتهاء من الصيانه المطلوبه