عملية التكميم .. مابين التردد والقبول ؟؟؟

[ابو حيان]

السلام عليكم ورحمة الله وبركاته


مبارك عليكم ما تبقى من الشهر
وتقبل الله صيامكم وقيامكم ,,


اخواني واخواتي اعضاء منتدانا الراقي ..

حبيت ادخلكم معي في موضوع مهم ومصيري بنسبة لي
وبالنسبة لناس كثيرين ممكن يستفيدون من الموضوع ,,


انا من اصحاب الاوزان الكبيرة حيث يبلغ وزني 145 كيلو وطولي 177
وتعبت من جميع انواع الرياضة ومشروبات التخسيس والادوية
وحتى الدايت عملت دايت (رجيم) ولا ينفع بل اسوء من قبل حيث اني لما اعمل رجيم
ينقص وزني 2 ولما اتوقف يرجع الوزن وزيادة ..
انا الحمدلله ما اشكي من اي امراض بس مرة عنيت مع ظهري ووجع شديد والسبب الوزن
وراح الحين الحمدالله بس الحين احس با اوجاع في مفاصلي وركبتي بذات بين فترة والثانية
ولا حد يقولي دكتور نيوترشن وما ادري شنو .. هذولا نصابين ياخذون فلوس الناس وعلى الفاضي واشتر من متجرهم وما ادري شنو واخر شي ادفع 2000 ريال وزيادة
وقال لي واحد يمكن عندك مشكلة في الغدة ورحت سويت فحص غدة والحمدالله طلعت الغدة عندي سليمة .


الموضوع/ افكر اني اسوي عملية تكميم مثل ما سواها ناس كثيير
بس في اشياء مخوفتني ..

منها التخديرالكامل للعملية (اول مرة اسوي عملية وخايف من التخدير)
الاثار الجانبية بعد العملية مثل (الترجيع+الضعف العام+وغيره) اكرمكم الله
التسريب الي يقولون عنه ان نسبته 2 الى 3 في المية
وخايف من الموت وانا وراي جهال وناس كبار في العمر
مع اني مؤمن و ادري ما حد يموت قبل يومه بس الناس الي عندي كبار في العمر
كله يقولون بتموت يالخبل ولا تسويها والصحة زينة بعتبارهم ان صحتي زينة اللهم اني متين ..:weeping:
وما يفهمون موضوع العملية وش راح تغيير فيني من جهة نفسيتي ومظهري


وثاني شي محتار وين اسويها
مابين مستشفى حمد او العمادي
او اني اسويها برا اما في السعودية ولا الكويت ولا حتى الاردن

معا اني افضل موضوع اني اسويها في قطر بين اهلي واحبابي



انا بستخير الله قبل كل شي ..

بس حبيت اشاركم الراي في موضوعي المصيري
وياليت يكون فيه دلائل عن ناس حولكم حويلكم سووها

رايكم يهمني ونصيحتكم لي راح تكون لصالحي



تحياتي لكم

اخوكم ابو حيان

[السيلاوي]

اخوي افتح الرابط واقرأ الموضوع والردود وربنا يعطيك الصحة

http://www.qatarshares.com/vb/showthread.php?t=556758

[khalid525]

اذا عمرك فوق او قريب الاربعين سووها ، استخر وتوكل على الله

[مليت]

اخوي بو حيان نصيحتي اقولك توكل على الله وخلك في العمادي لن مستشفى حمد يبيلك سنه او اكثر

بقولك رايي في الموضوع وانت احسبها انا اشوف ان الخطر الي عليك الان اكبر من خطر العمليه قولي شلون

اقولك الان انت تضغط على قلبك وشراينك وركبك وكل اجزاء جسمك وسبب ان هذا القلب عشان يكون طبيعي لايد ان يكون الشخص في الوزن الطبيعي او اكثر بشي بسيط

يعني توكل على الله ورجع لوزنك الطبيعي هذي العمليه رحمه من الله لكن اختار الدكتور الصحيح وستخير وتوكل على الله

وانتظر مشاركتك ان شاء الله وتكتب لنا تجربتي بعد العمليه وتكون 75 كيلوو

الله يوفق يارب

[مستثمر تحت التعليم]

عزيزي : اعقلها وتوكل على الله ولا مانع من الاشتشاره بعد الاستخاره
انا كنت خايف اكثر منك ولكن فكرت للحظه هل خوف العمليه اولى او الخوف من المستقبل . ورأيت ان المستقبل في يد الله ولكن مافي يدي هو الاراده
أخي انصحك بكثرة القرائه عن العمليه وهناك منتدى للدكتور سلطان الدمياط اسمه بدانه كلينيك شوفه واستفيد من تجارب الناس .....
وأذا عزمت وتوكلت على الله فأنصحك تروح تسويها في الاردن عند الدكتور محمد خريس ولكن اتصله واحجز موعد اول

وفي النهايه القرار لك انت وحدك

الله يوفقك ويسهل امرك

[cobra]

أخوي مادي احطمك أو أخوفك من العملية لأني ماعرفها

بس عندي قناعه الابتعاد عني أي شئ يقرب الباطنية لانها حساسة جداً

بعدين أخوي والله ثم والله الرياضة تكفي وتوفي بس يبليها جهد وعزيمة

لاتعرض نفسك لمشاكل الباطنية

الم ركبة ولا الم بطن

انت جرب الرياضة اقل شئ ٦ شهور ماراي تضرك وإذا مانفعت سو اللي براسك

وأنا مستعد العب معك رياضة بسباير عشان أعطيك معنويات

جرب مش حتندم أخوي والسلام ختام

[البحار00]

4 من الربع راحو وسووها في الأردن

وما شاء الله تبارك الله ما اوصف لك أجسامهم شلون صارت

انا ودي أسويها مب علشان وزني مع ان وزني 92 وطولي 180

لكن يقولون لي بيضبط معاي السكر لو سويتها

وبيني وبينك متردد

[اهل قطر]

السلام عليكم ورحمة الله ' هالعمليات مع ان لها إيجابيات وايد لها سلبيات وايد بأحوال أتكلم عن بعضها ، اعرف واحد سواها كان وزنه ١٥٨ ،والحين وزنه حول ال ٨٠ بس وزنه لين الحين في نزول ما يقدر يوقف لان اكله قليل ،ولانه يأكل قليل يجوع بسرعه ،،، ادرس الموضوع عدل وأنصحك اذا عزمت تنتظر حمد أحسن من الخاص

[Hamad7788]

اخوي اقرا موضوعي عن تجربتي مع العمليه
انا اليوم صار لي ١٥ يوم .. ونزلت ١٢ كيلو ..
كنت خايف نفسك بالضبط من البنج ومن التسريب
بس الحمدلله استخرت وخيرني الله للعمليه

انت استخير وقرا تجارب الناس على النت
واذا عندك اسئله انصحك تروح للدكتور عدي في العمادي ،، بيشرح لك كل شي عن العمليه .. الدكتور عدي هو من فريق الدكتور محمد العمادي ..

والله يوفقك و ييسر لك

[Hamad7788]

وللعلم العملية اللي انا سويتها اثار الجراحه كلش ماتبين .. مجرد نقط حول البطن مع شق بسيط طوله سم تقريبا

[رهج السنابك]

ليش قالوا لك يمكن مشكلتك غده؟؟؟؟ يعني انت اكلك خفيف مع ذلك وزنك زايد ؟؟

ولا انت من الناس الي تطيح بالاكل وتاكل اكثر من ثلاث وجبات دسمه ومطيح بالمطاعم ؟؟؟


اول شي حدد شنو سبب سمنتك

وجرب تشتغل على نظام السعرات الحراريه


وهي انك تحسب اشكثر تاكل باليوم ونوع الاكل الي تاكله لو تخلي موضوعك هذا عملي ونساعدك فيه خطوه خطوه ونسوي لك نظام سهل تجربه كتجربه اخيره ان مانفع فكر بالعمليه

النظام يعتمد على اول شي مراقبه نوع الاكل
ثم تنقيص السعرات في الاكل بدون تقليل الكميه بس ببدائل ثانيه فيها سعرات قليله
مع رياضه مشي
واجزم لك ان ساعدت نفسك مع مساعدتنا مابتحتاج للعمليه

ها اشقلت؟؟؟

كان عندي واحد في العايله يعاني من المتن والحمدلله قدرت انجح معاه يخفض وزنه للنص في تسع شهور والحين جسمه ينطق من الرشاقه


اشكثر نسبه العزيمه عندك؟؟؟ نبيها توب

[النشميه]

خذها نصيحه من اختك
روح عند د.محمد خريص بالاردن
ممتاز جدا لمثل هالعمليات
بس لاتنسى الاستخاره
والله الموفق

[Chambray]

وزنك الي انت فيه يعتبر ( مرض )
وهذا الوزن الي الاطباء ينصحون المرضى باجراء العملية لهم

انصحك بكل امانه انك تسويها عند دكتور متخصص ..
والابتعاد عن الدكتور محمد العمادي . لانه يقص اكثر من 85% من المعده ..
انصحك بمستشفى حمد .. فهو الاول لمثل هالعمليات

ايضاً كثير من الربع مسويين عند التمياط في الدمام
وفي الرياض عند دكتور ناسي اسمه والله
وعندك في الاردن عند الدكتور محمد خريس

وبالتوفيق يالغالي

[QIIK]

نصيحة اللي يبي يسويها يروح الاردن ب١١ الف ريال وامورك عال العال

[مستثمر تحت التعليم]

نصيحة اللي يبي يسويها يروح الاردن ب11 الف ريال وامورك عال العال

في الاردن ب 15600 توني مسويها من شهر عند الدكتور محمد خريس

[QIIK]

في الاردن ب 15600 توني مسويها من شهر عند الدكتور محمد خريس

رفع سعره :rolleyes2:

[جلكساوي]

في الاردن ب 15600 توني مسويها من شهر عند الدكتور محمد خريس



أخوي بغيت أسالك كم يوم قعدت في المستشفى بعد العمليه ؟

وعطني رقم عيادة الدكتور ولاعليك امرر

[فلان]

ليش قالوا لك يمكن مشكلتك غده؟؟؟؟ يعني انت اكلك خفيف مع ذلك وزنك زايد ؟؟

ولا انت من الناس الي تطيح بالاكل وتاكل اكثر من ثلاث وجبات دسمه ومطيح بالمطاعم ؟؟؟


اول شي حدد شنو سبب سمنتك

وجرب تشتغل على نظام السعرات الحراريه


وهي انك تحسب اشكثر تاكل باليوم ونوع الاكل الي تاكله لو تخلي موضوعك هذا عملي ونساعدك فيه خطوه خطوه ونسوي لك نظام سهل تجربه كتجربه اخيره ان مانفع فكر بالعمليه

النظام يعتمد على اول شي مراقبه نوع الاكل
ثم تنقيص السعرات في الاكل بدون تقليل الكميه بس ببدائل ثانيه فيها سعرات قليله
مع رياضه مشي
واجزم لك ان ساعدت نفسك مع مساعدتنا مابتحتاج للعمليه

ها اشقلت؟؟؟

كان عندي واحد في العايله يعاني من المتن والحمدلله قدرت انجح معاه يخفض وزنه للنص في تسع شهور والحين جسمه ينطق من الرشاقه


اشكثر نسبه العزيمه عندك؟؟؟ نبيها توب

أفضل رأي من وجهة نظر شخصية

[ابو حيان]

مشكورين وما قصرتوا على جميع الردود

انا قررت اني ما اسويها على الاقل في الوقت الحالي


وذلك لعدة اسباب من اهمها ان مازال عندي القدرة على عمل رياضة وتخفيف اكل
وترى انا من الناس الي ما يبين ان وزني 145 يعني الي يشوفني يقول وزني 120 تقريباً
لان مثل مايقولون اهلي انت عضامك اكبار وعريض المنكبين


وبصراحة الوالدة والوالد حلفوا علي اني ما اسويها


وانا للامانة وانا اكتب الموضوع امس ترى ما كنت مقتنع
واحس بشيء يعني مو مرتاح من الي باسويه ..


تحياتي للجميع وانتظر ردودكم

[ابو حيان]

ليش قالوا لك يمكن مشكلتك غده؟؟؟؟ يعني انت اكلك خفيف مع ذلك وزنك زايد ؟؟

ولا انت من الناس الي تطيح بالاكل وتاكل اكثر من ثلاث وجبات دسمه ومطيح بالمطاعم ؟؟؟


اول شي حدد شنو سبب سمنتك

وجرب تشتغل على نظام السعرات الحراريه


وهي انك تحسب اشكثر تاكل باليوم ونوع الاكل الي تاكله لو تخلي موضوعك هذا عملي ونساعدك فيه خطوه خطوه ونسوي لك نظام سهل تجربه كتجربه اخيره ان مانفع فكر بالعمليه

النظام يعتمد على اول شي مراقبه نوع الاكل
ثم تنقيص السعرات في الاكل بدون تقليل الكميه بس ببدائل ثانيه فيها سعرات قليله
مع رياضه مشي
واجزم لك ان ساعدت نفسك مع مساعدتنا مابتحتاج للعمليه

ها اشقلت؟؟؟

كان عندي واحد في العايله يعاني من المتن والحمدلله قدرت انجح معاه يخفض وزنه للنص في تسع شهور والحين جسمه ينطق من الرشاقه


اشكثر نسبه العزيمه عندك؟؟؟ نبيها توب

الله يعطيج العافية على الرد الي اشوفه منطقي
يلاأ اختي قولي لي وش تنصحيني اسوي :nice:

[Bozizoo]

اخوي توكل على الله و سوها
انا سويتها قبل 40 يوم
الوزن نزل 14 كيلو
سويتها في الاردن عند الدكتور محدم خريس معروف
ماشاءالله عليه مرات 18 عمليه في اليوم
واسعر 3000 دينار كامل 156000 ريال قطري
اليوم الي سوتها كنا 7 قطريين و 9 من دول ثانيه السعوديه و الكويت و ااامارات
اول 24 ساعه تعب اشوي وعقب الامور سهالات
والحمدالله كل يوم اصوم و اروح و اجي ومافي مشاكل
برتقدر تقرا عن الدكتور في منتدى كلينك
بس قبل لا تروح كلم الدكتور
زداعااا للمتن و اداعاا لتعصر عشات تلبس ادﻻغ
على فكره كنت اخذ حبوب الضغط ااحمدالله الحين مااخذ الحبوب
وشباب كانوا ياخذون دوا السكر الحمدالله وقوفوا
اي استفسارات حاضر للجميع

[مستثمر تحت التعليم]

أخوي بغيت أسالك كم يوم قعدت في المستشفى بعد العمليه ؟

وعطني رقم عيادة الدكتور ولاعليك امرر

اسف على التأخير اخوي
تحتاج من يومين الى ثلاث ايام في المستشفى ويوم قبل للفحوصات ومقابلة اخصائيات التغذيه في عيادة الدكتور
ورقم الدكتور محمد خريس00962795604590

ونصيحه كلم الدكتور قبل لاتحجز التذاكر والفندق

والله يوفقك ويتمم عليك صحتك

[قوت القلوب]

اترك عنك المجابيس وسو يوغا كل يوم الظهر في هالجو الزين وبتصير سمبتيك ولاتنسى تسوي تان مع النيو لوك:nice:

روح الأردن وتوكل على الله الشباب اللي راحوا ماصارت لهم اعراض ولاتعب وقاهريني انا سباحه ورياضه ويادوب انزل وهم ريل على ريل وبالكم كيلو ينزلون :anger1:

[حسن]

يارجال عطها دام تقبل بلاتكميم ولا قص ولا حلقه

روح ياعمري على المجبوس

:victory:

[Chambray]

يارجال عطها دام تقبل بلاتكميم ولا قص ولا حلقه

روح ياعمري على المجبوس

:victory:

ابشرك انه ماراح ينحرم من اي شئ لامجبوس ولا غيره
وبياكل نفس اي انسان طبيعي

لكن الكميات راح تقل

كميات راح تشبع رغبته وبيحس بالشبع ..

[حسن]

ابشرك انه ماراح ينحرم من اي شئ لامجبوس ولا غيره
وبياكل نفس اي انسان طبيعي

لكن الكميات راح تقل

كميات راح تشبع رغبته وبيحس بالشبع ..

يارجال وين تضرب لي مثل وانا اخوي مسويها وكل يوم مشاهدني ولا يفطر معانا هبابه لقه ويقعد يجترها

انتظرو هناك طريقه جديده وهي ادخال انبوب توه قالي عنها دكتور وهو اللي بيركبها عباره عن انبوب يدخلونه في الخشم الى المعده لمده عشر ايام وكل يوم تنزل كيلو ولا لها اي اضرار
والدكتور جاري هو يمكن اول من بيركبها في عيادته

باقولكم عنها بعدين اذا بداء يركب للناس

[أسد الجزيرة]

حسن جارك كهربجي و لا دكتور

اخبره البيب حق المغذي