مشاهدة النسخة كاملة : معقولة ان لاهم للمواطن الا زيادة الراتب ؟؟؟!!!!!!
ابوكريم
22-07-2013, 03:56 AM
السلام عليكم
كل اكثر هموم المشاركين والكتاب بهالموقع الزياده بالراتب .... معقوله مافيه هموم اخرى للمواطن من اي ناحيه ...
لا من ناحية العلم ولا من ناحية الصحة ولا من ناحية الثقافه ولا من ناحية السياسيه ولا من ناحية الدين .... لامتى وهم المواطن القطري فقط زيادة الراتب لدرجة ان اذا دخلت مجلس السؤال الاول ( سمعت شي عن الزياده ) .... معقوله ؟؟
khalid525
22-07-2013, 04:19 AM
بالنسبة للمنتدى اشوف الاعضاء متنوعين في اهتماماتهم وفي المجالس نادر ما صار الواحد يتكلم عن الزيادة واكثر اللي يتكلمون عن الزيادة ينقلون اشاعات البي بي والواتس اب
مخطط قطري
22-07-2013, 04:20 AM
ياخي يتهيا لك مش معناتها اذا كتبو ٤ ولا ٥ موضوع زياده الراتب عممت الكلام وخليتها ظاهره في ناس واجد بالمقابل في رخا وعز وتمر سنين مايدري راتبه على اي بنك نازل وماتعرف وشي ظروفهم اللي يطالبون بزياده اللي يده في الماي مش نفس اللي يده في النار ويمكنهم في العلم والدين اخير مني ومنك دع الخلق للخالق والحمدالله انه تصاريف الارزاق والخير بيده سبحانه مش في يد البشر واسمحلي بسؤال هل انت مواطن يابوكريم؟؟؟؟
chevelle-ss
22-07-2013, 04:30 AM
السلام عليكم
كل اكثر هموم المشاركين والكتاب بهالموقع الزياده بالراتب .... معقوله مافيه هموم اخرى للمواطن من اي ناحيه ...
لا من ناحية العلم ولا من ناحية الصحة ولا من ناحية الثقافه ولا من ناحية السياسيه ولا من ناحية الدين .... لامتى وهم المواطن القطري فقط زيادة الراتب لدرجة ان اذا دخلت مجلس السؤال الاول ( سمعت شي عن الزياده ) .... معقوله ؟؟
رجاء تكلم باللي بخاطرك
الا سياسة البلد !!!!!!
خلها بعيد
خط احمر مانقدر نتكلم فيه
ياخي يتهيا لك مش معناتها اذا كتبو 4 ولا 5 موضوع زياده الراتب عممت الكلام وخليتها ظاهره في ناس واجد بالمقابل في رخا وعز وتمر سنين مايدري راتبه على اي بنك نازل وماتعرف وشي ظروفهم اللي يطالبون بزياده اللي يده في الماي مش نفس اللي يده في النار ويمكنهم في العلم والدين اخير مني ومنك دع الخلق للخالق والحمدالله انه تصاريف الارزاق والخير بيده سبحانه مش في يد البشر واسمحلي بسؤال هل انت مواطن يابوكريم؟؟؟؟
هلا اخوي مخطط قطري
مافيه شي من الاخبار الي تثلج الصدر وانا اخوك؟
مخطط قطري
22-07-2013, 04:39 AM
هلا اخوي مخطط قطري
مافيه شي من الاخبار الي تثلج الصدر وانا اخوك؟
اخوي ساري حسب مانسمع من مسؤلين كبار في الدوله فيه تعديلات وامر بديهي ومنطقي التعديل يحصل فيه زياده وقريب باذن الله
درع الوطن
22-07-2013, 04:41 AM
ياخوي ... خل كلٍ بهمه وخلك بهمك ....
الأخوان اللي قبلي ماقصروا ... والناس تختلف حاجاتها .. والكل مش سوا ..
بس ليش ركزت على هالمسأله ونسيت مواضيع المجلس الأعلى والصحه وأشغال
وغيرها وغيرها اللي كانت ومازالت تناقش إلى الآن .... وبعدين كلنا انطالب بالزياده
أبركها من ساعه لا سمعنا أنه فيه زياده .. خل الخير يعم على هل قطر .. وهم يستاهلون
ابوكريم
22-07-2013, 04:44 AM
ياخي يتهيا لك مش معناتها اذا كتبو ٤ ولا ٥ موضوع زياده الراتب عممت الكلام وخليتها ظاهره في ناس واجد بالمقابل في رخا وعز وتمر سنين مايدري راتبه على اي بنك نازل وماتعرف وشي ظروفهم اللي يطالبون بزياده اللي يده في الماي مش نفس اللي يده في النار ويمكنهم في العلم والدين اخير مني ومنك دع الخلق للخالق والحمدالله انه تصاريف الارزاق والخير بيده سبحانه مش في يد البشر واسمحلي بسؤال هل انت مواطن يابوكريم؟؟؟؟
هلا بالمخطط القطري ... نعم انا قطري يبدو ان اسم ( ابوكريم) غير مألوف واعتقد لهالسبب الاخت rose الله يسامحها مش مخليه لي اي موضوع بالحوار العام كل ماكتب موضوع 3 دقايق والرابعة محذوف ...
انا قطري رصيدي يفضى من تاريخ 6-7 الشهر ومثلي مثل الكثير ودي ان راتبي يزيد ويزيد .. لكن يحز بالنفس ان اغلب المواطنين من شباب وشياب وبنات همهم ( فيه زيادات بالراتب) صحيح ان بلدنا بلد غني ونتأمل الزيادة بكل شي .. لكن يحز بالنفس ان مافيه اهتمام بنواحي الحياه الاخرى ... مثل الاهتمام بزيادة الراتب ... ياخي اشياء كثيرة بالبلد تحتاج اهتمام لمصلحة الدين والوطن والمواطن وحتى لصالح الاجيال القادمه ... وتعال شوف لما ينكتب موضوع عن احتمال زيادة راتب كم رد ومشاركه بالدقيقه وتعال شوف ايش يحصل لما ينكتب موضوع عن تقصير او مطالبه ببعض الامور الهامه لقطر واهل قطر ... تلقى ردود مش متفاعله او تلقى الموضوع انحذف ..... وسلامتك
اخوي ساري حسب مانسمع من مسؤلين كبار في الدوله فيه تعديلات وامر بديهي ومنطقي التعديل يحصل فيه زياده وقريب باذن الله
الله يبشرك بحور العين
Fahad Alqahtani
22-07-2013, 04:47 AM
السلام عليكم
كل اكثر هموم المشاركين والكتاب بهالموقع الزياده بالراتب .... معقوله مافيه هموم اخرى للمواطن من اي ناحيه ...
لا من ناحية العلم ولا من ناحية الصحة ولا من ناحية الثقافه ولا من ناحية السياسيه ولا من ناحية الدين .... لامتى وهم المواطن القطري فقط زيادة الراتب لدرجة ان اذا دخلت مجلس السؤال الاول ( سمعت شي عن الزياده ) .... معقوله ؟؟
انت تكلم عن منتدى شبكة الاسهم القطرية ولا غيرها.
بالنسبة للتعليم فيه موضوع عن التعليم في قطري متجدد واكثر من موضوع نزل عن التعليم في المنتدى .
مواضيع الصحة نفس الشي كذا موضوع انكتب عن المستشفيات وعن العلاج بالخارج وعن شكر بعض الملحقيات بالخارج .
الثقافة :
الثقافة المرورية اخونا عنزي قطر ماشاء الله مهتم بالمواضيع اللي تثقف المجتمع بالثقافة المرورة وموضوع عن دكتور حمود توه فرش والثقافة الزوجية اخونا خليقة يتحدث عنها بطريقته الخاصة وغير عن الاعضاء الاخريين اللي ما تحضريني اساميهم الحين ولاتنسى الموضوع اللي يصادف معرض الكتاب ويتكلم عن تجارب الاعضاء مع المعرض .
والسياسة: مواضييع سوريا ومصر وبورما وتعامل دولة قطر كسياسة خارجية معها اشرف تعامل من وجهة نظري . واما عن السياسة الداخلية فالحمد لله اغلب اهل قطر مرتاحين كل شي متوفر والحكومة ما قصرت معناز
والدين فيه قسم خاص عنه اذا ما تدله بقول لك وين تلاقيه اول ماتطلع من منتدى الحوارالعام تاخذ ثالث لفة يمين وتلاقيه في وجهك .
الأنسان مهما ملك في الدنيا ماراح يشبع لأنه خلق لحياة الخلود في الجنه
عايش فرحان
22-07-2013, 07:50 AM
شيء طبيعي اذا كان لا هم للتجار سوى رفع الاسعار .. و الاحتكار.
رهج السنابك
22-07-2013, 10:14 AM
محد يكره الزياده النفس البشريه جبلت على حب المال
المال والبنون زينه الحياه
اذا انت ماتحب الفلوس الله يخليك ممكن تسوي صندوق تبرعات وتقط فيه اي زياده توصلك ودنا نسوي مشاريع خيريه ونحتاج تمويل من كارهي الفلوس :)
عني انا ماهتم فيه زيادات او لا بس ان جات فهي فضل من رب العالمين
لكن الي اتمناه بقطر نطور كل شي فيها بابداع نبي نتعلم الابداع في كل شي نبي ناخذ خلاصه ماوصلوا له اليابانيين والاوروبيين والماليزيين ونحطه بديرتنا
أم نواري1
22-07-2013, 10:21 AM
كل اللي ذكرته موجود فمنتدى شبكهة الأسهم.!
غريبه
أنت متابع مستمر لمواضيع المنتدى.!!!
R 7 A L
22-07-2013, 10:23 AM
يمكن لاهتمامك بهذة المواضيع
خلتك شوي منتبه لها وماصرت تشوف المواضيع الاخرى
طلعة الروح
22-07-2013, 05:59 PM
موضوع بديهي .. الناس تطمح للافضل وطبيعة الانسان الطمع...
لكن خل ننسى الطمع شوي ونركز على قضية التطلع للافضل
لو فرضنا انك انسان جامعي وتشتغل في جهة عمل وعندك خبرة عملية كبيرة وغيرك من زملاء لك في نفس مؤهلاتك واقل منك خبرة يشتغلون في جهة عمل اخرى ويحصلون رواتب أعلى من راتبك ومميزات افضل بحوالي 5 بالمئة
هل راح تفكر انك تنقل و تحسن من وضعك أم راح تستمر في تواضعك على نفس الوظيفة مع وجود الفرصة للتغيير
أنا حاليا هذي فكرتي عن الزيادة اللي يطمح لها المواطن العادي عشان نكون واقعيين ومحاديين في المسألة...
تقبل مروري
فعلا شي يحزن اصبح هم الكثير فلوس وسفر هذه هي الحياه بالنسبه لهم
وما هذه الحياة الدنيا إلا لهو ولعب
ابن البيطار
22-07-2013, 06:20 PM
معاك حق ياخوي فعلا الهتنا الدنيا وكل واحد مبطل حلقه ومايشبع ولسان حاله هل من مزيد وحوالينا امم تروح وبلاد تدمر وانظمه تسقط واعرض تنتهك ونحن نتحدث عن الزياده ولفلوس .
ابوكريم
23-07-2013, 01:13 AM
فعلا شي يحزن اصبح هم الكثير فلوس وسفر هذه هي الحياه بالنسبه لهم
وما هذه الحياة الدنيا إلا لهو ولعب
شكرا ياخوي حسن على الاقل انك حسستني فعلا ان الدنيا بخير ان لازال هناك من يستغرب الوضوع الحالي من ان هم اهل البلد الي يعول عليهم جيل قادم لاهم لهم الا زيادة الراتب للتمكن من السفر واللهو والتفاخر الا من رحم ربي ...
ابوكريم
23-07-2013, 01:13 AM
معاك حق ياخوي فعلا الهتنا الدنيا وكل واحد مبطل حلقه ومايشبع ولسان حاله هل من مزيد وحوالينا امم تروح وبلاد تدمر وانظمه تسقط واعرض تنتهك ونحن نتحدث عن الزياده ولفلوس .
اشكرك على تفاعلك العقلاني مع الموضوع وما يهدف له ...
آخر الفرسان
23-07-2013, 01:19 AM
سبحان الله
العموم يسمعون بالزيادات ويتسائلون عنها .. وهذا شئ عادي !!
ولا تعتقد كل هل قطر راقدين على خميرة فلوس !؟
فيهم اللي معتمد على راتبه فقط .. وبشكل كلي !
ويعيل عائلة لهم مطالب كثيره !
أنت يا أنك ماتهتم للراتب لأن لك مصادر دخل !
أو
أنك لاتعيل عائلة ، ولا تعول الا نفسك !
كود نمبر
23-07-2013, 01:21 AM
بوكريم خلك بعيد عن سياسة الدوله وخلك في شغلك
في الصناعيه ولا تطلع منها على فكره ترى ورشتك مخالفه للقوانين
ابوكريم
23-07-2013, 01:30 AM
سبحان الله
العموم يسمعون بالزيادات ويتسائلون عنها .. وهذا شئ عادي !!
ولا تعتقد كل هل قطر راقدين على خميرة فلوس !؟
فيهم اللي معتمد على راتبه فقط .. وبشكل كلي !
ويعيل عائلة لهم مطالب كثيره !
أنت يا أنك ماتهتم للراتب لأن لك مصادر دخل !
أو
أنك لاتعيل عائلة ، ولا تعول الا نفسك !
ياجماعة انتو ليش شايلن علي ترا انا ودي بالزايده في الراتب اليوم قبل بكره بس الكلام يجب ان فيه اهتمامات اخرى تناقش وتستقطب الكثير من المواطنين مثل موضوع الزياده ...
ابوكريم
23-07-2013, 01:35 AM
بوكريم خلك بعيد عن سياسة الدوله وخلك في شغلك
في الصناعيه ولا تطلع منها على فكره ترى ورشتك مخالفه للقوانين
انا لوعندي ورشه كان ماشفتني اسوق منتجات للشركات عشان احصل نسبه استرزق منها وكل ما اعلنت عن شي انحذف موضوعي .. وهذا دليل على حاجتي للمال مثل الكثير غيري .. والسياسه مش محرم نقاشها الا اذا كان ع راسك بطحه وتحسب الباقين مثلك ترا تفكيرك خطاء
دنيا الاسهم
23-07-2013, 02:13 AM
صار كل واحد يبي يلفت النظر يحط موضوع حقد وحسد
الحمدلله رب العالمين حكومتنا مش مقصرة معانا الله يخليهم ولنا ويطول في اعمارهم ويرزقهم البطانة الصالحة
ولا عزاء للدخلاء
ابوحشر
23-07-2013, 10:42 AM
سبحان الله
العموم يسمعون بالزيادات ويتسائلون عنها .. وهذا شئ عادي !!
ولا تعتقد كل هل قطر راقدين على خميرة فلوس !؟
فيهم اللي معتمد على راتبه فقط .. وبشكل كلي !
ويعيل عائلة لهم مطالب كثيره !
أنت يا أنك ماتهتم للراتب لأن لك مصادر دخل !
أو
أنك لاتعيل عائلة ، ولا تعول الا نفسك !
اتفق معاك
ابوحشر
23-07-2013, 10:45 AM
السلام عليكم
كل اكثر هموم المشاركين والكتاب بهالموقع الزياده بالراتب .... معقوله مافيه هموم اخرى للمواطن من اي ناحيه ...
لا من ناحية العلم ولا من ناحية الصحة ولا من ناحية الثقافه ولا من ناحية السياسيه ولا من ناحية الدين .... لامتى وهم المواطن القطري فقط زيادة الراتب لدرجة ان اذا دخلت مجلس السؤال الاول ( سمعت شي عن الزياده ) .... معقوله ؟؟
كنت اتمنى توجه هالكلام لاخوانك التجار وتقول لهم ارحمو المواطــــــــــــن من الغلاء الفاحش
المواطن ياخذ الراتب والتجار ينطرونهم
ولد شرق
23-07-2013, 11:29 AM
ياجماعة انتو ليش شايلن علي ترا انا ودي بالزايده في الراتب اليوم قبل بكره بس الكلام يجب ان فيه اهتمامات اخرى تناقش وتستقطب الكثير من المواطنين مثل موضوع الزياده ...
وردك السابق يقول( رصيدي يفضى من تاريخ 6-7 الشهر ومثلي مثل الكثير ودي ان راتبي يزيد ويزيد ) فيه نوع من التناقض
انا مهب مع ولا ضد الزيادة كل شي يجيبه ربك سبحانه خير
بس حبيت اشوف الردود
مشاكل
23-07-2013, 01:25 PM
موضوعك هذا ياابوكريم أكبر دليل على أنه لاهم لك الا الزيادة فالراتب :)
Class - Qtr
23-07-2013, 01:47 PM
السلام عليكم
بالعكس كثير من المواطنين يقولون الحمد الله على النعمه والخير
والله يطول عمر بومشعل واميرنا تميم لما المواطنين يعرفون ان
في مسلمين في سوريا ومصر وبعض الدول الاسلاميه عائله كامله
ماتقدر توفر الفطور واذا وفرت الفطور ماتغذت واذا وفرت الغدا يمكن
مااتعشا طبيعي بيقولون الحمد الله على النعمه والخير اللي عندنا
Powered by vBulletin® Version 4.2.5 Copyright © 2024 vBulletin Solutions Inc. All rights reserved.