المساعد الشخصي الرقمي

مشاهدة النسخة كاملة : ليش التركيز على منطقة الدوحة وضواحيها... فقط !!


آخر الفرسان
22-07-2013, 12:16 PM
السلام عليكم ورحمة الله وبركاته

العنوان أتمناه يعطي أنطباع منّوع للقارئ :)

ياجماعة .. نشوف نظامنا ( أهدم ) و ( أبني ) !!

يعني نشوف الدوحة تنترس من هالأغلاقات والتحويلات بسبب بناء
مجمع كبير أو فندق أو أو ... الخ

والمشكلة كلها متمركزة حول الدوحة .. أتكلم بشكل عام يعني
حتى المطار .. جابوا دفان مدري كم سنة يدفنون وعقب بنوا مطار !

بــس لما نروح للمنطقة الغربية مثلاً ..

عندكم من أبو سمره أو حتى من العديد جنوباً أمتدادً على الساحل الغربي
الى الشمال ، مافيها حتى منتجع واحد فقط !!
ليش ماتستغل هالمساحة الكبيرة للمنتجعات مثلاً ؟! أو غيره !؟
وليش تتم بهالصورة الداخل بالمنطقة مفقود والخارج مولود !؟

ياريت تشاركوني
:)

تحياتي
نوفة قطر
22-07-2013, 01:54 PM
والله ياريت ياااريت يبعدونا عن الدوحه شوي

لو يخلون داومي في الشمال انا راضيه بس تكون الشوارع معقوله

مب جذي !!

ولا شارع فالدوحه صار يخلى من هالسيايير مادري من وين يطلعون !
بـارود
22-07-2013, 01:56 PM
التوسع مطلوب والدوحة كل مالها وتضيق أكثر
آخر الفرسان
22-07-2013, 11:54 PM
والله ياريت ياااريت يبعدونا عن الدوحه شوي

لو يخلون داومي في الشمال انا راضيه بس تكون الشوارع معقوله

مب جذي !!

ولا شارع فالدوحه صار يخلى من هالسيايير مادري من وين يطلعون !


أي والله

بيصير حتى تنوع في المسارات

وبيخفف الضغط على الدوحة
alsoq
23-07-2013, 12:12 AM
هو المعترف عليه ان الجميع يريد حول العاصمة
وهنا المشكله الكل يبي قريب من المركز يعني اضمن لك ان المترو ما راح يحل مشكله الازدحام
خلهم ينضمون كروه بالاول لانها وسيله النقل الاولى لو حطوا لهم اماكن مكيفه ومحترمه للناس وركزوا على النظافه والمواعيد الدقيقه بكل العالم وسائل النقل الرسميه لها مسار خاص وحنا ما وصلنا لها المرحله فنسوا سالفه الزحمه بتم وبتعقد اكثر وراح تمون بساعات في سيارات للمشوار معين
آخر الفرسان
25-07-2013, 11:40 AM
هذي المشكلة
أم محمد 90
25-07-2013, 11:49 AM
موضوعك وايد مهم ، استغرب ان ليش الجماعة ماشاركونا برأيهم !

والمواضيع الأخرى التافهة يشاركون فيها !

ماعلينا

بصراحة نبي حد يرفع مقترح ان يتم استغلال مناطق الدولة الأخرى !

أولاَ : ان شفت خط الشمال وانت جاي من آيكيا ! جنبها راح يكون فستفال ستي وبعدها الاند مارك وبعدها اللولو وجنبه مجمع الخليج وجنبه ازدان مول !!!!! وجنب هذا كله الغرافة

ولما نروح صوب الدفنة عند الأبراج !
نلاقي كل شي لازق ببعضه

ثانياً : مجمع الستي ، مجمع السلام ، الوزارات والفنادق المشهورة بعدها كتارا ، أرض المعارض ، اللؤلؤة ، مدينة الوسيل ، المجلس الأعلى للتعليم ، جامعة قطر ، الأطلنطي

ثالثاً : لما تروح صوب السد :

وكالات السيارات جنب بعض ، المطاعم جنب بعض ، خصوصاً شارع النصر والسد !
محلات الجوالات + محلات العبايات + الصالونات + رويال بلازا وجنبه راح يكون مول السد التجاري !


والغريب أكثر !

ان (المدينة التعليمية) ، ماحواليها شي ! منطقة لها لحالها اللهم اسلك الجسر واصل لها

انا ودي افهم ، هالتخطيط شلون تقرر ! يعني كل شي جنب بعضه واللي يقهر أكثر
على الرغم من انهم جنب بعض الا انك تستغرق وقت طول للوصول لهم والسبب الزحمة !

شيء لا يطاق صار الواحد يفكر ألف مرة قبل لا يقرر يروح مشوار!
آخر الفرسان
25-07-2013, 11:57 AM
مشكورة أم محمد على المشاركة

الناس تعودت على ( السجال ) بغض النظر عن ماهية الموضوع

هههههههه

والله فشلة لاسافرت بالطياره .. استانس بالابراج .. شوي الا صحراء !!
من الملل صرت اعد الابراج واحد اثنين ثلاثة هههههه

ونفس الشي اختي بعد في المنطقة الغربية .. ماكو استغلال !

والجنوب ماكو الا الشاليهات والباقي كلها شركات !!

مساحات شاسعة .. الا الدوحة وضواحيها بس

شكراً مرة ثانية على أثراء الموضوع