استفسار بسيط

[ام ناصر1]

السلام عليكم
شالفرق بين زوجة القطري الاجنبية ( حتى لوكانت عربية العرق)
وبين زوج القطرية الأجنبي ( حتى لوكان عربي العرق )

وهل يحق لنا اعطاء الزوجة الاجنبية حقوق ....في الجنسية والعلاج
ولانعطي الزوج الاجنبي حقوق ...في الجنسية والعلاج

اعرف جيدا أنه القوامة هي للرجل شرعا وعرفا وعقلا ونقلا ...
ولكن ليش نعطي الاجنبية حقوق ...المفروض تكون هي فقط للمواطنين
الاجنبي والاجنبية يجب أن تكون حقوقهم اقل ....

[بن مشهور]

الفرق بين توقيعك وبين موضوعك فرق السماء ؤالأرض
العلاج شيء إنساني قبل كل شيء
ولكن اعتقد إن إلي دفعك لكتابة الموضوع الغيره أختي أم ناصر
اعتقد وليس أكيد
هي كذا غيرة النساء ههههههههههههههههههههههههه

الله يستر على الجميع

[R 7 A L]

موضوع مستهلك ومكرر

الامر سيادي
ولن يجيب على الاستفسار احد هنا

[الحمر]

اعجبتني الغيرة

[@فهد@]

سبحان الله

هاذي قوانين الدوله وهم ابخص بالمصلحه العامه

[كود نمبر]

الفرق اختي العزيزه في الشريعه
ان الزوجه تتبع الزوج وان الزوج لايتبع الزوجه

[aziz4z]

العلاج شيء إنساني , يعني تخلين واحد يموت مثلا , و الله سبحانه و تعالى يقول . ومن أحياها فكأنما أحيا الناس جميعا .
أما المساواة بين الزوجة المواطنة و الاجنبية شيء راجع لقوانين الدولة , و الزوجة تكون تابعة لزوجها القطري, بس اللهم في ملكية البيت و أشياء مثلها

[khalid525]

السلام عليكم
شالفرق بين زوجة القطري الاجنبية ( حتى لوكانت عربية العرق)
وبين زوج القطرية الأجنبي ( حتى لوكان عربي العرق )

وهل يحق لنا اعطاء الزوجة الاجنبية حقوق ....في الجنسية والعلاج
ولانعطي الزوج الاجنبي حقوق ...في الجنسية والعلاج

اعرف جيدا أنه القوامة هي للرجل شرعا وعرفا وعقلا ونقلا ...
ولكن ليش نعطي الاجنبية حقوق ...المفروض تكون هي فقط للمواطنين
الاجنبي والاجنبية يجب أن تكون حقوقهم اقل ....


الزواج من طرق اكتساب المواطنة في القانون ، وهي تكون متجنسة بحكم الزواج لفترة معينة ( اعتقد عشر سنوات) بعدها تكون قطرية بالتجنيس اما انها تعدي فترة معينة او عندما ترزق باطفال ، ما اذكر المدد المهم لها قانون ، بس مب عارف ليش ما تبين زوجة القطري تحصل على مزايا القطرية شنو المشكلة ؟

[ولي العهد]

استغفر الله العظيم ... حتى في هذي ؟؟ اتقوا الله ...

[الفا برافو]

ام ناصر.... شرايج بهالسناريو
قطري يتزوج غير قطريه ويجيب عيال منها يشيلون اسمه ويكبرون العيال ويعتبرون قطريين اب عن جد.. ويقوم واحد منهم يودي امه واخته المستشفى لانهم مرضى ... والاخت تلقى علاج ممتاز لانه تعتبر قطريه وامها تلقى علاج درجه ثانيه او ثالثه المهم فيه فرق في نوعية العلاج لانها غير قطريه ايش تعتقدين ردة الفعل بتكون !!!
:)

تقبل الله طاعاتكم وجملكم برضاه ...

[قلبي الطيب]

الزواج من طرق اكتساب المواطنة في القانون ، وهي تكون متجنسة بحكم الزواج لفترة معينة ( اعتقد عشر سنوات) بعدها تكون قطرية بالتجنيس اما انها تعدي فترة معينة او عندما ترزق باطفال ، ما اذكر المدد المهم لها قانون ، بس مب عارف ليش ما تبين زوجة القطري تحصل على مزايا القطرية شنو المشكلة ؟

أنت متأكدة أنا أمي متزوجة أبوي منذ مبطي ولحين كاتبين في جوازها قطرية بحكم الزواج ؟

[Serenade]

ام ناصر سألت ليش ما يتساوون القطري و القطرية عند الزواج من الاجانب
وانتو تجاوبون على نص السؤال

[Serenade]

ولكن اعتقد إن إلي دفعك لكتابة الموضوع الغيره أختي أم ناصر



و لكن اعتقد هي طرحت سؤال ينتظر جواب ما قالت حللوا نفسيتي

[حسن]

مهب واضح الموضوع عندي يام ناصر مافهمت اي حقوق ياريت توضحين اكثر

[(بوطلال)]

السلام عليكم
شالفرق بين زوجة القطري الاجنبية ( حتى لوكانت عربية العرق)
وبين زوج القطرية الأجنبي ( حتى لوكان عربي العرق )

وهل يحق لنا اعطاء الزوجة الاجنبية حقوق ....في الجنسية والعلاج
ولانعطي الزوج الاجنبي حقوق ...في الجنسية والعلاج

اعرف جيدا أنه القوامة هي للرجل شرعا وعرفا وعقلا ونقلا ...
ولكن ليش نعطي الاجنبية حقوق ...المفروض تكون هي فقط للمواطنين
الاجنبي والاجنبية يجب أن تكون حقوقهم اقل ....


اذا كانت الوحده هذي شيعيه انا اايد بقوه عدم منحها الجنسيه ولا اي مميزات لانا مب ناقصين خياس يام ناصر :)

[ام ناصر1]

شكرا جزيلا ...لكل الردود
مع أنها معظمها خارج نطاق الموضوع ...
ولازال الاستفسار مطروح ...
لأنه قاعدة العدالة البسيطة تقول ...اعطوا كل ذي حق حقه
وما اذكر إنها نصت على ..........اعطوا كل رجل حقــــه

[ام ناصر1]

ام ناصر.... شرايج بهالسناريو
قطري يتزوج غير قطريه ويجيب عيال منها يشيلون اسمه ويكبرون العيال ويعتبرون قطريين اب عن جد.. ويقوم واحد منهم يودي امه واخته المستشفى لانهم مرضى ... والاخت تلقى علاج ممتاز لانه تعتبر قطريه وامها تلقى علاج درجه ثانيه او ثالثه المهم فيه فرق في نوعية العلاج لانها غير قطريه ايش تعتقدين ردة الفعل بتكون !!!
:)

تقبل الله طاعاتكم وجملكم برضاه ...
من اول امس وأنا افكر بهالشي .....ووضعت نفسي مكان هذه الام
طيب ...اذا كان فيه سرير واحد بالمستشفى ....لمن نعطي الاولوية
للقطرية أم لزوجة القطري الغير قطرية ...

[ام ناصر1]

الزواج من طرق اكتساب المواطنة في القانون ، وهي تكون متجنسة بحكم الزواج لفترة معينة ( اعتقد عشر سنوات) بعدها تكون قطرية بالتجنيس اما انها تعدي فترة معينة او عندما ترزق باطفال ، ما اذكر المدد المهم لها قانون ، بس مب عارف ليش ما تبين زوجة القطري تحصل على مزايا القطرية شنو المشكلة ؟
المشكلة بتنافس القطرية في الخدمات الطبية
يعني مابغينا نحصل على هالتأمين كقطريين وجابين اجانب ينافسونا فيه
طيب نطالب بمساواة زوج القطرية في التأمين... كزوجة القطري ...
وانشوف ايش بتكون ردة فعلكم ....

[ام ناصر1]

اذا كانت الوحده هذي شيعيه انا اايد بقوه عدم منحها الجنسيه ولا اي مميزات لانا مب ناقصين خياس يام ناصر :)

انزين حتى لوكانت يمينية زيدية ..وماخذه قطري ...: (

[ام ناصر1]

مهب واضح الموضوع عندي يام ناصر مافهمت اي حقوق ياريت توضحين اكثر
التأمين الصحي :shy:

[ام ناصر1]

و لكن اعتقد هي طرحت سؤال ينتظر جواب ما قالت حللوا نفسيتي



ام ناصر سألت ليش ما يتساوون القطري و القطرية عند الزواج من الاجانب
وانتو تجاوبون على نص السؤال
فديت قلبج ...تسلمين على ذوقج

[رهج السنابك]

التامين ياقلبي مب بس بينافسونج فيه الاجنبيات الي ازواجهم قطريين


بيشمل المقيمين كلهم

وبيشمل حتى الزائرين

حتى العمال يعني عادي تروحين الاهلي تبين موعد وقدامج لستته هنود هم بعد يبون الاهلي ولا لقعة حمد

الله يبعد الجميع عن المستشفيات

[أسد الجزيرة]

استغفر الله العظيم

البعض اعماه الحسد لمصلحة شخصية او عداوة بين الحريم على الظلم

الاجنبية تكتسب الجواز بحكم الزواج لاستقرار الاسرة و التربية النفسية السليمة للنشء

الحمد لله المشرع ادرى بالمصلحة لو على البعض كان حتى الهوا باعوه بفلوس

[ام ناصر1]

التامين ياقلبي مب بس بينافسونج فيه الاجنبيات الي ازواجهم قطريين


بيشمل المقيمين كلهم

وبيشمل حتى الزائرين

حتى العمال يعني عادي تروحين الاهلي تبين موعد وقدامج لستته هنود هم بعد يبون الاهلي ولا لقعة حمد

الله يبعد الجميع عن المستشفيات
المقيمن اللي شغالين بالبترول والبنوك عندهم من زمان تأمينهم
وادري الكل بيشمله التأمين
ومشي هاي هدفي ...من الموضوع

المشكلة أنه المرحلة الأولى من التأمين حينما تبدأ للقطريات ...
ليش مدخلين معانا زوجة القطري ....
يعني حتى هاي البداية مش قادرين يصبرون لما بعد المرحلة الأولى
ويدخلونها ...حبكت تكون مع القطريات في بداية تطبيق التأمين ....

[ام ناصر1]

استغفر الله العظيم

البعض اعماه الحسد لمصلحة شخصية او عداوة بين الحريم على الظلم

الاجنبية تكتسب الجواز بحكم الزواج لاستقرار الاسرة و التربية النفسية السليمة للنشء

الحمد لله المشرع ادرى بالمصلحة لو على البعض كان حتى الهوا باعوه بفلوس
اشدخل الحسد بالموضوع ....
حطوا نفسكم مكانا ....هل تقبلون نعطي زوج القطرية نفس حقوقكم
...لتسقر اسرة القطرية

[نيساني]

اذا كانت الوحده هذي شيعيه انا اايد بقوه عدم منحها الجنسيه ولا اي مميزات لانا مب ناقصين خياس يام ناصر :)



بوطلال :nice:

انت شوف العنوان استفسار بسيط ياعيني على البساطه:eek5:

محد ذبحنا غير البساطه:)

وشكراً

[العلم]

اشدخل الحسد بالموضوع ....
حطوا نفسكم مكانا ....هل تقبلون نعطي زوج القطرية نفس حقوقكم
...لتسقر اسرة القطرية

أنا استغرب دائما اشوف الأعضاء يذكرون القطرية اللي متزوجة أجنبي ..

طيب أنا أخبر الرجال إذا تزوج يأخذ مرته وياه لبلاده .. والا الأجنبي اللي يتزوج قطرية تصير القوامة في يدها ويتبعها وين ماتروح ؟؟

[(بوطلال)]

انزين حتى لوكانت يمينية زيدية ..وماخذه قطري ...: (

المذهب الزيدي اقرب الى اهل السنه ويكاد يطابقه ماله علاقه بالمذهب الشيعي الي اغلبه كفر وشرك .انا اتكلم عن الايرانيه الشيعيه او من اصل مجوسي :)

[Ashom Qatar]

الحالة الاولى حقوقها اكثر من الحالة الثانية

[khalid525]

المشكلة بتنافس القطرية في الخدمات الطبية
يعني مابغينا نحصل على هالتأمين كقطريين وجابين اجانب ينافسونا فيه
طيب نطالب بمساواة زوج القطرية في التأمين... كزوجة القطري ...
وانشوف ايش بتكون ردة فعلكم ....


اها فهمتج الحين ، انا شخصيا موافق وهالشي منصوص عليه في الدستور
( المواطنون متساوون في الحقوق والواجبات العامة)
والمواطنون هني تشمل الجنسين الذكر والانثى .

بعدين عدد الاجانب 6 اضعاف عدد القطريين وكلهم بيحصلون على التأمين وانتي تشوفين ان اللي بينافسج على التأمين بس الكم وحدة اللي متجنسة ؟

[بصمة قطرية]

اشدخل الحسد بالموضوع ....
حطوا نفسكم مكانا ....هل تقبلون نعطي زوج القطرية نفس حقوقكم
...لتسقر اسرة القطرية

زوجة القطري أم لقطريين
العيال يتبعون الأب
فشي طبيعي تكون حقوق أمهم كحقوق القطرية ..

[bos3eed]

يعني بالعقل,,عيال القطري قطريين سواء كانوا من قطريه او اجنبيه وفي ها الحال اذا كانت امهم اجنبيه مب خساره فيها الجواز لانها في الحالتين راح تعيش عيشة وحده قطريه لان عيالها ما بيقصرون معاها. وما اظن عدد الاجنبيات اللي متزوجين من قطريين بياثر على ميزانيه الدوله وجودة الخدمات المقدمه للمواطن.
بالمقابل اذا اجنبي تزوج قطريه وجابوا عيال و الزوج خذ الجنسيه معناته عياله بعد بياخذون الجنسيه وبيصير العدد كبير وهالشي بياثر على التخطيط الاستراتيجي للبلد.

[رهج السنابك]

طيب يا ام ناصر بعد حتى المرحله الاولى الي متضايقه منها ترا ماراح تستمر وايد
لين نهايه الربع الاول من ٢٠١٤ وتدريجيا يدخلون التخصصات الثانيه ويشملون كل الفئات
يعني حدها سنه الى سنه ونص وكل شخص في قطر بيشمله التامين حتى الزائرين

يعني دخلوا من الحين او دخلوا بعدين مافرقت كلها الا سنه وحده :)
والوحده خلال السنه او نقول المرحله الاولى كم مره بتراجع في المستشفيات؟ ثلاث ولا اربع ان كثرت كثرت نقول عشر مرات
تصبروا نقول الحمدلله والله من زمان والناس محتاجة التامين لتخفيف الضغط على حمد زين طلع منهم

وترا حاليا عدد الغير قطريات ماخذين قطري وعدد الي امهاتهم قطريات قليل مب ذاك العدد الي يضايق

الضيقه والله من المقيمين الي عددهم اضعافنا سبع مرات

[JN000N]

المشكله الحين الاجنبيات طايحين طيحه عالقطري قاطين نفسهم قط اليهد المهم تتزوجه لو شنو يطلع بس تطلع لها بالجواز عقب تخلعه والا تطلب الطلاق وتقط العيال عليه لو يابت منه عيال وتقعد تزابي علينا احنا القطريات انها قطريه

مشكله الغطريات

[حسن]

التأمين الصحي :shy:

لا اعلم ياام ناصر توني مسوي منظار في الاهلى ودفعت فلوس يوم اسئلهم يقولون طبقو التامين قال لي ليدي فيرست

واللي اعرفه ان الكل حتى خدم المنازل وعمال الشريكات بيكون لهم تامين صحي