ربع أوريدو.. رايكم

[Journalist]

السلام عليكم ورحمة الله وبركاته،،


http://www2.0zz0.com/2013/07/23/06/390745538.jpg
طبعا كلنا شفنا اعلانات شركة أوريدو اللي يطلع فيها " ربع أوريدو"
شفناهم في التلفزيون و اللوحات الاعلانية في الشارع..
نبي ناخذ رايكم في "ربع اوريدو" من ناحية الشكل، لان اشكالهم من رايي مادري شلون و كثير من الناس ماتقبلتهم :rolleyes2:

.. فشنو رايكم؟

[ضوى]

ابدا مب مقبولين ولا حبيتهم

كيوتل العام دعايتهم وايد احلى السنة سخيفة بزيادة

[بوخالد911]

لم يوفقوا هذه المرة

حاول مرة أخرى ..............

[المسك1969]

بصراحة أنا ما أعرف ربع أُريدو وشنو يريدون ولكن شفت هالإعلانات وأستغربت على اللبس والوضعية، فالولد لابس الزي العادي وحتى شيله هم بعد عادي

لكن البنتين كله فوق الركبة وشايلينهم وحدة منهم على رقبة الريال

أصلا منو ربع أُريدوو؟ وشنو الهدف من الحملة ذي؟ وليش بهالوضعية تتصور البنت؟ وكأن ما عندنا زي قطري غير أنه يفترض أنها مسلمة بلباس محتشم

ليش دائما وهذا بشكل عام: الريال بثوبه وما تغير على ثوبه شيء، والمرأة بعباءة مفتوحة وحجاب نص، ومكياج؟ ليش؟

[HotBlood]

صِيع أوريدو :omen2:

مب عاجبيني كلش كأنهم شياطيين متجنسين

[السكين]

اللون الأحمر يعطي انطباع بالفيس الغاضب وان كانوا يضحكوا ! وحتى شكلهم أقرب للشر والشيطنة باللون الأحمر .

مجرد رأي .

بالنسبة لي لم يوفقّوا في ابتكار شخصية جذابة .

[بوعلي2]

كنهم ماسونيين ---> متأثر باليوتيوب

[ألماسة]

أنا أشوفهم عـــادي

[Qaatar]

خلكم من المصمم وخلكم من الشركه الي نفذت هالمشروع
شوفوا الموظف الي جاب لهم هالفكره. وتلشركه كم ضربوا عليهم

[وطن]

ربع اوريدووو وجوههم محتقنه
زعلانيين الظاهر

:secret:


مالهم معنى كلش

لو مسويينهم مثل ام ان امز ابرك من هذا اللي لابس ثوب

[عاشق العديد]

مسوينه احمر انه على الماركه اوريدو انه احمر في احمـر .. بس الموتر الي كانو يسوقونه هاي مايعطوني اياه حق شـل ..

[وحيد-الشوق]

اشكال غبية تحس ماعندهم ذووق في اختيار الشخصيات من اشوف اعلانهم اتنرفز بروحها الشركة تبط الجبد بعد مع هالاشكال خلني ساكت احسن :)

[عـ العبيدلي]

:vampire:

^^

هذول هم ربع اوريدو ..

بس ترى كفكره المشروع خيري وحلو ..

بس اتوقع الي اختار التصميم نفسه الي اختار اسم اوريدو ..

[السكين]

مسوينه احمر انه على الماركه اوريدو انه احمر في احمـر .. بس الموتر الي كانو يسوقونه هاي مايعطوني اياه حق شـل ..

إذا على الشعار ، كان بالإمكان وضع دائرة حمراء على أثوابهم وكل شخصية عليها حرف من اوريدو كان طلع الشكل اجمل وبقيت لون الوجه باللون الطبيعي او الأبيض.

[fhd4]

وجوههم حمرا … كأنهم منحرجين من اللي يسوونه …

[Locale]

انا ليش عاجبيني
بالعكس والله دعايتهم حلوه وعبيطه

[شيخ الديرة]

فشــــ ذريع ـــل

كلما أشوفهم أحس بالحر الشديد

[New Vision]

بالعكس هذي افضل دعايه تمثلهم يعني هو يبتسم بس من داخله شيطان يقولك الوعد الفاتورة




اريدوووووووووووووووو:vampire:

[وليف قطر]

َ





من اشوفهم يروح بالي على الشياطين
بالشكل اللي تخيلانهم واحنا صغار

http://up.arabseyes.com/uploads2013/23_07_13137457203676641.png

مادري انتوا نفسي ولا اروح اتعالج :rolleyes2:

[بو خليفه 123]

للأسف يذكرني في شخصية ابليس الي بالافلام
الاحمر والاسود .. مع الابتسامه الجهنميه


فكرة الدعايه حلوه . لكن من تحولت الى اوريدو وهي من اسوأ الى اسوأ في تقليد منافستها .
من يومين مريت على فلاير في الشارع احمر و جنبه على طول فلاير ثاني احمر . طلع واحد لكيوتل والثاني فودا فون . يعني تقليد اعمى و ماركتنج ضعيف .



تقييمي :

شعار الشركه : سيء
تغطية الشبكه : سيء جداً
خدمة العملاء : مقبول (الي يساعدنا اني اخلص خدماتي اون لاين)
دعاية رمضان : الفكره ممتازه لكن شكل #الربع مثل ماذكرت اعلاه

[khalid525]

اشوف دمهم خفيف بس مب موفقين باختيار اللون الاحمر ، رغم انهم اذكياء باختيار وجيه الشخصيات بنفس شكل ولون شعار اوريدو لكن كان افضل يختارون لون الوجه العادي ، اشوف هالشخصيات طريقة لبسهم جيدة وكشختهم حلوة ومضبوطة، لو يخلون نفس الشخصيات بس يغيرون لونهم يكون احسن ، الى الان اوريدو هي افضل شركة في طرح الدعاية والاعلان في قطر.

[Journalist]

http://www9.0zz0.com/2013/07/23/12/293120967.jpg
اليوم ربعنا راحوا مستشفى حمد يزورون الاطفال.. ترى ماتوقع اليهال بعد متقبلينهم مثلنا:rolleyes2:

شكرا لمشاركاتكم و في انتظار مشاركة من اوريدو:nice:

[طلعة الروح]

اشوف دمهم خفيف بس مب موفقين باختيار اللون الاحمر ، رغم انهم اذكياء باختيار وجيه الشخصيات بنفس شكل ولون شعار اوريدو لكن كان افضل يختارون لون الوجه العادي ، اشوف هالشخصيات طريقة لبسهم جيدة وكشختهم حلوة ومضبوطة، لو يخلون نفس الشخصيات بس يغيرون لونهم يكون احسن ، الى الان اوريدو هي افضل شركة في طرح الدعاية والاعلان في قطر.

هذا الكلام صحيح ، على الاقل مقارنة مع الشركات المحلية الاخرى ، تعتبر أريدو متفوقه من هالناحية

[elders]

درجة اللون الاحمر اللي مختارينو ما يناسب الربع والجو اللي عم بحاولو يوصلوله بالاعلان
اول انطباع كان انهم شله سوء جيت احاول اقنع نفسي بالاحسن حسيتهم رايحين اعدام :(
بتخيل لو خلو الشخصيات مدورة من البطن احمر ورجولهم وايديهم ووجوهم عادي كانو اقرب للنفس وبنفس الوقت ما بعدو عن اللوجو
حركاتهم والابتسامات حلويين

[باراكودا]

وجوه بشعه .

[مرتبش]

عبالي دعاية فودافون..

[النهار]

كأنهم ناس ممسوخين نازلين من كوكب الشياطين

[Qt.1]

كأنهم ناس ممسوخين نازلين من كوكب الشياطين
:nice:

[تاسيتوس]

الفكرة حلوة بس محتاجه شوي تطوير.

[ولي العهد]

سبحان الله خليتوا المظمون وخليتوا الي يسونه وتكلمتوا عن اشكالهم ... انا اقول الاهم الفعل وبما انهم يزورون المرضى والاطفال ويقدمون لهم الهدايا وونسونهم فهذا شي عظيم

[Dana’1]

يخرعون.. بالذات الي جالسين بالطعم وهو يطلع من الدريشة شوي شوي
يوم شفتها قلت بسم الله ولو يطلع لي كذا بتخرع من قلب !!!!

[Ashom Qatar]

عبالي دعاية فودافون..

حتى انا والله قلت هذه اكيد سوالف فودافون
طلعو ربعنا من كيوتل :rolleyes2::rolleyes2:

[الزعفراني]

الشخصيات تمثل عدد حروف كلمة اوريدو بالانجليزي والوجه المدور والاحمر مستوحى من شكل الشعار .. المشكله الوحيدة ان لبسوهم ثياب وغتر .. وفعلا اشكالهم مش مقبوله اللون الاحمر يرمز للشر في الشخصيات الكرتونيه ..

غير كذا يعطونك انطباع ان الشركة فودافون ..

كان بالامكان ابراز شعار اوريدو على ثيابهم ويكون لون الشخصيات اللون العادي المتعارف عليه

[نور الحور]

هههههههههه .. يخرعون بصراحة .. كلش ماعجبتني الأشكال مع إن الدعاية حلوة ..
ولدي يوم شافهم خاف .. اضطريت إني بسرعة أقلب القناة !
سبحان الله الأحمر والأسود يعبرون عن الشر والغضب ! >> حتى شوفوا :anger1: هههههههه

هذا غير التقليد الأعمى لفودافون .. مرة رحت مع اختي تبي تشتري كرت من أوريدو في اللاند ..دخلنا فودافون بالغلط وصفينا بالدور واستوعبنا عقب 5 دقايق يمكن إن احنا في المكان الغلط :secret:
أوريدو .. نحن لا نريدو هذه الوجوه :telephone: