الانترلوك في الاحياء السكنية

[شيخ القبيلة]

السلام عليكم ورحمة الله وبركاته

موضوعي عن : ( تركيب الانترلوك للبيوت في الاحياء السكنية )

من فترة رحت أشغال أستفسر اذا كان يقدرون يعملون لي انترلوك قدام بيتي لأن قناعتي ان هذي مسؤلية الدولة وأنا ما أملك الجزء اللي قدام بيتي .
وقبل لا أروح كنت متصل لهم وقال لي احد الموظفين هل يوجد شركة شغالة في المنطقة ترصف شوارع وانترلوك؟؟؟؟ قلت نعم في شركة كبيرة ماسكه المنطقة والمناطق اللي حواليها بعد شغالة تسوي شوارع ورصف قار وانترلوك ،،،،،،،، فقال لي ان هو أيضا كانت عنده نفس المشكلة فأشغال حطت له قار قدام بيته ،،،فشجعني وقال خلاص مر علينا وبنكلم لك المسؤول ..بس انت صور لنا المكان اللي قدام البيت قلت زين.:)

يوم رحت... قال كلمت المسؤول وقال لا والله حتى هو ماسوو له قدام بيته لأن ماعندنا هالخدمة !!!!
أحنا بس نسوي للشوارع الرئيسية يعني ...اذا كان بيتك على شارع عام ونسوي حق مشاريع اشغال وغيره .
الصراحة استغربت !!!!.قلت ليش ...هذي مسؤوليتكم انتو ياأشغال مب مسؤوليتي .

يعني الجزء اللي قدام البيت ليش مايكون على الدولة وليش على حسابي الخاص يعني أدفع مبلغ يمكن اكثر من عشرين الف ويمكن اكثر وعلى حسب نوعية الانترلوك كأني ادفعها للدولة وهي أصلاً مش ملكي .

أفتكر تجميل الشوارع الداخلية للمناطق السكنية على الدولة ومهمتها مب على مسؤلية الناس.

وأترك لكم المجال للنقاش (ومبارك عليكم ماتبقى من الشهر)

[faisalqatar]

الصراحة غريب رد المسئول اللي في اشغال

احنا في الدفنة تقريبا المنطقة كلها من كم سنة حطوا لنا انترلوك و مادفعنا ولا ريال ..

[مشاكل]

المساحة الامامية من البيت شبه تمليك لراعي العقار ،،، ولا العالم ماصفت سياراتها وسوت طبيلات وملاحق وكباين وشجر ،،،، الخ
اذا عندك استطاعة سو لك انترلوك وورد وشجر ،،، تراك بالاخير انت المستفيد بالاول
واذا ماعندك استطاعة اشتر تريب كنكري وافرشه قدام البيت ومع الدوس بيستوي نفس القار

[khalid525]

كلامك عدل اخوي ، ولا موضوع المطبات اذا واحد بغى يسوي مطبه قدام بيته يلف السبع لفات وفي الاخير ما يعرف من رفيجه ، ويضطر عقب يسويها بنفسه ، اعتقد لو يخصصون في البلديات قسم مختص بها الامور افضل .

[العلم]

المفروض البلدية هي اللي تهتم بهذا الأمر ..

بس لازال هناك تأخر في الخدمات وهذا شيء منها .. وليس بغريب ..

[بو خليفه 123]

كم مساحة الخلاء الي امام بيتك الي تتطلب انترلوك ؟

[رهج السنابك]

فعلا انا لاحظت اهمال الدولة للشوارع الداخليه

مب حلو شكل البيوت الفخمه والفلل وقدامها تراب وحصى وهالشي لاحظته وايد على الاقل يحطون لو عرض متر واحد قدام البيوت

امر داخل الفرجان المناطق الداخليه كلها تراب وحصى

والتناقض العجيب لو حد زرع قدام البيت البلديه لها الحق تقول لك شل الزرع لانه المساحه قدام بيتك ملك للدولة!!
انزين دام هي ملك للدولة ليش مايجملونها!

[معماري قطري]

الجهة المسؤولة عن تركيب الإنترلوك وشوارع الفرجان هي البلدية .. ما ادري ليش ما صرح بهالشيء المسعول .. ركبوا في منطقتنا انترلوك عن العين والنفس وتنفيع حق التجار والمقاولين .. بعد فترة جاو للصيانة ونقفوه وله للحين فوق 10 سنين مكوم على جنب وفي كم مكان.

[qatar711]

اراءكم عجيبة ناس قالت مسئولية البلدية وناس تقول اشغال
وازديكم كل هالكلام غلط ولا صحة له

البلديات مختصه في الشوال اقل من 16م والانترلوك المحاذي له
اما اشغال اختصاصها الشوارع ماعرضة فوق16م +انترلوك

الكلام هذا بخصوص الشوارع الخارجية وليس هذا موضوعنا

الموضوع هو عن الجزء الترابي الواقع بين البيت والشاع وهذه كانت مشكلة في تضارب المسئولية بين اشغال والبلدية ولهذا كانت مع مناطق الدولة لايوجد فيها ترصيف لهذه الجزئية بين البيت والشارع

وللعلم مع بداية هذا العام تم تخصيص ميزانية تفوق المليار قطري مخصصة لترصيف جميع البيوت
اشغال وفرت الميزانية + الترسية
البلدية عليها متابعة اعمال الشركة
فعلاً بدأت اعمال الترصيف وذهبت ورأيت بعيني في شارع معيذر الجنوبي وهو الشارع الممتد من محطة وقود باتجاه الغرب
محطة وقود الواقعة شمال اشارات حياة بلازا

بس اشوف الشغل بطيء جداً
الظاهر بنتظر سنوات دام اشغال تسير كـ السلحفاه

[أم علي 2010]

ياريت والله

بيتي انعدم من التراب والغبار اللي يزحف من الشارع و متلعوزين لا نقدر نفتح دريشه ولاشي

والمشكلة أن الرصيف قدام مدرسه المفروض ينرصف بقار ولا انترلوك

[برويقن]

انا كتبت كتاب لمدير الطرق والمشاريع مع صورة للبيت وما عندي وأسطه

كنت ابي يسون لي طريق من باب البيت لين الشارع وينزلون الرصيف شوي

جزاهم الله خير خلال اسبوع سوووى الشغل سووو قار ونزلو الرصيف بس ماركبو انت لوك للمساحة الفاضية بقت حصى للأسف ... فزرعت هالمنطقه

[alsoq]

احنا منطقتنا كلها انتر لوك قدام البيوت واي حفريات يردونه

[رهج السنابك]

طيب اخوي قطر بما ان عندك معلومات وتقول فيه ميزانيه مرصوده لرصف كل الشوارع الداخليه الي تفشل

هل يصير لو واحد قدام بيته مب مرصوف يقدر يتصل على البلديه ويطالب في الترصيف ؟؟ ولا مب من حقه؟؟

[alsoq]

طيب اخوي قطر بما ان عندك معلومات وتقول فيه ميزانيه مرصوده لرصف كل الشوارع الداخليه الي تفشل

هل يصير لو واحد قدام بيته مب مرصوف يقدر يتصل على البلديه ويطالب في الترصيف ؟؟ ولا مب من حقه؟؟

اللي اعرفه انهم يرصفون امام البيوت للمنتظر العام
الى اذا تغير القرار

[طلعة الروح]

خلهم يرصفون الشوارع أول شي مثل الناس عشان يفكرون يحطون لك انترلوك قدام البيت
للاسف الطاسة ضايعة بين البلدية وبين اشغال
حسبنا الله وكفى...

[al-obaidly]

ياجماعه هل الاشياء يبلها واسطه

[حياة]

احنا ع شارع رئيسي وسوينا احنا على حسابنا