مشكلة المطبات ألى أين

[تاجر كشخة]

السلام عليكم ورحمة الله وبركاته

رمضان كريم علينا وعليكم وعساكم من عواده

حبيت اليوم أطرح مشكلة المطبات الي كل يوم تصادفنا مثل ما أنتوا شايفين كل يوم ان المطبات في أزدياد وكل واحد جا وحط قدام بيته مطب غير قانوني جاب شوي حصى وحط فوقهم سميت وسواله مطب المسكين الي جاي ما يدري عن المطب واكل له ضربة قوية على سيارته من تحت :rolleyes2: ااه قلبي الصغير لا يتحمل

ليش ما يكون في مخالفات ضد اصحاب هالمطبات الغير قانونية ويتم إزالتها
ليش ما يكون فيه توحيد للمطبات من حيث الحجم والارتفاع بحيث انها ما تضرر السيارات
ويكون للمطبات الوان تحذيرية وعاكسات ضوء تحذر السائقين من بعيد
المشكلة في مطبات ما تشوفهم لونهم مثل لون الشارع بالضبط

اتمنى ان يتم تسليط الضوء على هالمشكلة :telephone:

[كلاسيك قطر]

تعرف ليش يالغالي المطبات كل بيت وبيت

المواتر المسرعه قدام البيت يطلعون يهال وله يطلعون نسوان عيايز

علشان جذي يحطون مطبات قدام البيت

[تاجر كشخة]

تعرف ليش يالغالي المطبات كل بيت وبيت

المواتر المسرعه قدام البيت يطلعون يهال وله يطلعون نسوان عيايز

علشان جذي يحطون مطبات قدام البيت

صحيح كلامك بس على الاقل يسوون مطب عدل مب طوفة يعني الحين الواحد يبي يوصل بيته لازم يمر على خمس أو ست مطبات من هالنوعية :rolleyes2:

[معماري قطري]

يبي لنا كيمرات تصور أرقام السيارات المسرعة في المناطق السكنية ويتخالفون .. ولا يركبون المطبات المخفية اللي تكشف سرعة السيارة وترتفع قبل لتوصلها إن كانت مسرعه

[مستر راشد]

وجهة نظري المطبات لها فوائد كثيره
بغض النضر عن البريك الي خلص السفايف
لاكنها امان للاطفال والنساء والهنود

[فيصـــل]

المطبات هذي ثقافه عندنا لابد من تغييرها

ماتكسرت مواترنا الا من هالمطبات لا وبدون لوحه ارشاديه، وسببت لنا زحمه في بعض المناطق !!

ومعظمها تكون مطبات شخصيه حاط قدام بيته ستين مطب وكل مطب جني به سنام بعير

ولو تفكر فيها الشوارع المكسره تفي بالغرض وتأدي مهام المطبات http://www.cheesebuerger.de/images/midi/konfus/e010.gif (http://www.cheesebuerger.de/smilie.php)

[لاجل QT]

راضين فيها بس خل يلونونها ماتبين من الارض امس 4 مطبات اكسرو ظهري مايبينون...

من المسؤول عن هالاهمال؟؟؟؟؟؟؟؟؟؟؟؟

[طلعة الروح]

موضوعك ذو شجون أخوي
احنا بعد نتفاجىء بالمطبات العشوائية اللي يحطونها المرور لاحظ يوم اقولك المرور وليسوا الناس العاديين،
من فترة حطوا في شارع من شوارع فريجنا مطبات ملونه ابيض واصفر وفي الليل مب واضحه غير المسافة اللي بين كل وحده والثانية ماتسوى اتوقع اقل من 100 متر ، كلمت المرور القسم المختص وطلبت منهم اعادة معاينة المطبات او وضع ليتات على الأقل
وللاسف لحد الحين ماشفت تغيير
على كلام المرور ان المطبات تنحط بطريقة تقديرية بعد معاينة الحاجة للمطب في طريق ما وليس بطريقة عشوائية من قبل أي شخص او ساكن
بخصوص حالتك يمكن ان تشتكي عند المرور ويمكن ازالتها بالاتفاق بين المرور والبلدية

[alsoq]

مطب غير قانوني بلغ عنه يخالفونه ويزيلون المطب

[ممنوع اللمس]

انا ساكن فالشحانيه والله كل شارع فيه اقل شي 4 مطبات
والمطبه اللي تجيك ملاغه لازم تشغل الدبل علشان تعديها على خير تحس نفسك ضارب طعس
انا موتري سبورت والله طار صبغ الصدام من هالمطبات شي يضايق ماغير رجلك على البريك كل ثانيه مطبه
في ناس عندهم حالاتهم مستعجله لا سمح الله مريض او اي شي يعني عالاقل يخلون شارع واحد مافيه مطبات بس شنقول صارت موضه

[طلعة الروح]

انا ساكن فالشحانيه والله كل شارع فيه اقل شي 4 مطبات
والمطبه اللي تجيك ملاغه لازم تشغل الدبل علشان تعديها على خير تحس نفسك ضارب طعس
انا موتري سبورت والله طار صبغ الصدام من هالمطبات شي يضايق ماغير رجلك على البريك كل ثانيه مطبه
في ناس عندهم حالاتهم مستعجله لا سمح الله مريض او اي شي يعني عالاقل يخلون شارع واحد مافيه مطبات بس شنقول صارت موضه

لا تسكت عن الموضوع اخوي ، ارفع شكوى وطالب بازالتها من قبل ادارة المرور التابعة للمنطقة، ويمكن يحولون الموضوع للبلدية في بعض الحالات وهي اللي تزيلها هاي على كلام واحد هناك.

[فرفوش]

اي والله مطبات ماعليها صبغ ولا لوحات ارشاديه

عيل ذاك اليوم ماشي وفجاه تطلع لي مطبه مادري من وين طلعت

لا لون ولا شي ياخي والله طرت ضرب راسي بالسقف خخخخخ:weeping:

والمشكله مافي بيوت ولاشي

[بوحارب]

الناس ماحطوا مطبات غير قانونية إلا بسبب المرور اللي رافض تصريح المطب

وبسبب السيارات المسرعة بين البيوت من قبل المستهترين

قبل فترة داعمين بنت ماتتعدئ 10 سنوات قدامي عندنا في الفريج

ورحت المرور اقدم علئ مطبات قانونية ومطابقة للمواصفات لكن مافيه رد منهم أبداً


وشكلي بركب مطبات علئ حسابي بس من يعرف مقاول مطبات ؟:)

[حسن]

موضوعك ذو شجون أخوي
احنا بعد نتفاجىء بالمطبات العشوائية اللي يحطونها المرور لاحظ يوم اقولك المرور وليسوا الناس العاديين،
من فترة حطوا في شارع من شوارع فريجنا مطبات ملونه ابيض واصفر وفي الليل مب واضحه غير المسافة اللي بين كل وحده والثانية ماتسوى اتوقع اقل من 100 متر ، كلمت المرور القسم المختص وطلبت منهم اعادة معاينة المطبات او وضع ليتات على الأقل
وللاسف لحد الحين ماشفت تغيير
على كلام المرور ان المطبات تنحط بطريقة تقديرية بعد معاينة الحاجة للمطب في طريق ما وليس بطريقة عشوائية من قبل أي شخص او ساكن
بخصوص حالتك يمكن ان تشتكي عند المرور ويمكن ازالتها بالاتفاق بين المرور والبلدية

شلون يكلم المرور وانتي المرور ماسو لك شي

انا استغرب من يقول ناس تحط مطبات اللي اعرفه ان هناك لجنه تقدم الطلب ويدرس وبعدين هم يقررون

فعلا مطباتنا غير شكل ولا لها اي ليتات ولا الوان وحتى اللوحات الارشاديه يحطونها على راس المطب ولا بامتار معدوده يعني مايمدك تضرب بريك الا انت طاير

اذكر اني ذكرت وصورت عن المطبات وكان في موضوع غير البشر ولقائه مع مدير المرور

للاسف الكل يقط على الثاني مادري ليش ناس تقول مرور وناس تقول اشغال

الله المستعان

[لاجل QT]

شلون يكلم المرور وانتي المرور ماسو لك شي

انا استغرب من يقول ناس تحط مطبات اللي اعرفه ان هناك لجنه تقدم الطلب ويدرس وبعدين هم يقررون

فعلا مطباتنا غير شكل ولا لها اي ليتات ولا الوان وحتى اللوحات الارشاديه يحطونها على راس المطب ولا بامتار معدوده يعني مايمدك تضرب بريك الا انت طاير

اذكر اني ذكرت وصورت عن المطبات وكان في موضوع غير البشر ولقائه مع مدير المرور

للاسف الكل يقط على الثاني مادري ليش ناس تقول مرور وناس تقول اشغال

الله المستعان

حسن

انت يمك تحب تحافظ على نظافة البيئة مشاء الله عليك

بالمرة جيب عمالك صوبنا يصبغون مطباطتنا فسفوري خضر حافظو على ظهورنا وروسونا اللى تنضرب في سقف السيارة:weeping:

[حسن]

حسن

انت يمك تحب تحافظ على نظافة البيئة مشاء الله عليك

بالمرة جيب عمالك صوبنا يصبغون مطباطتنا فسفوري خضر حافظو على ظهورنا وروسونا اللى تنضرب في سقف السيارة:weeping:

زاد اشوفك تتشكين من الصداع ترا البلامن السقف طايح ضرب في راسك

بعدين خلاص المفروض انتي حافظه مكانها
فلاتسرعين وحاسبي مهب ناقصين بعد

تستاهلين السلامه

شوفي منهو عضو المجلس البدي مالكم تليه من اذنه وقوليله يالله شوف شغلك مهب انت المسؤل عن منطقتنا استخدمو الديمقراطيه تعلموها لا تسيرون كسالا

:victory:

[QaTaR49999]

والله مايلامون محد بيحط مطبه وبيخسر عمره الاوهو متأذي
ويدري محد بينفعه لو حد دعم بيته ولا دعم عياله


وانتو تعرفون التخطيط مش مقصر في الارتداد من بين باب البيت وشارع متر
اللي يشوف الشوارع شلون البيوت لاازقه في الشارع يقول قطر مافيها مساحه

[kmk]

إذا غير قانونا بلغ وشيلونه ويخالفون إلى حطه

[khalid525]

ياليت المطبات تكون ضمن اختصاص البلديات لان الاجراء الحالي يزهق وبطئ جدا .

[abo0o0od QtR]

تبي تشوف المطبات الي تبرد الخاطر تعال شارع الخريطيات الداخلي شارع محطه طيبه للي ما يعرفه واحسب كم مطب بيجيك اتوقع هو مشروع مطبات وحطوله شارع

[تاجر كشخة]

موضوعك ذو شجون أخوي
احنا بعد نتفاجىء بالمطبات العشوائية اللي يحطونها المرور لاحظ يوم اقولك المرور وليسوا الناس العاديين،
من فترة حطوا في شارع من شوارع فريجنا مطبات ملونه ابيض واصفر وفي الليل مب واضحه غير المسافة اللي بين كل وحده والثانية ماتسوى اتوقع اقل من 100 متر ، كلمت المرور القسم المختص وطلبت منهم اعادة معاينة المطبات او وضع ليتات على الأقل
وللاسف لحد الحين ماشفت تغيير
على كلام المرور ان المطبات تنحط بطريقة تقديرية بعد معاينة الحاجة للمطب في طريق ما وليس بطريقة عشوائية من قبل أي شخص او ساكن
بخصوص حالتك يمكن ان تشتكي عند المرور ويمكن ازالتها بالاتفاق بين المرور والبلدية

اييه خليها على الله نكلم من ولا من