اين قضيت القرنقعوه مع عيالك ؟

[اللوز]

اين قضيت القرنقعوه مع عيالك
هل في الفريج
كتارا
اسباير
سوق واقف
اماكن اخرى

[ms-qtr]

الفريج على الطريقة التقليدية

[اللوز]

الفريج على الطريقة التقليدية

ما هي التوزيعات
هل كانت عبارة عن مكسرات او فلوس ؟

[دااانة قطر]

اول شي رحت عند هلي بعد التروايح وقرقعت معاهم
رحت بيت عمي وبعدها مريت صديقتي وآخر شي مريت على جدة عيالي وعودت عند أهلي تسحرت معاهم ورجعت البيت
الْحٍمَدٍللـّہ منها زوااره ومنها وناااسه

التوزيعات ان شاء انزلها لكم باجر

[ضوى]

رحت بيت اهلي وقرقعت بنتي معاهم وعقب طلعنا وجينا بيت اهل زوجي واستانسنا وقرقعنا وضحكنا وتالي ردينا البيت ، ماشاء الله بنتي استانست عاللبس وعلى المكسرات والحلويات واغاني اليهال صج وناسة

[teef3beer]

بالفريج مع العيال والحمد الله استانسوا والله يعيدها علينا وكل عام وانت بخير

[ام السعف]

في بيت ابوي مع لمة الكل وفرحة ملابس اليهال وكل ماسك جواله وكيمرته و يصورهم

[ولي العهد]

في البيت مع الهنود يركبون لي باب الالمنيوم حق الستور واليهال البعض منهم مجابل التلفاز والبعض منهم راقد والبعض يلعب تمبه ( كورة )

[Dmy Enabi]

في كتارا صراحة حفلهم كان متنوع وومميز

[عاشق العديد]

انا قرقعت في نادي الريان كنت العب كـوره وجبت قول لعيون ولد مسمس الصغير :)

[اللوز]

اول شي رحت عند هلي بعد التروايح وقرقعت معاهم
رحت بيت عمي وبعدها مريت صديقتي وآخر شي مريت على جدة عيالي وعودت عند أهلي تسحرت معاهم ورجعت البيت
الْحٍمَدٍللـّہ منها زوااره ومنها وناااسه

التوزيعات ان شاء انزلها لكم باجر
اهم شي الزيارة لانها تعبر عن ارث ثقافي

[لاجل QT]

ياريت يعيدون فعاليات القرنقعوة مرة ثانية لمدة 3 ايام ليتسنى لعيالنا يشوفون كل الفعاليات

[kitmat]

في بيت ابوي ويمعة الاهل والاخوان الحمدلله

[غايه الطواش]

الفريج
بيت أبوي وآخر شي بيت عمي

[اللوز]

رحت بيت اهلي وقرقعت بنتي معاهم وعقب طلعنا وجينا بيت اهل زوجي واستانسنا وقرقعنا وضحكنا وتالي ردينا البيت ، ماشاء الله بنتي استانست عاللبس وعلى المكسرات والحلويات واغاني اليهال صج وناسة

الله يدوم الوناسة
من المقالب المضحكة في المناسبة انشقاق الكيس هههههه

[al-obaidly]

انا وديت العيال بيت بوراك اوبما

[لمعة الالماس]

عقب المغرب بيت اهلي

وعقب العشا تجمعنا كلنا في بيت جدتي

واستانسوا اليهال وايد

والقرقيعان عبارة عن بوكسات ومكسرات

وحلوه الزيارات وجمعة الاهل

اما اسباير وكتارا وين الواحد يقرقع هناك !!!

[ابن الجزيرة]

ويقولون حرام!!!

اين الحرام في كل ما ذكر واين المنكر؟؟

زيارة الاهل وفرحة الاطفال...هل هذا محرم؟؟

[يوسف0]

ويقولون حرام!!!

اين الحرام في كل ما ذكر واين المنكر؟؟

زيارة الاهل وفرحة الاطفال...هل هذا محرم؟؟

أيقولون طال عمرك

أسأل احد علماء المسلمين عن سبب التحريم أذا كنت مهتم بالحرام والحلال

والله يهدي جميع المسلمين

ودووم الفرحة ان شاء الله بعيد عن الحرام

[مستر راشد]

في البيت مع لمه اليهال والاخوان

[بوحارب]

فاضيلهم اوديهم هالاماكن زحمه وحر واختلاط وإزعاج ليش الغثا ياخي:telephone:

حطيتهم بيت جدهم ورحت مجلس حسن ولك في الكرك حتئ النخاع

[حسن]

فاضيلهم اوديهم هالاماكن زحمه وحر واختلاط وإزعاج ليش الغثا ياخي:telephone:

حطيتهم بيت جدهم ورحت مجلس حسن ولك في الكرك حتئ النخاع

اي والله يابوحارب
احنا فاضين نقرقع كفايه اللي عندنا طول السنه نقرقع وياه

هذي مايهتمون فيها الا النسوان وحركاتهم ولا علينا مادرينا عنها

حياك يابو حارب

:victory:

[alsoq]

ما احتفالنا فيه

[ابن الجزيرة]

أيقولون طال عمرك

أسأل احد علماء المسلمين عن سبب التحريم أذا كنت مهتم بالحرام والحلال

والله يهدي جميع المسلمين

ودووم الفرحة ان شاء الله بعيد عن الحرام


يوسف....عندنا عقول ايضا نستطيع ان نفرق بين الحلال والحرام

هنا شرح بسيط واعتقد انه وافي وكامل عن احتفالات اهل قطر بهذه المناسبة التراثية

فهل هناك ما يوحي انها حرام؟؟

كيف يحتفلوا في الشرقية والغربية وايران وتركمانستان لا يهمني هنا انا اتحدث عن قطر.

هل هناك منكر؟؟

[للصبر اخر]

تجمعنا في الخيمه
والاهل كلهم كانو موجوديين
كفايه فرحة الاطفال اللي شفتهاا
تسوى الدنيا كلهاا
الله يحفظهم ويجمعهم ع الخير دوم يارب

[يوسف0]

يوسف....عندنا عقول ايضا نستطيع ان نفرق بين الحلال والحرام

هنا شرح بسيط واعتقد انه وافي وكامل عن احتفالات اهل قطر بهذه المناسبة التراثية

فهل هناك ما يوحي انها حرام؟؟

كيف يحتفلوا في الشرقية والغربية وايران وتركمانستان لا يهمني هنا انا اتحدث عن قطر.

هل هناك منكر؟؟

القرنقعوه حرام بدعه منكر وهو احتفال! عيد!!! يتكرر فالسنه مره

وفي ديانة الاسلام فرع السنه عيدين فقط عيد الفطر وعيد الأضحى

واضن انهم كفايه وجو ممتع للأطفال لايعلى عليه فلماذا تزيد؟

ليس كل عادات وتقاليد هي فوق الأسلام وانت حر فيما تفعله

وعلى فكره القرنقعوه ظهر في وقت الجاهليه ايام الأسلام ضعيف في جزيرة العرب

مع خالص تقديري وأحترامي

[الـخـالـدي]

يوسف....عندنا عقول ايضا نستطيع ان نفرق بين الحلال والحرام

هنا شرح بسيط واعتقد انه وافي وكامل عن احتفالات اهل قطر بهذه المناسبة التراثية

فهل هناك ما يوحي انها حرام؟؟

كيف يحتفلوا في الشرقية والغربية وايران وتركمانستان لا يهمني هنا انا اتحدث عن قطر.

هل هناك منكر؟؟

اخوي ابن الجزيره اعتقد انك رجال كبير وفاهم استغربت من سؤالك .. ؟

لكن هذا شي طيب منك انك تتحرى الحلال و الحرام .. اتركك مع الفتوة من موقع اسلام ويب و اللي هو مقره قطر و اعتقد هم يعرفون عاداتنا وتقاليدنا اكثر من اي مركز ثاني فالعالم ..

السؤال : اعتقد الناس عندنا الاحتفاء بيوم النصف من رمضان وعمل ما يسمى بالكرنكعوه، وهو مرور الأطفال على البيوت لأخذ الحلوى والنقود، فهل لهذا العمل أصل في الشرع؟


الجواب : فتخصيص يوم النصف من رمضان بالاحتفال أو ما يسمى " بـ الكرنكعوه " على نحو ما ذكر في السؤال لا أصل له في الشرع، ولذلك فهو عمل محدث ينبغي التحذير منه. لقوله صلى الله عليه وسلم: " من أحدث في أمرنا هذا ما ليس منه فهو رد"، رواه البخاري ومسلم. وقوله: " من عمل عملاً ليس عليه أمرنا فهو رد" رواه مسلم. ولم ينقل عن النبي صلى الله عليه وسلم ولا عن أحد من أصحابه تخصيص هذا اليوم بشيء من العبادة أو الاحتفال.
على أن في هذا العمل تربية للأطفال على نوع من التسول، والواجب تربيتهم على الإحسان والجود والتعفف عما في أيدي الناس.
والله أعلم.

وهذا رقم الفتوه تقدر تتأكد منه 6000 ..

وفيه سبب ثاني انصدمت منه وصلتني روابط على البلاك بيري و الواتس اب .. فيها ان هذا اليوم عيد عندهم يحتفلون فيها لمولد الحسين وتقدر تكتب فاليوتيوب وتشوف بعينك

انا يوم شفت هالشيعه يحتفلون فيه كهرت القرنقعوه

ينشدون اناشيد ويرددون عبارات الله ياخذهم