بعد موافقه لجنه زواج الاجانب من الزواج ما هي الاجرائات؟

[asadfg]

السلام عليكم

يا جماعه الخير حبيت استفسر في حاله موافقه لجنه الزواج من الاجانب على الزواج ماهي الاجرائات التي تلي؟ وما هي الفتره التي تصدر فيها الورقه الرسميه بعد الموافقه؟ في ناس يقولون لازم تمر على الوزير بعد موافقه اللجنه وممكن تاخذ فتره طويله؟ ياليت الي عنده خلفيه يكرمنا

الرجاء عدم توجيه الموضوع الى منحنى اخر سؤال وجواب فقط مافي داعي حد يتفسلف لو سمحتو

[ولد شرق]

انا شخصيا ماعرف الصراحه
اتمنى من الاخوان انهم يفيدونك

والله يوفقك دنيا و آخره

[ولي العهد]

السؤال مهب واضح الله يجزاك (( لجنة الزواج من الاجانب على الزواج ))

[فلان]

السلام عليكم

يا جماعه الخير حبيت استفسر في حاله موافقه لجنه الزواج من الاجانب على الزواج ماهي الاجرائات التي تلي؟ وما هي الفتره التي تصدر فيها الورقه الرسميه بعد الموافقه؟ في ناس يقولون لازم تمر على الوزير بعد موافقه اللجنه وممكن تاخذ فتره طويله؟ ياليت الي عنده خلفيه يكرمنا

الرجاء عدم توجيه الموضوع الى منحنى اخر سؤال وجواب فقط مافي داعي حد يتفسلف لو سمحتو

التالي طال عمرك يدخلون الملف على الوزير للتوقيع ... التوقيع ممكن في يوم و ممكن في سنة !!! شغَل واسطاتك و الله يوفقك :nice:

[الحمر]

ههههه
يضحكوني الي يقولك عند الوزير , الوزير فاضي يقعد يوقع علي الاوراق عندة الف شغلة وشغلة ( بس عشان التصريف يقولك في مكتب الوزير. الله يسلمك الملف عندهم وراح تأخذ من سنة الي سنتين بدون واسطة . واخر شي عبدالله المال هو الي يوقع عليها . هاي عام ٢٠٠٩ مادري اذا غيروة ولا ليحين.

[Abu JaBeR]

أخوي هي لازم تتوقع من مكتب الوزير
او حتى مدير مكتبه الدكتور حمد المناعي
وللأسف مثل ما قالو لك الشباب ممكن في شهر وممكن في سنه

[Qaatar]

راجع مره مرتين موضوعك بيخلص بشهر عادي

[ابوحشر]

السلام عليكم

يا جماعه الخير حبيت استفسر في حاله موافقه لجنه الزواج من الاجانب على الزواج ماهي الاجرائات التي تلي؟ وما هي الفتره التي تصدر فيها الورقه الرسميه بعد الموافقه؟ في ناس يقولون لازم تمر على الوزير بعد موافقه اللجنه وممكن تاخذ فتره طويله؟ ياليت الي عنده خلفيه يكرمنا

الرجاء عدم توجيه الموضوع الى منحنى اخر سؤال وجواب فقط مافي داعي حد يتفسلف لو سمحتو

الله يعينك

بس والله حرام المفروض فيه process واضح وتوقيت معين مادام ان اللجنة وافقت

[عطر فرنسي]

الله يعينك

بس والله حرام المفروض فيه process واضح وتوقيت معين مادام ان اللجنة وافقت


كله كلام فاضي بعد مايوافقون يخلون شهر لين سنه ولي ربعهم في نفس الوقت يخلصون لهم حرام بالي يسونه وفي ناس تقدم وعندها اوراق طبيه تثبت بالزواج ومايعطون ولي ربعهم على طول يعطون خلها على الله بس

[الزعفراني]

اذا انت قطري بتاخذ اجنبيه الموضوع يطول اعرف واحد تم سنه لين طلعت له الموافقه هالكلام في نهاية التسعينات .. مدري اذا الاجراءات الحين صارت اسرع والا لا .. واعرف اجنبي خذ قطريه الاجراءات ماخذت شهرين من مقابلة اللجنة .. هااكلام بعد في نهاية التسعينات .. ايام ما كانت اللجنة في الادعاء العام ...

[وليف قطر]

-




بعد ما تخلص من لجنة الزواج .. يروح الملف للوزير
ولا حد يقدر ياخذ اي اجراء على معاملتك غير الوزير شخصيا " للعلم " : )
بعد موافقة الوزير .. يرجع ملفك للواء عبدالله المال .. ويوقع لك كتاب الموافقه


الفتره ماحد يقدر يفيدك فيها ابد
لان الوزير سفراته مب شوي وارتباطاته اكثر
وفوق هذا الحين ما شاء الله صار بأكثر من منصب

بس لا تظن انها اقل 5 شهور لين سنه .

الله يتمم لك على خير

[asadfg]

الله يرحم لي والديكم انزين سؤال اذا طلعت موافقه اللجنه هل في امكانيه الوزير ما يوافق؟

[المستعصم بالله]

الله يرحم لي والديكم انزين سؤال اذا طلعت موافقه اللجنه هل في امكانيه الوزير ما يوافق؟

لا اخوي إذا اللجنة وافقت فالوزير عادة مايعترض على قرار اللجنة لأن اللجنة من الأساس تتبع لوزارة الداخلية ، فانتظر ولا تحاتي أمورك طيبة إن شاء الله ، بس أنت تابع الموضوع كل فترة والثانية وحاول اتابع مع مكتب الوزير .

والله يوفقك

[asadfg]

لا اخوي إذا اللجنة وافقت فالوزير عادة مايعترض على قرار اللجنة لأن اللجنة من الأساس تتبع لوزارة الداخلية ، فانتظر ولا تحاتي أمورك طيبة إن شاء الله ، بس أنت تابع الموضوع كل فترة والثانية وحاول اتابع مع مكتب الوزير .

والله يوفقك

الله يبشرك بالخير وانشالله نتابع وامورنا تخلص

[رحـ قطر ـال]

اخوي نصيحه لك تأكد ان ملفك موجود لان في بعض الاحيان يكون الملف محفوظ يعني بالعربي قاطينه داخل درج ولا حد يدري عنه عالعموم اخوي مثل ماقالوا الاخوان في ردودهم تبي اتخلص موضوعك شوف لك حد يعرف اللواء عبدالله المال مستعد في يومين يخلص موضوعك وبالتوفيق اخوي الله يعينك...

[captin]

بالبركة إن شاء الله

[بونووف]

الشيخ دام اللجنه موافقه وقالوا لك باقي توقيع الوزير ...انشاءالله الموضوع ماياخذ معاك اكثر من شهر

والله يتمم لك على خير

[asadfg]

صارلي اكثر من شهر الحين وللحين مافي اي شي اتصلت بمكتب الوزير ردت علي اخت الله يجزيها خير وقالت لي عرضو الكشف على الوزير بس للحين ماصار شي قلت لهم متى تبوني اراجع مره ثانيه يقولون لي اسبوعين ثلاث بس اتوقع هو مجرد تخمين منهم

5 شهور كثيره يا جماعه نطرت سنتين وشي ماصدقت طلعت الموافقه والحين رجع الشعور نفسه الي احس مادري شلي لي وشلي علي ولا ادري شنو الاجراء ومتى تتطلع الورقه الرسميه

الي يقولون سنه هل معقوله عقب الموافقه سنه او 5 شهور؟ لمجرد توقيع؟

شنو انسب طريقه من وجهت نظركم علشان اخلص بسرعه

[وليف الشوق]

خلصت الفحص الطبي للزواج ؟

[الخيالة]

في ناس صار لهم ثلاث سنين ناطرين
شي اللي بالحلال مفروض ما يكون بهالصعوبه الزواج علي سنة الله ورسوله شنو ذنب هالناس اللي يبون يتزوجون ان ينطرون كل هالسنين تري مايبون يسوون شي حرام يبون يتزوجون علي سنة الله ورسوله
الله يوفق الجميع

[نايم سهران]

انا قدمت حق واحد من ربعي اجنبي وكان يبغي يتزوج قطريه ،،،

بنفسي رحت وديت اوراقه كامله طبعا الي اتذكرها ( شهادة راتب - صورة من الجواز والبطاقه-صور شخصيه - كتاب لا مانع من الاب - .......الخ ) والبنت اطلبوا منها ( صورة من الجواز والبطاقه - صور شخصيه - كتاب لا مانع من الاب - كتاب تشرح فيه ظروفها والسبب الموافقه على الاجنبي ..... الخ )

وديت الاوراق حق لجنة الزواج من الاجانب الي ف المعموره طبعا بس قالوا لازم رفيجك يكون موجود بنفسه وبعدين راح هو بنفسه وقدم طبعا كان في شهر 6 سنة 2011 والرجال تزوج تاريخ 2011 - 11- 15 ،،،

طبعا الموافقه والاجراءات ما اخذت اكثر من شهرين بس هو الي تزوج متأخر ،،

واذا تعرف احد في الداخليه يخلص امورك كلمه علشان ما تتأخر المعامله


والله يوفقك ويرزقك الزوجه الصالحه

[إينشتاين]

الموضوع غريب !!!

موافقة القطري يتزوج اجنبية تاخذ سنتين وموافقة القطرية تاخذ اجنبي تاخذ شهرين ؟؟؟!!!

[asadfg]

خلصت الفحص الطبي للزواج ؟

خلصت الفحص وخلصت كل شي وتمت الموافقه على ملفي وراح ملفي لمكتب الوزير

وقالو لي من شهر الكشف معروض على الوزير للتوقيع بس يقولون موضوعي بيطول بعد ليش الله اعلم في ناس قالت لي شهر وبتتطلع الورقه الرسميه والحين صارلي شهر وشي وللحين ماطلع شي

[بوحارب]

بعد موافقة اللجنة تروح للقاضي وتملك على بنت الحلال

لأن اللجنة ما توافق إلا إذا وافق لك الوزير ما عليك من التأليف الزايد:)

والموضوع يطول شوي مب اقل من 6 شهور لا تستعجل أخوي

[العلم]

الموضوع غريب !!!

موافقة القطري يتزوج اجنبية تاخذ سنتين وموافقة القطرية تاخذ اجنبي تاخذ شهرين ؟؟؟!!!

شدعوووه :eek5:

[ام السعف]

الموضوع غريب !!!

موافقة القطري يتزوج اجنبية تاخذ سنتين وموافقة القطرية تاخذ اجنبي تاخذ شهرين ؟؟؟!!!

مب كل قطري موافقته تاخذ سنتين
في اللي ياخذون شهر بس

حسب مبررات المتقدم للطلب ،،

والقطرية دام ان اهلها راضيين فليش الدولة تسوي لهم مشاكل
على عكس الريال اللي القانون ما انحط الا للحد من زواجه من الاجانب
فمن جذيه يصعبون عليه ،،

[وليف الشوق]

خلصت الفحص وخلصت كل شي وتمت الموافقه على ملفي وراح ملفي لمكتب الوزير

وقالو لي من شهر الكشف معروض على الوزير للتوقيع بس يقولون موضوعي بيطول بعد ليش الله اعلم في ناس قالت لي شهر وبتتطلع الورقه الرسميه والحين صارلي شهر وشي وللحين ماطلع شي



صدقني من واقع تجربة شخصية ان الوزير قلبه وبيته مفتوحين جزاه الله كل خير ومايرضى بالتأخير ويوم زرته في بيته يشهد الله اني نسيت اني وش جاي له من طلب لان اسلوبه وشخصيته وطيب قلبه نستني وش اقول والله يبيض وجه معالي الشيخ عبدالله بن ناصر بن خليفة آل ثاني وهذا وبكل امانه فخر وسند لآهل قطر وانت توكل على الله وزوره وراح تشوف بعينك

[asadfg]

عدت 4 شهور ونص على موافقه اللجنه وكل ماتابع يقولون لي لحد الحين موضوعي مع امن الدوله وياكدون لي موضوعي مافيه اشكاليه بس اجرائات امن دوله

هل في حد يفيدني؟ 4 شهور ونص مع امن الدوله؟ هل هاي طبيعي؟

[كازانوفا]

الله الموفق ان شالله

[المستعصم بالله]

أخوي انت عسكري ؟؟

[asadfg]

لا مب عسكري

[asadfg]

والله تعبت سنتين نطرت لين ماطلعت لي موافقه اللجنه والحين 4 شهور ونص خلصو ويقولون لي ملفي مع امن الدوله وكل ماراجع يقولون لي تعال عقب اسبوع وانا هاي حالتي 4 شهور ونص وانا اتابع اسبوعين والله ارهاق نفسي

يافرحه ماتمت

[قلب صادق]

اخوي الله يوفقك وبالمبارك عليك بس ترى الموافقة تتاخر او تطلع بسرعة على حسب انا من الناس قعدت حوالي سنتين لين طلعت الموافقة وفيه ناس اقل بكثير وفيه ناس اكثر

لكن ما يمنع انك تتابع في الوزارة وربي يسهل امورك

[asadfg]

اخوي الله يوفقك وبالمبارك عليك بس ترى الموافقة تتاخر او تطلع بسرعة على حسب انا من الناس قعدت حوالي سنتين لين طلعت الموافقة وفيه ناس اقل بكثير وفيه ناس اكثر

لكن ما يمنع انك تتابع في الوزارة وربي يسهل امورك

اخوي انا الموافقه طلعت لي من لجنه الزواج نفسي الشي نطرت سنتين على ماوافقت اللجنه عقب طرشو ملفي الداخليه علشان الوزير يوقع بس عدت 4 شهور ونص وللحين ماصار شي وكله يقولون لي مع امن الدوله وانشالله موضوعي مافيه شي واجرائات امنيه كله يقولون لي تابع الاسبوع الجاي والحين 4 شهور ونص عدو وانا هاي حالتي

حد يقدر يساعدني؟

[asadfg]

اخوي الله يوفقك وبالمبارك عليك بس ترى الموافقة تتاخر او تطلع بسرعة على حسب انا من الناس قعدت حوالي سنتين لين طلعت الموافقة وفيه ناس اقل بكثير وفيه ناس اكثر

لكن ما يمنع انك تتابع في الوزارة وربي يسهل امورك

نطرت سنتين عقب ماوافقت لك اللجنه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[حسن]

السلام عليكم

يا جماعه الخير حبيت استفسر في حاله موافقه لجنه الزواج من الاجانب على الزواج ماهي الاجرائات التي تلي؟ وما هي الفتره التي تصدر فيها الورقه الرسميه بعد الموافقه؟ في ناس يقولون لازم تمر على الوزير بعد موافقه اللجنه وممكن تاخذ فتره طويله؟ ياليت الي عنده خلفيه يكرمنا

الرجاء عدم توجيه الموضوع الى منحنى اخر سؤال وجواب فقط مافي داعي حد يتفسلف لو سمحتو

سئلتلك حمود البلوشي واحد اعرفه متجنس قطري ويبي ياخذ بنت عمه من مكران
يقول خذت فتره طويله لين جاته الموافقه حول السنه

فالله يعينك
بعدين انت بتتزوج قطريه وانت اجنبي ولا قطري تبي تتزوج من الخارج فما فهمت موافقه اللجنه هناك شوي عدم وضوح الموضوع

[رهج السنابك]

يا جماعه صج موافقه القطريه للزواج من اجنبي بس شهرين؟؟؟؟ مافي اي شروط ولا تعقيدات؟؟؟!!

[حسن]

يا جماعه صج موافقه القطريه للزواج من اجنبي بس شهرين؟؟؟؟ مافي اي شروط ولا تعقيدات؟؟؟!!

ليش شهرين موعد القاعه
يااخي اللي بيتزوج يزوج على كيفه شني المشكله
والليتبي تتزوج على كيفها
اهم شي العقد صحيح وعلى سنه الله ورسوله
وبس

[MaRuKoO]

تاخذ من ست شهور لسنه اذا بدون واسطه واذا لم يسبق لك الزواج

[الخيالة]

لا حول ولا قوة الا بالله والله حرام جذيه الزواج علي سنة الله و رسوله خل يسهلون للجميع بيكون في ذمتهم والله ليش ينطرون هالكثر

[Qtr37]

الله يعيينك ويعين البنت ويسهل أموركم ويستر على الجميع

[غير البشر]

الله يعينك اخوي ويوفقك ويسهل امورك



يا جماعه صج موافقه القطريه للزواج من اجنبي بس شهرين؟؟؟؟ مافي اي شروط ولا تعقيدات؟؟؟!!



وافقتي على الامريكي :omg::secret:


يعني نقول مبرووك

[العنيده]

الله ييسر ويسهل امورك واخيرا وافقت اللجنه شهر ولا شهرين المهم في موافقه باذن الله

[حسن]

والله تعبت سنتين نطرت لين ماطلعت لي موافقه اللجنه والحين 4 شهور ونص خلصو ويقولون لي ملفي مع امن الدوله وكل ماراجع يقولون لي تعال عقب اسبوع وانا هاي حالتي 4 شهور ونص وانا اتابع اسبوعين والله ارهاق نفسي

يافرحه ماتمت

أمن الدوله انت من صجك
:omg:

لا لا
انا ماصدق هل السوالف أمن الدوله أكبر من هل الموضوع

إلا إذا أنت بتتزوج وحده مسجله خطر على أمن العالم هذا شي ثاني

:eek5:

[أبو بكر سالم]

اخوي انا الموافقه طلعت لي من لجنه الزواج نفسي الشي نطرت سنتين على ماوافقت اللجنه عقب طرشو ملفي الداخليه علشان الوزير يوقع بس عدت 4 شهور ونص وللحين ماصار شي وكله يقولون لي مع امن الدوله وانشالله موضوعي مافيه شي واجرائات امنيه كله يقولون لي تابع الاسبوع الجاي والحين 4 شهور ونص عدو وانا هاي حالتي

حد يقدر يساعدني؟

اخوي انت هد من نفسك واعصابك هل الامور توفيق من رب العالمين وانا والله اعرف اشخاص اطلعت الموافقه من اللجنة راحت الداخلية مب اقل من 6 اشهر الرد يجيك وكان الرد بالرفض مب شرط اللجنة موافقه خلاص مكتب الوزير موافق ،

[حبر وقرطاس]

المقصود بالاجنبي او الاجنبيه لي غير مواطن فقط

مب بالضروره غير ناطق بالعربي

مذكور فالقران الزواج من مسلمه احسن وابرك عند رب العالمين من غير مسلمه ولو اعجبتكم
هذا هو الصح
اما التعقيدات الي تضعها اللنه من طول مده ماهو الا للحد من تشربك بعض المسائل الاقتصاديه والسياسيه خاصه فالدول المنكوبه وحالتهم لله اذا فتح الباب على مصراعيه للزواج منهم بتضيع الهويه القطريه وتدخل اعراف وسلوكيات عجيبه عالمجتمع فمن باب الحفاظ على خصوصيه المجتمع تم التضييق فالمسأله ذي
وبعض حالات الموافقه للقطري او القطريه تؤخذ بعين الاعتبار ظروفهم واحوالهم
بعضهم يخلي اللجنه تبكي من اسبابه ووضعه
وبعضهم يخلي اللجنه ترمي ملفه من الدريشه هههه
وبعضهم واااجب على اللجنه الرفض والبعض واجب الموافقه
وغي كل الاحوال تدرس طلبات الموافقه للجنسيات الي بلادهم منكوبه واحوالهم صعبه ولديهم مشاكل سياسيه تدرس بحذر ودقه ويوصل لامن الدوله بكل تأني وامعان ويتم التخاطب مع الجهات الامنيه ليبلاد الشخص المراد الارتباط به ليتم التاكد من خلو سجله من بلاوي زرقا

مهام اللجنه ومسؤولياتها كبيره والله وهم محاسبين امام الله والمجتمع والجكومه من الموافقه جزافا

[asadfg]

الله يسامحكم يا وزاره الداخليه على الي تسونه بالناس

5 شهور وانا اتابع اسبوعين مع وزاره الداخليه لمراجعه توقيع الوزير بعد موافقه اللجنه على ملف زواجي

كل اسبوع اتلقى وعود بانه انشالله الاسبوع الجاي راح تخلص الاوراق

وتخيلو متابعه اسبوعيه لمده 5 شهور وقبلها متابعه اسبوعين لمده سنتين قبل لا تتطلع موافقه اللجنه مما اثر على شغلي بسبب عدم الشفافيه من الوزاره بالداخليه
لا تكذبون على خلق الله سنتين و5 شهور على ها الحاله واخرتها تقولون لي لو ما تمر تراجع بنفسك الموضوع مايمشي حد يراجع موضوع توقيع ورقه لمده سنتين و5 شهور؟ خليتوني سنه ونص على ماوافقتو على ملفي وماصدقت فرحت وعقب اشوف اوراق الناس تخلص وتتوقع وانا ملفي لحين تقولون لي باقي الوزير يوقع من 5 شهور

لا تتطلبون من الناس تراجعكم بدال التلفون وتخلونهم يتابعونكم اسبوعين واخرتها تردونهم باجوبه غير مقنعه بكره الي يخسر وظيفته والي يخسر دوامه بسبه لعبكم بحياه الناس كنهم عبيد راجعنا الاسبوع الياي كل اسبوع لمده 5 شهور واخرتها لما الواحد يراجع تقولون بس انشالله بنشوف الموضوع
قولو حق الناس موضوعهم وين واصل او ليش موقف او اذا مرفوض
لا تخلون الواحد مايعرف شسالفه
قولو يا اي يا لا
لا تذلون الواحد
وقفو الواسطات الي يخلص باسبوع والي ياخذ سنه بسبه انهم ربعكم ومعارفكم ولا واحد كلم واحد مسؤول يعز عليه عن موضوع فلان

قسما بالله انكم محاسبين على ها الاسلوب الي تستخدمونه مع الناس تلقيت انذار اخير من شغلي بسبه مراجعاتي لكم

خلوني اراجعكم مره مرتين ثلاث اربع خمس ست سبع ثمان تسع عشر لكن مب كل مره بيخلوني وانتو ماتحسبون حساب انه الناس ممكن تخسر وظايفها بسبه انكم تصرفون الواحد وما تبون تقولون له شي وتخلونه يشقى ويمر وينطر على الفاضي

للاسف انشالله الورقه عمرها ما تتوقع لكن الاسلوب المستخدم اسلوب جدا جدا ماقدر اوصفه اسلوب يذل المواطن ذل لاقصى حد

[وطن]

يا جماعه صج موافقه القطريه للزواج من اجنبي بس شهرين؟؟؟؟ مافي اي شروط ولا تعقيدات؟؟؟!!

لا مب صج
كل حاله تفرق عن الثانية

اعرف وحده للحين ما جاتها الموافقة

[وطن]

الله يسامحكم يا وزاره الداخليه على الي تسونه بالناس

5 شهور وانا اتابع اسبوعين مع وزاره الداخليه لمراجعه توقيع الوزير بعد موافقه اللجنه على ملف زواجي

كل اسبوع اتلقى وعود بانه انشالله الاسبوع الجاي راح تخلص الاوراق

وتخيلو متابعه اسبوعيه لمده 5 شهور وقبلها متابعه اسبوعين لمده سنتين قبل لا تتطلع موافقه اللجنه مما اثر على شغلي بسبب عدم الشفافيه من الوزاره بالداخليه
لا تكذبون على خلق الله سنتين و5 شهور على ها الحاله واخرتها تقولون لي لو ما تمر تراجع بنفسك الموضوع مايمشي حد يراجع موضوع توقيع ورقه لمده سنتين و5 شهور؟ خليتوني سنه ونص على ماوافقتو على ملفي وماصدقت فرحت وعقب اشوف اوراق الناس تخلص وتتوقع وانا ملفي لحين تقولون لي باقي الوزير يوقع من 5 شهور

لا تتطلبون من الناس تراجعكم بدال التلفون وتخلونهم يتابعونكم اسبوعين واخرتها تردونهم باجوبه غير مقنعه بكره الي يخسر وظيفته والي يخسر دوامه بسبه لعبكم بحياه الناس كنهم عبيد راجعنا الاسبوع الياي كل اسبوع لمده 5 شهور واخرتها لما الواحد يراجع تقولون بس انشالله بنشوف الموضوع
قولو حق الناس موضوعهم وين واصل او ليش موقف او اذا مرفوض
لا تخلون الواحد مايعرف شسالفه
قولو يا اي يا لا
لا تذلون الواحد
وقفو الواسطات الي يخلص باسبوع والي ياخذ سنه بسبه انهم ربعكم ومعارفكم ولا واحد كلم واحد مسؤول يعز عليه عن موضوع فلان

قسما بالله انكم محاسبين على ها الاسلوب الي تستخدمونه مع الناس تلقيت انذار اخير من شغلي بسبه مراجعاتي لكم

خلوني اراجعكم مره مرتين ثلاث اربع خمس ست سبع ثمان تسع عشر لكن مب كل مره بيخلوني وانتو ماتحسبون حساب انه الناس ممكن تخسر وظايفها بسبه انكم تصرفون الواحد وما تبون تقولون له شي وتخلونه يشقى ويمر وينطر على الفاضي

للاسف انشالله الورقه عمرها ما تتوقع لكن الاسلوب المستخدم اسلوب جدا جدا ماقدر اوصفه اسلوب يذل المواطن ذل لاقصى حد

الله يعينك يا اخوي

انصحك تستخير
يمكن التأجيل من رب العالمين
حطهم سبب لك

لو في خير في الموضوع ربي بيعجّل لك
استخير يا اخوي
والله يوفقك

:victory:

[asadfg]

لا يا وطن لا نقص على نفسنا بها الحجي ومايجوز نسوي بالناس ها الشكل

[وطن]

لا يا وطن لا نقص على نفسنا بها الحجي ومايجوز نسوي بالناس ها الشكل

استخير يا اخوي

منت خسران
الله يوفقك

[asadfg]

وطن سنتين ونص وانا استخير لين متى بتم استخير لين ما اموت يعني

[وطن]

وطن سنتين ونص وانا استخير لين متى بتم استخير لين ما اموت يعني

اخوي
لا تزعل من كلامي
يمكن يكون قاسي عليك
خصوصا انك اكيد متوتر ومعصب في هذي الفترة

بس اذا صار لك سنتين تستخير ربك
وموضوعك تأخر كل هالوقت

بسبب اللجنة أو غيرها

تتوقع ليش؟
انت تستخير ربك وهو يا أما يسهل لك الأمر
اذا فيه خير
او يبعده عنك لو فيه شر

العقبة اللي هي اللجنة من وجهة نظري
ربك حاطها
لأن لو الله كاتب لك تتزوج
كنت تزوجت من زمان
كان اللجنة وافقوا لك في اسبوع
لأنه هو بأمر ربك .. كن فيكون
ولا أي حد كفو يعطل لك الزواج لو الله كاتبه لك

اسفه اذا كلامي يضايقك
واسفه لو تدخلت في شي ما يخصني

بس حبيت ابين لك وجهة نظري
وان شاء الله تتقبل كلامي بصدر رحب

وبسم الله عليك من الموت
الله يعطيك طولة العمر
و تتزوج ونشوف عيالك :)

[الخيالة]

الله يسامحكم يا وزاره الداخليه على الي تسونه بالناس

5 شهور وانا اتابع اسبوعين مع وزاره الداخليه لمراجعه توقيع الوزير بعد موافقه اللجنه على ملف زواجي

كل اسبوع اتلقى وعود بانه انشالله الاسبوع الجاي راح تخلص الاوراق

وتخيلو متابعه اسبوعيه لمده 5 شهور وقبلها متابعه اسبوعين لمده سنتين قبل لا تتطلع موافقه اللجنه مما اثر على شغلي بسبب عدم الشفافيه من الوزاره بالداخليه
لا تكذبون على خلق الله سنتين و5 شهور على ها الحاله واخرتها تقولون لي لو ما تمر تراجع بنفسك الموضوع مايمشي حد يراجع موضوع توقيع ورقه لمده سنتين و5 شهور؟ خليتوني سنه ونص على ماوافقتو على ملفي وماصدقت فرحت وعقب اشوف اوراق الناس تخلص وتتوقع وانا ملفي لحين تقولون لي باقي الوزير يوقع من 5 شهور

لا تتطلبون من الناس تراجعكم بدال التلفون وتخلونهم يتابعونكم اسبوعين واخرتها تردونهم باجوبه غير مقنعه بكره الي يخسر وظيفته والي يخسر دوامه بسبه لعبكم بحياه الناس كنهم عبيد راجعنا الاسبوع الياي كل اسبوع لمده 5 شهور واخرتها لما الواحد يراجع تقولون بس انشالله بنشوف الموضوع
قولو حق الناس موضوعهم وين واصل او ليش موقف او اذا مرفوض
لا تخلون الواحد مايعرف شسالفه
قولو يا اي يا لا
لا تذلون الواحد
وقفو الواسطات الي يخلص باسبوع والي ياخذ سنه بسبه انهم ربعكم ومعارفكم ولا واحد كلم واحد مسؤول يعز عليه عن موضوع فلان

قسما بالله انكم محاسبين على ها الاسلوب الي تستخدمونه مع الناس تلقيت انذار اخير من شغلي بسبه مراجعاتي لكم

خلوني اراجعكم مره مرتين ثلاث اربع خمس ست سبع ثمان تسع عشر لكن مب كل مره بيخلوني وانتو ماتحسبون حساب انه الناس ممكن تخسر وظايفها بسبه انكم تصرفون الواحد وما تبون تقولون له شي وتخلونه يشقى ويمر وينطر على الفاضي

للاسف انشالله الورقه عمرها ما تتوقع لكن الاسلوب المستخدم اسلوب جدا جدا ماقدر اوصفه اسلوب يذل المواطن ذل لاقصى حد


الله يعينك اخوي صح كلامك والله اعرف ناس وايد هاي حالتهم الله يوفق الجميع ان شاءالله

[بريق الحق]

لاحول ولا قوة الا بالله
اعناك الله على الظلم الحاصل
زواج على سنة الاسلام ياخذ سنين للموافقه !!!!!
تريدون الناس يتجهون للحرام ؟

[duhail535]

أخي الكريم ، حالتك طبيعية جدا . فلا تستعجل
أنت أجنبي تريد الزواج من قطرية .
وأنت لم تخرج على المعدل النسبي للموافقات . الذي يأخذ حوالي سنتين عند لجنة الزواج ، وعند الموافقة يرسلون الملف إلى وزارة الداخلية . ولهم إجراءاتهم . وعند إتمامها ، يعرض طلبك على وزير الداخلية شخصيا وليس مدير مكتبه ولا من ينوبه . وعرض ملفك كاملا على وزير الداخلية يتطلب حوالي سنة . هذا هو المعدل المعروف .
إذا وقع وزير الداخلية بالقبول . سيتم إعلام البنت القطرية ، وليس أنت . بكتاب موجه لها من اللواء عبدالله يوسف المال يفيدها بموافقة وزير الداخلية .

ولمعلوماتك ، أنت ليس لك أي تأثير أو إختصاص عند الجهات المختصة . لأن هذه معاملات ورقية خاصة جدا عند وزارة داخلية وأنت مواطن دولة أجنبية .
من يمتلك التأثير فقط هي البنت نفسها . ولأنها بنت فلا يجوز أن تذهب إلى مجلس الوزير . لكن ولي أمرها يستطيع . ولكنه لن يفعل .

فاصبر قليلا ولا يضق صدرك . حتى لا تؤثر سلبا على طلبكم بمثل مداخلاتك الأخيرة .

[asadfg]

اخوي انا قطري مب اجنبي ومداخلتي الاخيره ماهي الا واقع امر فيه

[asadfg]

اخوي
لا تزعل من كلامي
يمكن يكون قاسي عليك
خصوصا انك اكيد متوتر ومعصب في هذي الفترة

بس اذا صار لك سنتين تستخير ربك
وموضوعك تأخر كل هالوقت

بسبب اللجنة أو غيرها

تتوقع ليش؟
انت تستخير ربك وهو يا أما يسهل لك الأمر
اذا فيه خير
او يبعده عنك لو فيه شر

العقبة اللي هي اللجنة من وجهة نظري
ربك حاطها
لأن لو الله كاتب لك تتزوج
كنت تزوجت من زمان
كان اللجنة وافقوا لك في اسبوع
لأنه هو بأمر ربك .. كن فيكون
ولا أي حد كفو يعطل لك الزواج لو الله كاتبه لك

اسفه اذا كلامي يضايقك
واسفه لو تدخلت في شي ما يخصني

بس حبيت ابين لك وجهة نظري
وان شاء الله تتقبل كلامي بصدر رحب

وبسم الله عليك من الموت
الله يعطيك طولة العمر
و تتزوج ونشوف عيالك :)

ربي ما يبيني اتزوج بالحلال؟ علشان جي صعب علي الموضوع مب اللجنه يعني الله واكبر عليكم بتقطون اللوم على رب العالمين الي احل الحلال ومنع الحرام وبطلعون الي ماسكين موضوعي ومصعبين الحلال علي مارتكبو غلطه بطريقه معاملتهم لي؟ انا كان ممكن اسمع كلامج لو مافي واسطات بالمعاملات واحنا مانزعل على غيرنا او نحسده الله يوفق كل من تمنى الحلال بغض النظر بس لما غيري ياخذ الموافقه بيوم وليله لانه له علاقه بناس واصلين منهم من تزوج مغنيه بوب ومنهم من تزوج غير مسلمه وانا يحاججوني يقولون لي جنسيتها اجنبيه اقولهم مسلمه وملتزمه احسن منا؟ يقولون حتى ولو واراكض سنتين وتقولين لي لو ربي كاتب لي الي فيه الخير كان خلصت؟ عيل لو تتفنشين من شغلج بمزاج وظلم معناته ربي شايف انه ها الشي مافيه خير لج عيل ربي يشوف انه مب خير انه فلسطين تتحرر ولا كانت تحررت من زمان

لا نقط اغلاط الناس على رب العالمين

اختي حدثي العاقل بما يعقل عيل ليش ربي يقول الظلم ظلمات يوم القيامه

انا ما سعيت الا بالحلال ووالله لو ابي الحرام اروحه لكن مابيه والله يبعدني عنه مابغيت الا الحلال ووضعي وظروفي ماتسمح لي اخذ من هني لعدم القدره

وانا مب معصب ومتوتر وانا متفهم للاجرائات الدوله من ناحيه تنظيم لجنه الزواج واكن كل الاحترام للاسباب الاجتماعيه الي كونت ها اللجنه لكن انا ضد الاسلوب المستخدم اتمنى يكون الاسلوب صريح وشفاف اكثر لانه تاثر عملي بسبه عدم الشفافيه ووعود واهيه واثر بنفسيتي لاني لا في السما ولا في الارض ابي رد واضح بس

[duhail535]

اخوي انا قطري مب اجنبي ومداخلتي الاخيره ماهي الا واقع امر فيه


أتفهم جيدا مشاعرك . وتستطيع وصف واقعك بكلمات أقل حدة .


وسأفيدك أكبر إفادة ، فقط افهم الكلام جيدا :

لا أحد يستطيع أن يفيدك أكثر منك . جد الطريقة المناسبة للتواصل مع السيد وزير الداخلية ، فهو متفهم جدا ويقدر الشخص الذي لا يعتمد على غيره لقضاء شؤونه الشخصية .
إذا نجحت في ذلك .. ولم تكن هناك موانع أمنية أو دينية من الزواج ، سيصلك كتاب من اللواء عبدالله يوسف المال خلال 72 ساعة ، يفيد بموافقة وزير الداخلية .
ومبروك مقدما وبالرفاء والبنين .

[وطن]

ربي ما يبيني اتزوج بالحلال؟ علشان جي صعب علي الموضوع مب اللجنه يعني الله واكبر عليكم بتقطون اللوم على رب العالمين الي احل الحلال ومنع الحرام وبطلعون الي ماسكين موضوعي ومصعبين الحلال علي مارتكبو غلطه بطريقه معاملتهم لي؟ انا كان ممكن اسمع كلامج لو مافي واسطات بالمعاملات واحنا مانزعل على غيرنا او نحسده الله يوفق كل من تمنى الحلال بغض النظر بس لما غيري ياخذ الموافقه بيوم وليله لانه له علاقه بناس واصلين منهم من تزوج مغنيه بوب ومنهم من تزوج غير مسلمه وانا يحاججوني يقولون لي جنسيتها اجنبيه اقولهم مسلمه وملتزمه احسن منا؟ يقولون حتى ولو واراكض سنتين وتقولين لي لو ربي كاتب لي الي فيه الخير كان خلصت؟ عيل لو تتفنشين من شغلج بمزاج وظلم معناته ربي شايف انه ها الشي مافيه خير لج عيل ربي يشوف انه مب خير انه فلسطين تتحرر ولا كانت تحررت من زمان

لا نقط اغلاط الناس على رب العالمين

اختي حدثي العاقل بما يعقل عيل ليش ربي يقول الظلم ظلمات يوم القيامه

انا ما سعيت الا بالحلال ووالله لو ابي الحرام اروحه لكن مابيه والله يبعدني عنه مابغيت الا الحلال ووضعي وظروفي ماتسمح لي اخذ من هني لعدم القدره

وانا مب معصب ومتوتر وانا متفهم للاجرائات الدوله من ناحيه تنظيم لجنه الزواج واكن كل الاحترام للاسباب الاجتماعيه الي كونت ها اللجنه لكن انا ضد الاسلوب المستخدم اتمنى يكون الاسلوب صريح وشفاف اكثر لانه تاثر عملي بسبه عدم الشفافيه ووعود واهيه واثر بنفسيتي لاني لا في السما ولا في الارض ابي رد واضح بس

اخوي

شلون فسرتها بهالطريقة
شلون فسرتها ان احنا نقط اللوم على رب العالمين استغفر الله
أعوذ بالله من هالفكرة !!


الله يمكن مو كاتب لك هالبنت بالذات

لجنة الزواج تأخرها في الرد غلط ما اختلف معاك

بس بعد الواحد يفكر شوي في المعطيات اللي حوله

انت تستخير وربك مأخرها
ليش ؟!!

وايه لو أتفنش من شغلي ظلم
أكيد فيه خير لي

وعسى أن تكرهوا شيئا وهو خير لكم

وياما اشياء سووها شغلي ظلم لي
ووكلت أمري لربي
وجاني الخير بعدها


وموضوع فلسطين أكيد فيه شي احنا كبشر ما نعرفه
والله سبحانه يعرفه
وتحرير فلسطين من علامات الساعة ذكرها الرسول عليه الصلاة والسلام



يا أما تصبر يا اخوي
أو تتزوج بره على سنة الله ورسوله في أي دولة غير قطر

لأن ربعنا راعيين طويله والله يعينك عليهم

[asadfg]

مشكور ياخوي على النصيحه فهمت عليك وانشالله اليوم انا متوجه لمجلس وزير الداخليه وقالو لي كثير نفس كلامك انه مايقصر ومتواضع جدا

[الخيالة]

بشر اخوي شصار معاك

[asadfg]

رحت ماحصلناه الناطور قال مافي جلسه ها الاسبوع ورجع الناس كلهم

[OTOsan]

الله يكون في عونك اخوي وان شاءالله ماتسمع الا اخبار تفرحك ويكون فيها الخير ..

الصراحه هذي مشكلة عدم الشفافيه في بعض الوزارات والهيئات ..معاملتك تدش من هني ولكن ماتدري وين وصلت او وشصار عليها بالضبط او حتى متى بتطلع، والمشكله الاكبر عندما يفتي لك موظفي هذا المكان كلن بفتوى من عنده وكلن يقول لك سو شي غير عن الثاني ، يعني للاسف تحس الامور فيها عشوائيه في بعض الاماكن .

الله يسهل امورك يارب ،،

[عاشق العديد]

الله يكتب لك الي فيه الخير ياخوي ..

والله يسهل امـورك ..

[الخيالة]

الله يسهل امورك والله يوفق الجميع

[حسن]

شدعوه يالله مالله

اسمحلي ياراعي الموضوع موضوعك يضحك الصراحه

دام في لجنه واللجنه تمثل اشخاص لهم القرار بالموافقه

اذا موافقه الوزير ليش !!!

ممكن نفهم


تقدرون تنتقدون ولا تخافون يالله مالله

:funny:

[asadfg]

شدعوه يالله مالله

اسمحلي ياراعي الموضوع موضوعك يضحك الصراحه

دام في لجنه واللجنه تمثل اشخاص لهم القرار بالموافقه

اذا موافقه الوزير ليش !!!

ممكن نفهم


تقدرون تنتقدون ولا تخافون يالله مالله

:funny:

اقول يا الطيب دامك ماتفهم شي بالاجرائات وبالموضوع وماتدري وين الله قاطك اكرمنا بسكاتك عشان ماتفشل روحك وطلع نفسك غبي قدام خلق الله قول انا مفهي مادري شسالفه علموني لا تحاول تتذيكى وتفشل روحك

ويالله مالله كل من يرى الناس بعين طبعه ليكون طالبك فلوس تسلفني؟ انا حاط موضوع لي عتب على اجرائات عدم الشفافيه بوزاره الداخليه مب حاط موضوع اطلب سلف بس الي على راسه بطحه يتحسس عليها

واذا موضوعي يضحك ماجوف حد ضحك غيرك هاي معناتها شي واحد يا انه مرفوع عنك القلم يا انك واحد ماتعلمت تحشم الناس يعني في خلل في التربيه مشاكل الاجرائات الطويله ويا الناس مب نكته لك ولاشكالك فتعلم شلون تحشم الناس وانت تتكلم وتضحك ماتضحك تراك ماتعني لي اي شي يعني جماد انسان ماهميتني رلا رحت ولا يت يعني والله فلا تعطي نفسك اهميه فوق حجمك وتضيع وقتك ترد على موضوعي قل خيرا او اصمت زين حبيبي واذا عندك انتقاد على موضوعي انتقد باسلوب محترم اذا ماتعلمت دش قوقل علم نفسك شلون تتناقش باسلوب محترم

مع انك ما تستاهل اني ارد عليك عشان اثقف نوعيتك

الله يعفينا من ها الناس الي نفسك

[حسن]

اقول يا الطيب دامك ماتفهم شي بالاجرائات وبالموضوع وماتدري وين الله قاطك اكرمنا بسكاتك عشان ماتفشل روحك وطلع نفسك غبي قدام خلق الله قول انا مفهي مادري شسالفه علموني لا تحاول تتذيكى وتفشل روحك

ويالله مالله كل من يرى الناس بعين طبعه ليكون طالبك فلوس تسلفني؟ انا حاط موضوع لي عتب على اجرائات عدم الشفافيه بوزاره الداخليه مب حاط موضوع اطلب سلف بس الي على راسه بطحه يتحسس عليها

واذا موضوعي يضحك ماجوف حد ضحك غيرك هاي معناتها شي واحد يا انه مرفوع عنك القلم يا انك واحد ماتعرف تحشم الناس مشاكل الاجرائات الطويله ويا الناس مب نكته لك ولاشكالك فتعلم شلون تحشم الناس وانت تتكلم وتضحك ماتضحك تراك ماتعني لي اي شي يعني جماد انسان ماهميتني رلا رحت ولا يت يعني والله فلا تعطي نفسك اهميه فوق حجمك وتضيع وقتك ترد على موضوعي قل خيرا او اصمت زين حبيبي

مع انك ما تستاهل اني ارد عليك عشان اثقف نوعيتك

الله يعفينا من ها الناس الي نفسك


يااخي انت حالتك صعبه

والظاهر مافهمت ردي عدل مشكله والله

وش جاب لجاب

انا اقول دام في موافقه لجنه وليش في موافقه وزير

انا اقول انا هذا الاجراء غلط

يالجنه ومع السلامه ولا موافقه وزير وانتهى الامر

هدي هدي

شوي

انا متعاطف مع حالتك مش متشمت فيك


الله ييسر امرك

تحياتي

لك

سلام

اجازه سعيده

[asadfg]

معلي اسمحلي اخوي فهمت ردك غلط الله يعطيك العافيه وسامحني وكلامك صحيح

الله كريم

[حسن]

معلي اسمحلي اخوي فهمت ردك غلط الله يعطيك العافيه وسامحني وكلامك صحيح

الله كريم

عادي ياخوك اخون وحصل خير


وان شاء الله ينظرون في امرك الصراحه سنتين علشان موافقه زواج

حرام يسرو ولا تعسرو

[الجوكر90]

السلام عليكم
انا ولد عمي تزوج وحده عندها وثيقه
قدم اوراقه وبعدين راح للوزير عشان المقابله
ووافقوا ع طول يمكن شهرين بدون واسطه
بس في فرق هي مواليد الدوحه يعني هاي يسهل الموضوع
ا1ا مغربيه او تونسيه او اوروبيه او امريكيه شوي يبيلها واسطه

[الخيالة]

السلام عليكم
انا ولد عمي تزوج وحده عندها وثيقه
قدم اوراقه وبعدين راح للوزير عشان المقابله
ووافقوا ع طول يمكن شهرين بدون واسطه
بس في فرق هي مواليد الدوحه يعني هاي يسهل الموضوع
ا1ا مغربيه او تونسيه او اوروبيه او امريكيه شوي يبيلها واسطه

وحده من مواليد الدوحه للحين ناطره الموافقه صار لهم قريب ثلاث سنوات الحين

[Gentleman]

ههههه
يضحكوني الي يقولك عند الوزير , الوزير فاضي يقعد يوقع علي الاوراق عندة الف شغلة وشغلة ( بس عشان التصريف يقولك في مكتب الوزير. الله يسلمك الملف عندهم وراح تأخذ من سنة الي سنتين بدون واسطة . واخر شي عبدالله المال هو الي يوقع عليها . هاي عام ظ¢ظ*ظ*ظ© مادري اذا غيروة ولا ليحين.


غلطان أخوي

أنا ملفي تحول بعد الموافقة للوزير وقلوا لي إذا غير عربية الوزير ما راح يوافق إلا إذا تقابله وطلبت مقابلة الوزير (سعادة وزير الدولة للشؤون الداخلية) واتصلوا فيني للمقابلة في وزارة الداخلية في الكورنيش ووافق سعادته على الزواج بعد المقابلة وسألني سؤال واحد فقط: إنت عسكري؟ فقلت له لا. هذا كان في سنة 2003. العملية كلها من الأول للآخر خذت شهرين بالضبط وتوسط لي أخ كريم جزاه الله خير ورحم الله والديه.

[Gentleman]

3 سنين أكيد فيه مشكلة (معارضة من أهل الرجل، اختلاف المذهب، فرق كبير في العمر، الرجل متزوج عدة مرات من قبل.... الخ).
الحين الأمور تمشي بدون واسطات حق الحالات العادية في حوالي 6 شهور أو أقل.

[Gentleman]

وحده من مواليد الدوحه للحين ناطره الموافقه صار لهم قريب ثلاث سنوات الحين

3 سنين أكيد فيه مشكلة (معارضة من أهل الرجل، اختلاف المذهب، فرق كبير في العمر، الرجل متزوج عدة مرات من قبل.... الخ).
الحين الأمور تمشي بدون واسطات حق الحالات العادية في حوالي 6 شهور أو أقل.

[نوآف]

الله يسهله لك لو كان فيه خير انشالله

[.:: القيصر ::.]

السلام عليكم

اخوي شيك الخاص

[الخيالة]

طمنا اخوي شصار معاك

[الخيالة]

3 سنين أكيد فيه مشكلة (معارضة من أهل الرجل، اختلاف المذهب، فرق كبير في العمر، الرجل متزوج عدة مرات من قبل.... الخ).
الحين الأمور تمشي بدون واسطات حق الحالات العادية في حوالي 6 شهور أو أقل.



حتي ولو يسروا ولا تعسروا اللي اعرفه اهل الرجل راضيين الرجال مب متزوج ولي كبير في العمر وبخصوص المذهب اذا صج هالشي سبب اعرف ناس خذوا من ويتنام تخيل ويتنام اللي ما عندهم ديانة لا والريال عسكري يعني كله واسطه بس حرام جذيه لان الزواج علي سنة الله ورسوله وكل واحد حر في اختيار شريكة حياته بيكون في ذمتهم اللي يتأخرون ويضيعون سنين عمرهم ويخلونهم ينطرون سنين عشان توقيع



الله يوفق الجميع ويسهل علي الجميع

[الخيالة]

حصلت هالمقال في جريدة العرب بس حق سنة 2011

من أعجب ما سمعت مؤخرا أن الدولة لا تعترف بزواج القطري من أجنبية حتى لو تم هذا الزواج فلن يصبح شرعيا بالنسبة له حتى يحصل على موافقة من وزارة الداخلية التي تحوله بدورها للجنة الزواج من أجنبيات، والمضحك المبكي في الأمر أنه إذا تزوج المواطن وأنجب دون علمهما فإنه لن يحصل على جنسية لأبنائه، أما إذا حصل على الموافقة بعد زواجه وإنجابه فإنه سيتم الاعتراف بمن استقبل الحياة من أبنائه بعد هذا التاريخ وليس قبل، كأنه لم يتزوج إلى الآن، فما مصير الأطفال الآخرين وكيف سيكون وضعهم..؟ فهل هذا منطق..؟، وهل معاملتهم بهذه الطريقة ترضي الله سبحانه وتعالى..؟ وماذا يفعل بهم..؟ فإذا كان الله بجلالته راضيا عن زواجهم وإنجابهم، وقد تزوجوا على شرعه وسنته، فهل يأتي من في الأرض بقوانينهم الوضعية ليرفضوا الاعتراف بهذا الزواج وبنوة الأطفال، فكيف ذلك..؟.
لست من المؤيدين لزواج القطري من أجنبية بل أعتبر أن حلاة الثوب رقعته منه وفيه، وذلك لاعتبارات نفسية واجتماعية وترابط لا يفقهه سوى أبناء الأرض الواحدة لكنني لست ضد شرع الله الذي لم يربط صحة الزواج بالهوية ولا بموافقة الدولة والداخلية ولجنة الزواج من أجنبيات.
ما دام الزواج شرعيا والأبناء نتاج رابطة مقدسة أمر الله فيها بأن ينسبوا لآبائهم، فإن حرمانهم من الاعتراف ونيل الجنسية ضد حقوق المواطنة، ولا يبيح للدولة هذا الإجراء التعسفي.
إن الزواج قسمة ونصيب، ومتى بلغ الشخص ثلاثين عاما فقد اكتمل عقله، مع أن القانون يعتبر ابن الثامنة عشر بالغا مسؤولا عن تصرفاته خاضعا للأحكام القانونية، ومن هنا لا أحد يملك توجيه حياته وهذه من ضمن مقومات حريته الشخصية ما دام لا يؤذي بها أحدا ومن ضمنهم بلاده.
فإذا رغبوا بتقليل هذا الاتجاه فعلى اللجنة الموقرة المسؤولة عن الزواج بأجنبيات بداية تزويج هؤلاء الشباب في الوطن بتسهيل إجراءاتهم ودعمهم ماليا من خلال قنوات تحل مشاكلهم، وتملك معايير السبل لذلك كتوفير خطابات والاتصال بالجمعيات الخيرية والمتبرعين والقطاع الخاص لتسهيل النفقات ودعمها والحصول على خصومات لتذليلها، وإذا أصر الشخص على موقفه لارتباطه عاطفيا فليحاولوا من خلال اختصاصيين اجتماعيين توضيح المخاطر والآثار والنتائج لمثل هذه الزيجات على المجتمع والأطفال، فإن كان ما زال على تمسكه بقراره وكان مرتبطا وأبا بالأساس لأسرة قائمة فمن حقه الاعتراف، وحق هؤلاء الأطفال شرعا والتزاما الجنسية دون عقبات وإذلال.
إن معاملة الناس كأنهم لا يفقهون شيئا، وبأن هناك سلطات أعلى تقرر مصائرهم دون اقتناعهم بذلك ودون مراعاة ظروفهم يؤدي لتكبدهم فترات ثمينة من حياتهم ومستقبل أطفالهم، ويعتبر هذا تعنتا واستهتارا بحياة المواطنين يضيع سنوات طويلة من عمرهم في الانتظار والضياع، وعدم معرفة ما يخططون له وما يتطلعون إليه وما خطوتهم الثانية لأن الأولى غائمة.
حياة الناس أمانة وعلى الداخلية حسم هذا الموضوع بالتفاهم مع المتقدمين بأسلوب حضاري يواكب العصر، ولا يدفعهم للهجرة أو البحث عن جنسيات أجنبية تشتت أطفالهم أو التخلي عنهم يأسا وقلة حيلة، بينما نحتاج إلى زيادة عدد السكان نفقد أبناء من هذا الوطن معلقين في بقاع الأرض، لأن والدهم لم يحصل على موافقة الداخلية قبل إنجابهم وهي لن تمنحه إياها إلا بواسطة أو معجزة وليس كل الناس ذوو حظ عظيم.